Ju kujton gje data e sotme? [Arkiva] - Faqja 2

Nosh

19-03-2011, 11:24

Me 19. mars 1721 - Vdiq Papa Klementi XI (lindi më 1649).
Papa Klementi XI, Gjon Françesk Albani u lind në Urbino (http://sq.wikipedia.org/w/index.php?title=Urbino&action=edit&redlink=1) (Itali (http://sq.wikipedia.org/wiki/Italia)) me 23 korrik (http://sq.wikipedia.org/wiki/23_korrik) 1649 (http://sq.wikipedia.org/wiki/1649). Me 9 tetor (http://sq.wikipedia.org/wiki/9_tetor) 1700 (http://sq.wikipedia.org/wiki/1700) fillon detyrën e Papës (http://sq.wikipedia.org/wiki/Papa). Papa Klementi XI - Albani vdiq me 19 mars (http://sq.wikipedia.org/wiki/19_mars) 1721 (http://sq.wikipedia.org/wiki/1721)kishën katolike (http://sq.wikipedia.org/wiki/Kisha_katolike_romake) për 21 vjet rrjesht dhe rreshtohet i katërti për nga vitet ne krye të Kishës Katolike mbas Shën Pjetrit (http://sq.wikipedia.org/wiki/Sh%C3%ABn_Pjetri) me 35 vjet, Papa Pio IX (http://sq.wikipedia.org/w/index.php?title=Papa_Pio_IX&action=edit&redlink=1) me 31 vjet, Papa Gjon Pali (http://sq.wikipedia.org/w/index.php?title=Papa_Gjon_Pali&action=edit&redlink=1)-t me 26 vjet.
http://upload.wikimedia.org/wikipedia/commons/2/20/Clement_XI.jpg

Ndihmesa e Klementit XI për Shqipërinë

Shpresa e vazhdueshme e papës me origjinë shqiptare Klementit XI për të bashkuar Krishterimin, dha rezultate të gjëra në Shqipëri ku Kisha katolike romake (http://sq.wikipedia.org/wiki/Kisha_katolike_romake) dhe ajo ortodokse bashkëjetuan për një periudhë. Klementi XI, u interesua shumë për rilindjen politike dhe fetare të atdheut të vet. I përket asaj periudhe mbajtja e “këshillit fetar të parë kombëtar shqiptar” (1703) i cili shënoi ndryshimet rrënjësore në linjën e veprimit të klerit për çështjet dogmatike, morale, kanunore dhe ipeshkvore.
Ndërkohë ndryshime ishin vënë re edhe në krahun ortodoks. Priftërinj të shumtë ortodoksë nga Shqipëria, i kishin drejtuar Papës kërkesa ndihme për mbështetje politike duke sjellë edhe një afrim fetar. Kështu në fillim u arrit një farë bashkimi, porse më tej, meqë nuk ishte në lartësinë e duhur, u arrit hapja e selive të kryepeshkopatave për dioqezat (http://sq.wikipedia.org/wiki/Dioqeza) latine të Ohrit (http://sq.wikipedia.org/wiki/Ohri) dhe Shkupit (http://sq.wikipedia.org/wiki/Shkupi). Një mision i ritit bizantin funksiononte në Himarë (http://sq.wikipedia.org/wiki/Himara) qe nga viti 1628 (http://sq.wikipedia.org/wiki/1628). Përveç kësaj, në shekullin XVIII, në shumë zona verilindore dhe qendrore u vu re dukuria e kriptokrishterimit (krishterimi i fshehur), e cila zgjati deri në ditët tona (sidomos gjatë periudhës enveriste (http://sq.wikipedia.org/wiki/Enver_Hoxha)) ; e edhe ata që përqafuan islamin, parapëlqyen në shumicë sektet më heterodokse dhe më pak të largëta nga krishterimi, si psh bektashinjtë. mbasi e udhëhoqi

Familja Albani

http://upload.wikimedia.org/wikipedia/sq/thumb/d/de/Familja_albani.jpg/220px-Familja_albani.jpg

Familja Albani e ka prejardhjen nga familja fisnike e Mikel Laçit, nga Laçi (http://sq.wikipedia.org/wiki/La%C3%A7i) i Kurbinit (http://sq.wikipedia.org/wiki/Kurbini). Mikel Laçi pati dy djem Giorgio (http://sq.wikipedia.org/w/index.php?title=Giorgo_di_Michele_de%E2%80%99_Lazi&action=edit&redlink=1) (Gjergj Mikeli i Laçit) dhe Filippo di Michele de’ Lazi (http://sq.wikipedia.org/w/index.php?title=Filippo_di_Michele_de%E2%80%99_Laz i&action=edit&redlink=1), (Filip Mikeli i Laçit) ish luftëtarë nën urdhrat e Skënderbeut (http://sq.wikipedia.org/wiki/Sk%C3%ABnderbeu) të cilët u vendosën në Urbino, ku Federico (http://sq.wikipedia.org/w/index.php?title=Federico_di_Montefeltro&action=edit&redlink=1) dhe Guidobaldo di Montefeltro (http://sq.wikipedia.org/w/index.php?title=Guidobaldo_di_Montefeltro&action=edit&redlink=1) i emëruan njerëz të besuar për çështje diplomatike dhe luftarake. Gjergji pati dy djem, Altobelin dhe Hanibalin, edhe Altobeli pati dy djem, Oracion dhe Karlin. Karli është babai i Gjon Franceskut, papës se ardhshëm.
Morën mbiemrin Albanesi që jetëgjati Altobello (1445-1564), e ndryshoi në Albani. Nga kjo familje rrodhën, përveç Klementit XI, kardinalë (http://sq.wikipedia.org/w/index.php?title=Kardinali&action=edit&redlink=1) të shquar, diplomatë të mëdhenj dhe burra shteti të rrafshit të lartë :
- Giovanni Girolamo (http://sq.wikipedia.org/w/index.php?title=Giovanni_Girolamo&action=edit&redlink=1) (1509-1591) : kardinal dhe kont (http://sq.wikipedia.org/w/index.php?title=Konti&action=edit&redlink=1), zv-komandant i forcave të armatosura të Republikës së Venecias (http://sq.wikipedia.org/wiki/Venecia), kandidat për papë në dy konklave (http://sq.wikipedia.org/w/index.php?title=Konklava&action=edit&redlink=1), historiograf, këshilltar juridik vetjak i papës Gregori XIII (http://sq.wikipedia.org/w/index.php?title=Papa_Gregori_XIII&action=edit&redlink=1) (1572-1584) dhe papës Sisto V (http://sq.wikipedia.org/w/index.php?title=Papa_Sisto_V&action=edit&redlink=1) (1585-90).
- Oracio (1576-1653): diplomat, emëruar senator i Romës nga Papa Urbani VIII (http://sq.wikipedia.org/w/index.php?title=Papa_Urbani_VIII&action=edit&redlink=1)
- Annibale (1682-1751) : kanunor i Shën Pjetrit (http://sq.wikipedia.org/wiki/Sh%C3%ABn_Pjetri), president i Dhomës Apostolike (http://sq.wikipedia.org/w/index.php?title=Dhoma_Apostoloike&action=edit&redlink=1), sekretar i Memorialëve, kardinal (1711 (http://sq.wikipedia.org/wiki/1711)) dhe nunc (http://sq.wikipedia.org/w/index.php?title=Nunci&action=edit&redlink=1) i jashtëzakonshëm papnor në Vjenë (http://sq.wikipedia.org/wiki/Vjena) ku punoi për të ratifikuar zgjedhjen e perandorit Karli VI (http://sq.wikipedia.org/w/index.php?title=Karli_VI&action=edit&redlink=1) (1711-1740), kamerleng i Kishës Së Shenjte të Romës, kryekancelier i Dijes, kryeprift i Bazilikës (http://sq.wikipedia.org/wiki/Bazilika) së Vatikanit, peshkop (http://sq.wikipedia.org/wiki/Ipeshkvi) i Sabinës e më tej i Porto e Santa Rufina, nëndhjak (http://sq.wikipedia.org/w/index.php?title=Dhjaku&action=edit&redlink=1) i Kolegjit të Shenjtë.
- Alkssandri (1692-1779) : që në moshën pesëmbëdhjetëvjeçare u bë kolonel i ushtrisë së papës por shpejt e braktisi karrierën ushtarake, sekretar i Memorialëve, i dërguar në Vjenë, kardinal (1721 (http://sq.wikipedia.org/wiki/1721)), bibliotekar i Kishës Së Shenjtë të Romës, ambasador i Austrisë (http://sq.wikipedia.org/wiki/Austria) në Romë, mbrojtës i Mbretërisë së Sardenjës (http://sq.wikipedia.org/wiki/Sardenja), mbrojtës dhe mik i Winckelmannit, ndërtues i Villa Albanit (http://sq.wikipedia.org/w/index.php?title=Villa_Albani&action=edit&redlink=1) dhe përkrahës i shkëlqyer i arteve.
- Gjon Françesku, (Klementi i XI 1720 (http://sq.wikipedia.org/wiki/1720)-1803 (http://sq.wikipedia.org/wiki/1803)) : kardinal (1753 (http://sq.wikipedia.org/wiki/1753)), mbrojtës i Çështjeve të Polonisë (http://sq.wikipedia.org/wiki/Polonia), mori pjesë në bisedimet me Katerinën II (http://sq.wikipedia.org/w/index.php?title=Katerina_II&action=edit&redlink=1) (1762-93) për të vënë në vend gjendjen e të krishterëve në Rusi (http://sq.wikipedia.org/wiki/Rusia), peshkop i Sabinës e më pas i Porto e Santa Rufinas derisa më 1775 (http://sq.wikipedia.org/wiki/1775) si dhjak i Kolegjit të Shenjtë u bë peshkop i Ostias (http://sq.wikipedia.org/w/index.php?title=Ostia&action=edit&redlink=1) dhe Velletrit (http://sq.wikipedia.org/w/index.php?title=Velletri&action=edit&redlink=1), mbrojtës i Shtetit Papnor kundër Francës (http://sq.wikipedia.org/wiki/Franca) revolucionare dhe luftëtar i zjarrtë për zgjedhjen e papëve Klementi XVII (http://sq.wikipedia.org/w/index.php?title=Papa_Klementi_XVII&action=edit&redlink=1) (1758-1769) dhe Pio VII (http://sq.wikipedia.org/w/index.php?title=Papa_Pio_VII&action=edit&redlink=1) (1800-23).
- Giuseppe (1750-1834) : klerik i dhomës së papës Pio VI (http://sq.wikipedia.org/w/index.php?title=Papa_Pio_VI&action=edit&redlink=1) (1755-99), i dërguar i posaçëm në Vjenë për të çuar shiritin e bekuar në pagëzimin e kryedukës Ferdinand që më pas u bë perandor (1835-48), kardinal (1801) mbrojtës i perandorisë së Austrisë, bashkësekretar i Letrave Papnore dhe legat në Bolonjë, sekretar shteti i papës Pio VIII (http://sq.wikipedia.org/w/index.php?title=Papa_Pio_VIII&action=edit&redlink=1)papës Gregori XVI (http://sq.wikipedia.org/w/index.php?title=Papa_Gregori_XVI&action=edit&redlink=1) (1831-46) i ngarkuar për të kthyer rendin nëpër Dërgata (http://sq.wikipedia.org/w/index.php?title=D%C3%ABrgata&action=edit&redlink=1) pas lëvizjeve revolucionare (1831-46), bibliotekar i Kishës së Shenjtë të Romës, peshkop i Urbinos dhe legat i Dërgatës së Pezaros dhe Urbinos.
Pas vdekjes së Filipit, më 1852 familja u shua. Është diçka e veçantë dhe për t’u vënë re që pothuajse njëkohësisht me familjen shqiptare të Albani-t, në Lindje, një tjetër derë e madhe shqiptare vezirësh të mëdhenj, përcaktonte fatet e perandorisë otomane në shekujt XVII-XVIII : familja e Qyprillinjve. Para papës Klementi XI, tre papë të tjerë kishin qenë me origjinë shqiptare : San Eleuterio (175-189), San Caio (283-296) dhe Giovanni IV (640-642). (1623-44). (1829-30), dhe komisar i jashtëzakonshëm i

Me 19 mars 1776 - Kur ndërtesa e misionit katolik të San Huan Kapistrano, përfundoi së ndërtuari, dallëndysheve iu duk e përshtatshme të ndërtonin çerdhet e tyre prej balte nën strehët mbrojtëse të ndërtesës. Që nga ajo kohë, çdo vit tufa të mëdha dallëndyshesh, kthehen çdo 19 mars tek misioni dhe lagjja përreth. Ato nisen nga një rajon i Argjentinës dhe përshkojnë një largësi prej 9 mijë e 600 kilometrash. Nga të dhënat e deritanishme del se dallëndyshet janë vonuar vetëm një herë, për shkak të një stuhie në det.

Me 19 mars 1949 - Vdiq Vinçens Prenushi, shkrimtar shqiptar.
http://upload.wikimedia.org/wikipedia/sq/6/6b/Vin%C3%A7ensPrennushi.jpg

Vinçens Prennushi lindi në Shkodër (http://sq.wikipedia.org/wiki/Shkod%C3%ABr) më 4 shtator (http://sq.wikipedia.org/wiki/4_shtator) 1885 (http://sq.wikipedia.org/wiki/1885) në një familje modeste, në Lagjen Rus, në rrugicën e Makajve.

Jetëshkrimi

Prindët e tij ishin Gjon e Drande Prennushi. Është pagëzuar me emnin Kolë. Mësimet e para i mori në vendlindje dhe i vazhdoi në seminarin e njohtun të Troshanit, ku, ju kushtue Urdhnit Françeskan (OFM) me 1900. Më 25 mars 1908, shugurohet meshtar i Urdhrit Françeskan O.F.M. duke marrë dhe emrin Át Vinçenc. Shkollën për teologji e filozofi e kreu në Tirol (http://sq.wikipedia.org/w/index.php?title=Tirol&action=edit&redlink=1) të Austrisë (http://sq.wikipedia.org/wiki/Austris%C3%AB). U bë njohës i mirë i shumë gjuhëve dhe kulturave evropiane, sidomos asaj gjermane. “Kangët” e Prennushit u bënë themeli mbi të cilin më vonë do të ngrihej vepra monumentale kombëtare; “Visaret e Kombit”. Ky botim pati një jehonë të gjerë në vend, por sidomos në emigracionin shqiptar. Me të ardhun në Atdhe përjetoi një nga ngjarjet ma të randa të qytetit të vet të lindjës, së Shkodres së rrëthueme nga malazezët dhe pushtimit të saj të përkohshëm në vitin 1913, ku preku me dorë “lugën e urisë” së cilës, pak ditë mbas fitimit të Lirisë dhe bashkimit të qytetit me Shqipninë e Pavarun, do t’ishte pikërisht Ky At Vinçenc, që me 14 Mars 1914, kur në Kështjellën “Rozafat” (http://sq.wikipedia.org/wiki/Kalaja_e_Shkodr%C3%ABs) u ngrit me brohoritjen e mbarë Popullit të Shkodres, i Lumnueshmi Flamur Kombëtar, do të ishte Ai frati i zgjedhun që do të mbante fjalimin e rastit aty. Në vitin 1917, ishte anëtar i “Komisisë Letrare Shqipe” në Shkodër ku u përcaktuan rregullat e para të drejtshkrimit të gjuhës shqipe. Më 1918 botoi "Fjala e Zotit" si he "Grueja shqyptare" e para vepër letrare e tij e botuar në shtypshkronjën françeskane. Më 1919, botoi dhe shfaqi në Shkodër dramën “E tradhtuemja”, një përshtatje e goditur nga T. A. Rolando. Në vitin 1921, në moshën 36 vjeçare, boton përmbledhjen e njohur poetike: “Gjeth’ e Lule”. Poezi të bukura, të ëmbla e delikate. Ai ishte pendë letrare dhe shkencore ndër fletoret ma në za të klerit, ishte një drejtues i “Hyllit të Dritës (http://sq.wikipedia.org/wiki/Hylli_i_Drit%C3%ABs)”, ”Lajmtari i Zemrës së Krishtit”, “Zani i Shna Ndout” por, ai ishte edhe një ndër thëmeluesit e bashkëpunëtorët e grupit ma me rëndësi të Opozitës Shqiptare, që në vitin 1923–24 formuen edhe fletorën e tyne “Ora e Maleve”, ku, At Vinçenci, ashtë ndër penat ma me vlerë të demokracisë që posa kishte lindë në Shqipëni (http://sq.wikipedia.org/wiki/Shqip%C3%ABria). Më 1924 boton broshurën "Ndër lamijet e demokracisë së vërtetë (http://sq.wikipedia.org/w/index.php?title=Nd%C3%ABr_lamijet_e_demokracis%C3% AB_s%C3%AB_v%C3%ABrtet%C3%AB&action=edit&redlink=1)", At Vinçenci jep mendime të sakta për një shtet të andrruem demokratik të tipit Përëndimor. Botoi përkthimin e bukur “Fabiola” apo “Kisha nën dhe e mbi dhe” e Kardinalit Visseman. Përktheu gjithashtu disa vepra nga Dante. Në vitin 1933, përktheu e botoi romanin “Quo Vadis” (Ku po shkon?) të E. Sienkievicz-it. Në vitin 1939, përktheu dhe botoi romanin e Silvio Pelico-s “Burgjet e mia”. Në vitin 1940, u emërua Argjipeshkëv i Durrësit. Me 19 Mars 1936 Selia e Shenjtë e emënon ipeshkëv i Sapës, detyrë që e mban deri në vitin 1940, kur emënohet Argjipeshkën Metropolitan i Dioçezit të Durrësit, duke pasë nën administrim kryeqytetin Tirana. Mbas vdekjes së Imzot Gaspër Thaçit (http://sq.wikipedia.org/w/index.php?title=Gasp%C3%ABr_Tha%C3%A7i&action=edit&redlink=1), në Shkoder me 26 Maji 1946 dhe arestimit të Don Mikel Koliqit (http://sq.wikipedia.org/wiki/Mikel_Koliqi), famullitar i Shkodres, Imz. Prennushi ngarkohet me detyren e Primatit Katolik të Shqipnisë. Nuk duhet lanë pa theksue se mbas vitit 1940, kur ashtë edhe administrator i Tiranës, ai kishte përkrah Imz. Luigj Bumçin (http://sq.wikipedia.org/w/index.php?title=Luigj_Bum%C3%A7i&action=edit&redlink=1), Don Shtjefën Kurtin (http://sq.wikipedia.org/w/index.php?title=Shtjef%C3%ABn_Kurti&action=edit&redlink=1), At Pjetër Meshkallën (http://sq.wikipedia.org/wiki/Pjet%C3%ABr_Meshkalla), At Anton Harapin (http://sq.wikipedia.org/wiki/Anton_Harapi), At Mati Prennushin (http://sq.wikipedia.org/wiki/Mati_Prennushi), Don Lazër Shantojën (http://sq.wikipedia.org/wiki/Laz%C3%ABr_Shantoja), të cilët kanë lanë mbresa të pashlyeshme në jetën e kryeqytetasve. Gjendja e keqe shëndetësore e Bumçit, në vitin 1945 ndoshta, randoi punën e Imzot Prennushit, por fatmirësisht ky jo vetëm e kreu me ndërë detyrën e klerikut të divoçëm, por edhe nuk i la kurgja mangut Imzot Bumçit edhe në fushën politike dhe, pikërisht, në fazën ma delikate të historisë përballë pushtimit fashist italian, atij gjerman dhe së fundit, atij sllavo-komunist jugosllav e rus, të vitit 1944. Gjithnji, duke ndjekur mësimet e Fishtës (http://sq.wikipedia.org/wiki/Gjergj_Fishta), me fjalë të tjera, duke i pranuar modelet popullore, ai bëri që nëpër shkrimet e tij të rrjedhë gjuha e ambël e qytetit të tij të lindjes. Me një stil të hijshëm ai arriti të krijojë një aradhë shkrimtarësh që e imituan.[2] (http://sq.wikipedia.org/wiki/Vin%C3%A7ens_Prenushi#cite_note-VP-1) Prennushi mblodhi kangët e vallet e “Dasmës Shkodrane” dhe pikërisht këtu ai tregoi më mirë se askund tjetër kumbimin e ambël të fjalës shkodrane. Në fakt, trajtat janë me të vërtetë shkodrane, por, përmbajtja është mbarëkombëtare.
Në vitin 1945 Enver Hoxha (http://sq.wikipedia.org/wiki/Enver_Hoxha), i kërkon një takim Imzot Prennushit dhe ky e pranon. Në atë takim asht kenë prezent edhe Imzot Gaspër Thaçi.

Tubimi i 6-mujorshit të pavarësisë, i festuar nga shkodranët në Kalà, ku Át Vinçenc Prennushi mbajti fjalimin e tij.
Me datën 19 maj 1947 Imzot Prennushi, arrestohët dhe si të tjerët fillon Kalvarin. Me datën 18 dhetor 1947, Gjykata Ushtarake e Durrësit e përberë nga: Kryetari, major Gjon Banushi, anëtarë, major Zhule Çiriako, kapiten Halim Ramohito dhe prokuror, kapiten Petrit Hakani, hapin gjyqin. Vëndimi i Gjykatës së Durrësit përcillet për shqyrtim në Gjykatën e Naltë të Tiranës, bashkë me një relacion të prokurorit të Durrësit, i quejtun Sotir Qiriaqi (data, 1 dhetor 1947). Gjykata e Naltë Ushtarake Tiranë e përberë nga: Kryetar, major Niko Ceta, anëtarë, kapiten Nexhat Hyseni, kapiten II Mustafa Iljazi dhe sekretar aspirant Thoma Rino, me datën 23 shkurt 1948, mbasi shqyrtoi çeshtjën e të pandehurve….”refuzon kërkesen e tyre”….

http://upload.wikimedia.org/wikipedia/sq/4/4d/Tubiminekal%C3%A0.jpg

Vinçenc Prennushi deklaron se lufta ime ishte kundër komunistave e Partisë Komuniste që të mos egzistonte, kur të formohej Pushteti që mendonim me zbarkimin e amerikanëve.”. Më 19 mars (shkurt ) 1949 vdes nga torturat më çnjerzore në burgun e Durrësit. Shpallet "Martir i Demokracisë (http://sq.wikipedia.org/w/index.php?title=Martir_i_Demokracis%C3%AB&action=edit&redlink=1)" më 8 maj (http://sq.wikipedia.org/wiki/8_maj) 1993 (http://sq.wikipedia.org/wiki/1993) në Durrës (http://sq.wikipedia.org/wiki/Durr%C3%ABs).

Marisa

19-03-2011, 15:21

Diten e emrit te babit tim :p

Nosh

20-03-2011, 13:24

Me 20 mars 1920. - Lindi Qemal Stafa, shkrimtar shqiptar.
http://upload.wikimedia.org/wikipedia/sq/c/c1/Qemal_Stafa.JPG

Qemal Stafa (Brutus) lindi në Elbasan (http://sq.wikipedia.org/wiki/Elbasan) më 20 mars (http://sq.wikipedia.org/wiki/20_mars) të vitit 1920 (http://sq.wikipedia.org/wiki/1920) në një familje patriote; vdiq më 5 maj (http://sq.wikipedia.org/wiki/5_maj) 1942 (http://sq.wikipedia.org/wiki/1942). Ishte figurë e shquar e lëvizjes dhe e Luftës ANÇ. Nxënës në gjimnazin e shtetit të Shkodrës, hyri në një nga celulat e qytetit, mori pjesë në lëvizjen revolucionare të rinisë, u bë një nga drejtuesit e shoqërisë jashtë shkollore Besa Shqiptare. Në Tiranë u lidh me Vasil Shanton (http://sq.wikipedia.org/wiki/Vasil_Shanto), u organizua në GK të Shkodrës (1937) dhe së bashku me Vasil Shanton zhvillon veprimtari revolucionare, lidhet me punëtorët, organizon aksione të rinisë shkollore. Në janar 1939 u arrestua e u dënua me burgim nga gjyqi i regjimit të Zogut. Në gjyq nga i akuzuar u kthye në akuzues i regjimit e rendit feudalo-borgjez. Në prag të pushtimit fashist të Shqipërisë arratiset nga burgu dhe bashkë me Vasil Shanton organizon qëndresën antifashiste, punon pa u lodhur për tërheqjen e rinisë në luftë kundër pushtuesit të huaj. Vijoi përkohësisht studimet në Itali dhe pas kthimit në atdhe u hodh në ilegalitet. Kreu me sukses shumë detyra të rëndësishme për organizimin e forcimin , për luftën e armatosur kundër pushtuesve fashistë e tradhtarëve të vendit, për demaskimin e shpartallimin e elementëve përçarës etj. U rrethua nga fashistët në Tiranë dhe duke luftuar heroikisht u vra në 5 maj 1942. Qemal Stafa ishte dhe letrar i talentuar. Krijimtaria e tij u takon kryesisht viteve të rinisë. Shkroi tregime, skica e vjersha, një pjesë e të cilave u botuan me pseudonimin Brutus në shtypin përparimtar të kohës. Radhitet ndër letrarët e rinj realistë të viteve 30. Në shkrimet e tij u ngrit kundër realitetit shoqëror të kohës, vuri në qendër njerëzit e thjeshtë që vuanin nga padrejtësitë shoqërore, dha portrete të luftëtarëve e të njerëzve me karakter të fortë që nuk mposhten nga vështirësitë, që luftojnë për një botë të re. Në një varg shkrimesh me karakter publicistik Qemal Stafa paraqiti haptazi idetë e tij revolucionare me pjekuri e bindje. Trashëgimi i tij letrar është përmbledhur në vëllimin "Qortimet e vjeshtës"(1961).
Pas Çlirimit emrin e Qemal Stafa e mbajnë rrugë e sheshe, shkolla e institucione, qendra pune e reparte ushtarake. Në kryeqytet, në sheshin që mban emrin e tij, është ngritur busti i heroit.

Me 20 mars 1969. - U themelua Kosovafilmi, organizatë për prodhimin, distribuimin dhe shfaqjen e filmave.

Nosh

21-03-2011, 11:09

Dita botërore e poezisë

Dita e pranverës

Me 21 mars 1685 - Në Ajzenah ka lindur Johan Sebastian Bah, kompozitor gjerman, njëri prej kompozitorëve më të mëdhenj në historinë e muzikës. Ka vdekur në Lajpcig, më 28 korrik të vitit 1750.

Nosh

25-04-2011, 11:40

Me 25 prill 1846 - Lindi në Frashër një nga figurat më të ndritura të rilindjes kombëtare, poeti dhe patrioti Naim Frashëri. Mësimet e para i mori në vendlindje dhe i vazhdoi në gjimnazin grek Zosimea të Janinës. Në 1871 punon në Stamboll në drejtorinë e shtypit. Krahas detyrave të rëndomta për bukën e gojës ai shkruan dhe punon për çështjen kombëtare. Më 1880 nga pena e tij doli poema "Shqipëria". Nevoja e kthen përsëri në Stamboll ku punon këshilltar në Ministrinë e Arsimit. Më 1884 boton vëllimin poetik "Ëndërrime", që u pasua nga poema baritore "Bagëti e bujqësi" një nga perlat e letërsisë sonë. Nga pena e tij, sipas nevojave që diktonte koha, dalin "Dituri për mësonjtoret e para", një nga tekstet e para shkollore, por dhe përmbledhja poetike "Lulet e verës", "Dashuria" në greqisht, "Historia e Skënderbeut" dhe "Qerbelaja".

Me 25 prill 1911 - U vra pabesisht atdhetari Rushit Dine Halili. U lind në Konispol më 1850 në një familje patriotike çame. Ai ishte bashkëpunëtori i afërt i rilindasit të ndritur Hasan Tasini dhe zhvilloi një veprimtari të dendur për zgjimin e ndërgjegjes kombëtare tek shqiptarët. Në 1895 shtëpia e tij në Konispol u kthye në një klub të fshehtë, në një mësonjtore ku të vegjël e të rritur mësonin fshehurazi të shkruanin e të lexonin gjuhën e tyre amëtare.

Me 25 prill 1920 - Kryetari i delegacionit shqiptar në Paris, Mehmet Konica, nëpërmjet një telegrami adresuar Konferencës së fuqive aleate në San Remo, i kërkon respektimin e pavarësisë dhe tërësisë tokësore të shtetit shqiptar. Populli shqiptar, thekson ai, nuk do të pranojë më cungime të reja të tokës së tij dhe është i vendosur të mbrojë me të gjitha mënyrat pavarësinë e vendit të vet.
Me 25 prill 1921 - U themelua në Vlorë federata "Atdheu". Në të u përfshinë shumë organizata përparimtare të vendit. Shoqërinë "Inteligjenca e Kosovës" e përfaqësonte gazetari i shquar Bedri Pejani. Me këtë rast ai mbajti një varg konferencash politike ku shprehu pikëmpamjet dhe idetë e tij për një Shqipëri etnike.
Me 25 prill 1933 - U nda nga jeta albanologu i shquar hungarez Baron Franc Nopçe, i cili punoi disa vjet në Shqipëri. Ai ishte specialist në fushën e gjeologjise dhe panteologjisë. Përgjatë udhëtimeve në Shqipërinë e veriut e tërhoqën edhe studimet etnografike aq karakteristike dhe origjinale për një të huaj që shkelte tokat arbërore.

Me 25 prill 1993- Trupa e teatrit "Migjeni" të Shkodrës vuri në skenë dramën "Vëllai i Zotit tonë" ( "Fratello del nostro Dio"), shkruar nga Papa Gjon Pali II. Drama u shfaq me rastin e vizitës së shenjtërisë së tij në qytetin e Shkodrës.

Me 25 prill 1997 Shtypi shqiptar botoi mesazhin e Nënë Terezës që i dërgonte popullit shqiptar. Në të ajo shprehte shqetësimin e thellë për gjendjen e krijuar në Shqipëri dhe ngjarjet tronditëse që po ndodhnin.

Me 25 prill 2003 - Vdiq në Tiranë Robert Shvarc, personalitet i shquar i kulturës sonë kombëtare. Shvarci, si përkthyes i rrallë, përtëriti traditën e përkthimit të Nolit, Konicës, Kutelit e shumë të tjerëve, duke i dhënë lexuesit veprat e autorëve më të njohur evropianë dhe latino amerikanë. Robert Shvarc ka qenë mbrojtës i flaktë dhe kërkues i shquar i gjuhës shqipe. Ai ka lindur në Sarajevë më 10 dhjetor 1932. Për vlerat e tij artistike u nderua me titullin e lartë "Mjeshter i Madh".

Ilir_Gjokaj

25-04-2011, 20:59

25 prill,18-vjetori vizitës së Gjon Palit II në Shqipëri. (http://www.radiovaticana.org/alb/Articolo.asp?c=481591)

Nosh

26-04-2011, 14:46

- Zoja e Shkodres , Papa Gjon Pali i II rivendos fugaren e Zojes Shkodres sjellë nga Gjenecani në kishën e Zojës së Shkodres me 26 prill 1993

- Sot është Dita botërore e drurit

- Sot është Dita botërore e pronësisë intelektuale

Me 26 prill 1788 - Ali Pashë Tepelena filloi fushatën ushtarake për marrjen e Janinës. Beteja e parë e tij kundër bejlerëve të bashkuar u zhvillua në brigjet e liqenit. Ai theu kundërshtarët dhe rrethoi Janinën. Qytetin e mori pa luftë, me ndihmën e miqve të vet grekë dhe sidomos të banorëve të Zagorisë. Sikurse shkruan një kronist francez, Ali Pashë Tepelena hyri në qytet në mes të brohoritjeve të popullit.

Me 26 prill 1910 - Fshatarët e Grykës së vogël në zonën e Dibrës u ngritën për të mbrojtur kaçakun Azis Xheka që ndiqej nga ushtria osmane. Nëntë malet e Dibrës u ngritën kundër osmanëve. Xheladin Manjani, një nga kryengritësit dhe luftëtarët e atyre ditëve në kujtimet e tij shkruan se kryengritja kishte motivin e madh për te mos lënë te hy në malet tona asqeri i Turqisë.

Me 26 prill 1915 - U nënshkrua traktati i fshehtë i Londrës, nga përfaqësues të Italisë, Anglisë, Francës dhe Rusisë. Ai e copëtonte edhe më shumë Shqipërinë e cunguar. Sipas tij Italia merrte Vlorën dhe Sazanin, Greqia prefekturën e Korçës, të Gjirokastrës dhe gjithë rrethet e tyre, Serbia dhe Mali i zi, Shkodrën, Kosovën etj. Me krahinat që mbeteshin formohej një principatë myslimane. Gjymtimi i parë i Shqipërisë më 1913 ishte me pasojë fatale për popullin dhe vendin tonë. Ai ndërpreu formimin e tregut kombëtar, ndërpreu marrëdhëniet ekonomike dhe kulturore tradicionale me trevat e mbetura jashtë kufinjëve shtetërorë. I hapi udhë procesit të shkombëtarizimit, të shpërnguljes me dhunë, eliminimit fizik të shqiptarëve, sllavizmit dhe helenizimit të tyre.

Me 26 prill 1919 - Konferenca e Paqes që zhvilloi punimet në Paris, miratoi statusin e Lidhjes së Kombeve. Vendi ynë u antarësua në këtë organizatë në vitin 1920.

Me 26 prill 1919 - Në Shqipërinë e mesme u adoptua një ndërtesë e zakonshme si spital, nga vullnetarët e Kryqit të kuq amerikan që kishin ardhur në vendin tonë. Afërsisht në të njëjtën kohë një ndërtesë e zakonshme banimi u adoptua për spital dhe në Elbasan duke hapur edhe atje një qendër shëndetësore.

Me 26 prill 1963 - Në skenën e teatrit profesionist "Andon Zako Çajupi" të Korçës u dha premiera e pjesës "Demaskimi i Blanko Posnatit" të dramaturgut anglez Bernard Shou.

Me 26 prill 1980 - Korçës turistike iu shtua një objekt i rëndësishëm jo vetëm për ne shqiptarët por edhe për të huajt, "Muzeu i artit mesjetar". Aty pasqyroheshin veprimtari dhe krijimtari të gjeshtrave dhe artistëve shqiptarë në shumë fusha të jetës. Punimet në gur përfshijnë objekte të shekullit të 13-të, punimet në metal kryesisht objekte të përdorimit të përditshëm, zbukurime dhe objekte të kultit të punuar kryesisht në ar dhe argjend. Interes të veçantë paraqet pavijoni i pikturës mesjetare me ikona të punuara gjatë shekujve 12-të dhe 14-të. Muzeu është i pajisur me laboratorët e restaurimit dhe të fotografisë dhe në sallën e fondeve ku ruhen mbi 7 mijë objekte.

sabina.pz

26-04-2011, 16:56

26 PRILL Dita ndërkombëtare e pronësisë intelektuale. Kjo ditë filloi të kremtohet prej vitit 2000 nga ana e Organizatës Botërore të Pronësisë Intelektuale (World Intellectual Property Organization - WIPO)

Nosh

27-04-2011, 11:17

Sot me 27 prill në Kosovë shënohet Dita e të zhdukurve dhe e të pagjeturve, ndërsa nuk dihet ende për fatin e 1800 qytetarëve të Kosovës, të cilët u rrëmbyen nga forcat e pushtuesit serb, gjatë luftës së fundit në Kosovë.

Me 27 prill 1463 U nënshkrua në Shkup marrëveshja e paqes midis forcave shqiptare dhe ushtrive osmane. Gjatë vitit 1462 Sulltan Mehmeti i dytë dërgoi kundër Shqipërisë tre ekspedia njërën pas tjetrës. Luftëtarët shqiptarë, nën udhëheqjen e Gjergj Kastriotit, i thyen ato dhe e detyruan sulltanin të kthehet. Një vit më vonë ai u detyrua të nënshkruajë paqen me shqiptarët, e cila nuk zgjati veç një vit.

Me 27 prill 1911 - U mbajt Kuvendi i dymbëdhjetë i Bajraktarëve të Lezhës dhe Mirditës. Në këtë tubim u diskutua shpallja e kryengritjes së armatosur kundër pushtuesve osmanë. Nga kjo datë e deri në shpalljen e Pavarësisë në Vlorë, në Lezhë u organizuan edhe tre kuvende të tjera.

Me 27 prill 1916 - Revista rumune "Artasi frumosul" botoi gjashtë pamje të një monumenti të rëndësishëm arkitektonik "Avantul Tarili", të projektuar nga arkitekti shqiptar Kristo Sotiri në Kostancë të Rumanisë. Po atje bashkatdhetari ynë i njohur ka projektuar një kompleks banjash, një faltore dhe katër blloqe banimi. Veprimtaria e këtij arkitekti shtrihet edhe në vende të tjera. Kështu në kryeqytetin egjiptian ai ka projekuar një bankë, ka kryer punime të rëndësishme në Itali e Greqi.

Me 27 prill 1924 - Doli në Tirane numri i parë i gazetës së përjavshme politike dhe letrare "Tirana". Ajo trajtoi çështje që kishin të bënin me përmirësimin organizativ dhe funksional të shtetit dhe përmirësimin e jetës së popullit.

Me 27 prill 1947 - U vu në skenën shqiptare të teatrit, komedia e Molierit "Tartufi". Një meritë e veçantë për suksesin e madh që pati spektakli i takon regjisë së Sokrat Mios, i cili si njohës i mirë i dramaturgjisë franceze në përgjithësi dhe i krijimtarisë së Molierit në veçanti, realizoi një spektakël që do të mbetet si shembull në repertorin e trupës sonë kombëtare. Suksesin e pjesës e siguroi edhe loja e bukur e artistëve tanë të talentuar, Gjon Karma, Behije Çela, Drita Pelingu, Andon Pano, etj.

Me 27 prill 1982 - U nda nga jeta shkrimtari, përkthyesi dhe pedagogu Skënder Luarasi. Veç të tjerash në biografinë e tij shtohet kontributi si folësi i parë i mikrofonit, si gazetar dhe korrespondent i emisioneve të para në gjuhën shqipe. Skënder Luarasi ishte ndër vullnetarët e parë që shkoi në brigadat ndërkombëtare në mbrojtje të Republikës spanjolle. Atje lindën dhe emisionet e përditshme në gjuhën shqipe që jepeshin nga Radio Madridi dhe Radio Barcelona. Ato ju besuan Skënder Luarasit. Ato qenë hapat e parë të radiopërhapjes në gjuhën shqipe dhe paralajmëruan në mënyrë të përsëritur rrezikun që e kërcënonte Shqipërinë nga nazifashizmi.

Monika

27-04-2011, 13:46

27 Prill 1999 - Në fshatin Meje të Gjakovës u vranë dhe masakruan mbi 377 shqiptarë (burra, gra, pleq, të ri e fëmijë) nga gjandarrmëria serbe.

http://i55.tinypic.com/156p9g6.jpg

Nosh

29-04-2011, 00:01

Me 28 prill 1900 - Ismail Qemali, bashkë me djemtë e tij, u arratis nga Turqia, gjë që bëri një bujë të madhe. Patrioti shqiptar qëndroi në Greqi e më pas në Itali, ku pati takime dhe bisedime me autoritetet e atyre vendeve. Në Napoli, në një intervistë që i dha gazetës së Romës "Tribuna", ai për herë të parë bëri publik programin e tij kombëtar. Në Bruksel Ismail Qemali botoi në revistën e Faik Konicës "Albania" një thirrje drejtuar shqiptarëve. Këto qenë shkëndijat që çuan në ngritjen e flamurit në Vlorë në nëntor të 1912.

Me 28 prill 1909 - Në qytetin e Elbasanit u krijua shoqëria kulturore "Afërdita", e cila zhvilloi një veprimtari të gjerë në shërbim të çështjes së lirisë, pavarësisë dhe përparimit të atdheut.

Me 28 prill 1911 - U krijua Komiteti për drejtimin e kryengritjes së armatosur në Shqipërinë e Jugut. Ajo vendosi lidhjet me organizatat patriotike brenda dhe jashtë vendit. Mblodhi mjete financiare dhe armë dhe u bëri të njohur fuqive të mëdha karakterin dhe kërkesat kombëtare të lëvizjes shqiptare për çlirim.

Me 28 prill 1917 - Në sallën e Kishës shqiptare të Bostonit, nën drejtimin e At Fan Nolit, u krijua federata panshqiptare "Vatra". Në të u bashkuan shoqëritë patriotike të mërgimtarëve shqiptarë "Besa besën", "Flamuri i Krujës", "Shoqëria kombëtare" dhe "Dallëndyshja". Mbledhja zgjodhi pleqësinë e përkohëshme.

Me 28 prill 1937 - U nda nga jeta kleriku, studiuesi dhe gazetari Frano Gjenovici. U lind në Alsano Maxhore, qytezë në afërsi të Bergamos në vitin 1864. Mësimet e para i mori në vendlindje. Më pas ju përkushtua çështjes fetare dhe ndoqi studimet teologjike. Pas diplomimit në Krakov të Polonisë u emërua prift në Shkodër. Frano Gjenovici është një nga gazetarët më të hershëm të shtypit shqiptar.

Me 28 prill 1957 - Lexuesi shqiptar mori romanin e shkrimtarit amerikan Teodor Drajzerit "Një tragjedi amerikane" në dy vëllime, të shqipëruar nga Bujar Doko. Po nga ky autor në vitin 1965 u përkthye dhe u botua romani "Gjeniu". Të dy veprat janë ribotuar disa herë në vendin tonë. Ato janë përkthyer e botuar edhe në Prishtinë.

Nosh

29-04-2011, 11:44

Sot është Dita botërore e kërcimit

Me 29 prill 1960. - U transmetua programi i parë televiziv shqiptar. Spikerja Stoli Belli paraqiti programin në orën 10:00 para një kamere të madhe të vjetër gjermane, që ishte e vetmja për gjithë studion dhe që merrte drejtpërdrejtë dhe njëkohësisht paraqitësen e programit, folëset e lajmeve ose këngëtarët që vinin e këndonin.

Me 29 prill 1991. - Sharik Tarës i jepet çmimi "Yll i Artë dhe i argjendtë" nga perandori japonez (hyrje në radhët e pasurisë botërore)". Sharik Tara u lind më 12 prill 1930 në Shkup, si pasardhës i Pashë Jixhit Beu, që ka patur ndikim të madh në zhvillimin e Shkupit të atëhershëm. Pasi e mbaroi shkollën fillore në Shkup, shkollimin e vazhdoi në Stamboll, ku edhe diplomoi në universitetin teknik. Pas përfundimit të magjistraturës në lëmin e ndërtimtarisë, punon në disa firma ndërtimtarie, dhe në vitin 1957 themeloi firmën ENKA hollding, një nga firmat më prestigjioze në Turqi. Ai është themelues i Samitit Ekonomik për Evropën Juglindore, takimi i parë i të cilit u mbajt në Shkup, në mars 2005, nën patronazhin e Kryetarit të Republikës së Maqedonisë, Branko Crvenkovski dhe themelues i këshillit të biznesit Turko-Grek dhe Turko-Japonez. Sharik Tara është fitues i disa çmimeve dhe titujve prestigjioze.

Me 29 prill 1991 - Parlamenti i parë pluralist shpalli Shqipërinë Republikë Parlamentare. Deri atëherë, pothuajse gjysmë shekulli prej 11 janar 1946, Shqipëria kishte qenë Republikë Popullore, si një nga format e diktaturës së proletariatit.

Me 29 prill 1999. - Në luftën kundër forcave policore e ushtarake serbe, në fshatin Koshare (Kosovë), ra heroikisht dëshmori i kombit Selver Bajram Kryeziu, ushtar i Ushtrisë Çlirimtare të Kosovës.

Monika

29-04-2011, 14:47

29 Prill 2011 - Martesa e Princit William me Kate Middleton e cilësuar si "dasma e shekullit".

http://i53.tinypic.com/256zg4y.jpg

Nosh

30-04-2011, 12:07

Me 30 prill 1910 - Ushtria osmane, e komanduar nga Shefqet Turgut pasha dhe e përbërë në fillim nga rreth 10 000 veta, e përforcuar me reparte kalorësie dhe e mbështetur nga zjarri i artilerisë, filloi mësymjen kundër 3 000-4 000 kryengritësve shqiptarë të përqendruar në Shkallën e Kaçanikut të udhëhequr nga Idriz Seferi. Me gjithë epërsinë e madhe numerike të forcave armike, kryengritësit i thyen sulmet e tyre ne Betejën e Kaçanikut.

Me 30 prill 1923 - Lindi në Korçë Dr.Prof. Dhimitër Pilika, një dijetar i përmasave botërore. Ai ishte njohës i shkëlqyer i 12 gjuhëve të huaja. Studiues i historisë dhe gjuhës shqipe. Botues i 64 vëllimeve në çekosllovakisht me përmbajtje nga kultura shqiptare. Ka zbuluar 21 dokumente që vërtetojnë praninë e shqiptarëve në Ballkan në shekujt I dhe II të erës sonë. Pasi mbaroi Liceun Francez fillon studimet në Universitetin e Sienës në Itali. Më 1945 zgjidhet kryeredaktor i "Zërit të Rinisë" në Korçë. Dha mësim në shkollat ë mesme të Tiranës, Vlorës, Gjirokastrës. Nderohet me dy medalje ari dhe iu dha titulli "Doktor" në histori dhe gjuhë shqipe nga Universiteti i Pragës. Gjatë qëndrimit 15-vjeçar në Pragë merret gjurmimin e dokumenteve për Shqipërinë. Pas prishjes së marrëdhënieve kthehet në Shqipëri dhe internohet në fshatrat e Lushnjës. Pilika vdiq i vetmuar, më 31 dhjetor të vitit 2003.

Me 30 prill 1930 - Në Greqi vdiq në një aksident ajror Stefan Xhaja një nga 14 pilotet e pare shqiptare. Lindi në Elbasan në vitin 1900. Pas përfundimit shkëlqyeshëm të shkollës së mesme në Selanik të Greqisë ai hyn në Akademinë e Aviacionit për pilot ushtarak. Pas diplomimit ai qëndron në Greqi, ku bëhet një nga pilotët më të mirë. Vdiq ne moshën 30 vjeçare.

Me 30 prill 1984 - U nda nga jeta Besnik Sykja, shkencëtari shqiptar që fitoi respekt në botë. U lind në qytetin e Shkodrës më 1948. Mësimet e para i mori në qytetin e Shkodrës me rezultate të shkëlqyera. Në vitin 1967 filloi studimet në Fakultetin e Shkencave të Natyrës, dega fizikë. U dërgua për studime në një prej universiteteve më në zë të botës- në Upsala të Suedisë, pranë institutit të kimisë kuantike. Mjedisi shkencor i këtij instituti e mirëpriti autoritetin e shkencëtarit të ri 32-vjeçar nga Shqipëria dhe fjalën e mendimin e tij e ndiqte dhe e dëgjonte me vëmendje. Vdiq papritur ne moshën 36 vjeçare nga leucemia.

Monika

01-05-2011, 00:07

1 Maj 2011 - Lumturimi i Papës Gjon Pali II
http://rlv.zcache.com/venerable_pope_john_paul_ii_prayer_card_postcard-p239923152174867719trdg_400.jpg

Gabriello

01-05-2011, 01:53

1 Majin e 2010 ,,,, :D

Nosh

01-05-2011, 12:21

Sot është dita ndërkombëtare e punës, Shën Jozefi punëtor si dhe shpallja për të lumtur papa Gjon Pali II mik i shqiptarëve....
http://www.zemrashqiptare.net/images/articles/2009_07/9356/u1_NeneTereza-Papa.jpg

Me 1 maj 1873 - Mjeku skocez, misionar dhe hulumtues në Afrikë Dejvid Livingston, i cili i zbuloi ujëvarat e Viktorias, është gjetur i vdekur në Çitambo të Zambisë së tanishme. I pari e hulumtoi shkretëtirën Kallahari, basenin e lumit Zambezi, liqenin Njasa dhe liqene të tjera afrikane dhe burimin e lumit Kongo. Më shumë se 30 vite i kaloi në Afrikë. Është varrosur në katedralen Vestministrore në Londër.

Me 1 maj 1931 - Në qytetin e New Yorkut, u çel zyrtarisht ndërtesa Empire State. Për 4 dekadat e ardhshme ndërtesa prej 440 metrash do të ishte më e larta në botë. Presidenti Herbet Hoover dhe guvernatori i New Yorkut, Alfred Smith, drejtuan një ceremoni festive e cila përfshinte një paradë të punëtorëve që ndihmuan në ngritjen e ndërtesës. Një bandë muzikore luante një pjesë të kompozuar posaçërisht për këtë ceremoni nga George Gershwin. Presidenti dhe guvernatori shtypën butonët e ashensorëve drejt katit të 86-të të ndërtesës e më pas drejt katit 102-të.

Nosh

05-05-2011, 14:26

Me 5 maj 1821 - Në ishullin Shën Elena vdiq Napoleon Bonaparta nga nena shqiptare, perandor francez dhe udhëheqës lufte. Në vitin 1804 është kurorëzuar si perandor. Në vitin 1815, sërish tenton të vijë në pushtet dhe vetëm pas 100 ditëve qëndrim në Paris, internohet në ishullin Shën Elena, ku vdiq. Ka lindur në Ajaçio, në ishullin e Korzikës, më 15 gusht të vitit 1769.

Nosh

06-05-2011, 18:41

Me 6 maj 1403 - Mban datën vendimi i Senatit të Venedikut lidhur me organizimin e mbrojtjes së Shkodrës, që në atë kohë ishte nën sundimin e Republikës. Nga dokumenti rezulton se sulmet e herë pas hershme të hordhive osmane ende nuk kishin prekur zotërimet venedikase në Ballkan dhe Senati përpiqej të reduktonte forcat mbrojtëse dhe të shkurtonte shpenzimet për mbajtjen e tyre.

http://my.wn.com/image/KotoHoxhi.jpg

Me 6 maj 1619 - U nda nga jeta Lekë Matrënga, autori i vjetër arbëresh që njohim deri më sot. U lind në Horë të Arbëreshëve në Siçili, pasi kreu studimet në një kolegj fetar të Romës, u kthye në fshatin e tij, ku shërbeu si prift. Në vitin 1592 përktheu nga italishtja dhe botoi në Romë një katekizëm me titull "E mbesueme e kërshterë". Vepra ka rëndësi shpirtërore për historikun e kishës arbëreshe, por sidomos për dokumentimin e një faze të vjetër të të folmeve të arbëreshëve të Siçilisë; ajo paraqet interes edhe për vjershën e shkurtër botuar në atë vëllim që është gjurma e parë e botuar e vjershërimit shqip.

Me 6 maj 1937- U përurua pavioni i maternitetit, pranë Spitalit Zogu i Parë në Tiranë. Nismëtare u bë "Shoqëria për Mbrojtjen e Foshnjes" dhe "Gruaja shqiptare". Me këtë rast foli Dr. Qemal Jusufati, drejtor i Përgjithshëm i Shëndetësisë, që ishte në rolin e ministrit sepse në atë kohë nuk kishte Ministri të Shëndetësisë. Pavioni i maternitetit kishte vetëm disa dhoma modeste.

Me 6 maj 1938 - Në mbledhjen plenare të Parlamentit shqiptar u miratua Ligji mbi Shkollat e Mesme, sipas të cilit, numri i gjimnazeve zbriti në 2 dhe pranimi në to bëhej me konkurs. Shkollat e mesme qytetëse u kthyen të gjitha në shkolla profesionale. Gjuha italiane u bë e detyrueshme për të gjitha shkollat e mesme.

Me 6 maj 1952 - Lindi gazetari kosovar Shaban Arifaj. U diplomua në Universitetin e Prishtinës. Gazetarinë e filloi në Radio Prishtina më 1975 dhe më pas edhe në Televizionin e Prishtinës. Me dhjetra e qindra kronika, komente, biseda, intervista dhe artikuj problemor mbajnë firmën e tij. Shumë shkrime të tjera që kanë dalë nga pena e Shaban Arifajt gjejmë në faqet e organeve të tilla si "Shkëndija", "Kosovarja", "Rilindja", etj. Nga viti 2000 ai është redaktor përgjegjës i programit informativ të Radio Kosovës.

Nosh

07-05-2011, 21:34

Sot është Dita botërore e shëndetit. Në vitin 1948 hyri në fuqi Kushtetuta e Organizatës botërore të Shëndetësisë.

Me 7 maj 1879.- Delegatët e Lidhjes së Prizrenit në Prishtinë, kërkuan që në Vilajetin e Kosovës shqiptarët të administronin vetë gjykatat. Si përgjigje Qeveria Osmane lejoi krijimin e gjykatave paralele; turke dhe shqiptare. Kërkesa u përsërit në Gjakovë, Pejë, madje ajo u avancua duke kërkuar mbylljen e gjykatave turke.

Me 7 maj 1914.- Andartet grekë sulmojnë Nikolicën dhe Arrëzën në zonën e Korçës. Mbi 1500 forca u përleshën me shqiptarët që mbrojnë trojet e tyre. Rezistenca ishte e ashpër dhe agresorët u detyruan të tërhiqen, duke lënë shumë të vrarë. Luftime u zhvilluan edhe në fshatrat e Vakëfeve. Gjatë tërheqjes grekët dogjën Leskovikun.

Me 7 maj 1945.- Komanda e Vermahtit Gjerman nënshkroi aktin e kapitullimit me përfaqësuesit e forcave anglo-amerikane. Përfundoi kështu Lufta e Dytë Botërore në Evropë.

Me 7 maj 1947.- U nda nga jeta veprimtari i shquar i lëvizjes kombëtare dhe demokratike, Mësuesi i Popullit, Jani Minga. Pas diplomimit në Athinë filloi të japë mësim dhe në shkollat greke u mësonte fshehurazi nxënësve gjuhën shqipe. Ishte nismëtar i hapjes së shkollës së parë shqipe dhe klubit "Labëria" në Vlorë më 1908. Dy vite më vonë hapi në Kaninë shkollën shqipe dhe në nëntor 1912 ishte delegat në Kuvendin e Vlorës. Për veprimtari patriotike u internua nga italianët më 1920. Në vitet 20-të luftoi për një shkollë kombëtare dhe laike, për një shoqëri dhe shtet demokrat dhe përparimtar. Ka lënë disa tekste mësimore me vlera të mëdha për kohën.

Me 7 maj 1992.- Në Zofingen të Zvicrës doli numri i parë i gazetës kosovare "Rilindja", që u ndalua nga ushtria serbe në Prishtinë. Pas një viti gazeta filloi të botohej edhe në Tiranë. Ajo ishte e vetmja gazetë në gjuhën shqipe që dilte në katër botime të njëherëshme ditore dhe shpërndahej kudo ku kishte shqiptarë.

Me 7 maj 1999.- Papa Gjon Pali II vizitoi për herë të parë Bukureshtin (Rumani), një vend ku komuniteti katolik paraqiste një pakicë.

Nosh

08-05-2011, 16:54

- Sot është Dita Ndërkombëtare e Kryqit të Kuq dhe Gjysmë Hënës së Kuqe.

Me 8 maj 1910 - U zhvillua beteja e Carralavës ndërmjet kryengritësve shqiptarë të udhëhequr nga Isa Boletini dhe ushtrive osmane, të komanduara nga gjenerali Shefqet Turgut Pasha. 20 mijë ushtarë turq u ndeshën me 8 mijë luftëtarë shqiptarë të lirisë. Pas 3 ditë luftimesh turqit mundën të rrethonin kryengritësit, qe çanë rrethimin dhe u tërhoqën në Drenicë. Nga të dy palët pati shumë të vrarë dhe të plagosur.

Me 8 maj 1926 - U përfundua marrëveshja ndërmjet Qeverisë Shqiptare dhe bankës Serbo-Shqiptare për dhënien në koncesion të minierave të bakrit në Pukë. Koncesioni ishte me afat 50 vjeçar dhe të drejtën për zgjatjen e afatit edhe për 30 vjet të tjera.

Me 8 maj 1925 - U lind ne Elbasan, Faton Ahmet Gashi, doktor i shkencave mjekësore. Arsimin e mesëm e mbaroi në Tiranë. Gjatë kohës së luftës u përjashtua nga shkolla dhe u përndoq nga pushtuesit fashist. Shkoi në Kosovë, ku drejtoi gazetën "Lidhja e dytë e Prizrenit". Pas luftës emigroi në Perëndim dhe më 1956 u vendos në Shtetet e Bashkuara të Amerikës. Atje diplomohet për mjekësi dhe specializohet për terapi moderne të Rehabilitimit fizik dhe Neuro-muskular. Bëhet anëtar i disa shoqatave të njohura mjekësore në SHBA dhe në botë, merr pjesë aktive në mjaft konferenca e kongrese ndërkombëtare, jep leksione në disa universitete.

Me 8 maj 1937 - Mbreti Zogu i Parë dekretoi Ligjin për ndryshimin e emrave të disa qyteteve, fshatrave, lagjeve, lumejve, etj. me prejardhje nga gjuhët e popujve që ndër shekuj kishin pushtuar trojet shqiptare.

Me 8 maj 1937 - Vdiq në Tiranë kapiten Ethem Vlora, djali i madh i Ismail Qemalit. Në shenjë nderimi të familjes së shquar vlonjate, funerali i varrimit u bë me shpenzimet e Bashkisë.

Me 8 maj 1942 - U nda nga jeta albanologu austriak Norbert Jokli, një nga viktimat shumëmilionëshe të kampeve naziste të shfarosjes. Jokli tërë jetën e tij ia kushtoi studimit të gjuhës shqipe dhe mësimit të saj në Universitetin e Vjenës. U thellua në etimologjinë dhe fjalëformimin në gjuhën tonë, në marrëdhëniet e shqipes me gjuhët e tjera, në fonetikën dhe morfologjinë historike të saj. Më 1911 botoi "Studime për etimologjinë dhe fjalëformimin e shqipes" dhe më 1923 "Gjurmime gjuhësore e historike-kulturore nga lëmi i shqipes". Shumë studime të tij të rëndësishme janë botuar në faqet e shtypit, disa edhe pas vdekjes tragjike të autorit. Si punonjës i bibliotekës universitare, ai për 25 vjet mbajti rubrikën e bibliogarfisë për gjuhën shqipe në organin vjetor ndërkombëtar "Indogermanishes Jahrbuk".

Me 8 maj 1947 - U lind ne Vlore Kujtim Laro, kompozitor i talentuar, Artist i Merituar. Pas diplomimit në Institutin e Lartë të Arteve në vitin 1970 dha ndihmesën e tij të vyer për pasurimin dhe përhapjen e muzikës sonë nëpërmjet mikrofonit të Radio Tiranës. Pjesëmarrës i suksesshëm i festivaleve të këngës në Radio-Televizion dhe i veprimtarive të tjera muzikore të institucionit. Disa nga veprat e tij janë luajtur nga Orkestra Sinfonike e Radios dhe janë regjistruar për të mbetur në thesarin e kulturës sonë muzikore. Ai mbetet një nga kompozitorët që ka kontribuar më shumë në zhvillimin e kinematografisë shqiptare, duke kompozuar muzikën e rreth 25 filmave artistik.

Ilir_Gjokaj

08-05-2011, 17:07

08. 05 . 2010 Martesa e vllaut

Manoell Gjokaj

08-05-2011, 18:10

1 vjetori i Marteses se vllaut të Ilirit :P:P:P

Simon Gjokaj

08-05-2011, 20:08

08. 05 . 2010 Martesa e vllaut

1 vjetori i Marteses se vllaut të Ilirit :P:P:P

Pervjetorin e Nates se Fundit te Beqarise se Kushes tem Nadit :D

(a po ju vjen inati ju dyve :p)

Nosh

09-05-2011, 11:16

Sot është Dita e Evropës dhe Shën Nikolla i majit

Me 9 maj 1380 - Në Skampën e lashtë, u bekua Manastiri i Shën Gjon Vladimirit, ndërtuar prej Karl Topisë, princ i Krujës dhe Zot i Durrësit. Manastiri që ka ardhur deri në ditët tona, u ngrit mbi themelet e Manastirit të vjetër të Shën Gjonit, të rrënuar plotësisht nga një tërmet i fuqishëm që goditi Shqipërinë e Mesme në shekullin e XIV. Ky monument i lashtë kulti përcjell vlera të jashtëzakonshme shpirtërore, artistike dhe historike.

Me 9 maj 1467 - Një letër e shkruar në Venedik deshmon mbi fitoren e Gjergj Kastriotit me 1500 luftetare kundër Ballaban pashës.

Me 9 maj 1819 - Ali Pashë Tepelena, mori qytetin e Pargës pa luftë. Me lejen e Portës së Lartë ai u pagoi banorëve të saj, që u larguan për të mos rënë në duart e tij, 150 mijë lira stërlina për pasurinë e tyre të patundshme që e braktisën dhe më në fund e shtiu në dorë qytetin.

Me 9 maj 1892 - Në Bukuresht, me nismën e shoqërisë "Drita" dhe të mërgimtarëve shqiptar në Rumani, u hap shkolla e parë Normale në Gjuhën Shqipe. Ajo kishte dhe konviktin e saj për nxënësit që vinin nga Shqipëria dhe Maqedonia. Për mbarëvajtjen e saj u miratua dhe një rregullore që u botua si një broshurë e veçantë.

Me 9 maj 1897 - Publicisti i njohur Visar Dodani, filloi botimin e gazetës "Shqipëria" në Bukuresht. Ajo luajti një rol të veçantë në Rilindjen Kombëtare Shqiptare, duke u kthyer në një tribunë kombëtare që shtroi detyra të rëndësishme siç ishte përgatitja e luftës politike dhe me armë për çlirimin e vendit, përhapja e arsimit dhe kulturës me anë të shkollave dhe të shtypit në gjuhën shqipe, ngritja e ndërgjegjes kombëtare dhe forcimi i unitetit të shqiptarëve. Motoja e gazetës ishte "Shpresa të ngjall, dëshpërimi të shuan".

Me 9 maj 1906 - Fan Noli arrin në Shtetet e Bashkuara të Amerikës, ku zhvilloi një veprimtari të dendur patriotike dhe kulturore në dobi të çështjes kombëtare, të lirisë dhe pavarësisë së Shqipërisë.

Me 9 maj 1914 - Si rezultat i bisedimeve midis të ashtuquajturës qeveri të Vorio-Epirit të formuar nga Jorgji Zografi dhe autonomisë së Himarës që kryesohej nga Spiro Spiromilo dhe delegacionit të dërguar nga Vilhelm Vidit u nënshkrua "Protokolli i Korfuzit" i cili praktikisht e shkëpuste Jugun e Shqipërisë nga trungu i shtetit të gjymtuar dhe sidomos në Korçë dhe në Durrës.

Me 9 maj 1939 - Autoritete pushtuese italiane fabrikuan dy ligje, sipas të cilëve xhandarmëria dhe forcat e mbrojtjes kufitare shqiptare përfshiheshin në forcat e armatosura italiane dhe viheshin nën komandën e oficerëve fashistë.

Me 9 maj 1952 - Lindi gazetari dhe drejtuesi veteran i gazetës "Sporti popullor" sot "Sporti shqiptar", Bashkim Tufa. Pas diplomimit në Institutin e Lartë të Kulturës Fizike "Vojo Kushi" ai hyri në rrugën e gazetarisë sportive duke sjellë në faqet e shtypit, por edhe në mikrofonin e radiove dhe ekranet televizive jetën dhe veprimtaritë e shumta sportive që janë zhvilluar në vendin tonë dhe nëpër botë.

Me 9 maj 1970 - U dha me sukses premiera e dramës "Gjenerali i ushtrisë së vdekur" sipas romanit me të njëjtin titull të Ismail Kadaresë. Më 1975 shfaqja e Teatrit Popullor u ekranizua dhe u transmetua në televizionin Shqiptar, kurse më 1989 regjisori Dhimitër Anagnosti xhiroi filmin "Kthimi i ushtrisë së vdekur".

Nosh

10-05-2011, 14:00

Sot është Dita botërore e aktivitetit fizik

Nosh

11-05-2011, 11:52

Me 11 maj 330 - Konstantinopoli (Stambolli i sotëm) u bë kryeqendra e re e Perandorisë romake. Qyteti u quajt sipas emrit të Perandorit Konstantini i parë i madh nga Nishi i Dardanisë gjakut ilir.

Me 11 maj 483 - Në fshatin Taurisium (Taori i sotëm) rrethinë e Shkupit, lindi Justiniani i parë po ashtu gjak ilirit dardan, njëri nga perandoraket më të mëdhenj në historinë e Bizantit (prej 527 deri më 565). Krahas tjerash, Justiniani i parë është i njohur për Kodeskin e Justinianit apo "Korpus juris civilis" që paraqet konfirmim autoritar të legjislaturës romake, si dhe bazë kryesore për zhvillimin e sistemeve ligjdhënëse në Evropë. Vdiq në vitin 565.
http://www.forumishqiptar.com/attachment.php?attachmentid=47841&stc=1&d=1098867189

leonardmrija

11-05-2011, 12:17

10 vjetorin e mbremjes se Matures...

http://www.youtube.com/watch?v=mnz3bOhQV14

Nosh

12-05-2011, 11:52

Sot është Dita botërore e motrave medicinale (infermiereve)

Me 12 maj 1226 - U dorëshkrua në manastirin e Shën Andreas afër Krujës, në atë kohë qendër e Principatës së Arbërit Kodiku "Vatikeanus Greaus" me numrin 103, që ruhet në Arkivin Qendror të Shtetit, një monument i rëndësishëm i kulturës sonë kombëtare. Në këtë Kodik është përfshirë një epitaf metrik, kushtuar arkedhiakut të Arbanonit, Kostandin Meles. Po në të gjenden edhe disa epigrame të Dhimitrit të Arbërit, që dëshmojnë për historinë e kësaj principate dhe autoktoninë e shqiptarëve në trojet e tyre.

Me 12 maj 1922 - Komisioni i Lidhjes së Kombeve bëri publik Informacionin Përfundimtar mbi Shqipërinë. Në të kundërshtohet ideja se shqiptarët për arsye të ndarjeve fetare nuk janë të aftë të udhëheqin një shtet modern. Ata, sipas informacionit, "bashkohen nga zakonet e përbashkëta, traditat shekullore, si dhe nga gjuha". Në informacion bëhet e qartë se "megjithëse ndryshimet në besimet fetare nganjëherë kanë ndikime në politikën e brendshme", manifestimet fanatike, aq të shpeshta në vendet e tjera, në Shqipëri janë shumë të rralla. Përkundrazi pjesëtarët e besimeve të ndryshme fetare shpesh të lidhur me lidhje gjaku, tradite, i festojnë së bashku festat fetare.

Me 12 maj 1938 - Shoqëria Jashtëshkollore e Durrësit dha për publikun dramën patriotike "Detyra e mëmës" e dramaturgut Foqion Postoli dhe "Gruaja shqiptare", një dramatizim sipas vargjeve të At Vinçens Prenushit. U vlerësua si sukses i veçantë i shfaqes loja e 10 vajzave durrësake që për atë kohë ishte një dukuri e jashtëzakonshme. Shtypi dhe kritika artistike vlerësuan gjithashtu kostumet dhe skenografinë e përgatitur nga Sokrat Mio.

Me 12 maj 1997 - Në Shën Petërburg të Rusisë u mbajt Konferenca Ndërkombëtare e Albanologes së shquar ruse Agnia Vasiljevskaja Desnickaja. Desnickaja ka qenë studiuese e thellë dhe e apasionuar e gjuhës dhe kulturës shqiptare. Anëtare e Akademisë së Shkencave që në vitin 1964, ajo ka lënë studime me vlera të mëdha për gjuhën indoevropiane dhe veçanërisht për gjuhën tonë. Në vitin 1957 ajo themeloi degën e gjuhës dhe letërsisë shqipe në Universitetin e Petërburgut. Nga 187 studime që kanë dalë nga pena e saj, 73 ia kushtoi gjuhës, letërsisë dhe folklorit shqiptar.

Me 12 maj 1999 - Kuvendi i Shqipërisë ratifikoi "Marrëveshjen e kredisë ndërmjet Republikës së Shqipërisë dhe Shoqatës Ndërkombëtare për Zhvillim (IDA) për mbështetjen e shpenzimeve publike."

Nosh

13-05-2011, 12:06

Me 13 maj 1610- Në një relacion të Marin Bicit flitet për sulmin që ndërmorën pushtuesit turq dhe bashkë me ta edhe feudalët vendës për grabitjen dhe plaçkitjen e fshatarëve të Zadrimës. Zadrimorët ishin përgatitur për të mbrojtur vatrat e tyre. Në përleshje mbetën shumë të vrarë dhe të plagosur. Para epërsisë numerike dhe në armatim të armikut, zadrimorët u detyruan të tërhiqeshin. Atëherë Zanuli, Raneza dhe shumë fshatra të tjerë, pasi u plaçkitën dhe u grabitën, u përdhunuan vajzat dhe gratë, iu vu flaka. Zjarri i kasolleve që digjeshin dukej deri në Kakariq.

Me 13 maj 1842- U lind Ali Mehmet Vrioni, atdhetar dhe personalitet i shquar i Rilindjes sonë Kombëtare. Ai ishte një ndër pjesëtarët e parisë së Shqipërisë së Jugut që u mblodh më 1877, ku u diskutuan fatet e Shqipërisë dhe u hartua memorandumi që iu dërgua qeverisë turke. Në këto takime ai u njoh dhe u miqësua me Abdyl Frashërin. Ali Mehmet Vrioni ka luajtur një rol të rëndësishëm për zgjimin e ndërgjegjes kombëtare të shqiptarëve dhe mobilizimin e tyre për çlirimin e Atdheut deri sa mbylli sytë më 1893.

Me 13 maj 1846- U lind në Frashër të Përmetit poeti ynë kombëtar Naim Frashëri. Pasi përfundoi gjimnazin "Zosimea" të Janinës, jetoi për 10 vjet në Shqipëri, herë me pushime shëndetësore dhe herë si nëpunës finance në Janinë, Sarandë e Berat. Në të njëjtën kohë ai është marrë edhe me veprimtari patriotike dhe kulturore. Më 1878 ai ishte veprimtar i Komitetit të Stambollit dhe një vit më vonë i "Shoqërisë së Shkronjëzave Shqipe". Veprimtarinë e tij patriotike Naimi filloi t'a zhvillojë sidomos pas vitit 1882, kur u vendos në Stamboll. Megjithatë ai në radhë të parë njihet si poet dhe shkrimtar. Vjershat dhe shkrimet e para Naimi i botoi në revistën "Drita" dhe "Dituria". Më 1886 katër tekste të tij me karakter mësimore u botuan prej shoqërisë patriotike të Bukureshtit.

Me 13 maj 1905- Punëtorët dhe shegertët e punishteve të këpucëve në Shkodër, shpallën një grevë dhe kërkonin pakësimin e orëve të punës dhe ngritjen e pagave. Greva u shtyp me dhunë nga autoritetet turke. Por ajo pati jehonë sepse në grevë u hodhën edhe punëtorët e punishteve të duhanit dhe të rrobaqepësive.

Me 13 maj 1913- U shpall "Kanuni i Jurisë", që ishte akti i parë legjislativ në fushën e organizimit gjyqësor në Shqipëri. Ky ligj shënonte një nga hapat e parë drejt çlirimit nga legjislacioni otoman; ai ishte shprehje e forcimit të pavarësisë së shtetit të rilindur shqiptar. Juria, si pjesë në gjykimet për vepra penale, u zbatua për herë të parë në Elbasan. Ajo përbëhej nga 12 anëtarë. Si anëtarë të jurisë mund të zgjidheshin tregtarë, avokatë, mjekë, farmacistë, etj.

Me 13 maj 1967- U nda nga jeta inxhinieri Remzi Baçe. U lind në Përmet më 1890. Mbaroi gjimnazin Zosimea të Janinës dhe u diplomua në Universitetin Teknik të Vjenës. Ishte anëtar i shoqërisë studentore "Albania' dhe bashkëpunëtor i gazetës "Djalëria" që nxirrte ajo. Pas diplomimit punoi inxhinier në Ministrinë e Punëve Botore në Tiranë. Si anëtar aktiv i shoqërisë "Bashkimi" të Avni Rustemit dhe pjesëmarrës me armë në Revolucionin e Qershorit, pas triumfit të legalitetit emigron në Turqi, ku punon inxhinier në ndërtimin e hekurudhave. Më 1928 kthehet në atdhe dhe punon inxhinier në fushën e bonifikimeve. Më 1932 arrestohet dhe dënohet me burgim të përjetshëm. Gjatë Luftës Nacionalçlirimtare bën pjese në çetën "Dajti".

Monika

13-05-2011, 14:25

13 Maj 2011 - Dita e fundit e shkollës së mesme... :cry:

shkokla

13-05-2011, 14:37

data 13 e premte gjithmone me kujton dy djem te agjes qe vdiqen ne ndeshje komunikacioni
e gjithe bota daten 13 e premte e konsideron si te pafat ose te rrezikshme

Pashk L

13-05-2011, 21:37

13 Maj 1991 vdiq rapsodi i njohur Marash Krasniqi

Nosh

14-05-2011, 23:24

Me 14 maj 1364 - Senati i Venedikut, vendos për shkatërrimin e anijeve dhe fortesës së Melies që ndërtonin njerëzit e Karl Topisë. Senati urdhëronte që shqiptarët të mos kenë asnjë anije të armatosur në det dhe fortesa të shembet menjëherë.

Me 14 maj 1450 - Filloi Rrethimi i parë i Krujës. Ushtria osmane numëronte 160 mijë forca dhe kishte 10 topa të rëndë dhe 8 të lehtë. Kalaja mbrohej nga garnizoni i komanduar prej Vrana Kontit dhe kishte vetëm 2000 luftëtarë, 8 mijë luftëtarë të tjerë që u printe Skënderbeu sulmonin armikun nga malësia rreth qytetit duke i shkaktuar armikut humbje të mëdha dhe të vazhdueshme. E ndodhur nën goditjet e befasishme dhe të pandërprera dhe në vështirësi të mëdha furnizimi, ushtria osmane u detyrua në tetor të atij viti të tërhiqet duke pësuar humbje shumë të mëdha. Kronistët e kohës shkruajnë se edhe vdekja e Sulltan Muratit II ishte pasojë e kësaj disfate të madhe.

Me 14 maj 1880 - Në Prizren shqiptarët ndërmorën një grusht shteti, duke përmbysur qeveritarët turq dhe "Lëvizja shqiptare" shpalli autonominë e krahinës. Kjo ngjarje ishte jehonë e shpalljes në Shkodër të autonomisë së Shqipërisë në prill të atij viti. Lëvizja e Prizrenit për autonomi u përhap edhe në qytetet e tjera të Kosovës. Në Pejë dhe në Gjakovë kryengritësit shqiptarë dëbuan pushtuesit turq nga qytetet e tyre.

Me 14 maj 1912 - Në Istog të Pejës, u zhvillua një përleshje e përgjakshme midis forcave kryengritëse shqiptare dhe ushtrive turke. Pushtuesit pësuan humbje të ndjeshme. Luftime të ashpra u kryen edhe në Dibër, kryengritësit i drejtonte Basri Beu, ish deputet shqiptar në Parlamentin turk.

Me 14 maj 1921 - Në Orenjë të Librazhdit, lindi haxhi Hafiz Sabri Koçi, ish kryetar i Komunitetit Mysliman Shqiptar. 15 vjet ndoqi shkollën private fetare. Që në moshën 17 vjeçare shërbeu si imam në Drisht të Shkodrës. Më pas shërbeu në disa xhami të Shkodrës, Krujës dhe Kavajës. Në vitin 1966 u arrestua dhe u dënua me 22 vjet burg. Pas lirimit më 1986 punoi si punëtor krahu deri në vitin 1990, kur filluan proceset demokratike. Në këtë atmosferë ai dha ndihmesën e tij për ringjalljen dhe përhapjen e besimit mysliman, të ndaluar nga regjimi komunist, për ngritjen e faltoreve dhe strukturave drejtuese. Që në fillim të këtij procesi u zgjodh në krye të Komitetit Mysliman të Shqipërisë dhe e drejtoi atë sa qe gjallë.

Me 14 maj 1928 - Në fshatin Sinjë të Beratit u lind gazetari Milto Ferra. U diplomua për gjuhë-letërsi në Universitetin e Tiranës. Për shumë vite punoi si korespondent në Vlorë dhe Fier. Në vitin 1970 u emërua zv/kryeredaktor i gazetës "Bashkimi" dhe më pas sekretar kolegjiumi në revistën "Bujqësia Socialiste". Në faqet e shtypit të kohës janë botuar qindra shkrime të tij të karakterit gazetaresk por edhe krijime letrare si skica, fejtone dhe tregime humoristike.

Me 14 maj 1948 - U krijua shteti i Izraelit. Marrëdhëniet diplomatike midis Shqipërisë dhe Izraelit u lidhën vetëm në vitin 1991, por miqësia midis dy popujve është e hershme dhe shumë njerëzore. Nuk është e rastit që ndër shekuj izraelitët e përndjekur në vendet e tjera gjithmonë kanë gjetur strehim dhe mbrojtje në trojet shqiptare. Kjo ndodhi edhe gjatë luftës së Dytë Botërore. Gjatë holokaustit, kur nga nazifashistët u shfarosën më shumë se 6 milion hebrenj, në vendin tonë nuk u prek asnjë prej tyre, madje shumë familje të ardhura nga vendet europiane dhe ballkanike gjetën strehim në Shqipëri.

Me 14 maj 1955 - Me krijimin e Traktatit të Varshavës, Shqipëria u bë anëtare e tij, bashkë me 8 shtete të Europës Lindore.

Me 14 maj 1997 - Në Bibliotekën Kombëtare qëndroi e hapur ekspozita e shtypit shqiptar të viteve '90. Për herë të parë në të u ekspozuan gazetat dhe revistat që botohen në Shqipëri, Kosovë, Maqedoni dhe në diasporën shqiptare. Shikuesit e shumtë u njohën edhe me shtypin e botuar para vitit 1944 i cili për gjysmë shekulli ishte i ndaluar.

Me 14 maj 1997 - Në galerinë e Arteve "Dodona" në Prishtinë, u hap ekspozita vetiake e piktorit Visar Mulliqi, pedagog i fakultetit të Arteve të Bukura në Universitetin e Prishtinës.

Me 14 maj 1997 - Senati Akademik i Universitetit Bujqësor të Tiranës miratoi "Statutin e Universitetit". Ky institucion i lartë arismor, i ngritur në vitin 1951, gjatë veprimtarisë shumëvjeçare e ka treguar se është një shkollë me tradita të denja, që mund të matet me çdo universitet të këtij profili në Europë dhe në botë.

Me 14 maj 1997- Kuvendi i Shqipërisë miratoi Ligjin "Për Radion dhe televizionin publik dhe privat në Republikën e Shqipërisë", që i hapi rrugën krijimit të mediave elektronike private në Shqipëri.

###

Ilir_Gjokaj

15-05-2011, 10:00

15 Maj 1987 - Ditelindja e Vllaut

15 Maj 2010 - Martesa e Motres

sabina.pz

15-05-2011, 10:24

15 MAJ E DIEL -Festa e SHen NIKOllES Velezh

Nosh

15-05-2011, 10:48

Me 15 maj 317 - vjet më parë vdiq Perandori romak me origjinë ilire Valentiniani II. Ai u lind në vitin 371 dhe i përkiste dinastisë iliriane Flavi, që sundoi për një periudhë të gjatë Perandorinë Romake. Valentiniani II zuri fronin perandorak në vitin 375, kur ishte vetëm katër vjeç dhe u bë sundimtar i Italisë, Afrikës dhe Ilirisë Perëndimore për 17 vjet. Portreti i Valentinianit II ka ardhur deri në ditët tona në një monedhë të asaj kohe.

Me 15 maj 1890 - U lind në Boboshticë të Korçës patrioti Kosta Peter. Shkollën fillore e mbaroi në vendlindje. Për shkaqe ekonomike emigroi në Rumani, ku kreu studimet. Në vitin 1910 emigroi në Shtetet e Bashkuara të Amerikës dhe u vendos në Uorçester, ku ishte ngritur një koloni e madhe mërgimtarësh shqiptarë. Në mërgim ai u mor me afarizëm, por njëherësh edhe me veprimtari patriotike. Ai ka drejtuar tre herë shoqërinë kishtare "Fjetja e Shën Mërisë". Ishte ndër nismëtarët e ngritjes së shoqërisë patriotike "Lulëzimi" dhe katër vjet kryetar dhe drejtues i saj. Kosta Peter ka luajtur një rol të rëndësishëm për ngritjen dhe veprimtarinë e shoqërisë dramatike "Dora D'Istria", e cila ka përgatitur dhe shfaqur për mërgimtarët, por edhe për miqtë e Shqipërisë në Uorçester, disa pjesë teatrore.

Me 15 maj 1901 - U lind në Ohër, në një familje intelektuale patriotike, inxhinier Petraq Pekmezi. Shkollën fillore e kreu në Pogradec dhe në vitin 1912, bashkë me xhaxhanë, doktor Gjergj Pekemezin, shkon në Vjenë, ku vazhdon studimet. Ai është ndër inxhinierët e parë hidroteknikë të vendit tonë të diplomuar në Shkollën e Lartë Teknike të Vjenës. Pas diplomimit kthehet në Korçë dhe ngre firmën "Puntoria Pekmezi" dhe njëkohësisht përfaqëson firmën austriake "Farvenc", që eksportonte në vendin tonë pajisje hidroteknike. Vdiq në rrethana të panjohura në nëntor të vitit 1944.

Me 15 maj 1903 - Filloi të botohet në Bukuresht gazeta "Përlindja shqiptare", e drejtuar nga redaktori Thoma Avrami. Ajo ishte propaganduese e çështjes kombëtare shqiptare. Me të bashkëpunuan firma të njohura të letrave shqipe si Mihal Grameno, Kristo Dako, etj.

Me 15 maj 1931 - U lind në Korçë këngëtarja Pavlina Nika. Si interpretuese e muzikës së lehtë ajo u rrit bashkë me mikrofonin shqiptar. Ishte vetëm 14 vjeç kur u përfshi në grupin amator të Radio Korçës dhe përcolli për dëgjuesit serenatat e famshme, këngët qytetare, por edhe këngët popullore qytetare. Në vitin 1950 emërohet në Ansamblin e Ushtrisë dhe veç skenës së Estradës së Ushtrisë këndon edhe në mikrofonin e Radio Tiranës. Kalimi në Estradën e Shtetit në vitin 1957 dhe bashkëpunimi me këngëtaren e talentuar Anita Take, e bënë edhe më të njohur dhe më të dashur për auditorin shqiptar. Duetet e tyre u kthyen në këngë popullore, të cilat u duartrokitën në të gjitha skenat e vendit, por edhe jashtë kufijve shtetërorë. Shumë prej tyre janë regjistruar dhe ruhen në fondin e artë të Radio Tiranës. Pavlina Nika është dekoruar me urdhrin e punës "Naim Frashëri". Në korrik të 1996 ajo është bërë qytetare nderi në Korçë.

Me 15 maj 1938 - Në Delvinë shpërtheu puçi antizogist i Ethem Totos, ish- ministër në Qeverinë e Mehdi Frashërit. Kryengritësit shtinë në dorë qytetin dhe liruan të burgosurit politik. Rreth 60 veta të armatosur morën pa luftë edhe Gjirokastrën dhe më pas edhe Tepelenën. Në sulmin kundër Vlorës u pritën me armë në Qafën e Plloçës dhe u shpartalluan. Vetë Ethem Toto, i rrethuar në malin e Gjolikut vrau veten.

Me 15 maj 1997 - U nda nga jeta mësuesi veteran Sabri Muharrem Azemi. U lind në Sllatinën e Epërme në Kosovë. Për 40 vjet shpërndau dije dhe dritë në shkollat e komunave Vitisë dhe Ferizaj. Pas diplomimit në Normalen e Prishtinës, ai shkeli në shkollat e dhjetra fshatrave, hapi shumë kurse kundër analfabetizmit, punoi për emancipimin e vajzave dhe grave shqiptare, për zgjimin e vetëdijes kombëtare. Në çdo shkollë krijonte bibliotekën e nxënësit dhe e konsideronte punën e mësuesit si detyrë të shenjtë patriotike.

_katolikja_

15-05-2011, 10:54

Sod para ni viti, me 15 Maj 2010, kam takuar dy antar t'forumit : Gabriellon dhe Adin :)

Manoell Gjokaj

15-05-2011, 19:49

Ditlindjen e ish Shokut ngusht (Shkoll fillore)

Nosh

16-05-2011, 17:41

Me 16 maj 1919 - Presidenti amerikan Uillson priti në Paris, delegacionin dhe përfaqësues të shteteve dhe kombësive të ndryshme, midis tyre dhe delegacioni shqiptar, të kryesuar nga Turhan Pasha. Përfaqësuesit tanë në këtë takim protestuan kundër shkeljes së pavarësisë së shtetit të ri Shqiptar dhe dhunës së ushtruar "kundër racës më të vjetër të botës".

Me 16 maj 1940 - U hodhën në grevë punëtorët që punonin për ndërtimin e aeroportit afër Beratit. Ata kërkonin pagimin e orëve suplementare të punës dhe shkurtimin e orarit të punës. Të njëjtat kërkesa shtruan dhe grevistët që punonin për bonifikimin e kënetës së Durrësit. Në shenjë proteste ata manifestuan nëpër rrugët e qytetit dhe para zyrave të sipërmarrësve italianë.

Me 16 maj 1997 - U nda nga jeta prof. Stefanaq Pollo, një nga përfaqësuesit e shquar të shkencës historike shqiptare. U lind në Përmet më 1923. Pas viteve '44 drejtoi gazetën "Zëri i rinisë" dhe "Bashkimi". Me ngritjen e Universitetit të Tiranës u emërua Dekan i Fakultetit Histori-Filologji. 35 vitet e fundit të punës së tij kërkimore dhe krijuese i kaloi si titullar i Institutit të Historisë. Është bashkautor i botimit "Historia e Shqipërisë" dhe "Fjalori Enciklopedik Shqiptar".

Me 16 maj 2006 - U nda nga jeta "Bilbili i Ballkanit" siç është quajtur këngëtarja Luçie Miloti. Ajo u lidh me skenën që në moshën 12-vjeçare. Këndoi edhe në mikrofonin e Radio Shkodrës. Për të ishte një shkollë e madhe bashkëpunimi me kompozitorin e madh Preng Jakova në Shtëpinë e Kulturës së qytetit. Kur ishte 16 vjeç u zhvendos familjarisht në Tiranë dhe menjëherë u emërua soliste në Radio Tirana. Nëpërmjet mikrofonit zëri i saj u bë i njohur dhe i kërkuar brenda dhe jashtë vendit. Bashkë me orkestrën e Paulin Palit i dhanë jetë dhe vlera të reja këngës popullore shkodrane. Me ngritjen e Filarmonisë Shtetërore këngëtarja emërohet soliste dhe më 1957, kur u krijua Ansambli i Këngëve dhe Valleve Popullore, ajo u bë veprimtare e parë e tij. Kishte arritur majat më të larta të interpretimit, në koncertet e panumërta, me pjesëmarrjen në turnetë dhe festivalet jashtë vendit ç’ka i dhuroi titullin "Bilbili i Ballkanit" dhe "Këngëtarja më zë kristalor". Në vitin 1961 ajo meritoi titullin "Artiste e Merituar" dhe urdhrin "Mjeshtër i madh i punës".

Nosh

19-05-2011, 16:24

Me 19 maj 1456 - Në betejën e Oranikut, në afërsi të Dibrës, Gjergj Kastrioti Skënderbeu korri një fitore të dyfishtë; theu ushtrinë osmane prej 150 mijë kalorësish dhe riktheu Moisi Golemin në radhët e ushtrisë shqiptare. Moisiu ishte pinjoll i familjes së madhe feudale të Arianitëve-Golemëve, një nga komandantët kryesorë të Skënderbeut, por i pakënaqur nga përqëndrimi i pushtetit në duart e Kastriotit, ai kaloi në anën e turqve. Pas disfatës në Oranik ai iu dorëzua Kastriotit dhe i shërbeu atij deri në fund. Në Vajkal të Bulqizës ai u kap rob nga turqit, por nuk pranoi të vihej në shërbim të tyre dhe vdiq nga torturat e tmerrshme.

Me 19 maj 1835 - Në rrugët e qytetit të Shkodrës u zhvillua një betejë e përgjakshme midis qytetarëve, të udhëhequr nga esnafët, të cilëve u kishin ardhur në ndihmë edhe 3000 malësorë të armatosur dhe reparteve të rregullta turke. Lufta vazhdoi 30 orë, rrugë më rrugë, e shtëpi më shtëpi. Osmanët nuk mundën të përballojnë furinë e kryengritësve dhe u detyruan të tërhiqen e të mbyllen në kalanë e "Rozafës".

Me 19 maj 1879 - Krerët shqiptarë të Lidhjes Shqiptare të Prizrenit shtruan para autoriteteve osmane kërkesën për njohjen e autonomisë për administratën gjyqësore dhe atë shtetërore në të gjitha trojet arbërore. Kjo në fakt ishte nismë dhe kërkesë e ardhur nga poshtë. Degët e Lidhjes në Pejë dhe Gjakovë e kishin vënë atë në jetë me forcë.

Me 19 maj 1894 - Llindi në Ujmisht të Lumës Muharrem Bajraktari. Kreu shkollën ushtarake në Insbruk të Austrisë. Pas diplomimit shërbeu në radhët e ushtrisë shqiptare. Luftoi kundër forcave të Revolucionit të Qershorit dhe u gradua oficer madhor prej Ahmet Zogut. Më 1927 emërohet komandant i përgjithshëm i xhandarmërisë. Për fërkimet që kishte me inspektorin anglez, Zogu e cakton adjutantin e vet. Kjo u bë shkak për armiqësinë e tij me Mbretin dhe arratisjen në Jugosllavi. Gjatë kohës së luftës kthehet në atdhe dhe krijon një çetë nacionalistësh. Mbas luftës arratiset në Maqedoni e më pas në Greqi, Itali dhe në Belgjikë. Ai është një prej themeluesve dhe veprimtarëve të Komitetit "Shqipëria e Lirë". Vdiq në mërgim në vitin 1989.

Me 19 maj 1911 - Lindi doktori i Shkencave Mjekësore, pionieri i luftës për çrrënjosjen e sëmundjeve veneriane, pedagogu dhe studiuesi i shquar Shyqyri Basha. Pas diplomimit në Universitetin e Romës shërbeu në Spitalin Ushtarak të Tiranës. Në vitin 1942 specializohet në Bolonjë për venerologji dhe që nga ajo kohë ai i përkushtohet luftës për çrrënjosjen e sifilisit në vendin tonë. Pas çlirimit ai burgoset, por me t'u liruar e vazhdon luftën e tij kundër sëmundjes shoqërore. 3 vjet punon në Berat dhe më 1950 emërohet në Tiranë. Më 1975 fitoi titullin "Kandidat i Shkencave Mjekësore" me studimin mbi sifilisin në qarkun e Beratit. Që nga ngritja e Institutit Mjekësor, që përgatiti mjekët e parë në vend, Shyqyri Basha ka ushtruar një veprimtari të dendur pedagogjike.

Me 19 maj 1914 - Esat Pashë Toptani rrethohet në shtëpinë e tij në Durrës. Për të shmangur trazirat mbreti Vilhelm Vidi ia dorëzon Esat Pashën ambasadës italiane. Kështu ai largohet me anije lufte në Itali me kusht që mos kthehet më në Shqipëri.

Me 19 maj 2006 - U nda nga jeta ne Tirane, në moshën 69 vjeçare, shkrimtari, gazetari dhe skenaristi i disa filmave të njohur, Anastas Kondo. U lind në qytetin e Kuçovës, më 28 Nëntor 1937. Pasi mbaroi Politeknikumin e Tiranës vazhdoi studimet e larta në Shën Peterburg, në Rusi, ku u diplomua si inxhinier Paleontolog. Ai ka punuar për më shumë se një dekadë në Institutin e Studimeve Gjeologjike të Naftës në Kuçovë, e më pas në Fier. Eshtë autor i disa teksteve e studimeve shkencore, që hodhën themelet e shkencës së Mikropaleontologjisë në vendin tonë. Ai njihet gjithashtu si shkrimtar, gazetar e skenarist i një sërë filmash. Ndër vëllimet e tij me tregime veçohen: "Ura", "Kur mbaron e vdes burri", "Portat e diellit", "Pse e vranë Odisenë", "Kio", "Njerëz dhe gurë", "Kur zbardhi një ditë". Disa filma janë realizuar me skenar të tij si "Misioni përtej detit", "Dimri i madh", "Kur zbardhi një ditë", "Partizani i vogël Velo", etj.

Monika

19-05-2011, 16:49

17 Maj 2011 - Mramja e Maturës

19 Maj 2011 - Paraqitja e testit të maturës

Nosh

20-05-2011, 11:02

Me 20 maj 1498 - Lundërtari portugez, Vasko de Gama, arriti në Kalkutë të Indisë, pasi u bë evropiani i parë që lundroi nga Evropa rreth Afrikës për në Indi.

Me 20 maj 1506 - Vdiq lundërtari dhe zbuluesi italian, Kristofor Kolombi. Katër udhëtimet e tij në Botën e Re, çuan në shfrytëzimin dhe kolonizimin e saj nga evropianët.

Me 20 maj 1837 - Vdiq Alush Frakulla, udhëheqës i kryengritjeve fshatare antiosmane ne krahinën e Myzeqesë. I pakënaqur nga reformat centralizuese te tanzimatit, ne maj te 1835, ne krye te kryengritësve fshatare pushtoi çifligjet shtetërore. Ai ishte nismëtar dhe organizues i Kuvendit te Protezës, ku u mblodhën përfaqësuesit e krahinave kryengritëse dhe hartuan platformën dhe kërkesat e kryengritjes. Atje u vendos qe vendi te qeverisej nga kryepleqtë. Pas Kuvendit, Alush Frakulla sulmoi për marrjen e Beratit. Por ne luftimet qe u zhvilluan ne Frakull, përballe ushtrisë osmane prej 5000 vetash, ai u thye, ra rob dhe u dënua me pune te rende ne Turqi, ku dhe vdiq.

http://wiki-images.enotes.com/thumb/0/04/Ernest_Koliqi.jpg/250px-Ernest_Koliqi.jpg

Me 20 maj 1903 - Lindi në Shkodër, shkrimtari, gazetari, studiuesi dhe politikani Ernest Koliqi. U diplomua në Universitetin e Padoves dhe mbrojti doktoraturën në Universitetin e Romës me 1937. Dha leksione mbi gjuhën dhe letërsinë shqipe në katedrat universitare të Padovës dhe Romës. Karrierën pedagogjike e vazhdoi ne Shkollën Tregtare të Vlorës e në Gjimnazin e Shkodres. Gjate viteve 1939-1941 drejtoi Ministrinë e Arsimit. Shkrimet e para i botoi në revistën studentore "Noi giovani" (Ne te rinjte) qe e themeloi dhe e drejtoi vetë. Ai është nismëtar dhe drejtues i fletoreve "Ora e Maleve", "Za rinie", "Shkëndija" dhe "Shejzat" qe botohej në Itali. Firma dhe pseudonimet e tij ndeshen në dhjetra organe që janë botuar në vendin tone para çlirimit. Përmbledhja e parë me tregime qe ka dale nga pena e Koliqit "Hija e maleve", është botuar në vitin 1929. Ajo u pasua nga "Poetet e mëdhenj të Italise" me dy vëllime, "Tregtar flamujsh", "Gjurmët e stinëve". Ernest Koliqi vdiq në Itali në vitin 1975.

Me 20 maj 1912 - Në gazetën "Liria e Shqipërisë" qe nxirrnin mërgimtarët shqiptare ne Sofje, u botua Memorandumi drejtuar qeverise xhonturke dhe përfaqësuesve te fuqive te mëdha ne Shkup, ku kërkohej t'i njihej Shqipërisë e drejta e provincës autonome.

Me 20 maj 1916 - Në rrethinat e liqenit të Ohrit, u gjet rastësisht përkrenarja e mbretit ilir Monun, që sot ruhet në Muzeun e Antikiteteve në Berlin. Në pjesën e brendshme të saj ruhet mbishkrimi latinisht "Bazaleos Monounion", që do të thotë "Përkrenare e mbretit Monun". Emri i tij është gdhendur edhe në disa monedha argjendi. Mbishkrimi i përkrenares dhe i monedhave kanë të njëjtën kaligrafi, gjë qe dëshmon për prodhimin e tyre në vend nga artizanët iliras.

Diamant

20-05-2011, 12:02

mua me kujton kur gjyshja e Denit u rrzu prej shkalleve hahahahah

albasoul

20-05-2011, 13:30

Ditelindjen e nje vogelushje...;)

Nosh

22-05-2011, 10:40

Sot me 21 maj 1542 - Vdiq Hernando de Soto, zbuluesi spanjoll i Amerikës Latine dhe atyre shteteve që më vonë do të bënin pjesë në Amerikën Juglindore.

Sot me 21 maj 1904 - U themelua në Paris FIFA, Organizata Ndërkombëtare e Futbollit.

Sot me 21 maj 1927 - Amerikan Carls Lindbergh, u bë piloti i parë që kaloi Atlantikun vetëm nga Long Island, New York, deri në Paris. Në të njëjtën ditë, por të vitit 1932, Amelia Earhart u bë gruaja e parë që kaloi Atlantikun vetëm nga Newfoundland deri në Irlandë.

Sot me 21 maj 1999 - Të paktën 19-të të burgosur dhe anëtarë të personelit të administratës u vranë dhe 10-të të tjerë u plagosën nga bombardimet e kryera në Istog nga aviacioni i NATO-s, kundër një burgu në veriperëndim të Kosovës. Drejtori i burgut, Rakoçevic, cilësoi se NATO-ja po e bombardonte sistematikisht burgun për të liruar luftëtarët e UÇK-së.

Sot me 21 maj 2006 - Është mbajtur referendum për statusin shtetëror të Malit të Zi. Në referendum, me shumicë të ngushtë, është vendosur Mali i Zi të ndahet nga kornizat e Bashkësisë shtetërore të Serbisë dhe Malit të Zi.

Nosh

22-05-2011, 14:06

Sot me 22 maj 337 - Përkujtohet përvjetori i vdekjes së Kostandinit të Madh, perandorit romak me prejardhje ilire. Ai u lind në Naissus, Nishi i sotëm në vitin 272. Kostandini i Madh ishte gjeneral që nuk e njohu humbjen në fushën e betejës, reformator i madh në organizimin e shtetit dhe të shoqërisë. Me 313 ai njohu lirinë e besimit të krishterë dhe i mori të krishterët që përndiqeshin nën mbrojtjen e vet. Për këtë ai u shenjtërua dhe çdo vit, më 21 maj kremtohet dita e Shën Kostandinit.
http://t1.gstatic.com/images?q=tbn:ANd9GcTW76GVcjZw7dRPU7znT5ClUFtbrYzss NighA9ePZOxpk_UnoCK&t=1
Sot me 22 maj 1910 - Lindi në Sevastopol të Rusisë, Lola Gjoka, pianistja e parë dhe e talentuar shqiptare. Ajo u lidh me instrumentin që në moshën 6 vjeçare. Mësues dhe pedagog të parë kishte të atin, mërgimtar, që prej 30 vjetësh ishte detyruar të braktiste Bulgarecin e Korçës për të siguruar bukën e gojës në brigjet e Detit të Zi. Në atdhe Lola Gjoka u kthye në vitin 1932 dhe u lidh me muzikantët më të shquar të kohës: Tefta Tashkon, Tonin Guraziun, Marie Krajën, Jorgjie Trujën, Mihal Cikon. Së bashku përgatitën dhe dhanë koncertet e para në Korçë, Tiranë, Shkodër e qytete të tjera. Me ngritjen e Radio Tiranës ajo është ndër bashkëpunëtorët e parë të mikrofonit. Në mungesë të orkestrës ajo shoqëron me piano këngëtarët, i mëson ata, mbledh këngët popullore i përpunon ato, jep mësim në shkollën e parë muzikore që u ngrit pranë Radios. Veprimtarinë pedagogjike ajo më pas e vazhdoi në Liceun Artistik dhe në Konservatorin e Tiranës. Në vitin 1951 e deri sa doli në pension artistja punoi si koncertmaestre, fillimisht, në Filarmoninë e Shtetit dhe më pas në Teatrin e Operës dhe të Baletit.
http://img.youtube.com/vi/boL105Kjqc8/0.jpg

Sot me 22 maj 1960 - Lindi në Shkup Blerim Reka. U diplomua për jurisprudencë në Universitetin e Prishtinës; atje mbrojti dhe doktoraturën në fushën e së drejtës ndërkombëtare. Karrierën si gazetar dhe komentator e nisi në gazetën "Rilindja" të Prishtinës dhe me mbylljen e saj si drejtor i gazetës "Bujku". Njëherësh ka punuar edhe si korespondent i BBC-së, themelues dhe kryeredaktor i revistës juridike të Kosovës "Kosova Law Review" si dhe i revistës shkencore "Euro-Atlantic Review".

Nosh

23-05-2011, 16:20

Me 23 maj 1430 - Zhan D'Ark u kap nga trupat e Burgonjës në Shampanjë dhe iu dorëzua anglezëve.

Me 23 maj 1820 - Ali Pashë Tepelena thirri një mbledhje të posaçme të krerëve shqiptarë e grekë, si dhe përfaqësues të besimeve fetare për të mobilizuar popullsinë e pashallëkut kundër hakmarrjes që po përgatisnin pushtuesit osmanë. Ai u premtoi të pranishmëve se po të thyheshin turqit do të krijonte një shtet kushtetues, që do të përfshinte Shqipërinë dhe Thesalinë, kurse Greqia Qendrore dhe Morea do të organizoheshin në një shtet autonom nën mbrojtjen e vetë Aliut.

Me 23 maj 1924 U mbajt në Vlorë "Kuvendi i krahinës së Labërisë", që vendosi të hidhej në kryengritje kundër qeverisë. U shpall edhe garnizoni ushtarak i Përmetit, i udhëhequr nga nënkolonel Kasem Qafëzezi. Pas këtyre ngjarjeve u formua Komisioni për drejtimin e lëvizjes, që kryesohej nga Fan Noli. Ai caktoi udhëheqësit ushtarakë: në Jug Kasem Qafëzezin, në Shkodër Rexhep Shalën dhe për zonën e Kosovës dhe të Dibrës, Bajram Currin. Njësitë kryengritëse numëronin 12 mijë vetë, shumica fshatarë.

Me 23 maj 1997 - U nda nga jeta piktori Fadil Pëllumbi. Ai i përket brezit të parë të nxënësve që mbaruan Shkollën e Vizatimit në Tiranë më 1936. Studimet e larta i ndoqi në Akademinë e Arteve të Bukura në Romë. Nga peneli i tij në vitin 1939 doli pllakati i parë shqiptar. Në dhjetor të vitit 1944, në Tiranën e shkatërruar nga lufta, piktori hapi ekspozitën e parë vetjake dhe një vit më pas organizoi ekspozitën e parë të artizanatit. Ai ndihmoi për prezantimin dinjitoz të Shqipërisë dhe universit shpirtëror të popullit tonë në botë. Më 1946 ai projektoi pavionin shqiptar në Panairin Ndërkombëtar të Zagrebit, ekspozitën "Shqipëria e re" që u hap në Rumani dhe Bullgari; më 1949 projektoi pavionin shqiptar në Panairin e Poznanit në Poloni dhe atë të Pragës. Me veprat e ekspozuara në Festivalin Botëror të Rinisë në Pragë në korrik-gusht të 1947 ai meritoi "Diplomë nderi".

Nosh

24-05-2011, 15:37

Me 24 maj 1543 - Vdiq Nikolas Koperniku, themeluesi polak i astronomisë moderne.

Me 24 maj 1912 - Në Kuvendin Kombëtar të Junikut u shqua prijësi i ri 20-vjeçar nga Krasniqi i Malësisë së Gjakovës Zeqir Haliti. Ai u shqua në betejën e Qafëmorinës më 1910, ne luftime kundër ekspeditës turke të komanduar nga Shefqet Turgut Pasha. Mori pjesë në dhjetra beteja të mëdha e të vogla gjatë kryengritjes së përgjithshme të vitit 1912 dhe sidomos në betejën që zhvilluan kryengritësit shqiptarë, të udhëhequr nga Bajram Curri kundër pushtuesve serbo-malazezë gjatë viteve 1912-1913.

Me 24 maj 1937 - Lindi në Shkodër aktori dhe regjisori Serafin Fanku. Studimet e larta për aktor i filloi në Pragë dhe i përfundoi në Institutin e Lartë të Arteve në Tiranë. Shkëlqeu si aktor në skenën e Teatrit Profesionist "Migjeni" të Shkodrës, ku interpretoi shumë role të para. U shqua edhe si regjisor dhe meritoi titullin e lartë "Artist i Popullit". Në shtigjet kinematografike shkeli për herë të parë më 1976 me rolin e Klarkut në filmin "Fijet që priten". Më pas erdhën edhe 9 role të tjerë që u mirëpritën nga shikuesit dhe kritika artistike. Roli i profesorit të fizikës në filmin "Pranvera s'erdhi vetëm" xhiruar në vitin 1988 e mbylli karrierën e tij filmike.

Me 24 maj 1992 - Në Kosovë, në 29 njësi zgjedhore, mbi 300.000 zgjedhës votuan për 100 vende për Parlamentin e Kosovës dhe për kandidatin për president. Votimet ishin pluripartiake dhe u vëzhguan nga 200 gazetarë nga e gjithë bota. Zgjedhjet ishin tregues i dëshirës së shqiptarëve të Kosovës për pavarësi dhe demokraci. President i Republikës së Kosovës u zgjodh dr. Ibrahim Rugova.

Me 24 maj 1998 - Në prani të mijëra besimtarëve, u përurua në qytetin e Shkodrës, Kisha e Zonjës, e ringritur rreth kalasë "Rozafa". Pesë vjet më parë gurin e themelit të kësaj kishe e vuri Papa Gjon Pali II, gjatë një vizite në Shqipëri në vitin 1993.

Me 24 maj 1999 - Në Laprakë u përurua spitali i ri fushor i ngritur për të ardhurit nga Kosova. I financuar nga Komiteti i Ndihmave për Kosovën, i Arabisë Saudite, spitali i Laprakës u rradhit i dhjeti spital i ngritur kohët e fundit.

Nosh

24-05-2011, 23:11

Me rastin e pëvjetorit të 7-të të

http://www.botasot.info/img/234-Rugova-zyra%20amerikane.jpg
Shkruan:Bahri RASHICA
I paharruar qoftë kujtimi për presidentin Ibrahim Rugova
Sa herë vjen 24 maji kujton një ngjarje të madhe historike kur më 24 maj 1992,Kosova,arriti t'i organizoj zgjedhjet e para Nacionale pas Dekleratës së 2 korrikut,Kushtetutës së 7 shtatorit 1990 dhe Referendumit të tetorit 1991.Zgjedhjet Nacionale ishin vazhdimi i ndërtimit të shtetit me demokracinë e filluar me 23 dhjetor 1989 kur u formua Lidhja Demokratike e Kosovës.Më 24 maj 1992,populli i Kosovës zgjodhi për president dr.Ibrahim Rugovën kryetarin e Lidhjes Demokratike të Kosovës.Nga viti 2005 me vendim të presidentit Rugova,24 maji është "Dita e Presidentit". Ibrahim Rugova festoi vetëm një herë "Ditën e presidentit"pasi që sëmundja i mori jetë më 21 janar 2006."Dita e presidentit"manifestohet vit pas viti,sot jemi në për vjetorin e 7-të të kësaj dite historike.Urojmë presidenten zonjën Atifete Jahjaga për "Ditën e Presidentit".Kjo zonjë është e katërta që punon në presidencë pas dr. Ibrahim Rugovës,dr.Fatmir Sejdiut dhe Behgjet Pacollit. I paharruar qoftë kujti

Bota Sot

Nosh

25-05-2011, 14:14

Me 25 maj 1848 - U lind albanologu i shquar çek Jan Urban Jarnik. Ai ka dhënë një ndihmesë të madhe në studimin e gjuhës dhe folklorit shqiptar. Pati një letërkëmbim të gjallë shkencor me Naim Frashërin, Jeronim de Radën, Kostandin Kristoforidhin dhe rilindas të tjerë shqiptarë. Ka lënë disa vepra me vlera shkencore dhe historike si "Për gjuhësinë shqipe", "Kontribut për njohjen e dialekteve shqiptare", "Përralla dhe anekdota shqiptare", etj.

Me 25 maj 1907 - U lind në Izmir të Turqisë juristi, pedagogu dhe përkthyesi Fejzi Dobi. Në vitin 1922 u kthye në Atdhe dhe pas përfundimit të Liceut të Korçës, ndoqi fakultetin Juridik në Akademinë e Lionit në Francë. Në Shqipëri dha mësim në Gjimnazin e Shkodrës dhe më pas në Liceun e Korçës dhe njëkohësisht shkruante dhe përkthente. Ai pruri në shqip "Letrat persiane" të iluministit francez Sharl Monteskjë. Gjatë viteve të pushtimit punoi si jurist në Lushnje dhe më pas transferohet në Kosovë e punon në Prishtinë. Pas çlirimit punon si përkthyes në Konsullatën Turke e në Ministrinë e Punëve të Jashtme. Në vitin 1951 shpallet element kundër pushtetit popullor. Pas rehabilitimit punoi si përkthyes e jurist deri sa doli në pension.

Me 25 maj 1922 - Lindi në Shkodër Fadil Paçrami, luftëtar antifashist, politikan, gazetar dhe dramaturg. Në vitin 1942 e braktisi Fakultetin e Mjekësisë në Bolonja të Italisë dhe u kthye në Shqipëri për t'u renditur në çetat partizane. Mbas luftës zuri poste të larta shtetërore dhe partiake. Nga pena e tij kanë dalë 13 drama, të cilat u luajtën në skenat tona. Në vitin 1975 u akuzua për pikëpamje antiparti në fushën e artit dhe letërsisë, u arrestua dhe 15 vjet i kaloi nëpër burgjet e Tiranës, Lushnjes, Burrelit dhe të Lezhës.

Me 25 maj 1937- Trupi diplomatik i akredituar në Tiranë, bëri një udhëtim turistik në qytetin e Beratit. Pas vizitës në qytet, diplomatët e huaj shkuan në shtëpinë karakteristike të Azmi Janinës. Nderi që iu bë beratasit të shquar shpjegohet me meritat e tij, që njiheshin në botën e jashtme, po jo në vendlindjen e tij. Azmi Janina ishte i dëgjuar si pedagog dhe historian. Në kohën e Perandorisë Osmane ai ka qenë rektor i Universitetit të Janinës.

Me 25 maj 1995 - U nda nga jeta shkrimtari dhe publicisti Azem Shkreli. U lind në Shkrel të Rugovës më 1938. Mbaroi Normalen e Prishtinës dhe fakultetin Filozofik. Karrierën e filloi në gazetën "Rilindja". Më pas u emërua drejtor i Teatrit Popullor, drejtor i "Kosova Film", kryetar i shoqatës së Shkrimtarëve të Kosovës dhe kryetar i Lidhjes së Shkrimtarëve të ish- Jugosllavisë. Vjershën e parë e botoi më 1952 në revistën "Pioneri". Më pas në shtypin e Kosovës dhe të Shqipërisë gjen dhjetar vjersha, tregime, novela e shkrime të tjera.

Nosh

26-05-2011, 09:56

Me 26 maj 1805 - Mbreti francez Napoleoni i Parë është kurorëzuar për mbret të Italisë në katedralen në Milano.

Me 26 maj 1822 - Lindi shkrimtari francez Edmon Luj Antoan de Gonkur, veprimtar i naturalizmit dhe impresionizmit në literaturën franceze. Veprat: "Motra Filomena", "Zhermini Laserte, studimi "Portrete intime të shekullit 18", "Arti në shekullin 18".

Me 26 maj 1882 - Bakterologu gjerman Robert Koh (1843-1910) në tubimin e mjekëve gjermanë kumtoi se e ka zbuluar bakterin i cili shkakton tuberkulozin dhe se ka gjetur ilaç për këtë sëmundje - tuberkulozin. Koh e zbuloi edhe shkaktarin e kolerës nga e cila kanë vdekur dhjetëra mijëra njerëz në botë. Për këtë punim në vitin 1905 e fitoi çmimin Nobël.

Nosh

28-05-2011, 10:07

Me 27 maj 1280- Me ashpërsimin e luftës midis Anzhuinëve dhe Bizantit në territorin e Shqipërisë Karli i I Anzhu urdhëron fillimin e meremetimit të kështjellës së Durrësit.

Me 27 maj 1564- Vdiq Gjon Kalvin, teologu zviceran me origjinë franceze. Ai ishte udhëheqës i reformimit protestant në Gjenevë quajtur sot e kësaj dite kalvinizëm. Vepra më e rëndësishme e tij është "Institucionet e besimit kristian", e cila është njëkohësisht edhe një manual i teologjisë protestante.

Me 27 maj 1922 - Lindi shkrimtari dhe gazetari shkodran Kin Dushi. U rendit në lëvizjen Antifashiste Nacional Çlirimtare dhe përjetoi kampin e përqendrimit të Prishtinës, skëterrën e te cilit e përshkroi në romanin "Në gojën e ujkut". Pas çlirimit punoi dhe botoi si shkrimtar, publicist e libretist. Me komedinë "Banorët e shkallës së gjashtë" fitoi çmimin e Republikës. Pas vitit 1961 u kritikua dhe u përndoq, rijetoi edhe një herë jetën në qeli dhe internim.

Me 27 maj 1928 - Detarët durrsakë u hodhën në grevë dhe kërkonin ngritjen e pagës dhe përmirësimin e kushteve të punës. Greva zgjati 6 ditë dhe përfundoi me fitoren e punëtorëve. Më pas u hodhën në grevë punëtorët e Portit që punonin për firmën italiane "Manxorana". Greva zgjati 3 ditë dhe firma ngriti pagat e punëtorëve të kualifikuar.

Me 27 maj 1941 - U ekzekutua me varje në Tiranë i riu 21 vjeçar Vasil Laçi, Hero i Popullit. Më 17 maj të atij viti ai qëlloi mbi Viktor Emanuelin III, kur kortezhi i makinave po kalonte në rrugën e Durrësit. Atentati i Vasil Laçit ishte shkëndija që ndezi kryengritjen e madhe antifashiste të popullit tonë.

Me 27 maj 1982 - U nda nga jeta atdhetari demokrat dhe luftëtari antifashist, shkrimtari, përkthyesi dhe pedagogu i dëgjuar Skënder Luarasi. U lind në Selanik në fillim të shekullit të kaluar. Mësimet i ndoqi në "Robert Kolegj" të Stambollit, më pas në Shtetet e Bashkuara të Amerikës dhe i përfundoi në Austri. Shkroi, përktheu dhe botoi që në bankat e shkollës. Autorësinë e tij e mbajnë shumë libra si "Agimi i lirisë", "Kolonel Tomsoni", "Migjeni", "Isa Boletini", "Ismail Qemali", etj. Ai i dha lexuesit shqiptar në gjuhën amtare disa nga kryeveprat e letërsisë botërore, përfshirë ato të Shekspirit, Shilerit, etj.

Nosh

28-05-2011, 10:30

Me 28 maj 1805 - Ka lindur burrështeti anglez Uiliam Pit, i cili në vitin 1783 u bë kryeministri më i ri në historinë e Britanisë së Madhe. Në kohën deri sa ishte shef i qeverisë deri në vitin 1801 dhe nga vitit 1804 deri në vitin 1806 zhvillonte politikë ekspansive koloniale, ndërsa në Indi e përforcoi pushtetin britanik duke e reformuar administratën.

Me 28 maj 1961 - Pas 78 viteve komunikacioni në linjën Paris - Stamboll ndërpritet të eksploatohet treni "Orient ekspres".

Nosh

28-05-2011, 12:25

Njolla e zezë e futbollit botëror

Bruksel, 28 maj 2011 (Kosovapress) Koha 10:15
http://www.kosovapress.com/ks/repository/images/hejsel280511_thmb1.jpg
Të shtunën bëhen 26 vjet nga tragjedia në stadiumin e Brukselit “Hejsel”, ngjarje e cila për shumë kënd ka karakterizuar historinë e futbollit në shekullin e kaluar, pasi që në finalen e ndeshjes së Kupës së Kampionëve Liverpul - Juventus (0:1) pasoi tragjedia ku jetën e humbën 39 persona.

Tragjedia nisi kur tifozët e Liverpulit kaluan pengesën që i ndante nga pjesa tjetër e shikuesve dhe kaluan në pjesën e stadiumit, ku ndodheshin tifozët e klubit italian.

Atëherë erdhi deri te rrahja masive në të cilën palët kundërshtare nuk zgjidhën armët dhe sipas raportimeve të medieve ishin dëgjuar edhe të shtëna nga revolet.

Kulmi i skenave të dhunshme ndodhi kur tribuna, në të cilën po zhvilloheshin përleshjet, u shemb.

Stadiumi i vjetër i Brukselit, i ndërtuar në vitin 1930, nuk pati fuqi t’iu qëndrojë sulmeve të huliganëve. Në mesin e 39 viktimave më së shumti ishin italianë, madje 32, ndërsa jetën e humbën edhe katër belgë, dy francezë dhe një irlandezë. Qindra njerëz u lënduan.

Ndeshja finale megjithatë u zhvillua, pasi që kapitenët e të dyja ekipeve - Gaetano Shirea dhe Fil Nil – nga tifozët morën garanci se nuk do të ketë më dhunë.

Në takimin ku më askujt nuk i interesonte futbolli, “zonja e vjetër” fitoi me golin e Mishel Platini nga penalltia.

Shumë vite më vonë disa lojtarë të Liverpulit patën deklaruar se nuk do ta merrnin kupën edhe sikur të fitonin në finale.

Vetëm dy ditë pas tragjedisë, kryeministrja e atëhershme e Britanisë së Madhe Margaret Theçer kërkoi nga UEFA që të mos lejojë ekipet angleze në ligat evropiane të futbollit derisa të mos qetësohej gjendja në stadiumet angleze, ku mbretëronte kaosi.

Gjendja në futbollin anglez u qetësua pas ndërmarrjes së masave strikte të sigurisë në stadiumet e këtij vendi, të cilat ndikuan që stadiumet britanike të bëhen më të sigurtat në Evropë.

Masat e Theçer u bënë shembull i luftës kundër dhunës në sport, por u treguan se nuk janë aq të suksesshme për tifozët e ishullit jashtë vendit, pasi që ndeshjet e kombëtares angleze si mysafir në kontinent ishin të kategorisë së parë sa i përket masave të sigurisë.

Huliganizmi me anë të këtyre masave u mposht në një pjesë të Evropës, por pamjet nga “Hejsel” në vitet pasuese treguan si stimulim shtesë për lulëzimin e dhunës së tifozëve, para se gjithash në lindje të “kontinentit të vjetër”.

Marisa

28-05-2011, 18:12

Me kujton ditelindjen e Benit, vecanerisht ditelindjen e kaluar :)

Nosh

29-05-2011, 23:23

29 maj 1453 - Sulltan Mehmeti II pushtoi Kostandinopojën dhe e bëri atë kryeqytetin e Perandorisë Osmane. Rënia e Kostandinopojës e shtoi frikën dhe panikun në Evropë. Gjergj Kastrioti u mundua t'a shfrytëzojë gjendjen e krijuar për të siguruar ndihma ushtarake dhe financiare për përballimin e furisë osmane. Ai dërgoi delegatët e vet në Napoli, Romë, Venedik dhe Raguzë. Por më shumë mori premtime. Vetëm Raguza u aktivizua për krijimin e një koalicioni luftarak midis shqiptarëve, hungarezëve dhe serbëve kundër kërcënimit osman.

29 maj 1912 - Në Zall të Rroboshtës, në afërsi të Lezhës, midis kryengritësve shqiptarë dhe forcave turke u zhvillua një përleshje që zgjati 4 orë. Nga pala shqiptare u vranë katër veta dhe shumë të tjerë u plagosën, por pushtuesi la në fushë të betejës 20 viktima dhe shumë të plagosur. Kryengritësit e vazhduan sulmin drejt Lezhës, por si pasojë e epërsisë numerike dhe në armatim të kundërshtarit, ato u thyen dhe u detyruan të tërhiqen.
http://i70.servimg.com/u/f70/15/70/70/45/dom_ni10.jpg
29 maj 1917 - U nda nga jeta atdhetari dhe veprimtari i shquar i Rilindjes Kombëtare, kleriku Dom Nikoll Kaçori. Ai shërbeu 20 vjet në famullinë katolike të Durrësit dhe u lidh herët me lëvizjen kombëtare. U shqua në fushën politike dhe kulturore. Gjatë viteve 1905-1907 drejtoi kryengritjen e Kurbinit në rrethin e Krujës. Ishte pjestar aktiv i Kongresit të Manastirit dhe atij të Elbasanit, që vendosën për alfabetin dhe shkollën shqipe. Për pjesëmarrjen në kryengritjet antiosmane të viteve 1910-1912 u arrestua dhe u dënua me burgim nga autoritetet pushtuese. Dom Nikoll Kaçori përfaqësoi Durrësin në Kuvendin e Vlorës që shpalli mëvetësinë e Shqipërisë, ku dhe u zgjodh nënkryetar i Qeverisë së parë Kombëtare, që kryesohej nga Ismail Qemali. Aktivizimi në jetën politike u kritikua nga hierarkia kishtare dhe në 1914, u detyrua të largohet në Vjenë, ku dhe u nda nga jeta më 29 maj 1917.

29 maj 1920 - Me nismën e Komitetit të "Mbrojtjes Kombëtare", pranë Dukatit, në Vlorë, u mblodh ilegalisht Kuvendi që vendosi fillimin e kryengritjes kundër pushtuesve italianë. Kuvendi zgjodhi Këshillin Kombëtar prej 30 vetash dhe komitetin e ri të "Mbrojtjes Kombëtare" prej 12 vetash, i cili do të drejtonte kryengritjen.

29 maj 1982 - Papa Pali II, në vizitën e parë papale në Britani që prej vitit 1531, u bë krahas kryepeshkopit të Kanteberit, kryetar i Kishës së Anglisë, në Katedralen e Kanteberit.

Nosh

30-05-2011, 12:01

Me 30 maj 1431 - Zhan D'Ark, e dënuar si heretike nga një gjykatë kishe e dominuar nga anglezët, u dogj në turrën e druve në Rouen të Francës. Ajo u shenjtërua nga Papa Benedikti XV në vitin 1920.

Me 30 maj 1498 - Kristofor Kolombi me gjashtë anije u nis nga Sanlukar i Spanjës në udhëtimin e tij të tretë eksplorues për të zbuluar shtetet e Amerikës së Jugut.

Me 30 maj 1635 - Frang Bardhi përfundon veprën e tij "Fjalori latinisht-shqip" me të cilën zë fill leksikografia shqiptare. Në veprën e Bardhit shqipja për herë të parë ballafaqohet me sukses me latinishten, gjuha më e përpunuar e kohës. Fjalori përfshin 4500 fjalë latine të cilat u përgjigjen rreth 2500 fjalë shqipe si dhe shumë togfjalësh dhe shembuj që tregojnë përdorimin e tyre. "Fjalori latinisht-shqip" i Frang Bardhit është një vepër e rrallë me vlera të jashtëzakonshme historike dhe shkencore, që ka shërbyer e shërben si burim i rëndësishëm për studimin e historisë së gjuhës shqipe e të kulturës shqiptare.
http://letersia.zemrashqiptare.net/images/articles/2007_02/907/u1_FrangBardhi.jpg

Me 30 maj 1911 - Lindi Skënder Dako. U diplomua për shkenca politike në Romë dhe 6 vjet punoi në ambasadën e Republikës së Kilit në kryeqytetin Italian. Më 1943 kthehet në Atdhe dhe familjarisht internohet prej nazistëve në kampin e Banjicës. Pas tre vitesh bashkë me të vëllanë, Skënder Dako arrestohet dhe dënohet me 7 vjet burg. Si I burgosur projektoi të gjitha uzinat mekanike bujqësore rajonale në Shqipëri, stacionet ujitëse të Thumanës, Vrinës, Vorës, etj. Pesëmbëdhjetë vjet të jetës së tij Skënder Dako i shfrytëzoi për përkthimin dhe sistemimin e materialeve të familjeve Qiriazi-Dako, që ishin grumbulluar në Arkivin Qëndror Shtetëror.

Me 30 maj 1913 - Përfundoi Lufta I Ballkanike. Atë ditë në Londër u nënshkrua Traktati i Paqes midis Bullgarisë, Serbisë, Malit të Zi dhe Greqisë nga njëra anë dhe Turqisë nga ana tjetër. Ky akt ngjalli pakënaqësi si në Ballkan ashtu dhe jashtë tij dhe ishte një nga shkaqet që një muaj më vonë të shpërthente Lufta II Ballkanike. Sipas nenit 3 të Traktatit të Paqe, fuqive të mëdha (Gjermanisë, Austro-Hungarisë, Francës, Britanisë së Madhe, Italisë dhe Rusisë) u "lihej kujdesi që të rregullonin caktimin e kufijëve dhe çdo çështje tjetër që kishte të bënte me Shqipërinë".

Me 30 maj 1945 - Në Fushë Kosovë, u lind Milaim Berisha, gazetar e poet kosovar. Mësimet e para i mori në vendlindje; shkollën e mesme e mbaroi për ekonomi dhe u diplomua për gjuhë letërsi në Universitetin e Prishtinës. Nga pena e tij kanë dalë shumë vështrime dhe artikuj për zhvillimet kulturore në vend. Ai është autor edhe i 5 vëllimeve poetike.

Monika

30-05-2011, 13:06

30 Maj 1980 - lindjen e kapitenit të Liverpoolit, Steven Gerrard. :smile:

Nosh

31-05-2011, 15:27

Sot me 31 maj Dita Ndërkombëtare kundër duhanit (http://lajme.dervina.com/archive/1405-3435:360/Dita-Nderkombetare-kunder-duhanit.htm)

Sot është Dita ndërkombëtare kundër duhanit. Edhe Kosova që njihet si vendi me numër shumë të lartë të duhan- pirësve ka shënuar sot Ditën Botërore kundër Duhanit me aktivitete të shumta edukative. “Të krijojmë dhe të kënaqemi në ambient pa duhan”, është motoja e sivjetme që po shënon këtë ditë.
Sipas të dhënave të Organizatës Botërore të Shëndetësisë, duhani është shkaktari i dytë i vdekjeve në botë. Çdo vit në botë vdesin rreth 5 milionë njerëz si pasojë e pirjes së duhanit. Çdo 10 sekonda duhani shkakton një vdekje. Jetëgjatësia e një personi që pi duhan shkaktohet për 10 vjet. Kosova ka 600 mijë duhanxhinjë që brenda ditës së bashku shpenzojnë gjysmë milioni euro për të blerë cigare. Kjo do të thotë se çdo i pesti njeri në Kosovë pi duhan.

http://lajme.dervina.com/foto/297574e436e7466386da63886436195b/Duhani_454.gif

Këto janë disa nga të dhënat që dolën sot nga konferenca që ka organizuar për këtë qëllim Instituti Kombëtar i shëndetësisë së Kosovës. Në Kosovë ende nuk ka filluar zbatimi i ligjit që parashikon ndalimin e pirjes së duhanit në institucionet publike, mjetet e transportit publik, bare, restorante, mjedise tregtare etj.
Parlamenti i Kosovës ka miratuar ligjin për duhanin dhe është nënshkruar nga PSSP-ja, por ende nuk ka filluar të zbatohet. Sipas, sekretarit të përhershëm në Ministrinë e Shëndetësisë, Kadri Hyseni, është duke u punuar që këtë vit të fillojë zbatimi i tij.
Udhëheqësi i zyrës së Organizatës Botërore të Shëndetësisë, në Prishtinë, Skënder Syla, tha se kjo ditë është një rast për të sinjalizuar nevojën urgjente për të gjitha shtetet për t’i bërë të gjitha vendet publike 100 përqind pa duhan.

Marr nga RTK 31.05.2008

Nosh

01-06-2011, 13:34

- Dita ndërkombëtare e fëmijëve

Me 1 qershor 1265 - Lindi Dante Aligieri - Shkrimtar nga Firenca

Me 1 qershor 1936 – Lindi Bekim Fehmiu aktor i madh shqiptar, i cili ka ndërruar jetë në vitin 2010.

Me 1 qershor 1959 - Hapet Instituti Albanologjik në Prishtinë

_katolikja_

01-06-2011, 13:43

Ditlindjen e djalit qe dua me se shumti ne kete bote! Ditlindjen e vellaut tim te vogel! ♥♥♥

Ilir_Gjokaj

01-06-2011, 20:25

Më 1 qershor, kalendari kishtar përkujton Shën Justinin, filozof e martir.

Nosh

02-06-2011, 10:14

Me 2 qershor 1403 - Senati i Venedikut shqyrtoi gjendjen e zotërimeve të tij në trojet arbërore dhe vendosi fortifikimin e qytetit të Durrësit në mënyrë të tillë që nga ana e tokës dhe e detit mund të ruhej dhe të shpëtohej. Po kështu senati udhëzon njerëzit e vet që të fortifikojnë grykën e Bunës si arterie e rëndësishme lundrimi dhe tregtie. Nga ana tjetër e sheh me dyshim dhe frikë planin e kontit shqiptar Niketa Topia, zot i Krujës,i cili synonte të ndërtonte në zonën e Shën Markut në afërsi të Durrësit një fortesë. Senati porosit njerëzit e vet që me çdo kusht të ndalohet një gjë e tillë se rrezikon zotërimet e Venedikut në trojet arbërore.

Me 2 qershor 1877 - Lindi mësuesi dhe luftëtari për arsimin dhe shkollën shqipe Kolë Zezaj,i mbiquajtur nga malësorët "shkollari". Pas diplomimit jashtë vendit, më 1901 hapi shkollën e parë në vendlindjen e vet, në Dajç të Zadrimës. Dy vite më vonë atë e gjejmë në Iballë të Pukës si mësues të parë të shkollës që posa ishte hapur.

Me 2 qershor 1880 - U mblodh Kuvendi i Dytë i Frashërit, tubim ndërkrahinor i Lidhjes Shqiptare të Prizrenit. Ndërmjet të tjerave ai propozoi krijimin e një qeverie qendrore për krejt Shqipërinë, e cila do të merrte në dorë administratën e mbarë vendit. Qeveria do të formohej nga një Kuvend i përgjithshëm i Lidhjes, ku do të merrnin pjesë përfaqësuesit e të gjithë krahinave shqiptare.

Me 2 qershor 1915 - Repartet ushtarake serbe,të nisura nga Struga dhe Dibra,nën komandën e kolonelit Milutin Mishkoviç, filluan marshimin drejt Shqipërisë së Mesme. Ato ndeshën në rezistencën spontane të patriotëve shqiptarë, por në sajë të epërsive numerike dhe të teknikës ushtarake, pushtuan Elbasanin për të vazhduar më tej në thellësi të vendit.

Me 2 qershor 1920 -Disa mijëra vullnetarë si dhe batalioni i milicisë shqiptare prej 300 vetash, i formuar në Vlorë nga komanda italiane, i cili dezertoi duke u bashkuar me kryengritësit, nën urdhërat e "Komitetit të Mbrojtjes Kombëtare" formuan një ushtri kryengritësish prej afro 4000 vullnetarësh patriotë, të gatshëm për të dhënë jetën për çlirimin e qytetit të Flamurit.

Me 2 qershor 1924 - Kryengritësit shqiptarë çliruan Fierin. Më parë, pas luftimesh të ashpra ato kishin marrë Beratin,ku ishin përqëndruar forca të mëdha qeveritare, kurse në Veri të vendit ra Peshkopia. Ky ishte marshimi fitimtar i Revolucionit të Qershorit.

Me 2 qershor 1927 - U lind në Maqellarë të Peshkopisë aktorja dhe regjisorja e shquar Drita Agolli. Me skenën u lidh në 1950. Roli i parë ishte Marieli te "Zëri i Amerikës". Fill mbas kësaj ajo luajti në tragjeditë shekspiriane "Otello" dhe "Hamleti". Studimet e larta për skenografi dhe kostumeri i ndoqi në Bukuresht, kurse në Moskë u diplomua për regji. Kështu ajo hyri në historinë e teatrit tonë si skenografja, kostumjeria dhe regjisorja e parë më diplomë. Me regji të saj më 1963 u vu në skenë drama "Shtrëngata" dhe më pas shumë pjesë të tjera të autorëve tanë dhe të huaj. Ajo dha një ndihmesë të madhe edhe në teatrot e rretheve si në Elbasan, Fier, Berat, Peshkopi, etj. Me themelimin e Institutit të Lartë të Arteve Drita Agolli u emërua pedagoge.

Me 2 qershor 1937 - Eshtrat e poetit kombëtar Naim Frashëri arritën nga Turqia në Tiranë dhe pas ceremonisë mortore u vendosën në teqenë e ngritur posaçërisht për to.

Me 2 qershor 1999 - U botua deklarata e Federatës Panshqiptare "Vatra", që shprehte dhimbjen e thellë kundër mizorive çnjerëzore të kryera mbi motrat dhe vëllezërit kosovarë dhe solidaritetin dhe përkrahjen e luftës çlirimtare të patriotëve në tokën martire të Kosovës.

Nosh

03-06-2011, 10:43

Me 3 qershor 1899 - Vdiq kompozitori, violinisti dhe dirigjenti austriak Johan Shtraus i Riu, krijues i operetave vjenase. Ka kompozuar edhe valcerë, marshe.

Me 3 qershor 1965 - Astronauti amerikan Edvard Uajd doli nga anije kozmike "Xhemini 4", i cili qarkullonte rreth Tokës. Me këtë ai u bë amerikani i parë "shëtitës" nëpër kozmos, tre muaj pas kozmonautit rus Aleksej Leonov.

Me 3 qershor 2006 - Kuvendi i Malit të Zi e miratoi vendimin për shpalljen e pavarësisë së Republikës së Malit të Zi, sipas së cilës Mali i Zi është shtet i pavarur me të gjitha subjektet juridike ndërkombëtare.

Nosh

04-06-2011, 13:24

Me 4 qershor 1500 - Daton letra e At Bernardinit nga Shkodra, prej se cilës mësojmë mbi pritjen e Gjon Kastriotit, djalit të Skënderbeut, nga kryengritësit shqiptarë. Në Lezhë, thuhet në letër, "pritet Skënderbeu i ri, ashtu sikurse pritet Mesia (Krishti) prej judejve". Gjoni erdhi në tokat shqiptare bashkë me Span Dukagjinin. Lidhur me planet e Skënderbeut të ri në letër thuhet: "sit a marrë ishullin e Lezhës dhe sit a fortifikojë me ndonjë fortifikatë, do të rrethojë Shkodrën dhe Krujën dhe të gjitha vendet e tjera". Por sikurse dihet ai nuk pati sukses në planet e tij.

Me 4 qershor 1896 - U lind në Shkodër Dr. Nush Bushati. Mësimet e para i mori në vendlindje, pastaj vazhdoi Liceun e Gracit në Austri dhe u diplomua jurist në Universitetin e Vjenës. Jeta e tij studentore ishte e ngjeshur me veprimtari të shumta politike, publicistike dhe kulturore. Ai udhëheq shoqërinë "Albania" dhe drejton redaksinë e revistës "Djalëria". Pas diplomimit punon në arkivat e Ministrisë së Punëve të Jashtme të Austrisë për vjeljen e dokumentacionit mbi Shqipërinë. Në Shqipëri zgjidhet deputet i Shkodrës në Asamblenë Kombëtare dhe sekretar i përgjithshëm i saj. Në ato vite ai ishte një ndër figurat e shquara të opozitës, pjesëmarrës në Revolucionin e Qershorit. Noli e caktoi konsull të përgjithsshëm të Shqipërisë në Vjenë. Pas fitores së Legalitetit ai qëndron në Vjenë dhe i kushtohet artit skenik; luan në Teatrin Kombëtar të Noishtrelicit afër Berlinit dhe Teatrin e Insbrukut. Më 1930 kthehet në Shqipëri dhe drejton Organizatën e Rinisë Shqiptare. Pas dy vitesh zgjidhet deputet i Dibrës. Në vitin 1935 drejton Ministrinë e Arsimit. Në këtë post punoi edhe në vitet e pushtimit fashist të vendit. Para mbarimit të Luftës shkoi në Vjenë ku jetoi deri sa vdiq më 1973.

Me 4 qershor 1915 - U lind në Kavajë skulptorja e parë shqiptare, Kristina Hoshi. Ishte e apasionuar pas muzikës dhe vizatimit. Regjistrimi në Liceun Artistik të Romës përcaktoi përfundimisht rrugën e jetës së saj. Ajo kthehet në atdhe me diplomën e pedagogut të Arteve të Bukura Figurative dhe emërohet mësuese vizatimi në Institutin Femeror të Tiranës. Ndërkohë ajo fiton konkursin për të ndjekur Akademinë e Arteve të Bukura në Romë. Ajo bëhet e njohur me skulpturën "Fidani", të cilin e paraqiti në ekspozitën e vitit 1951, ku fitoi dhe çmimin e parë. Më pas erdhën dhe shumë punime të tjera, por një ndër kryeveprat e saj mbetet busti "Doktor Shiroka". Në vitin 1951 Kristina Hoshi emërohet pedagoge në Liceun Artistik "Jordan Misja" dhe me këtë hapet një fushë e gjerë veprimtarie për artisten.

Me 4 qershor 2003 - Pas një ndërprerjeje disa vjeçare rifilluan veprimtaritë tradicionale të festivaleve të këngës për fëmijë në rrethe. Në qytetin e Sarandës publiku i qytetit dhe qindra fëmijë ndoqën me interes festivalin e 26-të të këngës për fëmijë. U interpretuan 16 këngë.

Monika

04-06-2011, 15:34

4 Qershor 2011 - Provimi shtetnor i maturës

Nosh

05-06-2011, 16:52

Me 5 qershor 1871 - U lind Nikolla Jorga, historiani i shquar rumun që ka dhënë një ndihmesë të madhe në studimin e historisë së popullit tonë. Në vitet 1915-1916 botoi disa vëllime me "Shënime dhe ekstrakte në shërbim të historisë së kryqëzatave të shekullit XV", ku jepet një material I pasur dokumentar mbi luftrat antiosmane të popullit shqiptar gjatë epokës së Skënderbeut. Pikërisht në këtë kohë Nikolla Jorga zbuloi në bibliotekën Laurentiana të Firences dokumentin e parë të gjuhës shqipe "Formulën e pagëzimit", që i përket vitit 1462, të shkruar nga peshkopi i Durrësit Pal Engjëlli. Më 1919 botoi në frengjisht "Historia e shkurtër e Shqipërisë dhe e popullit shqiptar dhe një studim tjetër më 1925 me titull "Historia e shteteve të Ballkanit deri më 1924", ku çështjet e historisë sonë zënë një vend të dukshëm.

Me 5 qershor 1890 - U përfundua Kanuni i Shalës dhe Nikajt. Ai është një ndër kanunet e veçantë, lokalë, që përfshin marrëveshjen apo besëlidhjen midis dy krahinave të Veriut si dhe disa norma juridike të së drejtës zakonore, që ishin të detyruara t'i zbatonin palët. Këto norma lidhen me rregullimin e marrëdhënieve shoqërore në një stad tjetër të zhvillimit të shoqërisë në krahinat malore.

Me 5 qershor 1902- Mbante datën letra që mësuesi i shkollës së parë shqipe në Tiranë Filip Ashiku shkruan për thesarin e zbuluar në fshatin Vrap. Ashiku shkruan se më 5 qershor 1902 janë zbulluar në tokë shumë objekte antike në ar, midis tyre një lloj kupe floriri me peshë 300 gram me katër figura dhe mbi secilën figurë një mbishkrim greqisht. Dy monedha ari, një shpatë dhe sende të tjera, të gjitha në të njëjtin vend. Ky zbulim i rrallë është quajtur "Thesari shqiptar" dhe sot gjendet në Muzeun Metropolitan të Nju Jorkut.

Me 5 qershor 1904 - Lindi mjeku Fezullah Miraku. Shkollën fillore dhe qytetëse e kreu në vendlindje, Elbasan. Më 1921 qeveria e Sulejman Delvinës e dërgoi për studime në Austri. Studioi ne Fakultetin e Mjekësisë në Universitetin e Gracit. Gjatë viteve studentore merr pjesë në veprimtarinë patriotike, kulturore e shoqërore që organizonte shoqëria "Albania". Pas diplomimit, Fezullah Miraku, në vitin 1932 kthehet në Atdhe dhe punon mjek në bashkinë e Kukësit. Pas dy vitesh transferohet në Elbasan ku është mjeku i parë i banjave termale të Llixhës së Elbasanit.

Me 5 qershor 1920 - Vullnetarët shqiptarë filluan sulmet kundër pushtuesve italianë në Vlorë. Forcat italiane numëronin 20 mijë ushtarë. Në gjirin e Vlorës patrullonin mbi 10 luftanije të mëdha dhe shumë luftanie të lehta. Pjesa më e mirë e forcave pushtuese ishin dislokuar në Vlorë dhe gjatë rrigës Vlorë-Gjirokastër dhe sidomos në Drashovicë, Kote Gjormë, Vajzë e Tepelenë; gjatë rrugës Vlorë-Sarandë si në Dukat, Llogara e Himarë. Në mbrëmjen e 5 qershorit duke u gdhirë data 6, kryengritësit shqiptarë zunë shumicën e postkomandove të karabinierëve.

Me 5 qershor 1991 - Në Shqipëri u krijua shoqata e Ruajtjes dhe e Mbrojtjes së Mjedisit Natyror. Pikërisht atë ditë, në Shqipëri u festua për herë të parë edhe Dita Ndërkombëtare e Mbrojtjes së Mjedisit.

Nosh

05-06-2011, 16:56

Dita botërore e mjedisit

Prishtinë, 5 qershor 2011 (Kosovapress) Koha 09:06
http://www.kosovapress.com/ks/repository/images/mjedisi050611_thmb1.jpg
Me rastin e Ditës Botërore të Mjedisit, sot Ministria e Mjedisit dhe Planifikimit Hapësinor, organizon shënimin e kësaj ngjarje të rëndësishme mjedisore.

Nosh

06-06-2011, 11:32

Me 6 qershor 1795 - Kara Mahmut Pashë Bushatlliu, në krye të një ushtrie të madhe, rrethoi dhe mori Prizrenin. Kështu Dibra u bashkua me Pashallëkun e Shkodrës. Por në pranverë të vitit që pasoi bejlerët dibranë u ngritën kundër Kara Mahmutit dhe dëbuan nipin e tij që e kishte vënë në krye të vendit.

Me 6 qershor 1914 -Qeveria e Vilhelm Vidit, me pak ndryshime, miratoi Protokollin e Korfuzit, që Komisioni i Kontrollit përfundoi me të ashtuquajturën qeveri e Zografit. Sipas këtij dokumenti, krahinave të jugut u njihej një farë autonomie që përfshinte administrimin e pavarur dhe krijimin e një xhandarmërie vendore.

Me 6 qershor 1915 - U lind në Ulqin Artisti i Popullit, Pjetër Gjoka. Veprimtarinë skenike Gjoka e filloi në Shkodër në 1934. Pas çlirimit punoi aktor i Teatrit Popullor në Tiranë. Rolet e tij më të spikatura janë; Shpendi tek "Halili dhe Hajria" e Fatmir Gjatës, Mileri te "Intrigë e dashuri" e Shilerit, Kardinali te "Komploti i të dënuarve" i Virtes, Haritonovi te "Për ata që janë në det" e Llavrentjevit. Pjetër Gjoka si regjisor ka vënë në skenë dramat kombëtare "Përleshja" e Xhemal Brojës dhe "Familja e peshkatarit" e Sulejman Pitarkës. Ai ka lënë gjurmë të pashlyera në kinematografinë shqiptare. E nisi karrierën filmike në vitin 1953 me filmin "Skënderbeu", që ka merituar çmimin e Festivalit të Kanës më 1954, për të vazhduar me filmat "Fëmijët e saj", "Tana", "Furtuna", "Njësiti gueril", "Gjurma", "I treti", "Gjenerali i ushtrisë së vdekur" e "Yjet mbi Drin". Pjetër Gjoka është një ndër bashkëpunëtorët më të vjetër të mikrofonit të Radio Tiranës.

Me 6 qershor 1927 - U lind në Shkodër pedagogu dhe gazetari Lec Zadeja. U arsimua dhe diplomua në vendlindje. Edhe karrierën pedagogjike dhe gazetareske e ka zhvilluar në Shkoder. Fillimisht dha mësim në shkollat 8-vjeçare të qytetit, më pas në Gjimnaz dhe kur u ngrit Instituti i Lartë Pedagogjik mbajti leksione edhe në auditorët e tij. Krahas punës pedagogjike Lec Zadeja ka bashkëpunuar me mikrofonin e Radio Shkodrës dhe Radio Tiranës. Nga pena e tij kanë dalë edhe qindra artikuj dhe shkrime letrare.

Me 6 qershor 1937 - Komisioni për kremtimin e 25 vjetorit të Pavarësisë shpalli konkursin ndërkombëtar për monumentin e Gjergj Kastriotit Skënderbeut. Ky ishte konkursi i parë i këtij lloji në vendin tonë.

Me 6 qershor 1961 - Vdiq Karl Gustav Jung, psikiatër dhe psikolog zviceran.
Veçanti i njohur për psikologjinë analitike, individuale dhe thellësive, po ashtu interpretues i ëndrrave,

Me 6 qershor 1987 -Vdiq në Shtetet e Bashkuara të Amerikës agronom Mehmet Beqiri. Studioi për agronomi në Shkollën Teknike të Tiranës dhe u diplomua në Shkollën e Lartë Agronomike të Vjenës. Në atdhe është marrë me frutikulturë. Fillimisht ngriti një fermë moderne familjare në Vlorë. Pas vitit 1944 emigroi në Itali, më pas në Siri dhe përfundimisht në SHBA. Atje mori doktoraturën për sociologji dhe shumë vite dha leksione në Kanada. U nda nga jeta më 6 qershor 1987.

Me 6 qershor 1997 - Kongresi Amerikan nderoi Nënë Terezën me "Medaljen e Artë". Me këtë rast kryetari i Dhomës së Përfaqësuesve u shpreh: "Nënë Tereza nuk jemi ne ata që të nderojmë ty me këtë akt, jeni ju ajo që na nderoni ne duke pranuar të vini këtu të ndani kohën tuaj me ne. Të gjithë ju jemi borxhlinj."

Nosh

07-06-2011, 13:39

Me 7 qershor 1451 - Midis Alfonsit të Napolit dhe kontit shqiptar Gjergj Arianitit u nënshkrua Traktati për bashkëpunimin në luftën kundër turqve. Në emër të Gjergj Arianitit dokumentin e firmosi ambasadori i tij Filip Pantella. Traktati i vitit 1451 është një nga marrëveshjet e rralla dypalëshe që ka ardhur deri në ditët tona me një rëndësi të madhe historike dhe shtetformuese.

Me 7 qershor Mat, u mblodh Kuvendi i Përgjithshëm i Shqipërisë për hartimin e projektit të kryengritjes dhe çlirimit të vendit. Në Kuvend morën pjesë edhe përkrahësit e marrëveshjes me Republikën e Venedikut. Kuvendi u shpreh për kryengritjen e përgjithshme të Kalorësve Tom Plezha dhe Mark Gjini, që ishin në shërbim të Venedikut iu ngarkua detyra që së bashku me peshkopin Nikollë Mekajshi të hynin në bisedime me Papatin për bashkëpunim në zbatimin e projektit të kryengritjes.

Me 7 qershor 1913 - Udhëheqësi i kryengritjes së përgjithshme antiosmane Hasan Prishtina lëshoi Thirrjen drejtuar gjithë shqiptarëve atdhedashës dhe botës së kulturuar për të ndihmuar kryengritësit shqiptarë në luftën e tyre të shenjtë për çlirim kombëtar.

Me 7 qershor 1922 - U lind në Gjirokaster Gjylso (Shtini) Nini një ndër gazetaret e para shqiptare. Në vendlindje mori dhe mësimet e para. Në organet e shtypit të viteve 1950-1970 ndeshen shumë shkrime informative dhe analitike, por edhe reportazhe, skica e fejetone që mbajnë firmën e saj.

Me 7 qershor 1937 - U lind në Tiranë Doktori i shkencave Fiqiri Bakalli.. Studimet e larta i ndoqi në Institutin e Minierave në Leningrad dhe pas prishjes së marrëdhënieve me Bashkimin Sovjetik, i vazhdoi në Fakultetin e Gjeologjisë dhe Minierave në Tiranë. Pas diplomimit u emërua në Ndërmarrjen Gjeologjike të Rubikut dhe drejtoi ekspeditën e Spaçit. Më tej punoi si kryespecialist në Drejtorinë e Përgjithshme të Gjeologjisë në Ministri dhe drejtor i Drejtorisë së Programeve dhe Projekteve.

Nosh

08-06-2011, 10:28

Me 8 qershor 632 - Vdiq themeluesi i fesë islame, profeti Muhamed A.S. Besimtarët myslimanë në tërë botën përkujtojnë 1375 vjetorin e vdekjes së Profetit Muhamet. Lindi më 20 prill 571. në vitin 609 me porosi të Allahut filloi në Mekë predikimin dhe përhapjen e besimit të ri, islamizmit, që sot është përhapur në shumë vende të botës, përfshirë dhe vendin tonë.

Me 8 qershor 455 - U zhvillua beteja e ushtrisë shqiptare të udhëhequr nga Gjergj Kastrioti kundër forcave osmane në Berat. Shqiptarët rrethuan qytetin dhe u dhanë pushtuesve 11 ditë afat për t'u dorëzuar. Në krye të një pjese të ushtrisë Gjergj Kastrioti shkoi në jug për çlirimin e një kështjelle më të vogël. Komandanti turk Isa bej Evrenozi duke përfituar nga mungesa e Skënderbeut dhe tradhtia e Moisi Golemit me një marshim të shpejtë arritën afër Beratit dhe i goditën në befasi forcat shqiptare. Ushtria shqiptare pësoi një disfatë shumë të rëndë. Vetëm sulmi i furishëm i Skënderbeut bëri të mundur që ushtria mos të asgjësohej tërësisht dhe të tërhiqej me humbje të rënda nga rrethinat e Beratit. Kjo ishte e vetmja disfatë e Skënderbeut gjatë epopesë 25 vjeçare që u zhvillua nën drejtimin e tij.

Me 8 qershor 1927 - Lindi në Shkodër Çesk Zadeja, njëri prej themeluesve të muzikës shqiptare. U diplomua në Konservatorin "Santa Çiçilia" të Romës. Që në bangat e shkollës ka qenë këngëtar i korit dhe instrumentist i orkestrave shkollore dhe të qytetit. Në vitet 1946-1947 ka drejtuar redaksinë e muzikës në Radio Tirana dhe më pas dirigjent i Ansamblit të Ushtrisë. Çesk Zadeja u bë i njohur dhe zuri një ndër vendet e korifeut të muzikës sonë pas përfundimit shkëlqyeshëm të Konservatorit "Çajkovski" të Moskës. Fill pas diplomimit ai përfundoi Simfoninë me të cilën fitoi çmimin e parë kombëtar. Zadeja ka dhënë ndihmesën e tij si udhëheqës artistik i Ansamblit të Këngëve dhe Valleve, si pedagog në Konservatorin e Tiranës, si udhëheqës artistik i Tetarit të Operës dhe Baletit në Tiranë. Ai mban titujt "Artsit i Popullit" dhe "Profesor", si dhe ka merituar shumë urdhër dhe çmime. Disa veprimtari kombëtare muzikore mbajnë emrin e tij.

Me 8 qershor 1937- U nda nga jeta Sali Mani luftëtar i çështjes kombëtare dhe antifashist i orëve të para në Malësinë e Gjakovës. Pjesëmarrës dhe drejtues në betejat e Krasniqit, Gashit dhe Bytytçit gjatë kryengritjes së përgjithshme të 1912, I rezistencës kundër forcave shoviniste serbe e malazeze, kundër pushtuesve austriakë më 1918, përkrahës dhe luftëtar i Revolucionit të Qershorit. Në shtëpinë e Sali Manit, në Bujan të Tropojës më 31 dhjetor 1943 u mblodh Konferenca e Bujanit, ku u themelua Këshilli Nacional Çlirimtar i Kosovës dhe rrafshit të Dukagjinit. E gjithë familja e tij u lidh me luftën antifashiste dhe djali i tij Jahja dha jetën për çlirimin e atdheut.

Nosh

09-06-2011, 10:31

Me 9 qershor 68 - Perandori romak Neron ka kryer vetëvrasje pas erupsionit të pakënaqësisë së popullatës. Ai e ndërmori pushtetin pas vdekjes së mbretit Klaudi dhe në fillim ishte nën ndikimin e mësuesit të tij, filozofit Seneka. Në vitin 64 shpërtheu zjarr në Romë, për të cilin (edhe pse nuk është konfirmuar) konsiderohet se ai e ka shkaktuar dhe i akuzon krishterët, ku pësojnë me qindra krishterë në krye me Shën Pjetrin dhe Shën Palin.

Me 9 qershor 1781 - Lindi inxhinieri dhe shpikësi anglez Xhorxh Stivenson, "babai i hekurudhave", i cili në vitin 1814 e konstruoi lokomotivën e parë me avull. Në vitin 1825 e projektoi hekurudhën e parë publike Stokton - Darlington dhe i vendosi binarët e çelikut në vend të atyre të drurit. Në vitin 1829 e ndërtoi edhe hekurudhën Liverpul-Mançester, në të cilën lokomotiva e tij "Rokit" arriti shpejtësi rekorde prej 56 kilometra në orë. Në Nju Kastël në vitin 1823 e themeloi fabrikën e parë për lokomotiva.

Me 9 qershor 1928 - Një lajmëtar mjekësor i Akademisë britanike mbretërore publikoi se mikrobiologu Aleksander Fleming e zbuloi antibiotikun e penicilinës, i cili shumë shpejt filloi masivisht të përdoret për parandalimin e infektimeve. Fleming, Flori dhe Çejnë në vitin 1954 e ndanë Çmimin Nobel për mjekësi.

Nosh

11-06-2011, 07:04

Me 10 qershor 1190 - Perandori i shenjtë romak, Frederik Barbarosa, mbytet ndërsa përpiqej të kalonte lumin Salef në Turqi. Kjo ndodhi në rrugën për të çliruar Jerusalemin.

Me 10 qershor 1878 - Përvjetori i Lidhjes së Prizrenit. Personalitete shqiptare si dhe anëtarë të Komitetit të Stambollit, me në krye Abedin bej Dinon, të nxitur nga vendimet e Kongresit të Berlinit, i drejtuan ministrave të Jashtëm të Fuqive të Mëdha një memorandum ku protestohej në emër të popullit shqiptar kundër copëtimit territorial të atdheut dhe shtrohej kërkesa për t'i dhënë Shqipërisë një rregullim të veçantë administrativ.

Me 10 qershor 1965 - Fotografi Jani Ristani, i cili krijoi arshivën e ndërtimeve të infrastrukturës në Shqipëri, fiton tre çmime të para në festivalin ndërkombëtar të fotografisë në Berlin me foto nga ndërtimi hidrocentraleve etj. Ai lindi në Gjirokastër më 1913 dhe u shkollua ne Stamboll ne "Robert Kolezh". Merr mësimet e para nga mjeshtri turk i fotografisë Niko Huzuri dhe fillon nje aktivitet te ethshëm ne Turqi. Në 1935 kthehet ne Tirane dhe hap "Studio Ristani", të parën studio moderne.

Nosh

11-06-2011, 10:59

Me 11 qershor 1796 - Kara Mahmut Pashë Bushatlliu në krye të një ushtrie të madhe u nis kundër Palabardhit të Malit të Zi. Beteja filloi më 11 qershor dhe bushatlliu pësoi disfatën e radhës nga popullsia e lirë e atyre viseve.

Me 11 qershor 1869 - U lind Karl Tomsoni ushtarak madhor hollandez, që shërbeu dhe dha jetën në Shqipëri. Ai erdhi i komanduar në vendin tonë në nëntor të 1913 dhe përgatiti studimin për organizimin e ushtrisë shqiptare. Në bazë të kësaj platforme ai organizoi xhandarmërinë në Vlorë dhe vendosi rregullin dhe qetësinë në vend. Princ Vidi, në maj të vitit 1914, e emëroi në krye të ushtrisë. Ai menjëherë vendosi ligjin duke kufizuar dhe disiplinuar dhe të huajt që qarkullonin pa asnjë kufizim. Ai përgatiti dhe planin për shtypjen e rebelimit në Shqipërinë e Mesme dhe në betejën që u zhvillua te Ura e Dailanit mbeti i vrarë.

Me 11 qershor 1915 - Ushtritë malazeze, të komanduara nga gjenerali Veshoviq, kaluan kufirin shqiptar dhe pas 16 ditësh pushtuan Shkodrën. Të nesërmen nga Çetina njoftohej se Shkodra iu kthye Malit të Zi. Ushtria malazeze pushtoi dhe gjithë ultësirën e Bunës. Fushata ushtarake u shoqërua me terror. Malazezët vranë Çerçiz Topullin, Mustafa Qullin, Mehmet Shpendin, Ded Gjo Lulin, Isa Boletinin dhe patriotë të tjerë. Ndërkohë, drejt Shqipërisë së Mesme marshonin ushtritë serbe. Më 11 qershor ato pushtuan Tiranën dhe vazhduan marshimin për të pushtuar Durrësin. Dhe kjo ndodhte në një kohë kur Shqipëria, në bazë të akteve ndërkombëtare ishte shpallur vend neutral.

Me 11 qershor 1920 -Filloi Epopeja e Vlorës. Sulmi dhe fitoret e vullnetarëve shqiptarë patën një jehonë të madhe përtej Adriatikut. Punëtorët italianë u ngritën në greva dhe demonstrata duke kërkuar nga qeveria pushimin e luftës dhe tërheqin e ushtrive pushtuese nga Shqipëria. Në skelat e Adriatikut, në Trieste, Ankona, Bari, Brindisi u bëhej thirrje ushtarakëve mos niseshin në Vlorë demonstruesit por edhe ushtarët që bashkoheshin me ta përlesheshin me policinë.

Me 11 qershor 1919 -Ndërmjet Jugosllavisë dhe Turqisë u përfundua marrëveshja për shpërnguljen e myslimanëve nga Kosova, Maqedonia dhe Sanxhaku për në Turqi. Qeveria jugosllave e shfrytëzoi këtë marrëveshje për të shpërngulur shqiptarët nga trojet e tyre. Ajo i paguante qeverisë turke 500 florinj për çdo familje të shpërngulur. Deri më 1937 ishin dëbuar nga vatrat e tyre 100 mijë kosovarë. Ndërkohë në tokat e liruara u vendosën 40 mijë kolonë serbe. Kolonizimi i viseve shqiptare vazhdoi deri në vitin 1940.

Me 11 qershor 1950 - U lind në Krujë Jani Skrami, Doktor i Shkencave. Kreu studimet në Universitetin e Tiranës dhe u diplomua si inxhinier gjeofizik. Pas studimeve u emërua në Ndërmarrjen Sizmo-gravimetrike të Fierit; disa vite punoi pedagog në Teknikumin e Naftës në Patos, specialist në Institutin e Naftës dhe Gazit në Fier dhe specialist në Institutin e Sizmologjisë në Tiranë. Jani Skrami është autor ose bashkautor i 52 studimeve dhe mbi 20 artikujve dhe kumtesave shkencore.

Nosh

13-06-2011, 21:09

Me 13 qershor 323 p.e.s - Vdiq në Babiloni, Aleksandri i Madh, mbret i Maqedonisë dhe një nga udhëheqësit më të mëdhenj të historisë.

Me 13 qershor 1231 vdiq Shën Ndou (Antoni) i Padovës.

Me 13 qershor 1814 - Në Itali, u formua nga mbreti Viktor Emanueli i Parë, Arma e Karabinierisë, fillimisht në Mbrojtje të Ligjeve të Mbretit, duke marrë kështu emrin "Trupi i Karabinierisë Mbretërore". Që në krijimin e saj, kjo forcë u shqua për luftën kundër krimit, si personifikim i respektit ndaj ligjit dhe qetësisë qytetare. Brenda një viti, duke u fuqizuar, kjo armë ka qenë prezentë në luftërat për liri dhe bashkimin e Italisë, në Luftën e Parë dhe të Dytë Botërore, në luftën për rezistencë dhe liri.

Me 13 qershor 1878 -Filloi punimet Kongresi i Berlinit. Traktati i përfunduar pas një muaji debatesh, duke marrë nëpër këmbë parimin e vetëvendosjes së popujve, e ruajti sundimin turk në një pjesë të gadishullit Ballkanik. Shqiptarëve ju bë një padrejtësi e madhe kur kongresi jo vetëm që nuk miratoi kërkesat e tyre për autonomi, por pikërisht këtu filloi dhe copëtimi i trojeve shqiptare. Fuqitë evropiane e injoruan dhe e mohuan krejtësisht ekzistencën e çështjes shqiptare. Vendimet e kongresit shkaktuan një valë zemërimi në Shqipëri dhe shpejtuan organizimin e qëndresës së armatosur kundër synimeve ndarëse të shovinistëve fqinj dhe lëvizjeve diplomatike të fuqive të mëdha që synonin copëtimin e trojeve shqiptare.

Me 13 qershor 1878 - Një grup patriotësh shkodranë, hartuan dhe i dërguan kryeministrit britanik Bikonsfild ditën e hapjes së Kongresit të Berlinit një memorandum kur tërhiqej vëmendja mbi ekzistencën e çështjes shqiptare. Aty denoncohej Traktati i Shën-Stefanit, afirmohej identiteti kombëtar i popullsive shqiptare në trevat e banuara prej tyre nga Veriu në Jug. Dokumenti që ka hyrë në histori me emrin Memorandumi i Shkodrës u bënte thirrje Fuqive të Mëdha në Kongresin e Berlinit të njihnin e të përkrahnin të drejtat e shqiptarëve. Në të hidhet ideja e shkëputjes së Shqipërisë nga Perandoria Osmane dhe shpallja e pavarësisë së vendit.

Nosh

13-06-2011, 22:03

Me 13 qershor 1878- Edhe Lidhja Shqiptare e Gegërisë, i drejtoi një protestë Kongresit të Berlinit kundër aneksimit të tokave shqiptare nga Bullgaria, Serbia dhe Mali i Zi.

Me 13 qershor 1920 - U vra në Paris Esat Pashë Toptani, çifligar i madh shqiptar dhe gjeneral. Ai u qëllua për vdekje rreth orës 1:30 ndërsa dilte nga hotel "Kontinetal" të kryqeqytetit francez. Pasi kreu akademinë ushtarake në Stamboll, Esat Pashë Toptani ka shërbyer si komandant në ushtrinë turke. Veprimtaria e tij e fundit politike ishte pjesamrrja në qeverinë e Princ Vidit si ministër i brendshëm dhe i luftës. Në tetor 1918 ai shtypi kryengritjen e Shqipërisë së mesme dhe vendosi qeverinë e tij në Durrës duke shpallur veten kryetar të saj dhe komandant të Ushtrisë shqiptare. Një vit më vonë Esat Pasha la Shqipërinë dhe jetonte në Francë dhe Selanik.

Me 13 qershor 1991 -U nda nga jeta Hysen Prishtina. Ai u lind në Prishtinë më 1916 ku mori edhe mësimet e para. Më 1933 erdhi në Tiranë për të ndjekur shkollën shqipe. Studimet e larta për agronomi i kreu në Itali. Pas bashkimit të Kosovës me Shqipërinë kthehet në vendlindje ku emërohet kryetar bashkie i Prishtinës. Bashkë me Ahmet Gashin ngritën shkollën profesionale të hekurudhave dhe sixhadeve. Ai ishte nismëtar që në administratën shtetërore të futej shqipja. Hysen Prishtina u kujdes për pakicat serbe dhe malazeze, mbrojti familjet izraelite që përndiqeshin nga nazifashistët. Hysen Prishtina zëvendësoi emrat e rrugëve me emra shqiptarë, kundërshtoi spastrimet politike dhe liroi të burgosurit politik. Për këto veprimtari më 14 maj 1944 u arrestua. Pas luftës emigroi në Turqi, në Belgjikë dhe në fund në Kanada ku dhe u nda nga jeta.

Nosh

14-06-2011, 11:08

Shënohet Dita Botërore e dhurimit të gjakut

Prishtinë, 14 qershor 2011 (Kosovapress) Koha 10:01
Me moton “Më shumë gjak, më shumë jetë”, të martën në Kosovë, do të shënohet Dita Botërore e dhurimit të gjakut.

Me 14 qershor 1689 - Në prag të luftës së Perandorisë Osmane me Hungarinë, në Berat, u mblodh paria dhe pleqësia e qytetit për të pjestuar shpenzimet financiare për dërgimin në masë të ushtarëve në front. Në robëri populli shqiptar, përveç taksave të shumta për Portën e lartë, duhej të paguante edhe për mbajtjen e ushtrisë dhe shpenzimet e tjera që kërkonte lufta.

Me 14 qershor 1871 - Lindi në Shkodër piktori i shquar Ndoc Martini ose Ndoc Camaj. Që në vogëli u bë nxënës i Kol Idromenos. Në moshën 18 vjeçare mori pjesë në ekspozitën e vizatimit që u hap në Shkodër më 1898, e para e këtij lloji në Shqipëri. Atje u prezantua me punimin "Portreti i një fëmije", që edhe sot ruhet në Galerinë e Arteve në Shkodër. Në vitin 1902 shkon në Romë për të ndjekur studimet. Me ndihmën e arbëreshëve u sistemua në Kolegjin Santa Demetrio di Korona, ku edhe sot ruhen punimet e tij si "Portreti i Shkodranes", "Portreti i Arbëreshes", etj. Në vitin 1906 princi Aladro Kastrioti e ndihmoi të ndjekë leksionet në Akademinë e Arteve të Bukura në Paris, ku realizoi shumë punime, ndërmjet tyre dhe portretin e Skënderbeut dhe doktor Pjetër Prelës. Piktori ka lënë shumë vepra në Zvicër, Itali, Mal të Zi, shumë te tjera ruhen në familjet shkodrane. Ndoc Camaj ishte përjetësisht i varfër dhe vdiq nga turbekulozi në vitin 1916.

Me 14 qershor 1907 - U lind Hajrulla Curri, nipi i Bajram Currit. U arsimua në vendlindje, Prishtinë, si dhe në Austri. Atje studioi në Frajshtad e Grac. Në vitin 1941 shkon në Kosovë. Mbas luftës arrestohet dhe burgoset nga UDB-ja jugosllave dhe sillet në Shqipëri ku punoi si përkthyes me ekipin e inxhinierëve gjermanë që montuan kombinatin e konservave "Ernest Telman" në Vlorë.

Me 14 qershor 2003 - Tri mumie zbulohen aksidentalisht nga një ekip arkeologësh në tokën e një fermeri në zonën e Minuas, 200 km në jug të Kajros (Egjipt). Ekipi gjeti një varrezë të nëndheshme të ndërtuar me gurë që kishte tri mumie, njëra ishte e një burri të moshuar, e dyta e një gruaje dhe e treta e një të riu.

Nosh

15-06-2011, 14:18

Me 15 qershor 1389 - Në Fushën e Kosovës, në afërsi të Prishtinës, u zhvillua beteja e madhe ndërmjet forcave osmane të komanduara nga Sulltan Murati I dhe koalicionit antiosman të kryesuar nga princi serb Lazar. Pas fitores në betejën e Maricës më 1371, osmanët kishin vazhduar pushtimet e tyre në Ballkanin Qendror, duke arritur deri në trevat shqiptare dhe serbe. Në Betejën e Kosovës osmanët patën epërsinë numerike me forca që arrinin në 100 mijë vetë, kundrejt 40 mijë të ballkanasve. Beteja përfundoi me fitoren e osmanëve. Një luftëtar i ri me origjinë shqiptare Milosh Kopiliq depërtoi deri te çadra e Sulltanit dhe vrau Muratin I, ndërsa osmanët për hakmarrje i prenë kokën princit Lazar, të zënë rob. Fitorja e Kosovës u hapi rrugën osmanëve për pushtime të reja në Ballkanin Qendror dhe Verior dhe për depërtimin e mëtejshëm në trojet shqiptare.

Me 15 qershor 1466 - Rrethimi i dytë i Krujës filloi dhe përfundoi nga fundi i po atij viti. Ushtria osmane e udhëhequr nga vetë sulltan Mehmeti II përbëhej nga 200 mijë forca të armatosura me mjetet më moderne të kohës, ndërsa Gjergj Kastrioti kishte vetëm 13 mijë luftëtarë. Ai qëndroi jashtë kështjellës dhe kryente aksione të guximshme dhe të vazhdueshme. Më 1 gusht Mehmeti II u detyrua të largohej nga Kruja duke lënë 80 mijë ushtarë për të vazhduar rrethimin. Por shqiptarët e shpartalluan armikun, duke vrarë edhe komandantin Ballaban Pashën. U asgjësuan edhe garnizonet osmane në disa kështjella dhe pika të tjera strategjike të vendit.

Me 15 qershor 1906 - Në Boston të Shteteve të Bashkuara, doli numri i parë i gazetës "Kombi". Ajo ishte gazetë e përjavshme politike, shoqërore dhe letrare në gjuhën shqipe, pjesërisht edhe frëngjisht, italisht dhe anglisht.

Me 15 qershor 1912 - Në Vlorë dhe në vise të tjera të Shqipërisë, u shpërnda në formë traktesh kërkesa drejtuar qeverisë xhonturke për krijimin e një province autonome shqiptare.
*** Ushtria kombëtare sulmoi rebelët esadistë afër Durrësit. Në fushën e luftës ra kolonel Tomsoni, oficer holandez, që kishte ardhur për organizimin e ushtrisë shqiptare.

Me 15 qershor 1937 -Kryekonsulli i nderit i Mbretërisë Shqiptare në Suedi, Franglin Gaerlund, organizoi përurimin e librit "Mbretëresha shqiptare", një botim luksi, me shumë ilustrime dhe harta dhe me një tirazh të madh. Libri ka karakter turistik, por nuk mungojnë dhe të dhënat historike, ekonomike dhe kulturore.

Me 15 qershor 1937 - Pas Ligjit mbi heqjen e ferexheve, hyri në fuqi Ligji mbi mbulesën e kokës, që i detyronte burrat të mbanin kapela dhe bastune. Sot këto duken si qesharake, por për kohën ishin hapa drejt europianizimit të shoqërisë që kishte dalë nga sundimi 5 shekullor osman.

Me 15 qershor 2003 - Kritiku me famë ndërkombëtare i letërsisë, romancieri dhe poeti italian, Giacinto Spagnoletti vdiq në Romë, në moshën 83-vjeçare. Autori i një antologjie të jashtëzakonshme të poetëve bashkëkohorë dhe i historisë së letërsisë bashkëkohore italiane shquhej sidomos për shpirtin rebel kundër formave shabllone artistike. Dy romanet e tij të famshëm janë "Le orecchie del diavolo"(1954) dhe "Il fiato materno" (1971).

Nosh

16-06-2011, 10:37

Me 16 qershor 1487 - U zhvillua beteja e fundit e madhe në tokën angleze, që shënoi edhe fundin e "Luftës së Trëndafilave" midis fiseve të Jorkut dhe Lankasterit. 6 000 ushtarë u vranë në betejën e Stokut, e cila i siguroi monarkut Tudor fronin e mbretit të Anglisë.

Me 16 qershor 1958 - Imre Nagi, kryeministri hungarez gjatë revoltës së vitit 1956, që u shtyp nga tanket sovjetike, u var në litar për tradhëti të lartë. Në të njëjtën ditë të vitit 1989, ai u rivarros mbas një funerali emocionues që mblodhi nëpër rrugët e Budapestit më shumë se një çerek milion vetë.

Me 16 qershor 1963 - Valentina Tereshkova bëhet gruaja e parë që shkon në hapësirë. Kjo ndodhi mbas lëshimit në hapësirë të anijes ruse Vostok 6, pjesëtare e së cilës ishte edhe ajo.

Nosh

17-06-2011, 10:30

Dita ndërkombëtare e aksioneve kundër thatësirave dhe përmbytjeve

Me 17 qershor 1815 - U lind në Shkodër Dasho Shkreli, luftëtari trim kundër pushtuesve osmanë dhe shovinistëve malazezë për çlirimin kombëtar dhe ruajtjen e tërësisë territoriale të vendit. Ai ishte zejtar i thjeshtë, por gjatë kryengritjes antiosmane që shpërtheu në Shkodër me 1835, komandoi me trimëri dhe aftësi drejtuese. Në krye të çetës së tij ai mori pjesë në betejën e Kalasë së Shpuzës kundër forcave malazeze në qershor të vitit 1840, ku mbeti i vrarë bashkë me të vëllanë, Sefën.

Me 17 qershor 1878 - Kuvendi Kombëtar i Lidhjes së Prizrenit miratoi Statutin e Lidhjes Shqiptare dhe "Urdhëresat", ku trajtoheshin aspekte organizative, politike dhe ushtarake.

Me 17 qershor 1907 - U lind pionieri i shkencës së veterinarisë shqiptare Prof. Dhimitër Vavako. Në vitin 1932 ai u diplomua në Itali dhe iu propozua vendi i asistentit në Universitetin e Milanos, por ai u kthye në atdhe dhe punoi si veteriner në rrethin e Kukësit. Me ndërhyrjen e Dr. Bilal Golemit ai dërgohet për specializim në bakteriologji dhe kur kthehet punon me Doktor Golemin në Laboratorin Veterinar dhe më pas e drejton atë. Ai është autor i shumë punimeve shkencore në fushën e mikrobiologjisë e të epizootiologjisë.

Me 17 qershor 1921 - U ngrit në Gjirokastër nga demokrati Avni Rustemi klubi patriotik, që kishte për qëllim bashkimin e popullit në luftë për çlirimin e Shqipërisë. Në të përfshihen edhe klube të tjera, ku bënin pjesë mësues të shkollave shqipe, gazetarë, luftëtarë të çetave patriotike, zejtarë, nëpunës, etj.

Me 17 qershor 1925 - 29 vende nënshkruan protokollin e Gjenevës për ndalimin e përdorimit të gazit helmues në veprime luftarake.

Me 17 qershor 1932 - U lind në Tiranë Prof. Rexhep Shehu. U diplomua inxhinier gjeolog në Institutin e Lartë Politeknik të Tiranës. Karrierën e tij e ka filluar në Ndërmarrjen Gjeologjike të Bulqizës, në kërkim-zbulimin e vendburimit të Theknës. Më pas ka kryer detyra dhe ka zënë poste të Larta në Komitetin Shtetëror të Gjeologjisë dhe në qeveri.

Me 17 qershor 1935 - Doli në qarkullim në Tiranë revista kulturore letrare "Jeta dhe kultura". E botonte atë Halim Meniku. Që në numrat e parë trajtoi probleme arsimore, gjuhësore dhe ekonomike.

Me 17 qershor 1937 - U miratua dhe u publikua në "Fletoren zyrtare", "Statuti i Kryqit të Kuq Shqiptar" me 51 nene.

Me 17 qershor 1950 - Kryhet transplantimi i parë i veshkës. Kjo ndërhyrje u krye nga Dr.Riçard H.Louder, në një spital të Çikagos të shtetit Illinois, në Shtetet e Bashkuara të Amerikës.

Me 17 qershor 1997 - Vdiq në Podujevë mësuesi veteran Rifat Thaçi. U arsimua në vendlindje dhe Prizren. Mësimdhënien shqip e filloi në Nishvec të Osllanit për të vazhduar në fshatin Ballovc, Metohi dhe Murgallë. Në vitin 1952 e largojnë nga arsimi, por ai vazhdon të mësojë fëmijët shqiptarë në Podujevë deri në vitin 1990 kur del në pension. Gjatë veprimtarisë së tij pedagogjike mblodhi të dhëna për mësuesit shqiptarë dhe botoi dy vëllime me titullin "Emra që nuk harrohen".

Me 17 qershor 1999 - Organizata Ndërkombëtare e Punës adoptoi një traktat për ndalimin e formave të punësimit të fëmijëve, përfshirë skllavërinë dhe marrjen me forcë të rekrutëve.

Me 17 qershor 1999 - Parlamenti i Letonisë zgjodhi për herë të parë në historinë e saj një presidente femër. Kjo ishte Vaira Vike-Freberga, ish- qytetare kanadeze. Zgjedhja e saj u bë pas një sesioni maratonë dhe një balotazhi të ashpër.

Me 17 qershor 1999 - Vdiq kardinal Bazil Hjumi, kreu i katolikëve romane të Anglisë dhe Uellsit. Ai u emërua si kryetar i më shumë se katër milion katolikëve romanë në Angli dhe Uells në vitin 1976. Vdiq në moshën 76-vjeçare.

Nosh

18-06-2011, 10:38

Me 18 qershor 1785 - Kara Mahmut Pashë Bushatlliu, në krye të ushtrisë shkodrane dhe reparteve aleate të Tiranës, Krujës, Dibrës, etj., sulmoi Malin e Zi dhe pas 4 ditë luftimesh, hyri në kryeqytetin malazez, Cetinë

Me 18 qershor 1815 - Napoleoni (nga nena ishte shqiptar) u mund në betejën e Vaterlosë nga një forcë e bashkuar britanike, gjermane dhe holandeze nën komandën e Dukës se Wellingtonit dhe gjeneralit Gebhard fon Blyker. Napoleoni abdikoi më 22 qershor.

Me 18 qershor 1878 - Lidhja Shqiptare e Prizrenit miratoi një seri vendimesh, që u përfshinë në atë që u quajt "Kararnamen" apo "Libër i vendimeve". Ato caktonin si detyrë degëve krahinore të Lidhjes të organizonin dhe të mbanin secila reparte ushtarake lokale dhe të siguronin qetësinë dhe rregullin. Njëkohësisht u shpall një "besë" dhe për ata që do të praktikonin gjakmarrjen, parashikoheshin dënime të rrepta. Në "Librin e vendimeve" është përfshirë edhe "Urdhëresa e Lidhjes Shqiptare për organizimin e administratës dhe të ushtrisë". Pjesa e parë e saj përmban 19 nene mbi krijimin dhe funksionimin e administratës. Me këtë akt, Lidhja praktikisht merrte mbi vete funksionet e një qeverie. Pjesa e dytë e urdhëresës ka vetëm 8 nene dhe bën fjalë për organizimin e ushtrisë dhe vendosjen apo dislokimin e saj.

Me 18 qershor 1903 - U lind albanologu i shquar italian Karlo Taliavini. Ai ka studiuar dhe për shumë vite ka mbajtur leksione në Universitetin e Padovës, kushtuar dialektologjisë, leksikologjisë dhe historisë së gjuhës shqipe dhe të gjuhësisë shqiptare; është ndër bibliografët e parë të botimeve albanologjike. Taliavini ka botuar shumë shkrime në enciklopedi dhe në shtyp mbi Shqipërinë dhe gjuhën shqipe. Penës së tij i përkasin dhe veprat studimore "Shqipëria e Dalmacia". "Të folmet shqipe të tipit të gegërishtes lindore" dhe "Shtresimi i leksikut të shqipes".

Me 18 qershor 1904 - U nda nga jeta rilindësi enciklopedist Sami Frashëri, një ndër figurat më të ndritura që ka nxjerrë kombi ynë. Ai ishte filozof dhe shkencëtar, shkrimtar, dramaturg e gazetar, organizator dhe udhëheqës i lëvizjes sonë kombëtare, politikan dhe patriot, një njeri me bagazh të jashtëzakonshëm kulturor. Në Prishtinë është botuar përmbledhja e veprave të tij në gjuhën shqipe në 8 vëllime. Vetëm "Enciklopedia e gjeografisë dhe historisë", që përdoret edhe sot në Turqi, ka 6 vëllime. Por ai ka 7 botime kapitale në gjuhën turke, disa prej të cilave me shumë vëllime dhe më shumë se 1500 faqe. Vetëm fjalori i ilustruar frëngjisht-turqisht ka 2240 faqe dhe deri në vitin 1905 ishte botuar 4 herë. Gjatë jetës së tij të shkurtër, Sami Frashëri ka botuar dhe drejtuar 6 gazeta dhe revista nga më të njohurat në Turqi, që kanë luajtur një rol të jashtëzakonshëm në jetën politike, ekonomike dhe kulturore të vendit. Tematikën patriotike shqiptare Sami Frashëri e ka ngjeshur edhe në botimet e tij enciklopedike.

Me 18 qershor 1914 - Në portin e Durrësit dhe të Shëngjinit ankorohen luftanijet angleze dhe franceze. Pas tyre atje arrijnë edhe anijet luftarake gjermane dhe italiane. Është kjo shfaqje e "zellit" të fuqive të mëdha për të "garantuar" pavarësinë, rregullin dhe qetësinë në shtetin e ri shqiptar, por dhe shfaqje e rivalitetit të tyre që shpuri në shpërthimin e Luftës së Parë Botërore.

Me 18 qershor 1948 - U lind në një kullë buzë Valbonës këngëtarja popullore Fatime Sokoli. Ajo u shqua për zërin dhe talentin. Këngën e parë e këndoi tek Shpella e Dragobisë për Bacë Bajram Currin dhe trimat e tjerë të Malësisë së Gjakovës. Atje ajo fitoi duartrokitjet e para, duartrokitje që nuk pushuan më pas as në Tropojë, Tiranë, Gjirokastër, Konispol, në mbarë Shqipërinë, në mbarë Kosovën e Maqedoninë e në shumë skena të Ballkanit dhe të Evropës. Më zërin dhe talentin e saj ajo ka hyrë në panteonin e këngës popullore.

Nosh

19-06-2011, 17:23

Me 19 qershor 1623 - Lindi Blez Paskal, matematikani i njohur francez. Ai shpiku një nga kalkulatorët e parë dhe kontribuoi dukshëm në zhvillimin e teorive matematikore, përfshirë këtu teorinë e llogaritjes.

Me 19 qershor 1886 - Shoqëria e Stambollit mundi të marrë lejen për hapjen e Shkollës Shqipe në Korçë. Më pas shkolla të tilla u hapën në Kolonjë, Pogradec, Luaras dhe Selcë. Pushtuesit u nxirrnin shumë pengesa dhe mundoheshin t'i mbyllnin, por ato vazhdonin veprimtarinë e tyre duke u mbështetur tek populli.

Me 19 qershor 1921 - U themelua në qytetin e Korçës shoqëria e vajzave "Zhvillimi", që synonte emancipimin dhe integrimin e të rejave në jetën e qytetit.

Me 19 qershor 1924 - Qeveria e Nolit shpalli programin e saj prej 20 pikash, ku i premtohej popullit reforma e parë agrare. Programi parashikonte çrrënjosjen e feudalizmit dhe ndryshimin e sistemit të taksave.

Me 19 qershor 1936 - Administrata lokale njoftonte se në nënprefekturën e Pukës populli vuante nga uria e bukës "sa mund të shkaktohen dhe vdekje". Shumë prej banorëve, thuhej në telegram, jetojnë vetëm me qershi dhe çdo ditë ankohen prane autoriteteve vendore.

Me 19 qershor 1943 U lind atdhetari, studiuesi dhe kleriku At Artur Liolini, kancelar i Kishës Ortodokse Shqiptare në Amerikë. Prindërit e tij janë me origjinë nga Boboshtica dhe Voskopoja e Korçës; vetë ai e ka vizituar disa herë Shqipërinë dhe gjithë jetën ia ka kushtuar shërbimit, studimit dhe propagandimit të saj në botën e jashtme. Bashkëpunëtor dhe mik i korifejve të kulturës shqiptare Faik Konicës dhe Fan Nolit.

Me 19 qershor 1988 Ndërroi jetë artistja e shquar e skenës dhe ekranit shqiptar Marie Logoreci, Artiste e Popullit. Ajo u lind në Shkodër, në një familje të kulturuar dhe atdhetare. Atje hodhi dhe hapat e para në skenë. Pas vendosjes në Tiranë, u bë një ndër bashkëpunëtorët e para të mikrofonit shqiptar. Ajo ishte këngëtare, por luante edhe me trupën teatrore, ku regjisori Pandi Stillu zbuloi talentin e saj dhe e tërhoqi në Teatrin Popullor. Rolin e parë në skenën e tij e luajti në vitin 1947, që u pasuan nga 50 role të tjera, njëri më i spikatur se tjetri. Për vite të tëra Marie Logoreci mbarti peshën kryesore në rolet e para të pjesëve shqiptare dhe të huaja. Logoreci e bëri Loken e Ndrek Lucës një figurë të pavdekshme tragjike dhe madhështore, një monument shekullor të gruas shqiptare. Me po atë pasion dhe përkushtim interpretoi në skenë, por dhe ekran, në mikrofon dhe në televizion. Me rolet e saj artistja ka hyrë dhe zë një vend nderi në panteonin e artit shqiptar, si pjesë e identitetit tonë kombëtar.

Nosh

20-06-2011, 10:09

Me 20 qershor 1878. - Në një memorandum drejtuar ministrave të Jashtëm të Fuqive të Mëdha nga një grup personalitetesh shqiptare, që banonin në kryeqytetin e Perandorisë Osmane, protestohej në emër të popullit shqiptar kundër copëtimit territorial të atdheut, shtrohej kërkesa për t'i dhënë Shqipërisë një rregullim të veçantë administrativ, sipas një projekti të hartuar prej një komisioni të përbërë nga shqiptarë dhe të miratuar nga Porta e Lartë.

Me 20 qershor 1917 - Komandanti i njësisë ushtarake italiane, Gjenerali Giacinto Ferrero, me seli në Gjirokastër, lëshoi një proklamatë drejtuar popullit të Çamërisë dhe Janinës, ku deklaronte se "trupat tona vijnë tek ju si miq, dhe ata do të respektojnë në maksimum fenë, zakonet, gjuhën, dhe funksionimin e shkollave, do të mbrojnë sigurinë dhe rendin e vendit tuaj kundër kujtdoqoftë që do të përpiqej që të kërcënonte mirëqenien, interesat dhe pronën tuaj".

Me 20 qershor 1984 Në fshatin Brrar të Tiranës u zbulua një rrasë varri e vitit 1201, që flet për Principatën e Arbrit. Në të janë skalitur 5 kryqe dhe 5 harqe, shenjë e 5 pjesëtarëve të familjes të sundimtarit arbëror. Mbi të ndodhet dhe mbishkrimi: "Kujtoje o Zot shërbëtorin tënd Mihal Zeguri, me bashkëshorten dhe niprit". Principata e Arbërit u formua në vitin 1190 dhe ishte i pari shtet feudal shqiptar i dokumentuar. Sundimtarët e saj ishin Progoni dhe i biri Gjini. Principata u shtri kryesisht në Shqipërinë e Mesme dhe nuk mundi të përfshinte të gjithë trojet shqiptare. Sundimtari më i fuqishëm i dinastisë princërore u bë Dhimitri i Arbërit. Principata ekzistoi deri nga fundi i shekullit XIII

Me 20 qershor 1999. - Sekretari i Përgjithshëm i NATO-s Havier Solana, deklaroi se të gjitha forcat serbe ishin larguar nga Kosova dhe në këtë mënyrë bombardimi i NATO-s mbi Jugosllavinë kishte përfunduar zyrtarisht.

Nosh

23-06-2011, 15:42

Me 21 qershor 1856 -Lindi, Sali Çekaj nje nga Figurat e mëdha patriotike. Ai lindi në ditë të vështira të Rrafshit të Dukagjinit, dhe dha jetën për Kosovën në ditët më të rëndësishme të historisë së Kombit.

Me 21 qershor 1928 - Lindi ne Diber te Vogel Abdulla Kaloshi. Ne moshen 16 vjeçare bashkohet me forcat e rezistencës dibrane te njohura si "Besa Dibrës". Dy vjet pas çlirimit e internuan ne Berat, me pas ne Tepelenë dhe me ne fund ne Gramsh te Elbasanit. Gjate kohës qe ishte ne hetuesi (8 muaj rresht) u përballua me torturat me çnjerëzore. Abdullai organizon grupin e te arratisurve nga kampi i Llozhanit dhe me 6 maj 1949 se bashku me 7 te denuar te tjerë arratisen jashtë kufijve. Njeri me një sedër te lart dhe tipare te forta burrërore e kombëtarë, do te vihej ne krye te demonstratave anti - Jugosllave dhe anti -Komuniste ne mërgim. Si atdhetar e shohim ne krye te radhëve te Federatës patriotike te Amerikës VATRA.

Nosh

23-06-2011, 15:43

Me 22 qershor 1805 - Në Gjenovë ka lindur Xhuzepe Macini, revolucionar dhe demokrat italian. Në vitin 1831 në Marej, Franca e themeloi shoqatën revolucionare "Italia e Re". Vdiq më 10 mars të vitit 1872.

Me 22 qershor 1949 - Ka lindur aktorja filmike amerikane Meri Luiz, e njohur si Meril Strip, fituese e Oskarit për filmat "Julia", "Krameri kundër Kramerit" dhe "Zgjedhja e Sofjes". Vepra tjera: "Afrika ime", "Muzika e zemrës sime".

Me 22 qershor 1987 - Vdiq aktori filmik dhe aktori amerikan Fred Aster, njëri prej zbavitësve më të mëdhenj holuvudian. Filmat: "Roberta, Cilindër", "Asnjëherë nuk do të bëhesh i pasur", fytyrë qesharake", "Në plazh" etj.

Nosh

23-06-2011, 15:44

Me 23 qershor 1914 - Qeveria shqiptare e Princ Vidit dhe qeveria "vorio epiriote" miratuan "Protokollin e Korfuzit". Aty parashikohej që prefekturat e Korçës dhe Gjirokastrës, ndonëse formalisht ishin pjesë e shtetin shqiptar, do të kishin një administratë më vete pothuajse autonome. Organizimi i tyre lihej në dorë të Këshillit Ndërkombëtar të Kontrollit. Protokolli i Korfuzit sanksiononte në fakt ndarjen e Shqipërisë Veriore dhe të Mesme nga ajo e Jugut. Ai ishte ne kundërshtim me Statutin Organik të Shqipërisë dhe shkelte hapur sovranitetin e shtetit shqiptar.

Me 23 qershor 1944 - Nën trysninë e shqiptarëve të Bostonit, qeveria amerikane organizoi nje mbledhje ne hotel "Statler", per te diskutuar si duhej vepruar me Shqipërinë, lidhur me propozimet e Nolit. Me 8 prill, në një telegram drejtuar Departamentit te Shtetit Amerikan dhe një tjetër Lidhjes së Kombeve, kleriku demokrat kerkonte denimin zyrtar te pushtimit te Shqiperisë.

Me 23 qershor 1951 - U lind në Tiranë Ylljet Aliçka, Prof. i Shkencave Didaktike. Në 1974 ka kryer studimet ne Fakultetin e Shkencave të Natyrës. Nga 1992 deri më 1997 përfaqëson Shqipërinë pranë Komitetit të Kulturës së Këshillit të Evropës. Nga viti 1998 punon në përfaqësinë diplomatike të Komisionit Evropian në Tiranë, për çështjet e kulturës dhe të komunikimit. Ylljet Aliçka është anëtar i shumë shoqatave e fondacioneve, me qendër ne Shqipëri dhe në botë.

Me 23 qershor 1967 - Vdiq në Durrës prof. dr. Franz Babinger, historian gjerman, turkolog e albanolog. U lind në Bavari më 15 janar 1891. Studioi filozofi e filologji në Universitetin e Berlinit. Kreu vrojtime të vlefshme që u pasqyruan në veprat "Depërtim në atdheun e shqiptarëve", "Te dervishët e Krujës", "Në atdheun e Cena Begut, Shqipëria". Shkroi dhe studimin "Udhëtimi i Elvija Çelebiut në Shqipëri", "Një vepër e trilluar mbi Skënderbeun". Në bibliografinë e tij përfshihen rreth 500 tituj. Franz Babinger vdiq në moshen 76 vjeçare në Durrës.

Me 23 qershor 2001 - Në Famullinë e Shirokës u shuguruan nga Imzot Massafra disa klerike. Famullia e Shirokës rezulton se ka një lashtësi të hershme. Kjo pohohet nga të moshuarit, por dokumentohet edhe me materiale arkivore e të botuara. Në relacionet e Imzot Pjetër Bogdanit, të vitit 1662 deri ne 1670, Shiroka rezulton si famulli e dom Anton Vladanjin si misionar.

Nosh

24-06-2011, 14:14

Me 24 qershor 1769 - Shkatërrohet qyteti i Voskopojës. Barbarizmi ndaj qytetit të lashtë nuk u ndal as nga mbrojtja që i kishte shpallur nëna e Sulltanit, Valideja. Për pasojë u shkatërrua shtypshkronja, ndërsa Akademia u dogj krejtesisht. Rrënojat e kësaj vlere historike e kulturore qëndruan deri me 1850. Po të njëjtin fat pati biblioteka, dhe ato pak libra te mbetur i kaluan metropolisë së Korçës. Kishat e Voskopojës u dogjën e tregtaret e zones nisen te shpernguleshin. Viti 1769 shënon rënien e Voskopojës.

Me 24 qershor 1879 U botua në Shkodër e para gazetë shqip brenda trojeve, e gjashta në renditjen kronologjike të shtypit të shkruar shqiptar. Do të duheshin 31 vjet, që nga 23 shkurti i vitit 1848, kur De Rada botoi në Napoli të parën gazetë shqiptare "L'albanese d'Italia".
1928 -81 vjet më parë u krijua Garda e Republikës. Këshilli i Ministrave të Republikës së Shqipërisë, me vendim nr 562, datë 06.12.1993, vendosi që 24 qershori 1928 të jetë dita e krijimit të Gardës së Republikës. Për herë të parë në Historinë e Ushtrisë Kombëtare Shqiptare bëhet organizimi i Forcave të Armatosura, pra ngrihet struktura piramidale e saj. Fillimet e Gardës Shqiptare ishin në kohën e Qeverisë së Përkohëshme të Vlorës, kurse bazat e mirëfillta të saj si një repart bashkëkohor special, u hodhën më pas, në kohën e Republikës së parë të Shqipërisë.

Me 24 qershor 1963 lind në Bresanë të Sharrit shkrimtari Demir Reshiti. U diplomua në fakultetin ekonomik në Prishtinë. Shkruan për të rritur dhe për fëmijë. Ka fituar Çmimin e Parë për Poezi për Fëmijë në "Takimet e Gjeçovit". Ka punuar si kryeredaktor dhe redaktor në disa media. Aktualisht punon si redaktor përgjegjës në revistën për aktualitet, arsim, kulturë e etikë "Paqja" në Prishtinë. Demir Reshiti është anëtar i Lidhjes së Shkrimtarëve të Kosovës që nga viti 1995......

Me 24 qershor 1992 - Kisha Ortodokse Shqiptare nisi të kishte kryepeshkopin e saj. Ky emërim shënoi rikthimin e Autoqefalisë të Kishës dhe rrugëtimin drejt ringritjes së saj. Me gjithë akuzat, kritikat dhe ndonjëherë kërkesën për largim nga detyra, emërimi i Janullatosit 15 vjet më parë, shënon një kthesë në historinë e Kishës Shqiptare.

Me 24 qershor 1996 - Vdiq në Prishtinë shkrimtari Beqir Musliu. Ai u lind në Gjilan më 1945.U diplomua në gjuhë dhe letërsi shqipe në Prishtinë. Fillimisht shkroi poezi drama, tregime, romane e kritika letrare. Shkrimtari i simboleve, u mor dhe me gazetari e publicistikë. Beqir Musliu është prezantuar thuaj në të gjitha antologjitë e shkrimtarëve shqiptarë. Veprat e tij janë përkthyer në shumë gjuhë.

Me 24 qershor 2003 - Një mision arkeologjik gjermano-egjiptian ka zbuluar disa banesa priftërinjsh në varrezën e perëndeshës së dijes të Egjiptit të Lashtë, Thot, në distriktin Miniya. Ndërtimi i saj i përket periudhës së Ptolemeve, rreth vitit 300 para Krishtit.

Nosh

25-06-2011, 21:05

Me 25 qershor 1979 - Ndodhi fatkeqësia më e rëndë në historinë e aviacionit amerikan. Menjëherë gjatë fluturimit nga aeroporti i Çikagos, u rrëzua aeroplani "DC-10" i "Amerikan erlajn", me ç'rast jetën e humbën 272 udhëtarë dhe anëtarë të ekuipazhit.

Me 25 qershor 1991 - Sllovenia dhe Kroacia shpallën pavarësinë dhe shkëputen nga Jugosllavia Federative me një fjalë vdekja e Jugosllavisë së dytë e quajtur Jugosllavia e Titos.

Me 25 qershor 1991 - Njësitë e fundit federale të stacionuara në Çekosllovaki e lëshuan këtë vend, 23 vjet pas intervenimit ushtarak të Paktit të Varshavës me të cilin është rrëzuar pushteti i udhëheqësisë nën udhëheqje të Aleksandër Dubçek.

Me 25 qershor 1991 - Gjatë "urës ajrore" dyditëshe, izraelitët transportuan 15.000 hebrenjtë etiopianë nga Adis Abeba në Izrael.

Me 25 qershor 2009 - Përurohet autostrada Rrëshen - Kalimash. Rruga e " Bashkimit kombëtar".

Me 25 qershor 2009 - Vdiq Michael Jackson, këngëtar, autor, kompozitor, koreograf, valltar amerikan, i quajtur ndryshe "King of Pop" (Mbreti i pop-it).

Nosh

26-06-2011, 12:13

Dita Ndërkombëtare në Mbështetje të Viktimave të Torturës.

Dita Ndërkombëtare kundër Abuzimit me Drogë dhe Trafikut të Paligjshëm

Me 26 qershor 1879 - Shënon fundin e periudhës së qëndrimit në fron të shqiptarit Ismail Pasha "Princ i Misirit-Egjiptit". Ai u emërua mëkëmbës i Egjiptit më 19 Janar të 1863. Ismail Pasha u lind në 1830. U përpoq ta çojë vendin përpara dhe të fitojë pavarësinë e tij nga shteti osman. U tregua largpamës dhe u përpoq që këto t'i arrinte në mirëkuptim dhe marrëveshje me Stambollin. Kjo politikë e ndjekur prej tij bëri që në vitin 1867, të fitonte titullin "Princ i Misirit-Egjiptit". Gjatë periudhës së sundimit të tij, ai forcoi më tej tregtinë me Sudanin, zgjeroi mbretërinë e Egjiptit në Afrikë si dhe hapi kanalin e Suezit, duke e bërë këtë të fundit një nga portet më të njohur detarë në botë. Princ Ismaili vdiq në Stamboll në vitin 1895, por u varros në Kajro.

Me 26 qershor 1914 - Forca të shumta greko-epirote çanë frontin nga Qafa e Dërrasës në Kuç dhe bënë rrethimin e Fterrës. Në këto kushte çeta e Fterrës u tërhoq. Fshati mbeti në duart e ushtarëve grekë dhe epirotë, të cilët e dogjën krejtësisht, duke mos lënë asnjë shtëpi më këmbë. Familjet u shpërngulën në panik dhe shkuan fshatrave të Vlorës. Kështu fshati mbeti nën sundimin grek, të ashtuquajtur epirot.
Me 26 qershor 1945 - Refuzohet pranimi i Shqipërisë në Kombet e Bashkuara. Kërkesat e paraqitura nga Shqipëria për pranim në Kombet e Bashkuara u kthyen edhe pas vitit 1948, kur u pranuan shtete si Italia, Austria, Irlanda, Portugalia, Cejloni dhe Transjordania. Pranimi i Shqipërisë në Kombet e Bashkuara u bë realitet në vitin 1955.

Me 26 qershor 1945 - Firmoset nga 50 vende në San Fransisko të SHBA, karta e Kombeve të Bashkuara që pasoi Ligën e Kombeve. Ajo u bë efektive në 24 tetor të atij viti.

Me 26 qershor 1969 - Ushtrohet terror kundër shqiptarëve në Maqedoni nën akuzën se ngritën flamurin e Shqipërisë, e se në demonstrata kanë thënë: "Duam të bashkohemi me Kosovën dhe pastaj me Shqipërinë". Të dënuarit prej gjyqeve janë me dhjetëra, të burgosurit që presin të dalin në gjyqe me qindra. Shumica e këtyre janë mësues, profesorë dhe studentë. I gjithë ky terror ka për qëllim mbylljen e shkollave shqipe, frikësimin e shqiptarëve dhe synon shkombëtarizimin dhe largimin nga tokat e tyre.

Me 26 qershor 1969 - Vdiq në Korçë Vangjel Sulidhi, artist i shquar, fotografi i talentuar, biri i të parit fotograf të Korçës. Ai lindi në Korçë më 13 mars 1895. Katërmbëdhjetë vjeçar emigron në Amerikë. Atje fillon punën e fotografit, zanat që ia kish mësuar i ati. Pas disa vitesh punë në mërgim, Vangjel Sulidhi kthehet në Korçë 1915. Në fototekën e tij gjendeshin të fiksuar portretet e shumë veprimtarëve të lëvizjes patriotike shqiptare. Ishte anëtar i shoqërisë patriotike "Vatra e Shqiptarëve" me qendër në Korçë. Gjatë ditëve të Revolucionit të Qershorit më 1924, ai mbështet Fan Nolin.

Me 26 qershor 1990 - Autoritetet serbe zbatuan një valë të re të dekreteve, zyrtarisht të përshkruara si masa të përkohshme. Këto masa, të cilat mbetën permanente, përshinë përjashtimin nga puna të mijëra punonjësve shtetërorë. Përafërsisht 6.000 mësimdhënës të shkollave u përjashtuan nga puna. Profesorët dhe studentët shqiptarë u përjashtuan ose nisën vetë t'i bojkotojnë universitetet, shkollat e mesme dhe ato fillore në vitin 1991, pasi që mësimi në gjuhën shqipe u ndalua dhe u imponua programi uniform serb.

Nosh

27-06-2011, 11:11

Me 27 qershor 1389.- Informatën e parë për Ndodhjen Betejën e Kosovës e la gjakoni Ignjatie, përcjellës nëpër Lindje i mitropolitit rus, Pimen.. Ata i gëzoheshin vrasjes së Muratit I nga ana e 12 bujarëve të besuar.

Me 27 qershor 1915.- Mali i Zi pasi pushtoi plotësisht Shqipërinë veriore, pushton edhe Shkodrën. Britania, Italia dhe Rusia protestojnë.

Me 27 qershor 1917.- Lindi ne Shkodër Prenke Jakova, Nder i Kombit, Artist i Popullit. Studioi ne gjimnazin e françeskaneve "Illyricum" te Shkodres, te drejtuar nga At Gjergj Fishta. Pas përfundimit te studimeve punon si mësues i gjuhës dhe i muzikës. Ne 1945 afirmohet si kompozitor ne gjithë Shqipërinë, me vënien ne skene, me 28 nëntor 1945, te melodramës "Juda Makabe" sipas veprës me te njëjtin titull te At Gjergj Fishta. Ne fundin e 1947 arrestohet dhe mbahet ne burg për një vit, por fatmirësisht rimerr aktivitetin e tij muzikor. Pranohet anëtar i Lidhjes se Shkrimtareve dhe artisteve te Shqipërisë ne 1952. Ai është Gur Themeltar i Artit Operistik Shqiptar. Vitet e fundit te jetës se tij drejton me sukses trupën amatore shkodrane. Artisti Prenke Jakova u nda nga jeta me 16 shtator 1969.

Me 27 qershor 1942.- I pari kryeministër shqiptar shkel tokën shqiptare të Kosovës. Kryeministri shqiptar Mustafa Merlika Kruja viziton Kosovën,i shoqëruar prej Ekrem bej Vlorës, ministër i Tokave të Lirueme, si dhe prej Ministrit të Punëve Botore, Iljaz Agushi. Përshëndetja që i blatoi Prishtina ishte e flaktë, nga një grup autoritetesh të prirë prej prefektit Riza Drini dhe kryetarit të Bashkisë së Prishtinës, Hysen Prishtina, dhe qindra, qindra shqiptare.

Me 27 qershor 1942.- Gjysmëfundoret e Kampionatit të 10-të Kombëtar të Futbollit që janë zhvilluar në Tiranë më 26 dhe 27 qershor 1942, përbëjnë për historinë e sportit shqiptar një ngjarje unikale, të jashtëzakonshme, historike. Ato janë kurorëzimi i një bashkimi sportiv të rrallë midis shqiptarëve etnikë, po që kurrë nuk mund të konsiderohet thjesht sportiv.

Me 27 qershor 1942.- U lind në fshatin Qeparo të Vlorës aktori dhe regjisori shqiptar Andon Qesari. Në 1966 diplomohet për aktor në shkollën "Aleksandër Moisiu". Pas diplomimit emërohet aktor në teatrin profesionist të Vlorës. Në vitin 1972, kalon pedagog në ILA. Në vitin 1975 rifillon aktivitetin e tij artistik si aktor, por në Teatrin Kombëtar. Ka interpretuar shumë role, si edhe në disa filma artistikë. I suksesshëm edhe si regjisor: "Karnavalet e Korçës", "Pallati 176", "Nën dritat e skenës", "Në jetë", "Valsi i Titanikut", etj. Është nderuar me titullin "Artist i Merituar".

Me 27 qershor 1944.- Është dita e gjenocidit ndaj shqiptarëve të Çamërisë. Nga 27 qershor 1944 deri në mars 1945 Greqia monarkofashiste urdhëroi ushtrinë e saj " nacionaliste greke" të Napoleon Zervës, te kryente një masakër të përbindshme ndaj popullsisë çame në Greqi, ku torturuan dhe më pas vranë më shumë se 800 burra, çnderuan me qindra gra të reja, therën burra e gra, etj. Kjo masakër u pasua nga dy të tjera në korrik e në gusht të atij viti, me pasoja shumë tragjike: 2.300 burra e gra të vrarë, 230 vetë të humbur, 18.150 vetë të dëbuar, 5.350 shtëpi të djegura e të shkatërruara. Gjithashtu u grabitën 8.289.135 okë drithë, 825.770 okë vaj, 436.440 okë gjalpë, 8.758 bagëti të trasha dhe 102.045 bagëti të imta. Cdo 27 qershor shndërrohet ne dite proteste ne emër te shtëpive dhe pronave te mohuara.

Me 27 qershor 1952.- Ka lindur në Mal të Zi Mehmet Kraja. Studioi në Universitetin e Prishtinës, Degën e Gjuhës dhe Letërsi Shqipe pranë Fakultetit Filozofik. Gjatë viteve 1974-76 ishte kryeredaktor i gazetës së studentëve "Bota e re". Më pas punoi si gazetar dhe redaktor i kulturës në gazetën "Rilindja". Ne vitet 80-90 u inkuadrua në lëvizjet politike të kohës, duke u bërë njëri nga themeluesit e Lidhjes Demokratike të Kosovës dhe anëtar i kryesisë së parë të saj. Gjatë viteve 1992-99 jetoi dhe punoi në Tiranë, në fillim si përfaqësues në Zyrën e Kosovës dhe më vonë redaktor në botimin e atjeshëm të gazetës "Rilindja". Pas luftës së Kosovës, disa muaj ishte redaktor i kulturës në të përditshmen "Zëri", kurse nga viti 2000 e këndej është redaktor i shtojcës për kulturë në gazetën "Koha ditore". Që nga viti 2002 është pedagog në Fakultetin e Arteve në Prishtinë, ku jep lëndën e skenarit të filmit.

Me 27 qershor 2007.- Gazetari dhe folësi i karrierës në ekranin e Televizionit Publik Shqiptar, Alfons Gurashi, u nda nga jeta në moshën 65-vjeçare për shkak të një infarkti. Ai filloi punën e tij rreth viteve '60 në Radio Tirana dhe vetëm disa vite më vonë, ai u bë një ndër gazetarët më të njohur të televizionit publik. Gazetari Alfons Gurashi njihet dhe mbahet mend si nje nga gazetaret me te hershem dhe me te mire te Radio Televizionit publik Shqiptar. Imazhi dhe timbri i zërit te tij është i njohur, jo vetëm për ata që e ndiqnin në edicionet e lajmeve, në të vetmin ekran televiziv në Shqipëri, por edhe për më të rinjtë. Më shumë se 30 vjet punë në RTSH. Kronika, intervista, reportazhe nga çdo kënd i Shqipërisë. Ka qenë ndër spikerët e parë të televizionit privat Top-Channel dhe pas largimit prej andej është marrë me fotografi. Në janar 2007 prezantoi ekspozitën "50 foto nga Amerika".

Nosh

28-06-2011, 10:18

Me 28 qershor 1058 - Gjatë Kryqëzatës së Parë ushtarët e kryqëzatës mundën turqit në betejën e Antiokut.

Me 28 qershor 1389 - Beteja e Fushë-Kosovës, 15 qershor 1389 kurse me kalendari Julian 28 qershor.

Nga Mark Bregu

Në betejën e Fushë-Kosovës, ose siç është quajtur “Beteja e Kombeve”, në bazë të dokumenteve historikë të argumentuara, thuhet se kjo betejë ishte vendimtare që ia ndryshoi kahun historisë së njerëzimit. Në bazë të këtyre të dhënave të disponuara rezulton se nga dymbëdhjetë princa të koalicionit të krishterë, gjashtë prej tyre ishin arbër (shqiptarë). Këta princa janë: Gjon Kastrioti, Theodhori II Muzaka, Mëhill Nikollë Kopiliqi, Dhimitër Jonima, Lekë Dukagjini dhe Gjergji II - Strazimir Balsha.
Nuk është aspak e rastësishme pjesëmarrja e gjerë e princave arbër në betejën e Fushë-Kosovës, përkrah koalicionit ballkanik, sepse ka të bëjë me shtrirjen e gjerë në gjysmën e Ballkanit të sotëm, ku jetonin pasardhësit e fiseve ilire. Është e rëndësishme të theksohet se në atë kohë pjesa më e madhe e këtyre arbërve ishin të besimit katolik, ndërsa pjesa më e vogël e besimit ortodoks. Arbërit e kishin një veçori të veçantë, që nuk e kishin popujt e tjerë; si shqiptarët katolikë dhe ata ortodoksë (në Mesjetë), ishin në vartësi të Vatikanit, kishës së Romës dhe e njihnin Papën e Romës për epror të tyre. Beteja e Fushë-Kosovës e 15 qershorit 1389 ka provokuar dhe vazhdon të provokojë historiografinë dhe publicistikën e Evropës Juglindore dhe të asaj evropiane përgjithësisht, dhe veçanërisht historiografinë shqiptare, sepse pjesa më e madhe ishin shqiptarë të krishterë në këtë koalicion. Dhe pikërisht në këtë betejë zë fill dhe përpjekja e pseudohistorianëve serb mbi gjoja “të drejtën historike” mbi Kosovën.
“Vlen të theksojmë se janë dhe një pjesë pseudohistorianësh shqiptarë që me injorancën dhe antishqiptarizmin e tyre u japin “predha” topçinjve serbë për të qëlluar mbi nacionalizmin tonë, dhe janë pikërisht këta “shqipfolës” të cilët kërkojnë të valëvisin flamurin e “nacionalizmit”... (M.B.). Por dokumenta autentikë dëshmojnë se beteja e Fushë-Kosovës është zhvilluar në mes të koalicionit krishtero-ballkanik dhe atij osmano-aziatik, d.m.th. luftë në mes dy kulturave diametralisht të kundërta.
Beteja e Fushë-Kosovës e vitit 1389 është kryesisht e lidhur me fillimin e depërtimeve të osmanllinjve në trojet iliro-albane dhe ky depërtim fillon pas fitores së Moricës më 1371, ku për osmanllinjtë u hapën jo vetëm dyert e Evropës Juglindore (Ballkanit), por edhe të tërë Europës. Priftërinjtë e Romës, duke parë rrezikun që u kërcënohej, bënë çmos për t’i pajtuar sundimtarët e krishterë dhe për t’i bashkuar në luftë në një rezistencë të përbashkët. Vetëm në këtë mënyrë mund të zmbrapsej rreziku i madh që i kërcënohej krishtërimit dhe perëndimit.

Me 28 qershor 1919 - Në Konferencën e Paqes në Paris u krijua Lidhja e Kombeve. Në themel të Statutit të saj ishte Marrëveshja e Paqes e Versajës 1919, e nënshkruar nga 31 anëtarët e parë. Shqipëria u pranua në Lidhjen e Kombeve më 17 dhjetor 1920.

Me 28 qershor 1937 - Fan Noli i jep një intervistë gazetës "Boston Post", ku ndërmjet të tjerash theksonte se ai nuk do të kthehej kurrë në Shqipëri, përderisa do të ishte në fuqi Zogu. Ai nuk u kthye kurre ne Shqiperi.

Me 28 qershor 1952 - Lindi në Shkodër Alfred Çapaliku. Debutoi me poezi në shtypin letrar që në shkollën e mesme. Kreu studimet e larta në Universitetin e Tiranës, në degën Gjuhë-letërsi, më 1973. Punoi arsimtar në fshatrat e Tropojës e të Shkodrës, si dhe në qytet. Është pedagog i Letërsisë Shqipe dhe asaj të krahasuar në Universitetin e Shkodrës "Luigj Gurakuqi".

Me 28 qershor 1976 - U zhvillua në Tiranë Konferenca e Studimeve Etnografike, e cila shënoi ndihmesat e deriatëhershme në fushën e etnografisë shqiptare.

Me 28 qershor 1993 - Prifti grek Kristostomu Maidonis u shpall persona "non grata" dhe u dëbua nga Shqipëria. Sipas autoriteteve shqiptare, shkak ishte propaganda antikombëtare që bëri ky prift në Gjirokastër, duke shpërndarë në kishat ortodokse shqiptare harta të Vorio-Epirit, ku Jugu i Republikës së Shqipërisë paraqitej si Greqi. Athina reagoi ashpër duke akuzuar direkt Presidentin Berisha për këtë incident.

Nosh

29-06-2011, 22:44

Me 29 qershor 1444 -U zhvillua në një fushe të Dibrës së poshtme "Beteja e Torviollit". Beteja u zhvillua në formacion të rregullt luftimi. Skënderbeu e vendosi ushtrinë shqiptare në fushën e hapur, në formë harku, të ndarë në tri grupime. E goditur nga të gjitha anët, ushtria e Ali Pashës u shpërnda plotësisht. Osmanët lanë në fushën e betejës me mijëra të vrarë e robër.

Me 29 qershor 1878 - Problemi i Çamërisë u ngrit për të parën herë në tryezat e diplomacisë europiane, si problem i Epirit, në Kongresin e Berlinit, nga Ministri i Jashtëm i Greqisë, T.Deliyannis, i cili kërkoi që ishulli i Kretës, Thesalia dhe Epiri t'i jepeshin Greqisë nga Perandoria Osmane.

Me 29 qershor 1915 - U vra Haziz Lila martir i gjuhës dhe shkollës shqipe. I porsaardhur nga studimet në Stamboll, u emërua mësues i frëngjishtes në Gostivar, në Strugë e më pas drejtor i shkollës "Idadije" në qytetin e Dibrës. Më vonë do të bëhej myfti duke zhvilluar një aktivitet të gjerë fetar dhe patriotik në periudhën para shpalljes së Pavarësisë. Mbi të gjitha, përhapi alfabetin shqip, duke propaganduar njëkohësisht mospajtimin me politikën serbe dhe duke iu kundërvënë propagandës serbe dhe përpjekjeve për pushtimin e tokave shqiptare. Aktiviteti patriotik dhe antisllav i tij i ra në sy naçalnikëve serbë, të cilët e arrestuan, dhe e vranë.

Me 29 qershor 1945 - U zhvillua gjyqi famëkeq i Prizrenit. Gjykata e qarkut të Prizrenit dënoi me vdekje, me pushkatim së bashku: Marije Shllakun, At Berndar Llupi, Kol Parubi dhe Gjergj Martini. Vajza shkodrane Marije Shllaku ishte studente nga Shkodra, bashkëpunëtore e ngushtë e Ymer Berishës. Në luftën e Siveces ishte plagosur dhe u zu nga bashkëpunëtorët e UDB-së.

Me 29 qershor 1950 -Lindi në Vankuvër të Kanadasë Albanologu Robert Elsie. Ndoqi Universitetin e Kolumbisë Britanike, ku mbaroi studimet e filologjisë klasike dhe të gjuhësisë më 1972. Po në atë vit, erdhi në Evropë me një bursë studimesh. Që nga 1978 pati mundësi të vizitojë Shqipërinë disa herë në kuadrin e 'takimeve shkencore' midis Institutit të Gjuhësisë së Universitetit të Bonit dhe Akademisë së Shkencave të Shqipërisë. Gjithashtu mori pjesë disa vite me radhë në Seminarin Ndërkombëtar për Gjuhën, Letërsinë dhe Kulturën Shqiptare në Kosovë.Eshte anëtar i Akademisë së Shkencave dhe të Arteve të Kosovës, si dhe anëtar nderi i Shoqatës së Shkrimtarëve të Kosovës.

Me 29 qershor 2005 - Imzot Rrok Mirdita mori nga Papa Benedikti i XVI, Palliumin Metropolitan. Selia e shenjte ne Vatikan pagëzoi Tiranen Qytet Metropolitan. Tirana është bërë seli ipeshkvnore për herë të parë në vitin 1993 dhe me këtë akt Vatikani e zhvendosi selinë ipeshkvnore nga Durrësi, i cili kishte mbajtur titullin metropolitan deri në mesjetën e vonë. Falë zhvillimeve të mëdha urbane që ndodhën në Tiranë, Selia e Shenjtë, me nënshkrimin e Papa Gjon Palit II, e njohu më 25 janar 2005, Tiranën Qytet Metropolitan dhe i dha Selisë Ipeshkvnore titullin Arqipeshkvi Metropolitane Tiranë-Durrës.

Nosh

30-06-2011, 11:31

Me 30 qershor 1912 - Rreth 4 000 ushtarë osmanë rrethuan fshatin Boletin në Kosovë, ku gjendeshin 1 500 kryengritës, nën komandën e Isa Boletinit. Këtu u zhvilluan luftime të rrepta, gjatë të cilave turqit lanë rreth 100 ushtarë të vrarë. Artileria turke hodhi mbi fshatin Boletin më shumë se 1 200 predha. Pas dy javë luftimesh, kryengritësit u detyruan të tërhiqeshin nga Boletini në drejtim të Pazarit të Ri.

Me 30 qershor 1913 - Një dëshmi të gjallë të mizorive greke në Shqipërinë e Poshtme ka dhënë edhe studiuesja angleze Miss E. Durham në librin "Njëzet vjet ngatërresa ballkanike." Gjatë udhëtimit të saj në Korçë, Miss Durham pa qartë "terrorin e heshtur" nën të cilin jetonte qyteti si pasojë e pushtimit të tij nga trupat e Kolonelit Kondulis. Misionarët amerikanë ishin përzënë nga qyteti brenda njëzetekatër orësh, shkollat shqipe po mbylleshin, duke u konsideruar si "shkollë austriake", ndërkohë që për popullin e qytetit ato ishin "fener drite".

Me 30 qershor 1913 - Lufta e Dytë Ballkanike filloi kur Bullgaria sulmoi pozicionet e serbëve dhe grekëve.

Me 30 qershor 1915 - U vra ushtarët serbë te Ara e Sheremetit të Muglicës, Hoxhë Muglica. Ai lindi në katundin Okshtun të Gollobordës më 1856. Ishte propagandist i shquar i arsimit kombëtar, i librit në gjuhën shqipe dhe i shkollës në gjuhën amtare në zonën e Dibrës. Mori pjesë në Kongresin e Dibrës (1909) dhe në Kongresin e dytë të Manastirit (1910). Qe një ndër përkrahësit e shkollës së parë Normale, të cilën e furnizoi me kontingjente nxënësish nga Golloborda, Okshtuni, etj.

Me 30 qershor 1941 - Mbërrijnë në Prefekturën e Pejës(Kosovë) dy batalione ushtarake për mbrojtjen e kufirit me Malin e Zi. Të udhëhequra nga ushtarakët e njohur si Kolë Bibë Mirakaj, Major Rexhep Gilani, kap.Toda, kap.Rudi e të tjerë, priten nga Prefekti Xhevat Begolli. Kolë Bibë Mirakaj kishte kërkuar nga Xhevati që t'i ftojë luftëtarët e dëshmuar qe më parë në mbrojtje të çështjes kombëtare.

Me 30 qershor 1967 - Në kohën kur filloi ndalimi i fesë dhe prishja e objekteve të kultit, Dede Ahmeti nga Brataj i Vlores, me dorën e tij shkroi Dekretin e Shenjtë dhe në mënyrë ilegale bëri të ditur të gjithë besimtarëve bektashianë, se donte apo nuk donte Partia, donte a po nuk donte komunizmi, ky besim do të mbetej deri sa mbi dhe të mbetej me frymë edhe bektashiu i fundit.

Me 30 qershor 1976 - U zhvillua Konferenca kombëtare e Studimeve Etnografike "Zhvillimi i mjeshtërisë së argjendarisë në Shqipëri". Objekte të ndryshme zbukurimi, që i përkasin grupit të zejeve artistike, koleksion i Muzeut Etnografik të Beratit, ishin prova autentike për lashtësinë e artit shqiptar.

Nosh

01-07-2011, 18:10

Me 1 korrik 1643 - Vdiq Frang Bardhi, shkrimtar i letërsisë së vjetër shqiptare. Ai u lind në Kallmet të Zadrimës në vitin 1606. Studioi në kolegjin e Loretos dhe në atë të Propagandës në Romë. U emërua peshkop në Sapë. Zhvilloi veprimtari të dendur politike dhe letrare. U mor me përkthimin e veprave fetare nga italishtja dhe latinishtja në shqip. Njihet si leksikografi i parë shqiptarë, si historian i folklorit dhe si etnograf. Që kur ishte nxënës në kolegj pat filluar të shkruajë në latinisht vepra që më vonë e bënë të njohur. Disa prej tyre janë: "Fjalor latinisht-shqip", "Gjergj Kastrioti, Epirioti Skënderbeu".

Me 1 korrik 1878 mblodh në Prizren një Kuvend i Përgjithshëm. Nga 300 delegatët, që sipas disa dëshmive, kishin ardhur në Prizren, njihen të paktën 140 emra, nga të cilët 96 nga Kosova, 26 nga Shkodra dhe 20 nga vilajeti i Janinës. Pas dy ditë diskutimesh Kuvendi i Përgjithshëm miratoi më 2 korrik 1878 një Rezolutë ose Kanun të ri për Lidhjen e Prizrenit, me të cilin u bënë hapa të rëndësishëm në përpunimin e mëtejshëm të programit të Lidhjes. Në të vërtetë, me këto të drejta, që u sanksionuan në kanunin e 2 korrikut 1878, Lidhja e Prizrenit fitoi bazën ligjore për të ngritur shkallë-shkallë një shtet autonom shqiptar brenda shtetit perandorak osman.

Me 1 korrik 1900 Lindi në Padovë Atë Zef Valentini. U diplomua për filozofi në vitin 1924 dhe më pas për teologji në vitin 1928. Ishte vetëm 20 vjeç, kur shkoi për herë të parë në Shqipëri si misionar jezuit. Ndërmjet viteve 1922-1932 ishte mësues në Kolegjin e mirënjohur Saverian të Shkodrës. Në fund të vitit 1943 At Zef Valentini u largua nga Shqipëria për në Itali, ku drejtoi revistën "Letture" dhe nisi të botojë shumë tekste mbi Shqipërinë. Në vitin 1955 ishte në krye të Katedrës së Gjuhës Shqipe në Universitetin e Palermos, ku themeloi dhe drejtoi "Qendrën ndërkombëtare të studimeve shqiptare". Vdiq në Palermo më 16 nëntor 1979.

Me 1 korrik 1928 Lindi në Tiranë Artistja e Merituar, Esma Agolli. Ka filluar aktivitetin në Teatrin Popullor në moshën 20-vjeçare më 1948. Janë mbi 50 role, kryesorë e të dytë. U rikthye në skenë pas një mungese të gjatë në 2005 me një rol në dramën "Streha e të harruarve" të Ruzhdi Pulahës. Ka interpretuar në disa filma artistikë, duke filluar nga filmi i parë shqiptar "Fëmijët e saj". Eshtë "Artiste e Merituar".

Me 1 korrik 1941 Sak Fazlia, bajraktar i Rugovës, takohet në Prefekturën e Pejës, me Bajraktarin e Deçanit, Dushit, Potgurit, Strellcit dhe disa rugovas. Major Kolë Biba në krye të forcave shqiptare ardhur nga Shqipëria, per mbrojtjen e kufirit etnik shqiptar nga serbomalazezët, i drejtohet Sak Fazlisë me këto fjalë, "mëqe jeni nipi i Bajraktarit të Rugovës, Sali Jahës dhe luftëtar i dëshmuar për çështjen kombëtare, ju kemi ftuar nëse jeni të gatshëm të dëshmoheni si luftëtar dhe bajraktar në mbrojtje të kufirit shqiptaro-malazias". Sak Fazlia pa u hamendur pranon një gjë të tillë, ku Kolë Biba i përgjigjet me Flamur Kombëtar.

Me 1 korrik 1943 - U mbajt Konferenca e Mukjes. Ajo shihte në dritën e detyrimit dhe projektit të madh kombëtar, në rrafshin politik dhe ushtarak krijimin e një platforme të bashkëpunimit, gjithnjë me qëllimin e plotë kombëtar.

Me 1 korrik 1945 - U krijua Ministria e Luftës dhe e Mbrojtjes Kombëtare, ku në përbërje të saj vepronte Komanda e Përgjithshme e Ushtrisë Kombëtare. Shtabi i Përgjithshëm ishte në varësi të Komandantit Suprem, i cili ishte edhe i ngarkuari me punët e Luftës dhe të Mbrojtjes Kombëtare. Në varësi të Shtabit të Përgjithshëm ishin 2 Drejtori: e Mbrojtjes Kombëtare dhe e Ndërlidhjes, si dhe 8 Seksione: Operativ, i Informacionit, i Topografisë, i Shifrës, i Stërvitjes Luftarake, i Ekspeditës, i Aeronautikës, i Brendshëm. Komandat dhe drejtoritë e tjera vareshin drejtpërdrejtë nga Komanda Supreme.

Nosh

02-07-2011, 14:23

Me 2 korrik 156 p.e.r - Lindi Aleksandri apo Leka i Madh ose Aleksandër Maqedonasi, prijës e strateg ushtarak.

Me 2 korrik 1566 - Vdiq Nostradamusi (Mishel de Notre- Dam) fizikant dhe astrolog francez.

Me 2 korrik 1892 - Vaso Pasha në moshën 67 vjeçare mbyll sytë. Lindi në Shkodër më 17 shtator 1825, në një familje patriotike me prejardhje nga Mirëdita. Që në rini u shqua me ide përparimtare dhe me ide të çlirimit të popujve të tjerë dhe të popullit shqiptar. Vaso Pasha ishta ndër politikanët më të zellshëm të Lidhjes Shqiptare të Prizrenit, bashkë me Sami Frashërin e shohim në krye të Komitetit shqiptar të Stambollit e ndër themeluesit e shoqërisë së Shkronjave shqipe. Vaso Pasha ishte politikan I talentuar,patriot i flakët dhe i vendosur,demokrat dhe njohës i thell i traditave,zakoneve e virtyteve të popullit shqiptar. Ai ishte njohës I shumë gjuhëve të huaja si Italishtes,Frëngjishtes,Anglishtes si dhe njohu gjuhën klasike. Vaso Pasha ka hyr në historinë e popullit Shqiptar si një prej udhëheqësve,ideologëve dhe propaganduesve më kryesor të Lëvizjes Kombëtare Shqiptare. Ai bëri një punë të madhe për njohjen e gjuhës,kulturës dhe historisë kombëtare shqiptare.

Me 2 korrik 1931- Në Kamez (periferi e Tiranes), për kontributin e madh kombëtar qe kishte dhëne "Foleja Kombetare", me rastin e 40-vjetorit te veprimtarisë, Mbreti Zog si dhe Nena Mbretëreshe e dekoruan me çmim te larte. Kjo fole kombëtare gjate kësaj kohe zyrtarisht quhej "Instituti Qeriazi" (Instituti Kyrias).

Me 2 korrik 1943 - U vra Asim Zeneli, komandant partizan, Hero i Popullit. U lind në Progonat të Tepelenës më 17 mars 1916. Mësimet e para i mori në vendlindje. Pasi kreu shkollën e mesme, vazhdoi Akademinë Ushtarake të Këmbësorisë në Romë. Protestoi për pushtimin fashist të Shqipërisë, organizoi një demonstratë në shkollë dhe për këtë u arrestua. Ai ka zhvilluar një punë të dendur propagandistike midis ushtarakëve të repartit, ç'ka çoi në shthurjen e disiplinës dhe dezertimet në masë, për pasojë reparti u transferua në Librazhd ku Asimi vazhdoi punën e tij. U caktua komisar politik i çetës "Hajredin Tremishti". Ra duke luftuar kundër forcave të shumta fashiste në Grykën e Mezhgoranit.

Me 2 korrik 1946 - Presidiumi i Kuvendit Popullor aprovoi ligjin Nr. 262 "Mbi modifikimin e tarifes se tagres doganore". Ne mbështetje te kësaj ligji doli dekreti i Ministrisë se Financave Nr.10,date 23 mars 1947, qe bën fjale për përjashtimin nga tagri doganor i sendeve: veshmbathje e ushqimore ne masën e nevojshme personale e familjare. Gjithashtu thuhej se për sendet e përjashtuara nga tagri doganor nuk lejohej shitja e tyre dhe kontravajtesit i nënshtroheshin gjykatave kompetente për ndjekje penale.

Me 2 korrik 1982 - Prof. Aleks Buda, ish-kryetar i Akademisë se Shkencave në Tirane, në një konferencë, theksoi "vazhdimësinë iliro-shqiptare dhe autoktoninë e shqiptarëve ne trevat e tyre". Këto trova historike, rastësisht, shtrihen thellë në ish-Jugosllavi e në Greqi, prandaj çdo diskutim i kësaj natyre i nervozon fqinjët. Një tjetër pjesëmarrës ishte prof. Mahir Domi, i cili foli mbi origjinën ilire dhe zhvillimin e gjuhës shqipe.

Me 2 korrik 1990 - Parlamenti Shqiptar i Kosovës e shpalli Kosovën Republikë.

Me 2 korrik 1990- Dita e shpalljes së Deklaratës Kushtetuese në Kosovë.

Me 2 korrik 1990- Demonstrimi i parë masiv në Rrugën e Kavajës në Tiranë kundër regjimit monist. Grumbulli i njerëzve prej 3000-4000 veta demonstroi drejt qendrës. Forcat e policisë nuk mundën t'i ndalnin. U bënë arrestime. Protesta u shoqërua me shkatërrime e dëmtime.

Me 2 korrik 1990- Goditje e ashpër ndaj diktaturës dhe shërbëtorëve të saj në Tiranë. Dy korriku është kthyer tanimë në një datë për të përkujtuar djemtë dhe vajzat, gratë dhe fëmijët që kërkuan tempujt e shpresës duke hyrë në ambasadat e huaja, sepse pikërisht në këtë datë është realizuar një përleshje e ashpër ndërmjet njerëzve të thjeshtë dhe strukturave policore të diktaturës. Por, në fakt, hyrja nëpër ambasada kish filluar dymbëdhjetë ditë më parë. Pas datës 20 qershor deri në 6 korrik ka pasur kapërcime muresh thuajse në të gjitha ambasadat e huaja qe reflektuan një bujari dhe mikpritje, e cila nuk duhet të harrohet nga politika e sotme shqiptare. Hyrja nëpër ambasada vazhdoi gjithashtu edhe pas datës 2 korrik, por kjo hyrje është bërë lehtësisht nën vëzhgimin e policisë, e cila për disa ditë rresht kishte marrë urdhër të mos reagonte më.

Nosh

03-07-2011, 14:28

Me 3 korrik 1601 - U shfaq në Teatrin e Londrës premiera e dramës "Historia e vërtetë e të madhit Skënderbe", e dramaturgut të madh anglez Kristofo Marlou.

Me 3 korrik 1908 - Ngriti krye reparti ushtarak i Resnjes, i komanduar nga oficeri shqiptar Ahmet Njaziu. Kjo kryengritje u pasua nga ajo e majorit turk Enver Beut, që shpërtheu më 6 korrik në Demir Hisar. Këto dy ngjarje shënuan fillimin e Revolucionit xhonturk, që u përhap pastaj në qytetet kryesore të Shqipërisë e të Maqedonisë, të cilat u bënë vatra e tij kryesore.

Me 3 korrik 1947 Lindi në Sarandë Xhemal Mato. Ishte gazetar televizioni, regjisor, krijues, aktivist ekologjie. Në vitin 1969 mbaron UT për fizikë në Fakultetin e Shkencave të Natyrës, Dega e Fizikes Bërthamore. Një vit më vonë punon në TVSH si gazetar i programeve shkencore dhe më 1978 si regjisor i këtyre programeve. Në vazhdimësi punon në TVSH edhe si regjisor për programet ekonomike e mjedisore gjer në vitin 1994. Në vitet 1989-94 punon edhe si pedagog i jashtëm në Akademinë e Arteve. Në vitin 1999 i përkushtohet shoqatës "Masmedia dhe Mjedisi" për problemet mjedisore në Shqipëri, ku vazhdon të jetë kryetar i saj dhe botues i gazetës mjedisore "Ekolëvizja". Ka realizuar filmin e parë nënujor dhe është autor i 17 dokumentarëve nënujorë, duke qenë edhe vetë zhytës i talentuar. Ka fituar katër here çmim kombëtar për dokumentarët shkencorë. Është autor i 74 dokumentarëve për natyrën, problemet mjedisore, turizmin dhe traditat kulturore në Shqipëri.

Me 3 korrik 1968 - Lindi në Gllogjan, afër Deçanit, Ramush Haradinaj, politikan dhe ish-udhëheqës i Ushtrisë Çlirimtare të Kosovës (UÇK). Prej datës 3 dhjetor 2004 deri më 8 mars 2005 ishte Kryeministër i Kosovës. Pas luftës, me transformimin e Ushtrisë Çlirimtare të Kosovës në Trupat Mbrojtëse të Kosovës (TMK), ai emërohet zëvendëskomandant i TMK-së, mirëpo pas një kohe ai u largua nga jeta ushtarake dhe themeloi partinë Aleanca për Ardhmërinë e Kosovës (AAK), kryetar i së cilës është edhe sot. Më 3 dhjetor 2004 në parlamentin e Kosovës u zgjodh kryeministër me shumicë votash. Më 8 mars të vitit 2005, Tribunali për Krime të Luftës në ish-Jugosllavi publikoi aktakuzën për krime lufte ndaj Ramush Haradinajt dhe si rrjedhojë po atë ditë Haradinaj dha dorëheqja nga detyra e Kryeministrit të Kosovës në mënyrë që të përballet me aktakuzën e ngritur ndaj tij. Ai të nesërmen shkoi vullnetarisht në Tribunalin e Hagës, ku me të mbërritur u burgos. Pas disa muajve në paraburgim ai u lirua përkohësisht deri në fillim të gjykimit të tij në Tribunal.

Nosh

04-07-2011, 11:31

Me 4 korrik 1631 - Në Paris filloi me punë agjencia e parë në botë për punësim.

Me 4 korrik 1831 - Vdiq burrështetasi amerikan, Xhejms Monro, president i SHBA-së prej vitit 1817 e deri në vitin 1825, njëri ndër politikanët më aktivë në historinë amerikane.

Me 4 korrik 1848 - U botua "Manifesti komunist" i Karl Marksit dhe Fridrih Engelsit.

Me 4 korrik 1884 - Në shenjë përkujtimi për lindjen e Shteteve të Bashkuara të Amerikës, në Ditën e pavarësisë - 4 korriku, Franca ua dhuroi SHBA-së statuën "Liria e ndriçon botën", e njohur si Statua e lirisë. Statua është vepër e Gustaf Ajfelit dhe është e lartë 93 metra.

_katolikja_

04-07-2011, 11:51

Ma kujton 4 korrikin 2003! Ditelindja e nje bukuroshje, por dhe dita kur u "ktheva" ne Kosove per te paren here pas lufte! :neutral::???:

Nosh

05-07-2011, 14:29

Me 5 korrik 1866 - Lindi në Shkodër Ahmet Daut Boriçi. Rrjedh nga një familje qytetare shkodrane, tradicionalisht e lidhur me detyrën e nëpunëseve te doganave. Në 1883 filloi punën si doganier dhe punë të tjera. Ka punuar si drejtor dogane në Shkodër, Lezhë, Durrës, Sarandë. Në vitin 1918, për pune te shquar, Ahmet Daut Boriçi u dekorua me urdhrin "Franc Jozef" nga autoritetet pushtuese austriake të Luftës së Parë Botërore. Në vitin 1920 u emërua Drejtor i Përgjithshëm i Doganave pranë Ministrisë së Financave. Ka hartuar mjaft ligje dhe rregullore të Doganave, të cilat mbajnë firmën e tij. Vuri gurin e parë të krijimit të Doganave Shqiptare, duke hartuar tarifën doganore të përgjithshme që në vitin 1921. Ligji i parë doganor, i firmosur nga Ahmet Boriçi, mban datën 20 gusht 1922. Vdiq në shkurt 1942.

Me 5 korrik 1925 - Lind në Shkodër Sami Repishti. Shkollën fillore dhe të mesme e bëri në qytetin e lindjes, ndërsa të lartën e filloi në Itali për histori moderne. Ka plotësuar studimet e larta në Francë dhe në SHBA. Në vitin 1946 arrestohet nga regjimi i kohës dhe dënohet me 15 vjet burg. Me pas arratiset për në Jugosllavi, ku e mbajnë 11 muaj në burg, pasi nuk pranon të rekrutohet. Më 1961 arratiset për në Itali dhe një vit më vonë emigron në SHBA. Më 1977 doktorohet për gjuhë e letërsi franceze. Për 25 vjet ka dhënë mësim në gjimnazet amerikane dhe në Universitetin "Adelphi" si pedagog i jashtëm. Ka një veprimtari të pasur shkencore dhe botuese, kryesisht në anglisht dhe shqip. Në vitin 1997 botoi "Pika loti", tregime të jetueme, ndërsa në vitin 2004 "Nën hijen e Rozafës". Vazhdon të botojë në revistat shkencore në vendin tonë dhe të huaj, duke numëruar rreth 100 artikuj e studime për problemet shqiptare dhe të drejtat e njeriut. Jeton bashkë me familjen në SHBA në Baldwin Nju-Jork.

Me 5 korrik 1935 - Lindi në qytetin e Gjirokastrës, Arjan Puro. Shkollën fillore e kreu në qytetin e lindjes, ndërsa shkollën e mesme e kreu në Korçë, ku familja e tij u shpërngul pas pushkatimit të babait nga regjimi komunist. Si djalë i një të pushkatuari, atij iu ndalua e drejta për të vazhduar studimet e larta. Vetëm në vitin 1960, vazhdoi Fakultetin e Shkencave të Natyrës, në degën Biologji, pa shkëputje nga puna. Për 30 vjet punoi si korrektor i teksteve shkollore në stabilimentin "Mihal Duri". Pas përmbysjes së komunizmit ka botuar shumë artikuj dhe tregime në shtypin e kohës.

Me 5 korrik 1988 - Lind në Reshnik (Kosovë) Samir Ujkani. Jeton në Belgjikë dhe tani luan si portier i Shqipërisë U-21. Ujkani është rritur në sektorin e të rinjve të Anderlehtit dhe Palermo e zgjodhi pasi e pa në aksion në Turneun e Viarexhos në vitin 2007. Deri tani ka luajtur me të rinjtë e skuadrës së Palermos dhe me skuadrën e parë ka qëndruar në bankinë në një ndeshje kampionati kundër Lacios dhe tre në Kupën e Italisë, dy në Kupën UEFA.

Me 5 korrik 2008 - Shugurohet meshtar At Zef Bisha në Katedralen e Vaut të Dejës. Ai i përket urdhrit Jezuit, themeluar me 1540 nga Injaci i Loyoles. Ky është i pari vit qe shugurohet, qe prej rihapjes se kishave në Shqipëri. Jezuiti i fundit i shuguruar, ishte At Gjergj Vata me 1955, në mënyre të fshehtë në Shkodër.

Nosh

06-07-2011, 11:39

Me 6 korrik 1914 - Në fund të qershorit "Lëvizja e Esatit" i arriti grekërit dhe filloi një sulm i përgjithshëm, por më 6 korrik 1914 shqiptarët u detyruan të tërhiqen. Së bashku me nëpunësit e qeverisë 350 mijë njerëz ikën për të shpëtuar jetën. 50 mijë u grumbulluan në Berat, 100 mijë gjetën strehim në Elbasan, të tjerët u endën për ca kohë dhe pastaj shkuan të fshihnin kokën nën ullinjtë e Vlorës."-Kështu shkruan Kristo Dako në librin e tij"Shqipëria Çelësi i Lindjes së Afërme". Ndërkaq George Fred Ëilliam në librin e tij"Shqiptarët, Tiranë-botoi shtypshkronja "Dielli" 1934, lidhur me këtë ngjarje të dhimbshme shkruan:"Mëse 100 000 barij dhe bujq, gra, burra, fëmijë dhe foshnje lanë shtëpitë e tyre, të cilat u dogjën e u shkatërruan dhe emigruan në Vlorë. Nga këta 100 000 emigrantë 30. 000 kishin vdekur unit dhe prej se s´kishin as mbulesë e as kasolle ku me shti kryet."

Me 6 korrik 1916 - Themistokli Gërmenji se bashku me shume patriot dhe banore te qytetit nisen per ne Vlore, nga ku hidhen ne Durrës, prej andej ne Rumani e me pas ne Bullgan, ku se bashku me patriotin Kristo Dako fillon botimin e periodikut "Biblioteka, "Zëri i Shqipërisë' numri i pare i te cilit doli ne mars 1915, U botuan prej tij gjithsej 15 numra. Ne ketë periodik ai boton shume shkrime me karakter politik e me fryme patriotike.

Me 6 korrik 1930 - Fatos M. Rrapaj lindi në fshatin Gumenicë të Vlorës. Ai është folklorist, etnograf, studiues dhe shkrimtar. Arsimin bazë Fatosi e mori në fshatin e lindjes. Pas çlirimit të vendit, u arrestua dhe u burgos nga regjimi komunist për qëndrimin dhe pikëpamjet e tij kundër nacionalizmit e shovinizmit sllavo-grek. Tërë jetën, deri sa doli në pension, Fatosi ka punuar në punë të ndryshme të zakonshme, sepse talenti dhe aftësitë e tij mbetën të pavlerësuara nga strukturat drejtuese të ish diktaturës komuniste. Ka bashkëpunuar me shumë nga organet letrare shqiptare për botimin e shkrimeve të tij. Është anëtar i Lidhjes së Shkrimtarëve dhe Artistëve të Shqipërisë.

Me 6 korrik 1943 - Ra dëshmor në Gosë të Kavajës së bashku me motrën tij, Margaritën, Kristaq Tutulani. Ai ka lindur në vitin 1919. Në ditarin tij ai ka lënë kujtimet: "S'ka nder më të madh për një njeri se sa te jetë anëtar i Partisë Komuniste, të marrësh emrin partizani luftës për liri". Të dy, vëlla e motër pasi i pushkatuan, i varën. Margarita është "Hero i Popullit".
Me 6 korrik 1946 - U nda nga jeta Bedri (Abdi) Pejani, publicist, diplomat dhe atdhetar i shquar. Shkollën e Mesme e kreu në Robert Kolezh dhe studimet e larta në Degën e Historisë në Universitetin e Stambollit. Delegat në Kongresin e Manastirit (1908), dhe sekretar i Komitetit i Komitetit të Kosovës" (1918-1924). Gjithë jetën e vuri në shërbim të kombit e të atdheut dhe për këtë qëllim bashkëpunoi edhe me Kominternin. Nga janari deri në mes të qershorit 1944 ishte kryetar i Lidhjes së Dytë të Prizrenit. Më 1945 u arrestua nga Sigurimi i Shtetit Shqiptar, dhe ju dorëzua autoriteteve jugosllave që e dënuan me vdekje. "Vdiq" në spitalin e Prizrenit.

Me 6 korrik 1998 - U kap nga policia serbe, Rexhep Bislimin, pak dite para se te hidhej ne malet e Jezercit ,si i fundit nga bashkëluftëtaret e tij qe deri ne atë kohe vepruan ne qytet e rrethine . Ai torturohet në mënyrën më barbare dhe më çnjerëzore për dy javë rresht pandërprere nga udbashët dhe policët serb. Si rezultat i gjithë kësaj gjendje vdes me 21 korrik 1998.

Nosh

07-07-2011, 12:09

Me 7 korrik 98 vdiq Shën Asti ipeshkëv i Durrësit, gjatë sundimit të Trajanit perandor, duke qenë drejtues i Ilirisë Agrikolao e pësoi martirizimin për shkak të refuzimit për t’i nderuar statujat e Dionizit. Pas u frushkullua, Asti u lidh mbi një kryq, i mbuluar me mjaltë u la në mëshirë të vapës dhe të insekteve derisa vdiq. Është ndër shenjtërit dhe martirët e parë Iliro-Shqiptar. (Asti – Ashti, Ashta).

Me 7 korrik 1854 - Vdiq fizicienti gjerman Georg Simon Om, i cili e zbuloi marrëdhënien e energjisë elektrike të forcave elektromotore dhe rezistencën në gjiron elektrike, i quajtur sipas tij Ligji i Omit. Njësia për matjen e rezistencës elektrike në sistemin ndërkombëtar të masave për nder të tij është quajtur om.

Me 7 korrik 1893 - Në Zagreb lindi Mirosllav Kërlezha, shkrimtar kroat, njëri nga personalitetet më të rëndësishme të ngjarjeve kulturore-letrare në periudhln pas Luftës së Parë Botërore.

Me 7 korrik 2007 - Shpallen shtatë mrekullitë "e reja" të botës gjatë solemnitetit që u mbajt në stadiumin "Benfika" në Lisbonë: Muri i madh në Kinë, Petra në Jordani, Statuja e Jezu Krishtit në Brazil, Maçu Pikçu në Peru, piramida Çiçen-ica në Meksikë, Koloseumi në Romë dhe Taxh Mahallë në Indi. Deri te kjo përzgjedhja ka ardhur pas votave të 100 milionë njerëzve në mbarë botën në Internet dhe telefona celularë.

Nosh

07-07-2011, 12:51

Përkujtohet “Beteja e Loxhës” në krye me komandant Tahir Zemajn

Adem Lushaj - Bota Sot
Me homazhe dhe vendosje të kurorave me lule, nga familjarët, bashkëluftëtarë dhe qytetarë të shumtë, janë përkujtuar dëshmorët e “Betejës së Loxhës”, Rrustem Bruqi, Enver Alaj dhe Naser Surdulli të cilët kishin rënë heroikisht në betejën e famshme të Loxhës, e cila ishte komanduar nga koloneli Tahir Zemaj, 13 vite më parë.
Ata ishin dhe mbetën kurdoherë në kujtesën e lavdisë dhe historinë më të re të vlerave kombëtare dhe të luftës fyt për fyt me armikun për çlirimin e vendit, kanë vlerësuar bashkëluftëtarët e tyre, të cilët me pietet kanë bërë nderime pranë varreve të ty dhe në vend rëniet e dëshmorëve.
Sipas, Xhavit Bruqi, i cili së bashku me Rrustem Bruqin dhe Ismet Mehmetaj, ishin ndër të parët në Isniq, që kishin organizuar njësitin e armatosur dhe bartjen e armëve nga Shqipëria.
“Bashkë me dëshmorin Rrustem Bruqin dhe Ismet Mehmetaj, në korrik të vitit 1992 në Isniq kishim filluar organizimet e para të njësitit të armatosur dhe armatosjen nga Shqipëria, ndërkohë edhe të organizimit të frontit të luftës për liri”, ka thënë Bruqi, duke vlerësuar se rënia e tij heroike, e Rrustemit, bashkë me Enver Alaj dhe Naser Surdullin, ishte shembulli me i mirë, si vdiset për atdhe.
Homazhe dhe nderime janë bërë edhe tek varri i komandantit të kësaj beteje të lavdishme, heroit Tahir Zemaj, në Strellc të Epërm të Deçanit i cili ka merita të jashtëzakonshme në organizmin e luftës në betejën e loshes dhe betejat tjera në Dukagjin.
http://www.botasot.info/reklama/zemaj44124.jpg (http://www.botasot.info/reklama/zemaj44124.jpg) http://www.botasot.info/reklama/1zemaj64234.jpg (http://www.botasot.info/reklama/zemaj64234.jpg)

Nosh

08-07-2011, 09:45

Me 8 korrik 1497 - Portugezi Vasko de Gama u nis nga Lisbona në kërkim të Indisë.

Me 8 korrik 1799 - Ipeshkvi Françesku IV Borçi u shugurua në kishën e Shën Mërisë Magdalenë me 8 korrik 1788, nga Imzot Gjergj Radovani, arqipeshkv. Famullia e Shkodrës gjendej në lagjen Tophanë e përbri kishte kishën e Shën Kollit, buzë Urës Kërçirej shndërruar në Xhami, e cila deri vonë ka pas hajatin përpara, ku me 1917 u gjet një ujëbekore e cila ruhet në Muzeun e Shkodres.

Me 8 korrik 1944 - U lind në një fshat arvanitas të zonës së Thives, Aristidh Kolja, nje nga personalitetet më të njohura të diasporës shqiptare në fushën e kulturës. Mësimet e para i mori në shkollën fillore të fshatit te tij, kurse gjimnazin do ta perfundonte shkelqyeshem ne vitin 1963 në Thiv. Studioi drejtesi ne universitetin e Athinës, duke u diplomuar si avokat. Mbas viteve tetedhjete ai e braktis profesionin e tij si avokat per t'u marre perfundimisht me studimet historike, folklorike dhe gjuhësore të arvaniteve të Greqisë, me prejardhjen dhe rrenjet e te pareve te tij. Librat qe do te botonte Aristidhi do te ngrinin peshe te gjithe arberorët e Greqisë dhe lart moralin e një populli heroik, duke iu treguar atyre se e verteta e fshehur nder shekuj është pothuajse madhështore. Aristidhi ishte nje nga themeluesit e "Lidhjes se Arvaniteve te Greqisë" dhe per shume vjet kreu misionin e Kryetarit te saj, nga viti 1986 e deri ne vitin 1995. Gjithashtu ishte themelues dhe kryetar i Institutit te Studimeve Pellazgjike, nga viti 1983 deri ne vitin 1995.

Me 8 korrik 1944 - Populli çam u gjend në pozita të vështira. Ai nuk pranoi të futet në luftën midis forcave rivale në Greqi dhe si ndëshkim Zerva filloi ndaj kësaj popullsie sulmin e përgjithshëm. Ky fakt pohohet dhe në letrën e Këshillit Antifashist të Çamërisë dërguar Qeverisë greke të Bashkimit Kombëtar, Shtabit të Përgjithshëm të Mesdheut, Qeverive të Fuqive të Mëdha, Komitetit Qendror të EAM-it, Guvernatorit të Epirit, Komitetit Panepirot të EAM-it.

Me 8 korrik 1944 - U vra Penellopi Pirro, Heroinë e Popullit. U lind në Fier më 1927. U bë pjesë e luftës antifashiste dhe ra në luftime kundër nazistëve gjermanë dhe forcave të Halil Alisë në Fushë Alie të Dibrës.

Me 8 korrik 1988 - U gjet i masakruar në lumin Moraça, Osman Hajdar Ismajli. Ai lindi më 20 gusht 1968 në Gërbavc të Medvegjës. Ne armatën jugosllave në kazermën "Marshalli Tito" në Titograd të Malit të Zi vdekja e tij u komentua si vetëvrasje.

Me 8 korrik 2006 - Vdiq në Napoli shkrimtari dhe politikani shqiptar Pjetër Arbnori. Ai lindi më 18 janar 1935 në Durrës. Në vitin 1958 punoi si mësues, por u lirua nga puna për shkaqe politike. Më vonë iu lejua të studiojë me korrespondencë në Fakultetin Filologjik të Universitetit të Tiranës. Po në vitin 1960 Pjetër Arbnori i ra në sy Sigurimit të Shtetit. Në vitin 1961 u dënua me vdekje për përpjekjen për themelimin e një grupi socialdemokrat. Dënimi u shndërrua më vonë në burgim të gjatë. Arbnori i kaloi 28 vjet në burgun e Burrelit. Në gusht të vitit 1989 u lirua nga burgu. Në janar të 1990 mori pjesë në Shkodër në demonstrata kundër pushtetit komunist. Po në të njëjtin vit ishte bashkëthemelues i Partisë Demokratike. Prej vitit 1991 deri më 2001 ishte deputet i Kuvendit të Shqipërisë, të cilin edhe udhëhoqi prej vitit 1992 deri më vitin 1997. Pjetër Arbnori u nda nga jeta ne moshën 71 vjeçare.

Me 8 korrik 2007 - Bamir Topi zgjidhet nga Kuvendi i Shqipërisë President i Republikës. Në votimet e kryera në Kuvend Bamir Topi mori 75 vota nga 84 që duheshin për t'u zgjedhur President i Shqipërisë. Opozita e udhëhequr nga Partia Socialiste bojkotoi votimin.

Nosh

09-07-2011, 10:24

Dita ndërkombëtare e shkatërrimit të armëve.

Me 9 korrik 1877 - Në Uimbëldon filloi turneu i parë në tenis.

Me 9 korrik 1922 - Amerikani Xhoni Vajsmiler notoi 100 metra për 58,6 sekonda, duke u bërë njeriu i parë i cili i duhej më pak se një minutë që ta kryejë këtë akt.

Me 9 korrik 1932 - Vdiq zbuluesi amerikan King Kemp Xhilet, zbulues i briskut për rruajtje - tek ne i njohur si "zhilet".

Nosh

10-07-2011, 17:33

Me 10 korrik 1703.- Në Merkinjë të Lezhës, me urdhrin e Papa Klementi XI (Albani), u mbajt Koncili i Arbrit; ku përveç të tjerash u mor vendimi për hapjen e shkollave shqipe dhe për botimin e teksteve në gjuhën shqipe. Aktet e Koncilit të Arbrit u botuan në shqip më 1706.

Me 10 korrik 1821. - Vdiq studiuesi arbëresh Engjëll Mashi. Ai lindi ne fshatrat arbëreshe më 1758. Kreu Kolegjin e Shën Adrianit për drejtësi. U mor me studimin e historisë e kulturës popullore shqiptare.

Me 10 korrik 1914.- Korça u pushtua nga forcat greke. Gjatë Luftës së Parë Botërore qyteti u pushtua nga Austro-Hungaria, përsëri nga grekët dhe më vonë nga trupat franceze në vitin 1916, që shpallën Republikën Autonome të Korçës, njohur kjo edhe nga Greqia, si Korica.

Me 10 korrik 1927.- Vdiq në moshën 32-vjeçare, në gjendje të mjerueshme, heroina shqiptare Shotë Galica. Varrimi i saj në Fushë Krujë, nuk u bë në heshtje, siç dëshironte qeveria e Ahmet Zogut. Në përcjelljen e saj të fundit erdhën shumë njerëz nga rrethe të ndryshme. Në vitin 1962, shteti shqiptar ia ngriti lapidarin në Fushë Krujë, duke e nderuar edhe me titullin e lartë Heroinë e Popullit.

Me 10 korrik 1943.- Një grup nacionalistësh dhe komunistësh shqiptarë, që kryesonin organizatën e Frontit Nacional-Çlirimtar dhe Këshillin e Përgjithshëm Provizor të saj, të mbledhur në fshatin Labinot të Elbasanit, shpallën krijimin e Shtabit të Përgjithshëm të Ushtrisë Nacional-çlirimtare. Kjo ngjarje historike ka pasur shumë shtrembërime dhe manipulime, si në librat e historisë, ashtu dhe në ato me kujtime të pjesëmarrësve të saj.

Me 10 korrik 1949. - U pushkatua Koçi Xoxe, nën akuzën si agjent i jugosllavëve. Kishte funksione të larta si nënkryeministër, sekretar organizativ i PKSH, etj. Koçi Xoxe ishte Ministër i Brendshëm gjatë periudhës prill 1946 - nëntor 1948.

Me 10 korrik 1952.- Qeveria e Tiranes përsëriti kërkesën për pranimin në OKB, por qëndrimi perëndimor ishte kundër, pasi në Shqipëri nuk "respektoheshin te drejtat themelore te njeriut dhe liritë elementare të individit".

Me 10 korrik 2005. - U nda nga jeta Iliaz Fishta. Ai lindi në Shkodër 26 maj 1926. Studioi në Universitetin e Shën Peterburgut për Ekonomi Financë. Studimet kryesore të tij kanë të bëjnë me tri fusha kryesore : Teorinë e Ekonomisë, Politikën Ekonomike të Shtetit dhe Historinë e Ekonomisë së Shqipërisë nga fundi i shek.XIX deri në vitin 2005. Për veprën dhe kontributin e tij, Prof. Fishta është dekoruar dy herë me urdhrin "Naim Frashëri" (Klasi I e II) pastaj me "Çmimin e Republikës" (Klasi III) dhe me Urdhrin e Lartë "Mjeshtër i Madh i Punës" nga Presidenti i Republikës.

Nosh

11-07-2011, 09:33

Sot është dita botërore e popullatës

Sot shënohet 16-vjetori i Srebrenicës

http://www.kosovapress.com/ks/repository/images/varreza%20sbrebrenic_thmb1.jpg

Në qendrën përkujtimore Potoçari sot shënohet 16-vjetori i Masakrës së Srebrenicës, në të cilën forcat serbe vranë rreth 8 mijë djem dhe burra myslimanë.

Njëmbëdhjetëvjeçari Nesim Muhiq është viktima më e re nga 613 të tilla që do të varrosen sot në Potoçari.

Masakra e Srebrenicës njihet si gjenocidi më i rëndë në Evropë pas përfundimit të Luftës së Dytë Botërore.

Me 11 korrik 1996 - Gjykata e kriminale e Shteteve të Bashkuara për Jugosllavinë lëshoi një fletë arresti ndërkombëtare ndaj liderëve serb të Bosnjës, Radovan Karaxhiç dhe Ratko Mladiç të akuzuar për gjenocid dhe krime lufte.

Me 11 korrik 1999 - Presidenti amerikan Bill Klinton vizitoi bazën ajrore Witeman, në Knob Noster (Missouri), për të përshëndetur pilotët e bombarduesve B-2, që thuajse për ditë patën lëshuar qindra tonë bomba në lartësi, me preçizion mbi objektivat serbe gjatë konfliktit në Kosovë. Kjo është hera e parë që këto bombardime me rreze të gjatë veprimi, angazhohen në operacione luftimi.

Me 11 korrik 2003 - Teleskopi "Hubble" u mundësoi astronomëve të zbulojnë planetin më të vjetër, një yll me madhësinë e Jupiterit që i përket grupit të yjeve "M4", në kostelacionin "Scorpion". Planeti mund të jetë formuar 13 miliard vjet përpara, shumë kohë para Tokës dhe Diellit.

Nosh

12-07-2011, 12:09

Me 12 korrik 1794 - Profesori francez i fizikës S. Lenorman, së bashku me Zhan Mogoljef, e ka konstruktuar parashutën e parë.

Me 12 korrik 1817 - Ka lindur shkrimtari amerikan Henri Dejvid Toro, një nga eseistët më të mirë amerikan. Veprat: Jeta në pyll", "Ditari", esetë "Mosdëgjimi qytetar", "Robëria në Masaçusets", "Mbrojtja e Xhon Braun".

Me 12 korrik 1954 - Presidenti Dwight Eisenhower propozoi që qeveria federale dhe qeveritë e shteteve të fillonin një projekt të përbashkët prej 50 miliardë dollarësh për ndërtimin e autostradave. Ky plan i guximshëm parashikonte ndërtimin e autostradave shumë korsish, gjithsej prej 77 mijë kilometrash. 90 për qind e shpenzimeve do të mbuloheshin nga qeveria federale. Projekt plani 10 vjeçar merrte parasysh ndryshimet që do të pësonte vendi deri në vitin 2000, si rrjedhim i shtimit të popullsisë dhe nevojat e mbrojtjes në rast të ndonjë lufte bërthamore. Shumë prej autostradave të ndërtuara në bazë të këtij projekti, sot janë zgjeruar e janë zgjatur. Në saje të rrugëve të tilla, sot automjetet mund të udhëtojnë me shpejtësi të madhe nga jugu në veri e nga lindja në perëndim, duke anashkaluar qytetet dhe pa qenë e nevojshme të ndalen para semaforëve apo pengesave të tjera të trafikut rrugor.

Nosh

13-07-2011, 10:27

Me 13 korrik 1841 - Firmoset nga fuqitë e mëdha evropiane Konvencioni i Sigurisë. Sipas këtij traktati, garantohej pavarësia e perandorisë otomane dhe, në të njëjtën kohë, përcaktohej që Bosfori dhe Dardanelet të mbylleshin për anijet e luftës në kohë paqeje.

Me 13 korrik 1878 - Perandoria otomane dobësohet më tej me firmosjen e Traktatit të Berlinit. Sipas këtij traktati, Kaukazi i jepej Rusisë, Bosnja dhe Hercegovina i kalonte Austrisë, ndërsa Rumania bëhej shtet i pavarur. Po sipas traktatit, konfirmohej e drejta e Britanisë për të okupuar Qipron.

Me 13 korrik 1878 - Përfundoi pas një muaji Kongresi i Berlinit. Ato përfunduan me nënshkrimin e Traktatit të Berlinit, i cili zëvendësoi atë të Shën-Stefanit. Vendimet e Kongresit të Berlinit cenonin rëndë interesat e popullit shqiptar dhe tërësinë territoriale të Shqipërisë. Ai nuk e pa Shqipërinë si një njësi politike të veçantë, por e trajtoi si një plaçkë tregu të destinuar për të përmbushur synimet e Fuqive të Mëdha dhe për të kënaqur lakmitë e shteteve ballkanike. Traktati i Berlinit nuk i njohu Shqipërisë asnjë të drejtë kombëtare, madje nuk e zinte fare në gojë emrin e saj. Ai nuk e respektoi as tërësinë e saj territoriale.

Me 13 korrik 1908 - Lindi Bedri Spahiu, veprimtar i LANÇ dhe i ndërtimit të vendit. Mësimet e para i mori në vendlindje, në Gjirokastër. Në vitin 1927 u kthye në Shqipëri dhe më pas filloi mësimet në gjimnazin e Shkodrës. Shërbeu si oficer në ushtri deri në tetor 1941. Në 1937 u arrestua me akuzën se kishte lidhje me kryengritjen e Fierit por pas 7 muajsh në hetuesi u lirua dhe më pas u internua në Gjirokastër. U zgjodh sekretar politik i partisë për Gjirokastrën e më pas komisar politik i zonës së parë operative Vlore-Gjirokastër. Pas çlirimit kreu funksione të rëndësishme në krye të Partisë e të shtetit. Anëtar i Byrosë Politike deri më 17 qershor 1955, Prokuror i Përgjithshëm, Ministër i Arsimit, etj. Më 23 qershor u internua familjarisht. U dënua 25 vjet e u lirua nga burgu më 6 tetor 1974. u internua në Selenicë të Vlorës dhe u lirua përfundimisht më 10 maj 1990. vdiq më 12 janar 1998.

Me 13 korrik 1944 - Gjermanët menduan të ngrinin funksionin e Konsullit të Përgjithshëm të tyre në nivelin e ambasadorit dhe si ambasador i Shqipërisë në Berlin, më 13 korrik 1944, u caktua Rrok Gera. Por ai nuk e mori kurrë faktikisht këtë detyrë, pasi vetëm disa ditë më vonë, më 18 korrik të atij viti, u emërua në postin e ministrit të Financave në qeverinë e Fiqiri Dines.

Me 13 korrik 1953 - U vra Ram Sadria, Hero i Popullit. U lind në Dragobi të Tropojës më 25 korrik 1920. Mori pjesë në Luftën ANÇ. Pas çlirimit të vendit shërbeu në forcat e ndjekjes dhe të kufirit. Ishte komandant i postës kufitare të Qeremit në rrethin e Tropojës. U vra në Qerem në luftë për asgjësimin e bandave për mbrojtjen e kufijve të Atdheut.
1955 - Rut Elis bëhet gruaja e fundit që varet në litar në Britani. Akuza ishte vrasja e të dashurit nga ana e saj.

Me 13 korrik 1995 - Shqipëria u bë anëtare e Këshillit të Evropës.

Me 13 korrik 2001 - Një ekip shkencëtarësh në SHBA arriti të bëjë orën më të saktë në botë. Ora e re optiko-atomike bën "tik-take" rreth 20 herë më të rregullta se sa ora atomike me mikrovalë, që është vlerësuar si matësi më i mirë i kohës që prej 50 vjetësh.

Nosh

14-07-2011, 10:19

Me 14 korrik 1789 - Kështjella e Bastisjes në Paris, një burg i zymtë dhe simbol i monarkisë, rrethohet nga populli, duke shënuar dhe fillimin e Revolucionit francez.

Me 14 korrik 1867 - Prodhuesi i eksplozivit, Alfred Nobel, bëri demonstrimin e parë të shpikjes së tij, dinamitit.

Me 14 korrik 1933 - Partia Naziste, nën udhëheqjen e Adolf Hitlerit, nxjerr jashtë ligjit të gjithë partitë opozitare në Gjermani.

Me 14 korrik 2000 - Jan Karski, ndërlidhësi legjendar polak në periudhën e Luftës së Dytë Botërore, i cili në vitin 1941 ishte personi i parë që informoi Aleatët për Holokaustin, vdiq në moshën 86 vjeç, nga një sëmundje kardiovaskulare, në Uashington.

Me 14 korrik 2002 - Fotografi i mirënjohur Jusuf Karshen, i cili do të kujtohet gjatë në historinë e fotografisë për portretin e ish-kryeministrit britanik Uinston Çërçill, realizuar në vitin 1941, vdiq në Boston në moshën 93 vjeç.

Ilir_Gjokaj

14-07-2011, 10:34

Ditelindjen e Adit :lol:

_katolikja_

14-07-2011, 10:38

Sod para ni viti kam nreq thonjet .. keshtu :p

http://media.merchantcircle.com/19487971/French%20Nails%202_full.jpeg

Nosh

15-07-2011, 10:29

Me 15 korrik 1915 - U vra Çerçiz Topulli në Shkodër.

Me 15 korrik 1976 – Odiseja 36-orësh e rrëmbimit filloi për 26 nxënës dhe shoferin e autobusit të tyre, pasi që ata u rrëmbyen nga tre të armatosur në Kalifornia dhe u mbajtën në një qeli nëntokësore. Të rrëmbyerit ikën dhe nuk pati të lënduar.

Me 15 korrik 1979 – Presidenti amerikan, Jimmy Carter, mbajti një fjalim, në të cilin kritikoi “krizën e besimit” në Amerikë. Ndonëse ai nuk e shfrytëzoi këtë term, fjalimi mbeti i njohur si fjalimi i “sëmundjes”.

Nosh

16-07-2011, 23:00

Me 16 korrik 1880 - Nga Tuzi, krerët e Hotit shprehën vendosmërinë e vet për zmbrapsjen e sulmeve malazeze dhe për të fituar pavarësinë e Shqipërisë, ndonëse Fuqitë e Mëdha nuk dhanë asnjë ndihmë.

Me 16 korrik 1925 - Shën Naumi u bë pjesë e territorit maqedonas me motive të papërcaktuara shkëmbimi apo dhurate mes dy qeverive të asaj kohe. Shën Naumi ka qenë pjesë e kufirit shqiptar kur vendimi i Konferencës së Londrës, më 1913, shprehej zyrtarisht se kufijtë e Shqipërisë tek liqeni i Ohrit do të jenë nga bregu perëndimor i liqenit nga fshati Lin dhe diagonalja e kufirit e përfshinte manastirin e Shën Naumit brenda kufijve shqiptarë.

Me 16 korrik 1925 - U mblodh Asambleja Kushtetuese (Senati dhe Dhoma e Deputetëve), e cila u drejtua nga kryetari i Senatit, Eshref Frashëri, për të diskutuar ndryshimet e kushtetutës së republikës. Në këtë mbledhje dha shpjegimet e duhura ministri i Punëve të Jashtme, Mufit Libohova. Ai kërkoi që Asambleja të jepte pëlqimin që qeveria të hynte në bisedime për shkëmbimin territorial për Shën Naumin.

Me 16 korrik 1943 - U vra Reshit Çollaku, Hero i Popullit. U lind në Pogradec më 1914. Ishte student në vitin e fundit të Akademisë Ushtarake Italiane kur Italia pushtoi Shqipërinë. Në mars 1942 u caktua komandant i çetës së Mokrës dhe më vonë i batalionit partizan të Mokrës. Organizoi dhe drejtoi shumë luftime të rëndësishme që nga Plloça deri në Librazhd, nga Gora në Vërçë, nga kantierët e kromit në Rrajcë e deri në Strugë. Ra duke luftuar kundër fashistëve italianë në Pojskë të Pogradecit.

Me 16 korrik 1944 - U krye masakra naziste në Nivicë e Shënvasil në zonën e Sarandës. Pasojat ishin tragjike: 86 vetë të vrarë (31 vetë u pushkatuan dhe u varrosën në një varr të përbashkët), 90 vetë të internuar, 12 shtëpi të djegura, 3000 krerë bagëti të imta dhe 300 krerë gjedhë të rrëmbyer, rreth 100 dynymë grurë të djegur, etj.

Me 16 korrik 1966 - U nda nga jeta aktori i njohur Loro Kovaçi. Lindi më 30 gusht 1903 në Shkodër. Aktivitetin teatror e filloi që nga viti 1920. Pas një përvoje të gjatë në teatrin amator, në 1 shtator 1946, së bashku me Pjetër Gjokën e të tjerë, vjen në teatrin e Ushtrisë. Në 1 shtator 1947 kalon pranë Teatrit Popullor si aktor profesionist. Roli i tij i parë ishte në komedinë "Prefekti". Interpreton më vonë në pjesët "Rrënjët e thella", "Gubernatori i Provincës", "Karakteri moskovit", "Otello", "Revizori", "Intrigë dhe dashuri", "Orët e Kremlinit", "Hamleti", "Mbreti Lir", "Trimi i mirë me shokë shumë", etj. Roli i fundit së skenën e Teatrit Kombëtar ishte roli i kolonelit italian në dramën "Tri të shtëna pushke". Ka marrë titullin "Artist i Popullit". Ka interpretuar në disa filma artistikë shqiptarë, duke filluar nga "Skënderbeu".

Me 16 korrik 1998 - Në Jugosllavi, shqiptarët e Kosovës inaugurojnë parlamentin e zgjedhur të tyre. Policia serbe ndërhyri dhe urdhëroi shpërndarjen e deputetëve.

Nosh

17-07-2011, 17:33

Me 17 korrik 1453 - Francezet mundën anglezët në Betejën e Castellion në fund të luftës 100 vjeçare.

Me 17 korrik 1841 - Për herë të parë publikohet në Londër, revista humoristike "Punch".

Me 17 korrik 1999 - Trupat e NATO-s zbuluan dy zona me varre masive. Në këtë ditë tridhjetë trupa u zhvarrosën nga njerëz të Ushtrisë Çlirimtare të Kosovës (UÇK-së). Ndërkohë në sektorin francez (në veri) u zbuluan gjithashtu edhe kufoma në një zonë të dyshimtë, ku ka mundësi të jenë kryer krime lufte.

Me 17 korrik 2001 - Pas një sëmundje të gjatë, u nda nga jeta në moshën 68 vjeçare, filologu i njohur gjirokastrit, Mësuesi i Merituar, Aleko Pano. Ai dha një kontribut të madh në arsimimin e brezave të tërë të mësuesve në shkollën e mesme pedagogjike "Pandeli Sotiri", ndërsa është autor i teksteve mësimore të historisë për shkollat 8-vjeçare.

Nosh

18-07-2011, 10:14

Me 18 korrik 1337 - Mbreti Robert i Sicilisë konfirmon paktin lidhur gati 20 muaj më parë mes vikarit të Dukës së Durrësit, Ludovikut dhe despotit te Arbërisë Andrea Muzakës, çka do të thotë ratifikim i marrëveshjes midis palësh.

Me 18 korrik 1881 - Një grup emigrantesh shqiptarë të Bukureshtit, mbledhur në shtëpinë e Vasil Korçarit, themeluan shoqerine e të shtypurit të shkronjave shqip.

Me 18 korrik 1908 - Pas shpalljes së Hyrjetit apo Kushtetutes, administrata osmane liroi të gjithë të burgosurit e burgut të Beratit. Amnistia u zbatua edhe në qytete te tjera shqiptare.

Me 18 korrik 1915 - Gjykata ushtarake serbe dënoi me vdekje krerët e kryengritjes xhonturke, Mustafa Qazimi dhe Haxhi Qamili. Ata u ekzekutuan me varje ne qytetin e Durresit.

Me 18 korrik 1924 - Një grup liceistesh gjirokastritë formuan shoqerinë kulturore "Studenti". Kontributi i saj u shqua ne muzikë, teatër, letërsi dhe sport.

Me 18 korrik 1930 - Lindi në Vlorë shkrimtari Fatos Arapi. I diplomuar në Bullgari, në fakultetin Ekonomik, në Universitetin e Sofjes, kontribuoi ne profesionin e ekonomistit në Komisionin e Planit të Shtetit dhe me pas si pedagog ne Fakultetin Ekonomik dhe Histori Filologjisë. Pas sprovash në gazetari e gjejme shkrimtar në profesion të lirë. Fatos Arapi, që për lexuesin njihet si botues vëllimesh poetike, novela, romane, artikuj kritikë, studime letrare dhe përkthime poetike, ka qenë disa here fitues çmimesh letrare.

Me 18 korrik 1942 - Shënon kryengritjen e pare në Shqipëri ndaj pushtimit italian për çlirimin e trojeve dhe pas kësaj
shpërthejnë kryengritjet e tjera. Ajo hyri ne histori si kryengritja popullore e Matit.

Me 18 korrik 1996 - Orkestra fizarmonike e Arogejtit në Anglinë Veriore dha një koncert në programin e te cilit përfshiheshin kënge qytetare nga Shqipëria e Jugut. Orkestra drejtohej nga Artisti i Merituar, dirigjenti Eno Koço, i cili prej disa vitesh punon ne departamentin e muzikës në Universitetin e Lidsit.

Me 18 korrik 1999 - U nda nga bota e artit veterani i skenës dhe ekranit shqiptar Pandi Raidhi. 200 role në teater dhe 36 në kinematografi gjatë 45 viteve karriere artistike e bëjnë artistin korçar një ndër figurat e shquara dhe te dashura te artit skenik e kinematografik shqiptar. Ai ishte ndër 10 aktoret që themeluan teatrin "Andon Zako Çajupi" të Korçës dhe nder heronjtë kryesorë të filmit të parë shqiptar me metrazh të gjatë "Tana". Rolet dhe figurat e skalitura prej tij kane mbetur te gjalla ne kujtesën e artdashësit shqiptar.

Me 18 korrik 2002 - Shkencëtarë brazilianë zbulojnë fosilet e një prej krijesave më të çuditshme të zbuluara ndonjëherë. Zvarraniku i madh fluturues, që besohet të ketë jetuar gjatë periudhës së dinosaurëve, e siguronte ushqimin me anë të sqepit të tij në formë gërshëre dhe e kishte kokën të stolisur nga një kreshtë të madhe kockore.

Me 18 korrik 2003 - U nda nga jeta shkrimtari Sotir Andoni. Ai lindi me 1925 në Ziçisht të Devollit në familjen e një tregtari patriot. Pas lufte punoi si drejtor i Shtëpisë së Kulturës në Korçë dhe kryeredaktor i gazetës lokale "Përpara." Në vitin 1945 u dënua nga shoket e tij të luftës për "veprimtari armiqësore dhe tentative arratisje." Pas dy vjetësh u lirua për t'u dënuar gjithë jetën me pune të rëndomta. Vijues i denjë i shkollës së Mitrush Kutelit, periudhën pas viteve '90, Sotiri e jetoi aktivisht, duke u zgjedhur anëtar i Këshillit Bashkiak të Korçës, ku dha ndihmese si demokrat i formuar e me kulture. Pas emigrimit në Amerikë, vazhdoi veprimtarinë letrare dhe publicistike.

Nosh

19-07-2011, 10:34

Me 19 korrik 1621 - Pjetër Budi emërohet Ipeshkv i Sapës dhe Sardës, përkatësisht i tërë krahinës së Zadrimës.

http://letersia.zemrashqiptare.net/images/articles/2007_07/2986/u1_Pjeter-Budi.jpg

Me 19 korrik 1896 - U hartua Memorandumi në favor të autonomisë së Shqipërisë, me të cilin filloi lëvizja që çoi në formimin e Lidhjes së Pejës më 1899.

Nosh

20-07-2011, 13:48

Me 20 korrik 1304. - Lindi poeti Petrarka (emri i vërtetë Françesko Petrarka), i njohur për përmbledhjen e tij të soneteve me titullin "Për Laurën".

Me 20 korrik 1795. - Erdhi në pushtet themeluesi i Egjiptit modern, shqiptari Mehmet Ali Pasha. Një nga kontributet më të mëdha të tij ishte se që në vitet e para te pushtetit te tij, ai kërkoi të krijojë një Egjipt modern dhe për ketë ai nuk vështroi nga Stambolli, por nga Evropa e qytetëruar dhe së pari nga Franca.

Nosh

21-07-2011, 10:23

Me 21 korrik 1861. - Forcat e konfederatës shkatërruan gjatë luftës civile amerikane forcat Unioniste në Betejën e Parë në Bull Ran. Figura qëndrore në këtë betejë ishte Tomas Xhekson, i cili u përshkrua nga forcat unioniste si "mur guri", një nofkë, e cila iu ngjit atij për shkak të qëndrimit gjatë betejës.

Me 21 korrik 1946. - Shqipëria nën diktaturën e Hoxhës, ndërpreu marrëdhëniet me Shtetet e Bashkuara të Amerikës dhe Britaninë e Madhe, dhe u nënshkrua një Traktat i Miqësisë, Bashkëpunimit dhe Ndihmës Reciproke me Jugosllavinë, si dhe një numër marrëveshjesh të tjera, që i dhanë Jugosllavisë kontrollin real mbi të gjitha çështjet shqiptare, përfshirë edhe fushën e kulturës.

Nosh

22-07-2011, 10:02

Me 22 korrik 1718 - U shfaq në Firence premiera e operës "Skënderbeu" të Antonio Vivaldit.

Me 22 korrik 1878 - Autoritetet shtetërore osmane u kërkuan krerëve të Lidhjes Shqiptare te Prizrenit që t'u vinin në ndihmë me forcat e tyre të armatosura boshnjakëve, që kishin rrëmbyer armët kundër ushtrisë austro-hungareze. Kjo nuk u pranua nga anëtarët e Lidhjes, duke përdorur si argument nevojën e ngutshme që kishte vendi për mbrojtjen e trojeve shqiptare.

Me 22 korrik 1908 - Kuvendi i Ferizajt i dërgoi Portës së Lartë një telegram ku thuhej se në rast se nuk shpallej menjëherë kushtetuta, populli me armë në dorë do të zbriste drejt Stambollit. Mendimi se masa prej 30 000 vetash të armatosur, të grumbulluar në Ferizaj, mund të marshonte drejt Shkupit, Selanikut e Stambollit shqetësoi jo vetëm sulltanin, por edhe xhonturqit, që i kishin nxitur shqiptarët të bashkoheshin me ta.

Me 22 korrik 1912 - Në kryengritjen kundër xhonturqve, kryengritësit çliruan Pazarin e Ri dhe Prizrenin.

Me 22 korrik 1916 - Në emër të Kuvendit të "Vatrës", Fan Noli proteston pranë Fuqive të Mëdha kundër synimit për të vendosur protektoratin italian mbi Shqipërinë.

Me 22 korrik 1924 - U krijua shoqëria që u quajt "Lidhja e Post-Telegrafonistëve të Shqipërisë", që në kongresin e saj të jashtëzakonshëm më 27 korrik- 4 gusht 1924 aprovoi statutin dhe rregulloret përkatëse që synonin sigurimin dhe mbrojtjen e të drejtave të punonjësve të PTT-së.

Me 22 korrik 2003 - U nda nga jeta Dhimitër Shuteriqi, shkrimtar, poet dhe studiues i shquar shqiptar. Lindi në vitin 1915 në Elbasan. Kreu Liceun e Korçës. Me shkrime filloi të merret që në rininë e hershme. Është ndër novelistët e parë shqiptarë, i renditur pas Migjenit dhe Kutelit. U diplomua ne France dhe pas rikthimit ne Shqipëri ai spikati si një ndër penat me te njohura dhe me te suksesshme te artit te shkruar shqiptar. Për 24 vjet me radhë, nga viti 1950 deri në vitin 1974, ai drejtoi edhe Lidhjen e Shkrimtareve dhe Artisteve në Tiranë. Shuteriqi ka dhenë një kontribut te madh edhe ne fushën e studimeve. Ka qene anëtar i Akademisë se Shkencave ne Tiranë, duke vazhduar kështu rrugën e studimeve deri ne moshën 88-vjeçare, kur vdiq.

Me 22 korrik 2003 - Një grua britanike theu një nga rekordet më të vështira sportive, kur arriti të mbajë frymën nën ujë, duke u zhytur në thellësinë 122 metra në detin e Karaibeve. Njeriu-nëndetëse, Tanya Streeter, mbajti frymën për tre minuta e 38 sekonda, gjatë odisesë së saj nënujore.

Nosh

23-07-2011, 10:40

Me 23 korrik Kisha katolike përkujton Shën Brigiten, Pajtore e Evropës.

Me 23 korrik 1448 - U zhvillua Beteja e Drinit, një nga betejat më të rëndësishme të Skënderbeut kundër venedikasve për çlirimin e tokave shqiptare.

Me 23 korrik 1649- Lindi papa me origjinë shqiptare, Klementi XI.
Gjon Françesk Albani (Gian Francesco Albani), i biri i Karlos dhe Elenes (Mosca), u lind në Urbino të Italisë, më 23 korrik 1649, në një familje arbëreshe të njohur e të afirmuar ndër bujarët e këtij qyteti. Prej kohës kur vëllezërit Gjergji dhe Filipi, të bijtë e Mikelit nga Laçi në Shqipëri bashkëluftëtarë të Skënderbeut kishin ardhur në Urbino në vitin 1471, sipas një gjenealogjie të drejtpërdrejtë nga Altobefi, i biri i Gjergjit, Klementi XI është e katërta shokë pas Anibalit, Oracit dhe Karlit, babait fë tij. Edhe nga e ëma Gjon Françesku i takonte famajes bujare, kështu që, siç konstatojnë biografët e tij, edhe daja i tij Giroiamo Mosca do të ndikojë që ai të përcaktohet për vokacionin kishtar, më tepër në kuptimin diplomatik e admimstraiv regulltaresk. Kështu qysh në vitin 16605 pas kryerjes së shkollës fillore, ai gjendet në Romë për të ndjekur "shkollën publike" në Kolegjin Romak, që më vonë, më 1668 të diplomohet në drejtësi dhe për t'i vazhduar studimet në filozofi dhe teologji. Duke qenë i shkëlqyeshëm në mësime dhe pasi që qe emëruar kanonik (më 1670), Albani kishte hyrë edhe zyrtarisht në prelaturën romake qysh në vitin 1677, duke pranuar nga papa Inoçenti XI emërimin për konsultator të Kongregacionit Konsistorial, që ishte me rëndësi në komunikimin diplomatik me botën dhe në asistencë me papën.

Me 23 korrik 1880 - u mbajt Kuvendi i Gjirokastrës, i kryesuar nga Abdyl Frashëri, i cili kërkoi autonominë e Shqipërisë nga Turqia dhe u shpreh vendosmërisht për të mbrojtur me armë Ulqinin në veri dhe Çamërinë në jug.

Me 23 korrik 1908 -Pa ardhur ende përgjigja nga Stambolli, kryengritësit shqiptarë shpallën kushtetutën në Manastir, në Selanik, në Preshevë, dhe në qendra të tjera. Ne plan te pare te te cilës doli problemi i organizimit të shkollës në gjuhën shqipe.

Me 23 korrik 1909 -Doli numri i parë i gazetës së përdyjavshme Lidhja ortodokse në Korçë botuar nga Mihal Grameno.

Me 23 korrik 1909- Ngjarjet në Shqipëri e vunë qeverinë xhonturke në një pozitë të vështirë, nga e cila ajo u përpoq të dilte duke thirrur një kongres në Dibër më 23 korrik 1909, ditën e përvjetorit të shpalljes së kushtetutës. Kongresi u organizua me nismën e Komitetit Qendror "Bashkim e Përparim". Qëllimi i thirrjes së Kongresit të Dibrës ishte që të ndikohej me mjete paqësore te shqiptarët për t'i qëndruar besnik kushtetutës dhe qeverisë turke.

Me 23 korrik 1911 - U hartua Memorandumi i Greçës si një program që shprehte aspiratat mbarëshqiptare dhe jo vetëm të një krahine a vilajeti. Atdhetarët më radikalë të Shqipërisë së Jugut, duke përfituar nga kryengritja e malësorëve, bënë përpjekje për të tërhequr në lëvizje elementët e moderuar. Memorandumi i Greçës i dha fund qëndrimit pritës që kishin mbajtur deri atëherë disa komitete në krahinat e tjera të vendit.

Me 23 korrik 1915- Fan Noli u zgjodh kryetar i Federatës Pan-shqiptare "Vatra", e cila, përballë gjendjes së rrëmujshme dhe zbrazësisë politike në Shqipëri, zuri ta shohë veten si njëfarë qeverie shqiptare në mërgim.

Me 23 korrik 1942 -Deri në qershor 1944 Ferid Vokopola nxori revistën "Njeriu", si organ i organizatës fetare "Drita Hyjnore".

Nosh

24-07-2011, 10:37

Kisha katolike e përkujton Shën Kristoferin, pajtorin e shoferëve, dhe njëherë është bekimi i makinave (veturave).

Me 24 korrik 1908. - Abdul Hamiti II vuri në fuqi Kushtetutën, e shpallur në Selanik e në Manastir një ditë më parë. Menjëherë pas njohjes së Kushtetutës prej Sulltanit, u formua qeveria e Turqve të Rinj. Kjo ngjarje, e cila atëherë u quajt Hyrrijet (liri), u prit me gëzim të madh prej shqiptarëve, duke shpresuar se Turqit e Rinj do t'a mbanin fjalën dhe do t'i rrinin besnikë Kushtetutës.

Me 24 korrik 1944. - U votëbesua në Parlamentin Shqiptar Qeveria e Fiqiri Dinës. Kryeministri theksoi se "ndodhja e trupave gjermane në Shqipëri ka karakter të përkohshëm, të përcaktuar nga kushtet e luftës". Ai tha gjithashtu se qeveria e tij do të kishte vëmendjen tek ideali kombëtar.

Nosh

25-07-2011, 13:25

Me 25 korrik 1554 - Mbretëresha Meri I e Skocisë martohet me Filipin II të Spanjës në Uinçester.
1668. - Flota angleze mund flotën holandeze në betejën e dytë detare të Forelandit.

Me 25 korrik 1712 - Kantonet protestante, të udhëhequr nga Berve, mundin kantonet katolike në betejën e Vilmergenit, duke i dhënë kështu fund luftërave fetare në Zvicër.

Me 25 korrik 1957 - Tunizia pavarësohet dhe bëhet Republikë me Habib Burgibën si president të saj.

Me 25 korrik 1978 - Në Oldham General Hospital, të Lankasherit në Angli, lind fëmija i parë i epruvetës. Fëmija quhej Luiz Joy Brawn.

Me 25 korrik 1982 - Lideri palestinez Jaser Arafat nënshkroi një marrëveshje në Bejrut për të pranuar rezolutën e Kombeve të Bashkuara mbi të drejtën e ekzistencës së Izraelit.

Me 25 korrik 1984 - Kozmonautja sovjetike Svetllana Savitskaya u bë e para grua që udhëtoi në hapësirë.

Me 25 korrik 1995 - Lideri serb Radovan Karadziq dhe udhëheqësi i tij ushtarak, Ratko Mlladiq, u akuzuan për gjenocid, krime lufte dhe krime kundër njerëzimit nga Gjykata e Kombeve të Bashkuara për krimet e luftës.

Nosh

26-07-2011, 10:51

Me 26 korrik 1455 - Pesë mijë luftëtarët e Muzak Topisë dhe 500 ushtarët napolitanë, ndërsa ishin fare të shkujdesur e të shpërndarë, u sulmuan prej ushtrisë osmane dhe u asgjësuan thuajse tërësisht. Sapo u njoftuan për sulmin e papritur të ushtrisë osmane, Skënderbeu dhe Gjergj Arianiti, me 7 mijë luftëtarë shkuan në ndihmë të Muzak Topisë, por kur ata arritën në fushën e luftës, gjithçka kishte përfunduar. Shfarosja e ushtrisë së Muzak Topisë në betejën e Beratit ishte humbja më e rëndë që pësuan shqiptarët gjatë luftës 25-vjeçare nën udhëheqjen e Skënderbeut.

Me 26 korrik 1910 - Në Shkup lindi Nënë Tereza (emri i vërtetë Agnesa Gonxhe Bojaxhiu), themeluese e mëshirës. Në vitin 1979 e fitoi Çmimin Nobël për paqe për veprimtarinë jashtëzakonisht të gjerë në ndihmën e të mjerëve, të sëmurëve dhe fatkeqeje në mbarë botën. Vdiq në Kalkutë, Indi, më 5 shtator të vitit 1997.

http://www.infoalbania.org/thumbnail.php?file=arkiva/Vendi/mother_teresa_629219021.jpg&size=article_medium

Nosh

26-07-2011, 18:37

Shkupi përkujton 48 vjetorin e tërmetit tragjik

http://www.botasot.info/img/963_385355103.jpg

Kryeqyteti i Maqedonisë, Shkupi përkujton sot 48-vjetorin e tërmetit tragjik ku humbën jetën 1.070 persona dhe u plagosën 3. 000 të tjerë. Në shënimin e kësaj date janë paraparë disa aktivitete nga ana e Qytetit të Shkupit dhe homazhe në varrezat e qytetit.
Në Qendrën tregtare "Soravia" prej orës nëntë deri në orën 17 do të ketë aksion tradicional të dhurimit të gjakut të Kryqit të Kuq të Qytetit të Shkupit.
Në Muzeun e Qytetit të Shkupit sonte do të hapet ekspozita "Takim i solidaritetit 1964-1973", ndërsa koncert kamertal do të mbajë kuarteti i violinistëve Four Strings.
Tërmeti tragjik në Shkup ndodhi më 26 korrik të vitit 1963 në orën lokale 05:17 minuta, ndërsa dridhje më të vogla kishte deri në orën 05:43. Tërmeti i Shkupit u ndje në një hapësirë prej rreth 50.000 kilometrash katrorë.
Nga tërmeti u shkatërruan 15 800 ndërtesa dhe u dëmtuan 28 000 të tjera. Mbi 200.000 persona mbetën pa shtëpi. Për shkak të këtij tërmeti shkatërrues dhe me pasoja, OKB miratoi një ndihmë për rikonstruimin e Shkupit. Kryeqyteti i Maqedonisë gjatë periudhave historike vazhdimisht ka qenë i goditur nga tërmetet.
Në hapësirën mes fshatrave Zlokuqan dhe Bardovcë ka ekzistuar qyteti i Skupit, metropol i provincës Dardania. Ky qytet, në vitin 518 ka qenë plotësisht i shkatërruar nga tërmeti. Atëherë në provincën Dardania janë shkatërruar 24 bedena të qytetit. Forca e këtij tërmeti ka qenë 10-11 ballë.
Edhe qyteti i ri nuk është kursyer nga paraqitjet sizmike. Tërmeti i ardhshëm tragjik ka ndodhur në vitin 1555. Intensiteti i tij ka qenë 10 ballë, pas çka qyteti për herë të dytë është shkatërruar dhe hera e fundit ishte ajo e vitit 1963 kur ky qytet përjetoi shkatërrimin e radhës.

Nosh

27-07-2011, 13:51

Me 27 korrik 916 - Në Ohër vdiq Shën Klimenti i Ohrit, shkrimtar dhe pedagog, nxënës i Shën Cirilit dhe Metodit, themelues i Shkollës letrare të Ohrit, peshkopi i parë slloven në Maqedoni, patron i qytetit të Ohrit dhe Kishës ortodokse të Maqedonisë. U lind rreth viteve 830 - 840.

Me 27 korrik 1742 - Paqja e Berlinit e nënshkruar nga perandoresha Maria Tereza e Austrisë dhe Prusisë, i jep fund luftës së parë Sileziane.

Me 27 korrik 1949 - Aeroplani i parë reaktiv i prodhuar nga firma britanike De Hamilerd-Komet, kreu fluturimin e parë të përurimit.

Me 27 korrik 1954 - Britania dhe Egjipti, filluan zbatimin e marrëveshjes, që i jepte fund pushtimit britanik të Zonës së Kanalit të Suezit.

Me 27 korrik 1955 - Austria rifiton sovranitetin e saj mbas 17 vjet okupimi nga trupat e huaja.

Me 27 korrik 1996 - Gjatë lojrave olimpike në Atlanta, një bombë që shpërtheu në një park zbavitjesh, shkaktoi vdekjen e dy personave dhe plagosjen e 110 të tjerëve.

Me 27 korrik 1824 - Lindi Aleksandër Dyma' (i biri), shkrimtar i njohur francez dhe djali i shkrimtarit francez Aleksandër Dyma' (i ati). Ai shkroi 16 vepra, në të cilat përfshihen "Bijat natyrale" dhe romani "Zonja me Kamelie".

Nosh

28-07-2011, 10:31

Me 28 korrik 1586 - Tomas Heriot nga Kolumbia i solli patatet e para në Angli.

Me 28 korrik 1741 - Vdiq kompozitori italian Antonio Vivaldi. Ai u bë i famshëm me koncertin e tij për violinë dhe orkestër të titulluar "Katër stinët".

Me 28 korrik 1750 - Vdiq kompozitori dhe organisti Johan Sebastian Bah. Ndër veprat e tij përmenden "Pasioni i Shën Methjuse" dhe "Koncerte Brandenburgase". Me inovacionet e tij në problemet teknike, të cilësisë dhe formatit, ai mbuloi pothuajse të gjithë zhanret muzikore.

Me 28 korrik 1868 - Ratifikohet amendamenti i 14-të i Kushtetutës Amerikane, me anë të së cilës i jepet e drejta nënshtetase zezakëve të Shteteve të Bashkuara të Amerikës.

Me 28 korrik 1914 - Filloi Lufta e parë Botërore. Pas atentatit (më 23 korrik të vitit 1914) të kryer ndaj dukës Ferdinand në Sarajevë, qeveria e Austro-Hungarisë e akuzoi Serbinë si shkak për atentatin dhe i dërgoi ultimatum... i cili ishte hedhur poshtë. Ky ishte shkasi që Austro-Hungaria t'i shpallë luftë Serbisë, tre ditë më vonë Gjermania i shpalli luftë Rusisë, ndërsa më 3 gusht edhe Francës.

Me 28 korrik 1968 - Vdiq Oto Han, fizikanti i famshëm gjerman dhe fitues i çmimit 'Nobel'. Ai firmosi deklaratën e Getingenit të vitit 1957, me anë të së cilës refuzoi të bashkëpunonte në ndërtimin e mundshëm të pajisjeve bërthamore të Gjermanisë Perëndimore.

Me 28 korrik 2003 - Dy binjake siameze argjentinase që kishin të përbashkët zemrën, mëlçinë dhe zorrët lindën në Buenos Aires. Pas operacionit çezarian ato morën frymë në mënyrë të pavarur nga njëra-tjetra.

Nosh

30-07-2011, 17:03

Me 30 korrik 1911 - Ambasadori turk në Cetinë, Sadredin Beu, u përcolli kryengritësve përgjigjen e qeverisë turke ndaj kërkesave të tyre, ku të dërguarit e qeverisë turke pranuan disa kërkesa të kryengritësve shqiptarë, midis te cilave shpalljen në Tepelenë të konçesioneve që u bëheshin kryengritësve të Shqipërisë së Jugut.

Me 30 korrik 1925 - Patër Serafin Koda kremtoi meshën e tij të parë. I lindur më 25 prill 1893 në Janjevë, në Kosovë, ishte famullitar në Lezhë, ku u arrestua e torturua. Vdiq në Lezhë, pas torturash çnjerëzore në vitin 1947. U varros fshehtas në oborrin e Kuvendit Françeskan. Eshtrat e tij u gjeten në shtator të vitit 1995.

Me 30 korrik 1932 - Lindi në Lushnjë, Kujtim Spahivogli. Ishte një ndër studentët brilant të ardhur nga Bashkimi Sovjetik. Në vitin 1956 emërohet aktor në Teatrin Kombëtar. Roli i tij i parë në skenën e Teatrit Kombëtar ishte Xherxhinski në dramën "Orët e kremlinit", dhe më pas vijnë një sërë rolesh në dramat "Majlinda", "Në anën tjetër", "Dragoi i Dragobisë", "Hamleti", etj. Por më shumë ka punuar dhe u shqua si regjisor në TP dhe si pedagog në ILA. Ka vënë në skenë pjeset: "I çuditëshmi", "Gratë gazmore të Uindsorit", "Në tufan", "Shtëpia në bulevard", "Drita", "Karnavalet e Korçës", "Shtëpia në bulevard", "Qielli i kuq", etj. Kujtim Spahivogli është themeluesi i fjalës artistike. Në vitin 1973 e larguan nga teatri për arsye politike. Në 7 korrik 1987 u nda nga jeta. Pas vdekjes, në vitet 90 iu dha titulli "Artist i Popullit".

Me 30 korrik 1943 - U zhvillua beteja e Matit. 2000 matjanë te ardhur edhe nga rrethinat sulmuan garnizonet ushtarake italiane. Betejat u përsëritën disa herë në Burrel dhe Qafë-Buall. Amplifikimi i goditjes edhe me gjerë në Tiranë dhe Dibër vazhdoi pandërprerë deri ne kapitullimin e Italisë.

Me 30 korrik 1946 - Lindi në qytetin e Shkodrës shkrimtari, poeti, prozatori, gazetari Skënder Temali. Përfundoi studimet e larta në Universitetin "Luigj Gurakuqi" për Gjuhë - Letërsi. Për vite me radhë punoi ne organet e shtypit lokal si gazetar, redaktor si dhe në Radio Shkodra. Prej vitesh punon si drejtues e mësues në shkollat e mesme te qytetit te Shkodrës. Është fitues i disa çmimeve kombëtarë e ndërkombëtarë me krijimet e tij.

Me 30 korrik 1975 - Vdiq Dr. Paulin Margjokaj, besnik i idealit të tij në traditën françeskane. Lindi në fshatin Kçirë të Shkodrës më 26 shtator 1908. Më 1925 hyri në Urdhrin e fretërve të Shqipërisë, shugurohet meshtar. Punoi si mësues i historisë dhe gjeografisë në liceun Ilirikum . Për shkak të ardhjes së regjimit komunist në pushtet nuk u kthye më në atdhe. Shkoi në Vjenë dhe në Gracë pranë shqiptarëve të mërguar, dhe shkroi shumë artikuj dhe la dy vepra në dorëshkrim në gjuhën shqipe.

Me 30 korrik 2001 - Belbëzimi, i cili për një kohë të gjatë besohej se shkaktohej nga faktorë emocionalë, është zbuluar për herë të parë se lidhet me anomali fizike në tru. Shkencëtarët në Shtetet e Bashkuara të Amerikës zbuluan se të rriturit që belbëzojnë vazhdimisht kishin anomali në zonat e trurit që kontrollojnë gjuhën dhe të folurit.

Nosh

31-07-2011, 12:16

Me 31 korrik 1498 - Kristofor Kolombo në udhëtimin e tij të tretë drejt Botës së Re, zbuloi një ishull i cili më vonë mori emrin Trinidad.

Me 31 korrik 1457- Qeveritari venecian i Durrësit, ra pre e manovrës se Skënderbeut, duke njoftuar dukën e Republikës se: "i madhërishmi Skënderbe ka marrë malet për të shpëtuar kokën dhe e kanë braktisur të gjithë". Ndërkohë, Skënderbeu, pasi grumbulloi dhe organizoi me shpejtësi forcat e veta, e goditi befasisht ushtrinë armike në disa drejtime. Fitorja në betejën e Ujëbardhës pati rrjedhime pozitive të shumanshme politike dhe ushtarake në Shqipëri. Ajo ishte një goditje vendimtare kundër lëkundjeve në gjirin e aristokracisë shqiptare dhe ndikoi në forcimin e pushtetit politik të Skënderbeut mbi gjithë viset e lira shqiptare.

Me 31 korrik 1887 - Lindi në Nënshat te Lezhës Dom NDOC SUMA. Vdiq më 22 prill 1958, vetëm 2 vjet mbasi ishte liruar, i shkatërruar, nga burgu, ku u torturua me akuza për të cilat thoshte: "Vetëm kur dola në gjyq e mora vesh pse isha arrestua"..Ishte viktime e rrëmetit te tmerrshëm qe ra mbi tërë popullin shqiptar, me epiqendër klerin katolik, qe është kleri më i masakruar në tërë historinë botërore. U pushkatuan 31 klerikë, vdiqën në tortura 8, u mbytën pa gjyq 3, vdiqën në burgje e kampe internimi ose pak kohë mbas torturash 23, dolën nga burgu (pothuajse të vdekur) 66. E mos të harrojmë se ishin vetëm 135, nga të cilët u martirizuan 131.

Me 31 korrik 1908 - U themelua Klubi "Bashkimi" i Manastirit. Alfabeti i gjuhës shqipe me te cilin shkruajmë sot si dhe kongresi i Manastirit qe e miratoi atë, lidhen ngushte me emrin e tij. Ne statutin e klubit thuhej se ai do te punonte për forcimin e bashkimit kombëtar, për prarimin kulturor, për lëvrimin e gjuhës dhe përhapjen e shkollave shqipe ne mbare vendin. Pas një veprimtarie atdhetare qe le gjurme, u mbyll nga xhonturqit gjate shtypjes se kryengritjes se 1910, për t'u rimëkëmbur me vone.

Me 31 korrik 1908 - Gazeta "Kombi" organ i lëvizjes politike kulturore ne Shqipëri, shkruante se "dëshira dhe mëtimi i çdo shqiptari duhet të jetë vetëqeverimi dhe shpallja e një konstitucie kombëtare, e një shteti shqiptar. Atje duhet të drejtohen të gjitha veprimet kombëtare".

Me 31 korrik 1911- Komiteti Shqiptar i Vlorës dhe atdhetarë të tjerë organizuan tek Ura e Drashovicës, një mbledhje ku morën pjesë 3 000 veta, të cilët shprehën solidaritetin e tyre me kryengritësit e Shqipërisë së Veriut dhe kërkuan autonominë e Shqipërisë. Shumica e pjesëmarrësve, gjatë rrugës për në Qafë të Sinjës, ku do të takoheshin me çetat e rrethit të Beratit, ranë në përpjekje me trupat osmane afër Cakranit, ku u ndihmuan nga oficeri shqiptar i ushtrisë turke Ismail Haki Libohova. Për këtë ai u nxor para gjykatës ushtarake të Janinës.

Me 31 korrik 2002 - Zbulohet fotografia e vetme e ajsbergut që shkaktoi mbytjen e anijes "Titanik". Kjo fotografi u mor pesë ditë pasi ndodhi katastrofa, nga një çek me emrin Stepan Rehorek, i punësuar si kuzhinier në bordin e anijes gjermane "Bremen".

Nosh

01-08-2011, 09:58

Me 1 gusht 1502 - Lundruesi detar italian Kristofer Kolombo arriti në bregun amerikan, pjesë e cila më vonë e mori emrin Honduras.

Me 1 gusht 1744 - Lindi Zhan Batist Lamark, shkencëtar francez apo filozof, themelues i mësimit për zhvillimin e qenieve të gjalla. Sipas tij, qeniet e gjalla e ndryshojnë strukturën dhe disa organe varësisht prej nevojave të jetës, ndërsa nevojat ndryshojnë, me ndryshimin e rrethit. Vdiq më 18 dhjetor të vitit 1829.

Me 1 gusht 1798 - Në Gjirin Abukir, në Detin e Mesdheut, admirali anglez Horacio Nelson ka fituar fitoren më të madhe në histori gjatë luftës detare, duke e fituar ushtrinë franceze të Napoleon Bonapartës.

Me 1 gusht 1834 - Ndalohet robërimi në Imperinë britanike në bazë të asaj se në kolonitë britanike janë liruar më shumë se 770.000 robër, më së shumti në të ashtuquajturën India Perëndimore (Karibet).

Nosh

02-08-2011, 14:20

Sot me 2 gusht 1939 - Albert Ajnshtaini, duke parë se shkencëtarët gjermanë po punonin për prodhimin e bombave të fuqishme me uranium, i shkruan presidentit amerikan Rusvelt për ta nxitur atë për fillimin e projekteve atomike.

Sot me 2 gusht 2003 - Arkeologë shqiptare zbuluan në qytetin e Durrësit një skulpturë, të cilën e pagëzuan me emrin Perëndesha e tokës dhe e gjithësisë, "Gea". Skulptura unikale, e punuar në mermer, përfaqëson zhvillimin e madh të kulteve në këtë qytet antik.

albasoul

02-08-2011, 14:29

Ehhh,cka me kujton...;)

Nosh

02-08-2011, 16:28

Ditelindja e Albasoul-it : Urime i beshe 120 vjet

Nosh

03-08-2011, 11:46

Me 3 gusht 1764 - U vra në Vlorë Ismail Pashe Velebishti, sanxhakbej i Vlorës, i cili në krye të 20000 ithtarëve iu kundërvu pushtetit qëndror që e denoi me vdekje.

Me 3 gusht 1859 - U lind Filip Shiroka, që në letërsinë shqipe njihet si poeti i dallëndyshës. Mësimet e para i mori në shkollën françeskane të vendlindjes, ku pati fatin të ketë për mësues fratin-poet, Atë Leonardo De Martino. Disa nga lirikat e tij më të realizuara janë "Shko Dallndyshë", "Vjershatorit", "Frati i vogël", "Një lules së veshkun" ; "Vorri i Skandërbegut".

Me 3 gusht 1880 - Fuqitë e Mëdha, me një notë kolektive që i drejtuan Stambollit, e ftonin Portën e Lartë ta thyente qëndresën e shqiptarëve dhe t'ia dorëzonte Ulqinin Malit të Zi.

Me 3 gusht 1947 - U lind Berit Beker, albanologe norvegjeze, anëtare e Komitetit Norvegjez të Helsinkit për të drejtat e njeriut, mike e Shqipërisë. Vdiq në vitin 1993 në rrethana tragjike.

Manoell Gjokaj

03-08-2011, 14:18

Me 3 Gusht 1992 - U Lind Manoell Gjokaj :P

Nosh

03-08-2011, 16:09

Urime i beshe 120 vjet:0cheers2::0nopity::0party:

Gabriello

03-08-2011, 16:13

M'kujtohet n'2008 ni ndeje ku s'harrohet kurr :)

Nosh

04-08-2011, 10:18

Me 4 gusht 1911 - Vendoset armëpushimi i Kryengritjes së Malësisë së Madhe, që kishte nisur në 24 mars 1911. Përmes saj u arrit ngritja e flamurit kombëtar shqiptar në Bratilë të Deçiqit, Memorandumi i Greçes-programi politik i kryengritjes shqiptare, shpallja e Misionit politiko-diplomatik i Ismail Qemalit.

http://i46.photobucket.com/albums/f103/Grudjane/Krenetemalesis.jpg

Me 4 gusht 1924 - U zhvillua Kongresi i Jashtëzakonshëm i "Lidhjes së Post-Telegrafonisteve të Shqipërisë. Në të u aprovua statuti dhe rregullorja që synonin sigurimin dhe mbrojtjen e të drejtave të punonjësve të PTT.

Me 4 gusht 1927 - U rivendosën marrëdhëniet mes Shqipërisë dhe Jugosllavisë. Ambasador i Shqipërisë në Beograd u emërua Tahir Shtylla, njeriu që kishte zbuluar lidhjet e Ceno Begut me Beogradin, ndërsa në Tiranë u emërua ambasador, Milivoje Milçiç. Pas rivendosjes së marrëdhënieve diplomatike, ambasadori i Shqipërisë, Tahir Shtylla premtoi se së shpejti në Beograd do të kthehej Ceno Begu, i cili ndërkohë kishte shkuar në Pragë, ku do të dorëzonte letrat akreditive për Çekosllovakinë dhe ku pritej të emërohej ambasador.

Me 4 gusht 1931- Mbreti Zog dekoroi me urdhrin "Kumandar i Urdhnit të Skëndërbeut" profesorin Erikson, për kontributin e tij në çështjen shqiptare, një tjetër mirënjohje kjo e shqiptarëve për miqtë e ditëve të vështira.

Me 4 gusht 1940 - Filloi internimi i burrave çam. Pas shpërnguljes së popullsisë çame, grekët për të evituar protestat ndoqën rrugën e internimeve. Qeveria greke krijoi komisione që përzgjidhnin popullsinë ku veçonin meshkujt që ishin për luftë dhe i internuan në ishujt e humbur të detit Egje.

Me 4 gusht 1943 - Tek ura e Blleshës në Laç u prit me luftë kolona që vinte nga Tirana për në Rrëshen e Burrel. Laçianët shkatërruan urën e Blleshës dhe i sollën mjaft dëme armikut. Pas datës 4 gusht, nga Kruja u nis kolona "Jugu" për t'i ardhur në ndihmë garnizonit të Burrelit. Me 4 gusht, duke gdhirë data 5, vazhduan luftimet. Në ballë të tyre ishte Abaz Kupi me forcat e tij.

Me 4 gusht 1944 - Mbas dy ditësh fshehje në një dhomë në Amsterdam, Ana Frank, së bashku me motrën, prindërit dhe katër çifutë të tjerë zbulohen nga Gestapo. Ditari i mbajtur prej saj u gjet mbas lufte dhe u botua në mbi 30 gjuhë të ndryshme. Më vonë ai u kthye dhe në një skenar filmi.

Me 4 gusht 1946 - U lind në Pejë ideatori i themelimit të LDK-së, gazetar i"Rilindjes", Jusuf Buxhovi. Shkollimin fillor e të mesëm e kreu në Gjakovë dhe më pas vazhdoi studimet në degën Gjuhë- Letërsi Shqipe në Universitetin e Prishtinës. Ka magjistruar në degën e Historisë në temën "Lidhja Shqiptare e Prizrenit në dokumentet gjermane".

Nosh

05-08-2011, 10:36

Me 5 gusht 1765 - Klementi XIII zgjodhi Nikoll Lindin prift të dioqezës të Sapës, i cili ndërroi jetë në muajin korrik të vitit 1791, në moshën 26 vjeçare.

Me 5 gusht 1752 - Ndërroi jetë Imzot Gjon Nikollë Kazazi. Ai u lind në Gjakovë në 1 janar të vitit 1702. Kreu studimet filozofike dhe teologjike në Universitetin Papnor Urbanian të Romës. E nisi veprimtarinë si ndihmës i kryeipeshkvit të Shkupit. Pati fatin e madh të zbulonte në bibliotekën e Propagandës Fide kopjen e vetme të Mesharit të Gjon Buzukut, monumenti më i lashtë i shqipes së shkruar që njihet deri më sot. Imzot Kazazi e drejtoi kryeipeshkvinë që i qe besuar, për dhjetë vjet me radhë, deri kur u nda nga jeta në moshën 50 vjeçare.

Me 5 gusht 1878 - Këshilli Qendror i Lidhjes Shqiptare të Prizrenit nxori kushtrimin për "me u-mbledhë ushtarë në të gjithë Shqipnin".

Me 5 gusht 1909 - Lindi në Gjirokastër përkthyesi dhe diplomati, Hamit Kokalari, i cili i ka dhëne një kontribut të çmuar albanologjisë. Kreu liceun francez te Korçës dhe studimet e larta i mbaroi për drejtësi në Francë. U kthye në atdhe dhe për 5 vite, nga viti 1936, punoi në Ministrinë e Jashtme. Para çlirimit kreu detyrën e diplomatit në përfaqësitë diplomatike shqiptare, në Romë dhe Shkup. Pas çlirimit punoi si përkthyes në Shtëpitë Botuese në Tiranë, duke qene shqipërues i 60 vëllimeve, mes të cilave përmendet "Çitadela", "Dhe yjet rrijne e vështrojnë" etj. Është autor i librit "Kosova djep i shqiptarizmit", që e botoi në shqip dhe në frëngjisht. Hamit Kokalari, vëllai i shkrimtares dhe disidentes Musine Kokalari, u nda nga jeta ne 26 mars 1989 në Tiranë.

Me 5 gusht 1913 - Lindi në Elbasan në lagjen "Kala", Kolë Popa, një ndër personalitetet më të spikatura në shkencat natyrore, e veçanërisht në ato kimike e farmaceutike të vendit.

Me 5 gusht 1923 - Vdiq Pandeli Cale, atdhetar, veprimtar politik. Ai u lind në Korçë, me 28 mars 1874. Studimet i kreu ne Egjipt. Ma pas shkoi në Rumani. Delegat i Kongresit të Manastirit, ai mori pjesë edhe në Komitetin për Lirinë e Shqipërisë. Ishte pjesë aktive në të gjitha lëvizjet atdhetare e patriotike të kohës së tij. Vdiq ne Selanik nga një sëmundje e pashërueshme.

Me 5 gusht 1926 - Lindi në Berat shkrimtari disident Kasëm Trebeshina. Filloi studimet në shkollën Normale të Elbasanit, deri sa u bë pjesë e luftës. Ndërpreu studimet e larta në Institutin e Teatrit "Ostrovski" të Leningradit dhe iu kushtua tërësisht krijimtarisë letrare. Veprat e Trebeshinës kanë nisur të botohen në fillim të viteve '90, fillimisht në Prishtinë. Ndër to përmenden Stina e stinëve, 1991; Histori e atyre që nuk janë, 1995. Në Tiranë u botuan Legjenda e asaj që iku, 1992; Koha tani, vendi këtu, 1992. Pjesa më e madhe e veprës së Trebeshinës është ende në dorëshkrim: 18 vëllime me poezi, 42 pjesë teatrore, 21 romane e vëllime me tregime etj. Kasëm Trebeshina u njoh si shkrimtar në dhjetëvjeçarin e fundit të shekullit 20. Ky fakt lidhet fillimisht me rebelimin e tij të hapur politik, e më pas me disidencën letrare. U burgos dhe veprat i mbetën në dorëshkrim. Ndonëse nuk u botua, vepra e tij e shfaqi vlerën e saj pas disa dekadash (në vitet '90).

Nosh

06-08-2011, 10:37

Me 6 gusht 1806 - Perandoria romake përfundon kur Frensis II heq dorë nga kurora dhe bëhet Perandor, Frensis I i Austrisë.

Me 6 gusht 1890 - William Kember, i shpallur nga gjykata si vrasës, bëhet personi i parë që vdes në një karrige elektrike në burgun Obern të Nju Jorkut.

Me 6 gusht 1914 - Gjatë Luftës së Parë Botërore, Austro - Hungaria i shpall luftë Rusisë dhe Serbisë, vende që i kishin shpallur luftë Gjermanisë.

Me 6 gusht 1926 - Notarja amerikane, Gertrude Ederle, bëhet gruaja e parë që kalon me not Kanalin e La-Manshit.

Me 6 gusht 2001 - Shkrimtari Jorge Amado, i konsideruar si romancieri më i madh brazilian i kohës, ndërroi jetë në Salvador de Bahia. Ai është autor i 40 romaneve të përkthyer në 54 gjuhë të ndryshme, romanin e tij të parë, "Vendi i karnavaleve", ai e shkroi në vitin 1931, kur ishte vetëm 19 vjeç, ndërsa ka qenë shumë herë kandidat për çmimin Nobel për letërsi.

Nosh

07-08-2011, 10:34

Me 7 gusht 1854 - Shpërtheu në pazarin e Shkodrës revolta e vegjëlisë qytetare shkodrane, që drejtohej nga kleriku i ri Hasan Alia, i njohur më vonë me emrin Sheh Shamia. Qeveria e shtypi revoltën dhe mori masa ndaj krerëve të lëvizjes në Shkodër. Shumica e tyre u internuan.

Me 7 gusht 1871- Në Malësinë e Madhe të Mbishkodrës u zhvillua një luftë e ashpër për më shumë se dy orë midis malësorëve vendas, drejtuar nga Çun Mula, dhe ushtrisë së Perandorisë Osmane. Mbi 400 luftëtarë shqiptarë dhanë jetën në këtë betejë, që ndryshe njihet si "drama e dhimbshme e Hotit".

Me 7 gusht 1876 - Lindi Mata Harri, emri i vërtetë i së cilës ishte Margareta Gertruida Cele, kuritzane holandeze, kërcimtare dhe spiune e famshme. Ajo u zbulua nga francezët më 15 tetor 1917, dhe emrin Mata Harri (Syri i mëngjesit) e mori në Xhava, përpara fillimit të Luftës së Parë Botërore.

Me 7 gusht 1908 - U lind eruditi Eqrem Çabej, një nga figurat më të shquara të shkencës, arsimit dhe kulturës shqiptare. Shkollën e mesme e kreu në Gjirokastër, për të vazhduar studimet e larta për filologji në Klagenfurt, Grac dhe Vjenë të Austrisë dhe u specializua më pas në gjuhësinë krahasuese indoevropiane. Veprimtarinë shkencore e shtjelloi në gjuhësi, por edhe në folklor, etnografi dhe histori të letërsisë. U nda nga jeta në 13 gusht 1980.

Me 7 gusht 1908 - Çelet shkolla shqipe e Muradies, një ngjarje e shënuar në jetën arsimore të Vlorës.

Me 7 gusht 1912 - Krerët e Shqipërisë së Jugut organizuan mbledhjen e tyre në Fier, ku merrte pjesë edhe Ismail Qemali. Nga aty Hasan Prishtinës iu dërgua një telegram, me të cilin ai autorizohej të fliste e të vendoste edhe në emër të Shqipërisë së Jugut ne kuvendin mbarëshqiptar në Ferizaj. Në të njëjtën kohë u vendos që Ismail Qemali të nisej menjëherë në Stamboll për të zhvilluar bisedime me qeverinë.

Me 7 gusht 1928 - U zhvilluan zgjedhjet për Ansamblenë Kushtetuese që sollën fuqizimin e pozitave të Ahmet Zogut dhe ndryshimin e formës së regjimit në vend. Ansamblea Kushtetuese, e kthyer tashmë në parlament, miratoi statutin themeltar të mbretërisë shqiptare dhe vendi u shpall Mbretëri Kushtetuese.

Me 7 gusht 1949 - Vidohova u shndërrua në një arenë të përplasjes shqiptaro-greke. Ishte një betejë frontale, ku forcat greke kishin zënë pikat kyçe në territorin shqiptar. Brenda 48 orësh forcat shqiptare arritën të largonin togën greke.

Me 7 gusht 1949 - Vrasja e deputetit të Mirditës, Bardhok Biba, bëhet shkak për një nga ofensivat më famëkeqe që do të synonin jo vetëm atentatorët e Bardhok Bibës, por tërë Mirditën. E ashtuquajtura Brigada e Mbrojtjes së Popullit hyn natën në Mirditë dhe arreston rreth 300 vetë. 300 familje internohen në Tepelenë. 26 të arrestuar vendosen në burgun e improvizuar të Rrëshenit për t'iu nënshtruar gjyqit ushtarak, qe vendosi ekzekutimin e 14 prej tyre.

Nosh

08-08-2011, 13:42

Me 8 gusht 1170 Lindi Shën Dominiku (Deda, Doda, Doka), meshtar. Lindi në Kaleruega (dioqeza e Omës, Kastilja e Vjetër) në Spanjë rreth vitit 1170. Studioi teologji në Palencë dhe u bë kanonik i Kishës së Osmës.
Iu kushtua me fryte të mëdha luftimit të herezisë së Albigezëve me predikimin dhe me shembullin e jetës. Për këtë qëllim thirri përreth vetes disa shokë dhe themeloi Urdhrin e Predikatarëve (Dominikanët). Vdiq në Bolonja më 6 gusht të vitit 1221.

Shumë pakë dimë për urdhrin Dominikanë dhe më pakë për kontributin e tyre në hapësirën shqiptare. Sepse ende nuk e është hulumtuar dhe studiuara aq sa duhet kontributin e tyre. Thuajse barazi me Benediktin dhe me Françeskan ishte edhe kontributi i Dominikanve për identitetin kombëtarë-shqiptar. Ata jo vetëm se kontribuuan në hapjen e shkollave siç është universiteti i parë Shqiptar në Durrës dhe arsimimin e populli shqiptar, sipas Mons Simon Filipaj e kemi edhe shkollat e larta edhe në Ulqin ndoshta edhe aty ishte Universiteti i parë në Shqipërinë e Veriut! Dominikanet shqyhen edhe për mbrojtën e asimilimin nga sllavizmi apo greqizmin ose më mirë të themi iu vunë për ruajte e identitetit shqiptar nga asimilimi sllav apo grek.
Kurse politika sllave si dhe ajo greke tentonin hapësirën shqiptare për ta asimiluar. Nuk duhet të harrohet se jemi në shek. XIII, pasi vendet udhëheqëse të kryqëzatës së katërt e detyruan Bizantin të tërhiqej nga shumë toka të saj (1205), papati filloi që jo vetëm të ushqente shpresa të mëdha për Ballkanin që kishte influencë të madhe ortodokse serbe, por edhe të thurte plane konkrete dhe të ndërmerrte hapa konkrete për ruajtjen e katolicizmit dhe si rrjedhojë të pushtetit të tij në Ballkan. Lëvizjet e papatit ishin shumë strategjike. Interesi i tij nuk ishte thjesht fitimi i tokave, por para së gjithash fitimi i vendasve për kauzën e tij dhe krijimi i bazave të forta për të siguruar progres të mëtejshëm në Ballkan. Për të arritur një qëllim të tillë, papati nuk kursente që të përdorte të gjithë potencialin e vet diplomatik.

Nga ana tjetër e kemi ardhjen e dominikanëve në Shqipëri në fillim të shek. XIII, përputhet me kohën e pretendimeve të hapura të serbëve dhe të grekëve, pra të fuqisë politike ortodokse ndaj Shqipërisë. Në fakt, provinca e dominikanëve në Hungari u krijua në vitin 1221, kryesisht për t‘i dalë përpara rrezikut të forcave antikatolike ( kundra katolikëve) në territoret e Ballkanit, siç ishin edhe ortoksizmi, paganizmi dhe herezia e të gjitha formave jo vetëm në Bosnjë dhe në Sllavoni, por edhe më gjerë në Ballkan. Dominikanët dhe françeskanët në këtë kohë kanë qenë shtyllë kryesore për ndalimin dhe pengimin e përhapjes së ortodoksisë skizmatike në Shqipëri.

Po qe se dëshirojmë ta kuptojmë frymën e urdhrit Dominikan në hapësirën shqiptare atëherë duhet ta njohim rregulloren apo kushtetutën e tyre. Në cilën rregullore flitet jo vetëm për çështjet baritore dhe mbrojtjen e fes por edhe asaj shkollore që është mjaft e rëndësishëm sipas meje themelimi i shkollave të larta akademike në hapësirën shqiptare, mos të themi Universiteti i parë shqiptar në Durrës, dhe citoj: “...se nuk bënë të hapet as një kuvend po qe se përpara nuk sigurohen tetë (8) anëtarë dhe një prej tyre rektor, që do t’i mbajnë shkollën, po ashtu duhet të mësohet në gjuhën e popullit në të cilën veprojnë etj”.[1] (http://www.forumikatolik.net/#_ftn1) Me tjera fjala ky rregull e fiton të drejtë të themelojnë edhe Universitetet dhe të ndajnë titujt akademik, sepse në këtë kohë, kjo e drejt i takonte Papës dhe Cezarit. Për këtë supozohet ky urdhër e hapë edhe në trevat shqiptare jo vetëm shkollat por edhe “Universitetin” për të cilën ende nuk është i gjurmuar ashtu siç duhet!
Por si Benediktinët ashtu edhe Dominikanët nuk ditën të përshtaten në rrethanat e reja dhe nuk mbijetuan fortuarat e Perandorisë Osmane, ashtu u shkrin dhe u zhduken nga hapësira Shqiptare.
Ipeshkvit nga urdhri i Dominikanve

Argjipeshkvia e Tivarit (Metropolis Antibarensis

Gaspar Adam Psiesc (al. Georgius): 1270.
Vilhemi: 1324
Guilemus Adae, ep. Soltaniensis (Brocardus Monacus): 1324. (26.X) – 1341. (NB: Dëshmia e parë që kemi deri sot për shqipen e shkruar dhe për librat shqipe, më 1332, në veprën e tij latinisht, Directorium ad passagium facienda (lib. I, pj. 8) ai thotë:

Licet Albanenses aliam omnino linguam latinam habeant et diversam, tamen litteram latina habent in uso et in omnis suis libris “Shqiptarët kanë një gjuhë krejt tjetër dhe të ndryshme nga latinishtja, megjithatë kanë alfabetin latin në përdorim dhe në tërë librat e tyre.”).

Ioannes Ragusinus: 12. VI. 1363-1373
Joseph Maria Bonaldus de Jardra: 1646. (10. IX) – 1653. I cili ndërmjetësoi personalisht pasi u muar vesh me ipeshkëvit, klerin dhe krerët shqiptar për t’u ngrit në kryengritje për t’u çliruar nga Turku shkoi personalisht te Leonard Foscolo, që ishte pris i ushtrisë së Venedikut për t’i mbush mendjen për një ekspedicion shqipar kundra Turkut. Ashtu gjatë vitit 1649 bëhet lidhja në mes Venedikut e shqiptarve, po sa zbatrkojnë ushtria e Venedikut në afërsin e Tivarit për t’u ngrit në luftë. Naten e caktuar Venedikasit filluan të zbarkojnë në afërsin e Tivarit, por të nesrmit ata u gjeten ballë për ballë me ushtrin turke, sepse dikush e kishte tradhëtuar e lajmëruar qeverin e Turqisë për këtë projekt lufte, që kuptohet edhe dështoi.

Ipeshkëvia e Shkodrës (Dioecesis Scutarensis)

Emanuel: 1451 (19.I) – 1465.
Paulus Jadrensis: 1582. (5.III) – 1585.

Ipeshkvia e Budvës

Guilemus: 1379
Otto Roder: 1401. (23.XII)
Ioannes: 1433. (13.III0 – 1438
Ioannes de Wernigerode: 1484. (7.IV)

Ipeshkvia e Raguzës (Metropolis Ragusina)

Andreas de Dyrrachio: 1388. (27.V) – 13. VI. 1393.

Ipeshkvia e Kotorrit (Dioecesis Catharensis)

Thomas de Repatransonis, ep. Dulciensis: 1334. (17. VIII) – 1343.

Ipeshkvia e Senjit (Dioecesis Segniensis)

Nicolaus Dimitri de Catharo: 1681. (8.V) – 1686. (5.VII.)

Ipeshkvia e Senjit – Modrushkë (Dioecesis Segniensis et Modrusiensis)

Hyacinthus Dimitri de Catharo: 1681. (8.V.) – 1686. (5.VII).

Ipeshkvia e Prizrenit (Dioecesis Priscensis)

Gjergj Panduzi, 12. Shkurt 1404, e emëroi papa Bonifaci IX për ipeshkëv në dioçezen e bashkuar kanonike “Priscensi et Bendensi”

Ipeshkvia e Shkupit (Dioecesis Skopiensis)

Joannes Strote: 1327.
Joannes Heldin: 1466.

Provincialët e vikarët shqiptar në selinë e provincës Dalmacisë:

Mag. Andreas nga Durrësi: 1382-1387.
Mag. Aelias nga Durrësi: 1390 – VII. 1391.
Baccal. Joannes (Gjoni) nga Durrësi: 1392. (22.XI.) – 1398.
Jacobus (Jaku) nga Durrësi: 1398. (7.IX) - ?
Joannes (Gjoni) nga Durrësi: 1400-1401.
Mag. Theodorus nga Durrësi: 1481. (22. VII) – 28. VII. 1488.
Mag. Fr. Vincentius Bucchia nga Kotorri: 1510. (16.XII) – 1525.
Hieronymus Bucchia de Catharo: 1544. (24.VIII) – 1548.
Mag. Dominicus Gledia de Catharo: 1643. (25. IV.) – 1646.
Mag. Dominicus Ceci nga Kotorri: 1680. (11.V.) – 1682.
Mag. Joseph Raphaelis (Raphaelus) nga Kotorri: 1683-1684

Vicar gjeneral kongregacioni të Raguzës: Vicarii generales Congregationis Ragusinae:

Franciscus Albanensis: 1616-1618.

Me 8 gusht 1919 - Lindi Dino de Laurentis, producent i njohur i filmit italian. Ai u bë i famshëm në filmat "Oriz i hidhur" dhe "Rruga", që fituan çmimin 'Oscar' si filmat më të mirë.
1919 - Konferenca e Paqes mes Indisë dhe Afganistanit përfundoi me firmosjen e Traktatit të Ravalpindit.

Me 8 gusht 1923 - Lindi Ester Williams, aktore e famshme amerikane dhe njëkohësisht disa here kampione noti. Ajo u bë e famshme me paraqitjen e saj në filmin "Bukuria që lahet".

Me 8 gusht 1937 - Lindi Dastin Hofman, aktor amerikan i skenës dhe ekranit. Ai fitoi çmimin 'Oscar' në filmat "Kramer kundër Kramerit" dhe "Njeriu i shiut". Me parë ai pati fituar famë të madhe në rolin e interpretuar prej tij në filmin "I diplomuari".

[1] (http://www.forumikatolik.net/#_ftnref1) Shih, Stjepan Krasic, Dominikanci: Povjest Reda u hrvatskim krajevima I-II, Zagreb 1997.

Larisa

09-08-2011, 16:08

Nje teLefonat

Nosh

10-08-2011, 10:18

1675. - Në Grinuiç, në jug të Londrës, me urdhër të mbretit Carls II, hidhet themeli prej guri i observatorit Mbretëror, i cili do të shërbente për të përmirësuar njohuritë për pozicionet e yjeve dhe si rrjedhojë për të ndihmuar lundrimin. Xhon Flastid, u bë astronomi i parë i mbretërisë.

1821. - Shteti Misuri hyn në përbërjen e Unionit si shteti i 24 i Shteteve të Bashkuara të Amerikës.

1885. - Në Baltimore të shtetit Meriland hyn në veprim në një linjë të vetme, tramvai i parë elektrik në botë.

1911. - Fan Noli u nis për në Evropë, ku për katër muaj kreu shërbesa kishtare në gjuhën shqipe për kolonitë në Kishinjev, Odesë, Bukuresht dhe Sofje.

1920. - Pas përfundimit të Luftës së Parë Botërore, firmoset traktati i Sevres midis Turqisë dhe fuqive aleate. Ky traktat i hoqi Turqisë shumë toka të sunduara më parë nga Perandoria Otomane

1999. - Guerrilasit islamikë deklaruan provincën Rusias Dageston, si shtet të pavarur dhe kërkuan një luftë të shenjtë për çlirimin e saj.

Nosh

12-08-2011, 11:08

Me 12 gusht 1955 - Vdiq romancieri gjerman Tomas Man. Si armik i betuar i nazizmit, ai largohet nga Gjermania dhe u bë qytetar amerikan në vitin 1944. U bë i famshëm kryesisht me botimet e romaneve të tij "Vdekje në Venecia" dhe "Mali Magjik".

Me 12 gusht 1992 - Shtetet e Bashkuara të Amerikës, Meksika dhe Kanadaja ranë dakord të krijonin një zonë të lirë tregtie midis tyre. Kjo përfshinte bllokun më të madh në botë në tregtinë e lirë.

Me 12 gusht 2000 - Zbulohet në Bullgari tempulli më i lashtë i epokës së Thrakëve. Një ekip arkeologësh bullgar zbuloi një faltore të epokës së Thrakës, që datonte shekullin e V-te p.e.s.

Me 12 gusht 2002 - Anëtari i vjetër i partisë indiane në pushtet Bharatiya Janata, Bhairon Singh Shekhawat, u zgjodh zëvendëspresident i vendit. Shekhawat, 78 vjeç, kishte mbajtur postin e Kryeministrit të shtetit Rajasthan dhe njihej si mbështetës i Hindutvës.

Me 12 gusht 2003 - Muzikanti meksikan, Vicente Garrido, i cili konsiderohet si babai i muzikës moderne bolero, ndërron jetë në moshën 79-vjeçare në Guadalahara, për shkak të një bllokimi në rrugët e frymëmarrjes. Garrido fitoi famë me këngët "No me platiques mas", "Todo o nada", "El Carrusel", etj.

Nosh

13-08-2011, 11:55

http://www.express.mk/wp-content/uploads/2011/08/marreveshja_e_ohrit_.jpg

Me 13 gusht 2001 - Në Shkup u nënshkrua Marrëveshja kornizë e Ohrit, dokument politik për zgjidhjen e krizës në Republikën e Maqedonisë. Dokumentin e nënshkruan presidenti i Republikës së Maqedonisë, Boris Trajkovski dhe katër liderët politik - të VMRO-DPMNE-së, Lubço Georgievski, i LSDM-së, Branko Cervenkovski, i PDSH-së, Arbën Xhaferi dhe i PPD-së, Imer Imeri. Gjatë nënshkrimit të dokumentit morën pjesë edhe përfaqësues të lartë ndërkombëtar.

Nosh

14-08-2011, 10:48

Me 14 gusht 1448 - Skenderbeu, korr fitore në Oranik të Dibrës së Sipërme, kundër ushtrisë turke nën komandën e Mustafa Pashës.

Me 14 gusht 1916 - Lindi ne Shkodër poeti lirik Gasper Pali. Studioi per letersi ne Firence. Punoi fillimisht si mësues. Ne fundin e viteve '30 nisi te merrej me krijimtari, kryesisht poezi. Vdiq ne Shkodër me 21 korrik 1942.

1 Me 14 gusht 935 - Shpërtheu ne qytetin e Fierit lëvizja më e fuqishme kundër regjimit të Zogut. Shtypja e kryengritjes se Fierit u pasua nga një gjyq politik qe dënoi me vdekje 42 vete, nder te cilët vetëm për Hekuran Margellicin, dënimi u zbut prej presionit publik, ne burgim te përjetshëm, e me pas falje.

Me 14 gusht 1941 - Lindi ne Pogradec, Luan Starova, shkrimtar, dhe diplomat. Autor i disa veprave letrare dhe eseistike, është fitues i disa çmimeve ndërkombëtare.

Me 14 gusht 1954 - ka lindur në Durrës futbollisti, Shyqyri Ballgjini. Për 18 vite, ai u kthye në një nga futbollistët më të mirë të kampionatit shqiptar. Ballgjini debutoi në moshë fare të re me ekipin e qytetit të tij të lindjes, Lokomotivën e Durrësit, ku edhe mbylli karrierën e tij si futbollist.

Me 14 gusht 1970 - Jugosllavia dhe Vatikani njoftuan rifillimin e marrëdhënieve të plota diplomatike midis tyre, mbas një ndërprerjeje prej më se 18 vjetësh.

Me 14 gusht 1971 - Përfundoi ndërtimi i rrugës automobilistike te Hidrocentralit te Fierzës,ku kontribuuan 17 000 vullnetare nga gjithë vendi.

Me 14 gusht 2003 vdiq ne Tirane, Fitnete Rexha "Artiste e Merituar", këngëtare e njohur e muzikës popullore të Shqipërisë së mesme.

Nosh

15-08-2011, 09:30

Me 15 gusht 1575 - U hap panairi i parë në Shqipëri. Ai u organizua në qytetin e Vlorës, në Ishullin e Manastirit në Zvërnec.

Me 15 gusht 1847- Krerët e lëvizjes fshatare shqiptare i dërguan një memorandum shtetit feudal osman dhe bejlerëve vendas, ku përcaktoheshin shkaqet e kësaj lëvizjeje me karakter shoqëror.

Me 15 gusht 1902 - Komiteti i Shoqërisë Patriotike "Shpresa" organizoi një manifestim të mërgimtarëve shqiptare në Bukuresht. Manifestuesit, të prirë nga orkestra shqiptare nën tingujt e marshit të Skënderbeut dhe këngëve patriotike, dolën në rrugët e kryeqytetit rumun me flamuj shqiptar dhe portret te Gjergj Kastriotit.

Me 15 gusht 1926 - U vra në moshën 37 vjeçare atdhetari Muço Kapinova. Ai u lind në 10 gusht 1889 në Kapinovë të Skraparit. Që në moshë të re u bë pjesë e lëvizjes atdhetare. Mori pjesë në Revolucionin e Qershorit dhe pas dështimit te tij u arratis në Selanik. Pas 4 vitesh kthehet në atdhe, ku u vra tradhtisht.

Me 15 gusht 1936 - U lind në Gjakovë prof. dr. Bardhyl Çaushi, gjykatës, mësimdhënës dhe veprimtar politik. Studioi në Fakultetin Juridik të Shkupit dhe punoi si gjyqtar në Gjykatën Komunale të Gjakovës dhe më pas kryetar i saj. Ai u rrëmbye në vitin 1999 nga forcat ushtarako-policore serbe dhe konsiderohet i zhdukur.

Me 15 gusht 1945 - Misioni special i shtetit amerikan, në raportin përfundimtar edhe pse nuk u lejua te hynte ne vend, rekomandoi se ".regjimi i tanishëm i Tiranës duhet të njihet". Misioni përcaktonte disa kushte: zgjedhje të lira dhe t'i garantonte përfaqësuesve diplomatikë dhe konsullorë të drejta dhe privilegje që ata i gëzonin në bazë të ligjit ndërkombëtar.

Me 15 gusht 1967- Në një dokument që mbërriti në Bibliotekën tonë Kombëtare nga Biblioteka e Vaimarit, thuhet se dorëshkrimi i mbiquajtur Libri i Skënderbeut, ndodhet në fondin e tyre. Ky kodik në pergamenë u ble në 1590 në Varshavë dhe në vitin 1621 iu shit përsëri Princit të Vaimarit. Libri është në Vaimar dhe në ditët e sotme është e lehtë për ta parë.

Me 15 gusht 1997- U nda nga jeta në Romë, klasiku i madh i muzikës shqiptare, kompozitori Çesk Zadeja. U lind në Shkodër në 8 qershor 1927. Veprimtarinë artistike e nisi në moshë të re. Në vitet 1942-1943 studioi për tromb në Konservatorin "Santa Çeçilias" në Romë dhe dy vjet më vonë punoi si redaktor muzike në Radio Shkodra. Studioi në Konservatorin "P. I Çajkovski" të Moskës për kompozim. Në vitin 1957 krijoi Ansamblin e Këngëve dhe Valleve Popullore dhe në vitin 1962 themeloi degën e kompozicionit në Konservatorin Shtetëror. Drejtoi artistikisht për disa vite Teatrin e Operës. La një pasuri të madhe në përpunimet për solistë, kor dhe orkestër dhe mbi 120 këngë popullore.

Nosh

16-08-2011, 11:14

Me 16 gusht 1209 - Papa Inoçenti i Tretë i dërgon Abatit të Shën Pjetrit të Lingericës një letër ku e quan Dhimitrin e Arbërit, Gjykatës i arbëreshëve. Në aktet e tjerë ndërkombëtarë të kohës ai cilësohej me titujt më të lartë të hierarkisë feudale. Dhimitri ishte sundimtar i principatës së Arbrit, formacionit te parë shtetëror feudal te shqiptarëve në mesjetë. Senati i Venedikut, i mbledhur më 16 gusht 1466, e konsideron rindërtimin dhe fortifikimin e Elbasanit nga turqit, si një gjë të rrezikshme dhe të dëmshme për zonat e pushtuara në Shqipërisë, qe u jepte mundësinë përmes Shkumbinit te dilnin në Adriatik. Senati udhëzoi përfaqësuesit e vet në Shqipëri të nxisnin Skënderbeun për të sulmuar Elbasanin dhe pasi të zbonte turqit, qyteti të rrënohej.

Me 16 gusht 1915 - U ekzekutua Haxhi Qamili, udhëheqës i kryengritjes fshatare të Shqipërisë së mesme të viteve 1914-1915. Ai u lind në Sharrë të Tiranës në vitin 1876. Luftoi për mbrojtjen e Shkodrës nga malazezët dhe udhëhoqi kryengritjen fshatare kundër Princ Vidit, ku u kap prej forcave serbe dhe u var në Durrës.

Me 16 gusht 1920 - U formua Shoqëria Sportive "Agimi", qe në vitin 1927 mori emrin "Sportklub Tirana". Te parin titull kampion, Tirana e mori ne kampionatin e pare shqiptar te futbollit, qe e ngriti siparin me 6 prill te 1930.

Me 16 gusht 1925 - Ahmet Zogu amnistoi kthimin në atdhe të 60 personaliteteve politike të arratisur jashtë shtetit pas dështimit të Revolucionit të Qershorit.

Me 16 gusht 1942 - U vra ne Tirane, Misto Mame, Hero i Popullit. U lind në Erind të Gjirokastrës në vitin1921. Mori pjesë aktive në aksionin e njësitit gueril të Tiranës, duke qenë komandant i tij.

Me 16 gusht 1989 - Një vit përpara se Ramiz Alia te shfuqizonte ligjin qe ndalonte fenë, Nene Tereza erdhi ne Tirane për një vizite "private", për te riardhur me pas zyrtarisht ne dhjetor te vitit 1990, ne mars te vitit 1991 e ne gusht te një viti me vone, 1992.

Me 16 gusht 1999 - Në takimin mes juristëve kosovarë dhe atyre ndërkombëtarë, që u mbajt më 16 gusht 1999, u vendos për hartimin dhe zbatimin e legjislacionit të ri të përkohshëm që do të aplikohej në Kosovë. Në takim u tha se në Kosovë nuk do të zbatohen më ligjet jugosllave.

Nosh

17-08-2011, 18:37

Me 17 gusht 1834 - Njësitë e ushtrisë turke të Daut Pashës, zhvilluan stërvitje me zjarr në fushën e Tabakëve në Shkodër, për të frikësuar shkodranët e revoltuar.

Me 17 gusht 1904 U mblodh Kuvendi i Dheut në Kashnjet te Lezhes, për të ndaluar "vrasjen për fis". Ka një Libër të gjatë të Pashkruar Pajtimesh vit pas viti e dekadë pas dekade, për të ardhur tek shembulli unikal i pajtuesit Anton Çeta në Kosovë, i cili në 1990 e ktheu atë vetë në legjendë me thënien e famshme "me fal asht trimni, e jo me vra".

Me 17 gusht 1911 - Vdiq i helmuar në Ersekë veprimtari i Rilindjes Kombëtare, Mësuesi i Popullit, Petro Nini Luarasi. U lind në Luaras të Kolonjës në vitin 1865. Punoi si mësues i gjuhës shqipe në vendlindje. Hapi shkollat e para shqipe në Ersekë, Kolonjë dhe punoi drejtor i Mësonjëtores së parë shqipe të Korçës. Ishte nismëtar i shoqërive patriotike "Mall i mëmëdheut" dhe "Pellazgu" në emigracion, në Amerikë (1904-1908). Për veprimtarinë patriotike, arsimore e shoqërore u përndoq nga xhonturqit dhe Patriarkana e Stambollit.

Me 17 gusht 1920 - U çlirua Vlora. Dëbimi i ushtrisë jugosllave jashtë kufijve strategjikë dhe çlirimi i Vlorës ishin fitore të mëdha të Qeverisë së Lushnjës. Qeveria e Sulejman Delvinës iu drejtua fuqive të mëdha me një "notë", ku kërkohej që Jugosllavia të njihte tërësinë tokësore të Shqipërisë.

Me 17 gusht 1928 - U zhvilluan zgjedhjet për Asamble Kushtetuese . Më 1 shtator të vitit 1928 Asambleja Kushtetuese miraton nenin nje te Statutusit Themeltar të ri, duke e shpallur Shqipërinë ''Mbretëri demokratike, parlamentare e të trashëgueshme dhe Ahmet Zogun mbret të Shqiptarëve, me emrin Zogu i Parë.

Me 17 gusht 1944 - Lindi në Elbasan Profesori dhe politikani Rexhep Mejdani. U diplomua në Universitetin e Tiranës, Fakulteti i Shkencave të Natyrës, për Fizikë. Gjatë viteve 1992-'96 u angazhua në shoqërinë civile, duke qenë edhe kryetar i Bordit të Qendrës Shqiptare për të Drejtat e Njeriut (1994-'96). Më 1996 hyri në politikë, duke u zgjedhur Sekretar i Përgjithshëm i PS. Në zgjedhjet e parakohshme parlamentare të qershorit 1997, Mejdani u zgjodh deputet në Kuvendin e Shqipërisë. Pas zgjedhjeve, të cilat u fituan nga koalicioni i majtë, i drejtuar nga Partia Socialiste, më 24 korrik 1997, me propozim të PS-së, Kuvendi i Shqipërisë e zgjodhi President të Republikës.

Me 17 gusht 1948 - Nënë Tereza veshi për herë të parë sarin e bardhë me anët blu dhe la pas shpine kangjellat e kuvendit të Loretos. Kështu ajo hyri me dhembshuri në botën e të varfërve dhe veprimtaria bamirëse e saj ka lënë gjurmë të thella në botë.

Me 17 gusht 1949 - Banorët e Mirditës u përballën me një dukuri të rrallë të natyrës. Megjithëse ishte mesi i gushtit ra dëborë.

Me 17 gusht 2001 - Zbulohet në Alpe, në afërsi të kufirit mes Italisë dhe Francës, trupi i mimifikuar i një alpinisti japonez që kishte humbur 29 vjet më parë.

Nosh

19-08-2011, 11:13

Me 18 gusht 1623 - Kleriku patriot Pjeter Mazreku, në relacionin drejtuar Selisë së Shenjtë me 18 gusht kërkoi hapjen e Kolegjeve në Shqipëri.

Me 18 gusht 1835 - Kryengritësit shkodranë, të udhëhequr nga komandanti ushtarak Hamza Kazazi, korrën fitore mbi forcat osmane.

Me 18 gusht 1887- U lind në Berat atdhetari dhe kleriku Ferid Vokopola. Ishte delegat i Lushnjes në Kuvendin Kombëtar të Vlorës dhe ndër organizatorët e Kongresit të Lushnjes. Ndërsa në periudhen 1920-1924 u zgjodh deputet ne Parlament. Punoi me përkushtim në fushën e publicistikes, vjershërimit dhe teologjisë islame. Vdiq në Durrës në vitin 1969.

Me 18 gusht 1911- U mblodhën në Tepelenë përfaqësues të parisë dhe komandantë të çetave të vilajetit të Janinës, ku të dërguarit e qeverisë turke pranuan disa kërkesa të kryengritësve shqiptarë. Nder to, ishte çështja e arsimit shqip, caktimi i taksave sipas gjendjes se popullit, kryerja e shërbimit ushtarak, si dhe përdorimi i gjuhës se vendit si norme për administratën.

Me 18 gusht 1912 - Me presionin e luftës së armatosur te kryengritësve shqiptare qeveria turke pranoi publikisht kërkesat e parashtruara ne memorandumin e Hasan Prishtines, ku kërkohej që nëpunësit turq në Shqipëri të dinin shqip, dhe te njihnin zakonet e vendit, shërbimi ushtarak i rekruteve shqiptarë të kryhej vetëm në Shqipëri dhe Maqedoni, si dhe te hapeshin ne 4 vilajetet shqiptare shkolla të çdo niveli ne gjuhen shqipe.

Me 18 gusht 1914 - Esad Pashe Toptani u nis për në Itali, e me pas ne Athine dhe Nish, ku ndodhej ne atë kohe qeveria Jugosllave. Me kthimin ne Durrës vëtshpallet kryetar i Qeverise të përkohshme e komandant i përgjithshëm i ushtrisë.

Me 18 gusht 1920- U mblodh Kongresi Arsimor i Lushnjes. Ai trajtoi problemet e sistemit arsimor shqiptar, te strukturës dhe përmbajtjes se shkollës, si dhe te njehsimit te gjuhës ne tekstet shkollore.

Me 18 gusht 1939 - U lind në Devoll Piktori i Merituar dhe pedagogu Pandi Mele. Pas përfundimit te Liceut Artistik "Jordan Misja", kreu studimet e larta ne degën e Grafikes në Leningrad, e Tiranë. Ka qindra vepra në pikturë dhe grafikë, pasuri e Galerisë sonë të Arteve, si dhe në galeritë e arteve në Greqi, Itali, Holandë, Poloni, Japoni, SHBA, dhe Kanada.

Me 18 gusht 1986 - U nda nga jeta aktori i shquar i skenës shqiptare, Prokop Mima, Artist i Merituar. Ai u lindi 8 korrik 1920 ne Durrës. Studioi për farmaci në Padova. Fillimisht u angazhua me teatrin amator. Në kujtesë të shqiptarëve mbeten rolet ne dramat: "Intrigë e dashuri", "Arturo Ui", "Toka jonë", "Gjenerali i Ushtrisë së vdekur" etj, apo ne filmat "Emblema e dikurshme", "Intendenti", "Vëllezër e shokë". Përveç karaktereve të spikatura që la ne skene dhe ekran, për dëgjuesin e radios ai solli një prej emisioneve të preferuara "Ora Gazmore".

Nosh

19-08-2011, 11:17

Me 19 gusht 1776 vjet më parë u lind perandori romak me prejardhje ilire, Probi, që luftoi përkrah perandorit Taciti në fushatën e Kaukazit. Probi ngjiti shpejt shkallet e karrierës deri sa arriti fronin perandorak të Romës.

Me 19 gusht 1691 - U vra në Hungari veziri i madh i perandorisë osmane, Fazil Mustafa Qypërli, pinjoll i familjes shqiptare Qypërliu, e cila i dha Stambollit disa kryeministra. Pushteti i tij qe kaq i madh sa në viti 1687 mbodhi asamblenë dhe përmes saj shkurorëzoi Sulltanin.

Me 19 gusht 1781 - Datojnë ikonat e kishës të Shën Kollit në Vanaj të Myzeqesë, vepra të vëllezërve Konstandin dhe Athanas Zografi, piktorët më të njohur shqiptarë të shekullit të XVIII në fushën e afreskut dhe ikonografisë.

Me 19 gusht 1806 - Kolegji italo-shqiptar i Kalabrisë u bë objekt persekutimesh. Shumë dëme pësoi struktura dhe nxënësit, ndërsa vetë peshkopi u vra gjatë plaçkitjes. Ai u themelua nga Papa Klementi XII, pas kërkesave te arbëreshëve, dhe shërbeu si pikënisje e vetëdijes demokratike.

Me 19 gusht 1889- Porta e Lartë dërgoi në Shkodër gjeneral Riza Pashën me 3 000 ushtarë për të marrë Ulqinin pa konflikte të armatosura. Pas përpjekjeve me premtime, pesë dite më vonë në Shkodër u vu shtetrrethimi. Por orvatjet e tij dhe ndërhyrjet e ministrave nuk i prapsën vullnetarët shqiptarë.

Me 19 gusht 1920- Pas dështimit të përpjekjeve diplomatike të qeverisë shqiptare për tërheqjen e forcave ushtarake jugosllave nga tokat shqiptare, më 19 gusht vullnetarët shqiptarë kaluan në mësymje dhe i nxorën ushtritë jugosllave jashtë kufijve të 1913.

Me 19 gusht 1937 - U kthye ne atdhe, pas studimeve për mjekësi ne SHBA, mjekja Xhanfize Frashëri. Ajo është mjekja e parë shqiptare që punoi per ruajtjen e shëndetit te fëmijëve.

Me 19 gusht 1937 - U zhvillua ceremonia e ndërtimit te "Foshnjores Hysen Nikolica". Kjo ishte vepër bamirësie e bashkëshortes se tij, qe vuri në dispozicion të Bashkisë së Tiranës 20 000 franga ari për institucionin e parë shqiptar parashkollor.

Me 19 gusht 1982 - U nda nga jeta poeti i lirikës dhe dashurisë, Adem Gajtani. Lindi në Podujeve me 1935. Studioi për drejtësi dhe punoi si gazetar në Shkup, ku dhe vdiq, duke lënë si testament poetik nëntë vëllime.

Me 19 gusht 1991 - U vendosën marrëdhëniet diplomatike midis Shqipërisë dhe Izrealit. Shqipëria është një nga vendet e rralla kur gjate Luftës së Dytë Botërore, izraelitet u mbrojtën nga përndjekja e shfarosja nazifashiste.

Me 19 gusht 1998 - Peshkopi Desmond Tutu, kryetar i komisionit i pajtimit dhe të vërtetës së Afrikës së Jugut, paraqiti dokumente sipas të cilave prapa vdekjes së Sekretarit të Përgjithshëm të Kombeve të Bashkuara, Dag Hamarskjold, në vitin 1961, fshihej një komplot i perëndimit.

Nosh

20-08-2011, 11:14

Me 20 gusht 1741 - Zbulohet Alaska nga eksploratori danez Vitus Bering.

Me 20 gusht 1975 - Lëshohet për në Mars, anija kozmike amerikane "Viking I". Ajo ishte e pajisur me një mjet lëvizës tokësor, e cila preku Marsin në Korrik të vitit 1976.

Me 20 gusht 2002 - Ndahet nga jeta pas një sëmundjeje të rëndë në moshën 44-vjeçare shkrimtari, publicisti dhe intelektuali i njohur Teodor Keko, ish-deputet i Parlamentit Shqiptar.

Nosh

21-08-2011, 12:23

Me 21 gusht 1908 - Gazeta "Kombi" në Boston botoi kërkesën drejtuar opinionit publik për krijimin e një province autonome shqiptare, reformimin e qeverisjes së vendit, të ekonomisë, kulturës si dhe përdorimin e shqipes në shkolla e kulte fetare.

Me 21 gusht 1908 - Shoqëria "Bashkimi" e Manastirit në letrën dërguar homolges së vet në Bukuresht, tregon për përgatitjet për Kongresin e njehsimit të alfabetit. Ky Kongres filloi tre muaj më vonë, në nëntor 1908.

Me 21 gusht 1919 - Komandanti i trupave franceze në Maqedoni paraqiti projekt protokollin rreth pushtimit të Korçës nga trupat greke. Dokumenti përbënte një komplot ushtarak kundër tërësisë së shtetit të cunguar shqiptar.

Me 21 gusht 1920 - Forcat jugosllave nisën një sulm drejt Kelmendit, Kastratit, Shkrelit dhe Koplikut. Përballë qëndresës së shqiptarëve dhe presioneve ndërkombëtare, ata u detyruan të tërhiqeshin, duke lënë pas fshatra të djegur dhe të shkatërruar.

Me 21 gusht 1924 - Kongresi arsimor krijoi Lidhjen e përgjithshme të Arsimtarëve të Shqipërisë. Statusi i Lidhjes synonte organizimin e arsimit kombëtar mbi baza demokratike.

Me 21 gusht 1990 - Fotografitë e para të planetit Afërdita, të dërguara nga sonda kozmike "Magelan", treguan karakteristika të ngjashme me vullkanet dhe luginat e planetit Tokë.

Nosh

22-08-2011, 10:05

Me 22 gusht 1879 - Përfaqësuesit e Komitetit Ndërkrahinor të Prizrenit ne notën me shkrim qe i paraqitën Fuqive të Mëdha, protestonin se nuk do të njihej asnjë ndryshim i kufirit me Malin e Zi, pa pjesëmarrjen e komisionit ndërkombëtar dhe krerëve të Lidhjes Shqiptare. Kjo beri qe Komisioni Ndërkombëtar te ndërpriste punën dhe te pezulloi udhëtimin drejt Plavës dhe Gucisë.

Me 22 gusht 1909 - Faik Konica u emërua drejtor i gazetës "Dielli" te Bostonit. Ai eshte dhe themeluesi dhe drejtuesi i revistave "Albania" dhe "Albania e vogël".

Me 22 gusht 1912 - Atdhetaret korçare kryesuar nga Themistokli Gërmenji hynë triumfalisht në Korçën e pushtuar nga turqit. Gërmenji filloi bisedimet sekrete me komandantin turk Xhavit Pasha, te cilit i propozoi, të ngrihet flamuri kombëtar dhe të shpallej Korça pjesë e Shqipërisë. Komandanti turk nuk pranoi dhe bisedimet u ndërprenë.

Me 22 gusht 1924 - Fan Noli së bashku me Luigj Gurakuqin dhe Bajram Currin morën pjese në sesionin e pestë të asamblesë së Lidhjes së Kombeve ne Gjeneve, ku u denoncua hapur masakra e ushtarëve grekë në jug të vendit. Atje u kërkua që çamët të vendosen në tokat e pakicës greke në Gjirokastër dhe këta të fundit të shkojnë në Greqi.

Me 22 gusht 1971- Vdiq në Tiranë mësuesi i popullit Gjergji Canco. U lind në Korçë në vitin 1906. Gjate shkollimit ishte sekretar i shoqërisë patriotike "Shpresa" të liceistëve. Për një çerek shekulli drejtoi Politeknikumin "7 nëntori" në kryeqytet, njëra prej shkollave të mesme më të mëdha të vendit.

Me 22 gusht 1994 - Këshilli i Ministrave vendosi të përfshijë Lagunën e Karavastasë dhe Parkun Kombëtar të Divjakës në listën e zonave të lagëta të rëndësishme ndërkombëtare të konventës së Ramsarit. Duke nënshkruar konventën, Shqipëria pranonte të mbronte karakterin ekologjik të kësaj zone dhe te gjithë zonave të lagëta në vend.

Nosh

23-08-2011, 10:56

Me 23 gusht 1880 - Një Komision evropian, me përjashtim të përfaqësuesit rus, miratoi projektin e hartuar bashkërisht nga përfaqësuesit e Francës dhe të Austro-Hungarisë, në të cilin i sugjerohej Portës së Lartë të jepte autonominë administrative jo për krejt vilajetin e Shkodrës, por vetëm për malësitë patriarkale të Veriut. Rezerva në projekt ishte, Fuqitë e Mëdha "nuk do të kishin asnjë kundërshtim", në rast se Porta e Lartë do ta shihte me vend që t'i bashkonte krahinat shqiptare në një vilajet të vetëm. Por Porta e Lartë nuk pranoi asnjë nga këto sugjerime.

Me 23 gusht 1912 - Botohen nga Qeveria turke të reduktuara, në fletoren zyrtare, kërkesat për autonomi, ku nga 12 kërkesa të pranuara nuk përmendet fare emri shqiptar apo Shqipëri. Fuqitë e Mëdha deklaruan haptazi se nuk duan ta prishin qetësinë dhe janë për ruajtjen e status-quo në Ballkan.

Me 23 gusht 2007- Ndërroi jetë pas një sëmundjeje të rëndë në moshën 63 vjeçare Faruk Begolli, aktor i madh i Kosovës. "Ka qenë amaneti i të ndjerit që në varrim të marrin pjesë vetëm rrethi shumë i ngushtë familjar si dhe disa miq e ish-kolegë", thuhej në një njoftim nga familja Begolli. Faruk Begolli u lind me 14 shkurt 1944 në Pejë. Ai mbaroi Akademinë për Film dhe Teatër në Beograd me 1966. Një kohë ka jetuar dhe punuar në Beograd, kurse disa vjet themeloi dhe udhëhoqi Tetarin 'Dodona' të Prishtinës, ku shquhet veçanërisht me shfaqjen "Jam talent se jo mahi". Begolli luajti edhe në disa filma artistik, si në filmin "Kur pranvera vonohet", "Dashuria e Bjeshkëve të Nemuna" , "Të ngujuarit", "Era e Lisi", etj. Faruk Begolli ishte edhe pedagog në Akademinë e Arteve të Prishtinës.

Nosh

24-08-2011, 10:01

Me 24 gusht 79 - Qytetet e Pompeit, Herculaneum dhe Stabie u shkatërruan dhe mijëra njerëz u vranë nga një shpërthim vullkanik i malit Vezuv në Itali.

Me 24 gusht 1461- Skënderbeu, me një ushtri prej 3.000 vetesh, u nis për në Itali, për te përmbysur të gjitha planet dhe manovrat e armiqve të Ferdinandit mbret i Napolit.

Me 24 gusht 1737 - Novi Pazari, ku kishin përparuar 500 kryengritës shqiptare, ra ne duart e turqve.

Me 24 gusht 1779 - Njerëzit e Kurt Pashës sundimtarit te Beratit, kapen ne befasi Shën Kozmanë, i prenë kokën dhe e hodhën ne ujërat e Semanit. Ai ishte një nga figurat me te shquara ne fushën e teologjisë. Shën Kozmai është quajtur murgu endacak qe nuk u emërua kurrë prift. Për nder te tij 24 gushti është quajtur dita e Shën Kozmait.

Me 24 gusht 1907- Mërgimtaret shqiptare ne Kostance te Rumanise i dërguan një memorandum fuqive evropiane ne konferencën ndërkombëtare te Hages, ku kërkonin përkrahje ne zhvillimin kulturor kombëtar te shqiptareve.

Me 24 gusht 1913 -Doli numri i pare i Gazetës se shtetit te pavarur shqiptar "Përlindja e Shqipnis". Ajo dilte dy here ne jave dhe numëronte 21 numra deri ne vitin 1914. Ajo u be jehone e politikes qeverisëse te Vlorës kryesuar nga Ismail Qemali.

Me 24 gusht 1919- Zbulimi i marrëveshjes se fshehte France -Greqi sipas se cilës forcat franceze ia lejonin Korçën reparteve greke, ngjalli revoltën shqiptare, qe beri te dështojë manovra e radhës për një copëtim te Shqipërisë.

Me 24 gusht 1924 -Ra heroikisht ne Mokër atdhetari Riza Cerova. Ai u lind në Cerovë të Skraparit më 1896. Mbrojti punimet e Kongresit të Lushnjes dhe ishte nder veprimtaret kryesor te Revolucionit Demokratik te Qershorit.

Me 24 gusht 1998 - Nëntë studentë shqiptarë të Kosovës u dënuan për "terrorizëm" nga një deri në shtatë vjet e gjysmë burg nga një gjykatë serbe e Prizrenit. Studentët u shpallën fajtorë sepse bënin pjesë në Ushtrinë Çlirimtare të Kosovës që luftonte forcat serbe, për "armëmbajtje pa leje dhe për veprimtari kundër shtetit".

Me 24 gusht 1999- Humoristi i njohur Gëzim Kruja me 24 gusht 1999 u shpall nga këshilli Bashkiak "Krenaria e Shkodrës". Në karrierën e tij 40 vjeçare ka realizuar mbi 1000 role, si artist humorist i skenës dhe ekranit.

Me 24 gusht 1999 - Amerikani 51 vjeçar John Wooten, i cilësuar si 'burri më i fortë në botë' s’postoi një anije prej 16 tonelata, duke e tërhequr me një litar nga moli i "Fort Lauderdale" në Florida. Wooyene ka lëvizur anijen rreth 20 metra për 40 minuta.

Me 24 gusht 2006 - Qeveria e SHBA-së njoftoi se uragani Katrin, i cili e goditi SHBA-në në gusht të vitit 2005 është fatkeqësia më e madhe natyrore në historinë e vendit dhe se dëmi i përgjithshëm ishte 118 miliardë dollarë.

Nosh

25-08-2011, 11:49

Me 25 gusht 1270 - Vdiq mbreti francez, Ludoviku i Nëntë,përndryshe është edhe Shën Ludoviku i cili gjatë sundimit të tij prej vitit 1226 arriti ta forcojë dukshëm pushtetin e dobësuar mbretëror. I kryesoi Luftën e gjashtë dhe të shtatë të Kryqëzatave.

Me 25 gusht 1900 - Vdiq Fridrih Niçe, folozof gjerman, profesor i filologjisë klasike. Veprat e tija kanë më tepër karakter poetik se sa shkencor, kështu që nga fillimi i shekullit të 20 ndikoi në krijimtaritë poetike në disa vende evropiane. Veprat e tij të rëndësishme janë "Ashtu fliste Zaratrusta", "Vullneti për fuqi", "Nga ajo anë e së mirës dhe së keqes" dhe "Njerëzore, tepër njerëzore". Lindi më 15 tetor 1844.

Me 25 gusht 1944 - Forcat aleate e çliruan Parisin në Luftën e Dytë Botërore. Në vetë hyrjen e qytetit, aleatët u ndalën, në mënyrë që t'i mundësojnë gjeneralit De Gol i pari të hyjë, së bashku me francezët e tij të liruar.

Nosh

26-08-2011, 10:41

Me 26 gusht 1388 - Senati i Raguzës për të krijuar një klimë më të favorshme për aleancën me Gjergjin e dytë të Balshajve dhe princat e tjerë shqiptarë kundër rrezikut osman, ndaloi shitblerjen e shqiptarëve nga të huajt në territorin e republikës. Po me këtë vendim u liruan të gjithë shqiptarët e kapur nga rakuzjanët.

Me 26 gusht 1830 - Pas vrasjes së Ali Pashë Tepelenës shumica e feudalëve të Shqipërisë së jugut u hodhën në kryengritje për vetëqeverisjen e vendit. Për të likuiduar udhëheqjen e saj Porta e Lartë organizoi Masakrën e Manastirit, një ndër veprimet më gjakatare e më të pabesa të kryera në Shqipëri. U vranë dhe u varën rreth 1000 shqiptar ndërsa 500 të tjerë u dënuan me burgim të përjetshëm.

Me 26 gusht 1910 - Në Shkup (Maqedoni) lindi nobelistja e paqes, Anjeze Gonxhe Bojaxhiu (Nënë Tereza) në një familje katolike me origjinë shqiptare. Që në adoleshencë, u angazhua në veprimtaritë e famullisë dhe në moshën 28-vjeçare hyn në manastirin e Loretos në Rathfarnam të Irlandës ku i jepet emri Tereza. Një vit më vonë, më 6 janar 1929 shkon në Kalkutë dhe më 24 maj 1937 bëhet murgeshë e Loretos. Më 10 shtator 1946 në tren nga Kalkuta për në Darjeeling, Nënë Tereza mori atë çka ajo e quajti "thirrja në thirrje" që e çoi në lindjen e familjes së Misionarëve të Bamirësisë. Instituti i saj ka frymëzim pune për shpëtimin dhe shenjtërimin e më të varfëritë ndër të varfrit. Nënë Tereza i shtriu në të gjithë botën fondacionet e saj të bamirësisë duke rritur çdo ditë famën e saj të dhembshurisë. Më 1979 i jepet çmimi Nobel për paqe dhe atje deklaroi se nga gjaku është shqiptare ndërsa si njeri i përket gjithë botës. Në orën 9:30 të darkës së 5 shtatorit 1997 Nënë Tereza ndërroi jetë në Kalkutë, në shtëpinë nënë të saj. Trupi i nobelistes së paqes u transferua në kishën e Shën Thomasë pranë manastirit të Loretos pikërisht atje ku kishte mbërritur rreth 69 vjet më parë. Më 13 shtator, në ceremoninë mortore të Nënë Terezës morën pjesë kryetarë shtetesh, kryeministra, mbretëresha dhe të dërguar nga të gjitha vendet e botës. Shqipëria u përfaqësua nga presidenti i atëhershëm Rexhep Mejdani dhe ish shefi i opozitës Sali Berisha. Më pak se dy vjet pas vdekjes së saj Papa Gjon Pali i dytë shpalli nisjen e shenjtërimit të Nënë Terezës me procedurë të përshpejtuar, një rast unikal ky në historinë e Vatikanit.
Më 19 tetor të vitit 2003, nobelistja shqiptare u lumturua “Në emër të të varfërve e të dashurisë për Zotin” duke hedhur keshtu hapin e parë drejt shenjtërimit të plotë të saj.

http://3.bp.blogspot.com/-E5zqHOyngOI/TWX5-TvasRI/AAAAAAAAACU/c-Au7OBzh0E/s1600/teresa_diana.jpg

Me 26 gusht 1936 - U lind në Tiranë në një familje atdhetare shkodrane Dr Prof. Nikolin Paloka. U diplomua në Fakultetin e Merceologjisë në Moskë. Me hapjen e degës së merceologjisë në Universitetin e Tiranës u emërua pedagog në Katedrën e Merceologjisë më pas edhe të Turizmit. Si specialist i vetëm në këtë fushë gjatë viteve 1990-1993 emërohet shef katedre dhe harton të gjitha planet, programet mësimore dhe tekstet e para.

Me 26 gusht 1938 - U nda nga jeta poeti ynë i madh Millosh Gjergj Nikolla i njohur si Migjeni. Ai lindi më 13 tetor 1911 në Shkodër. Studioi teologji në Manastir, e punoi si mësues ne veri te Shqiperise. Botoi në revistat "Illyria", "Bota e re" dhe krijimet e veta poetike i përmblodhi në librin "Vargje të lira", të cilin censura nuk e la të qarkullojë. Vdiq në moshën 27-vjeçare në një sanatorium Italian. La në dorëshkrim një pjesë të rëndësishme të prozës së tij.

Nosh

27-08-2011, 13:45

Me 27 gusht 1462 - Në Livadhitë pranë Ohrit, Gjergj Kastriotit ju desh të përballonte tri ekspedita të dërguara njëra pas tjetrës nga Sulltani.

Me 27 gusht 1879 - Lidhja shqiptare e Jugut i dërgoi Sulltanit një memorandum ku kërkonte t'i jepej Shqipërisë autonomia administrative territoriale nën sovranitetin turk.

Me 27 gusht 1913 - Gazeta zyrtare "Përlindja e Shqipërisë" në artikullin "Trami në Vlorë" shkruan për përpjekjet e qeverisë së përkohshme për t'i dhënë Shqipërisë një fytyrë të re, përmes programit të saj për rrugë dhe shkolla, si dhe per projektin ambicioz të një shoqërie italiane për ndërtimin e një trami që do të lidhë Vlorën dhe Skelën, ku do të ngrihet qyteti i ri.

Me 27 gusht 1928 - U vra afër Janinës gjenerali italian Tellini dhe anëtarët e grupit që e shoqëronin atë. Gjeneral Tellini kryesonte komisionin ndërkombëtar të kontrollit. Vrasja e tij u krye nga agjentët grekë me qëllim që, duke akuzuar shqiptërt si terroristë, të mund të rishikohej linja e kufijve në favor të tyre

Me 27 gusht 1980 - Vdiq botanisti Kolë Paparisto. Ai u lind në Elbasan më 8 nëntor 1914. Pas studimeve në Francë për shkenca biologjike, punoi si mësues në Normalen e Elbasanit. Ai ishte Kryetari i parë i Institutit të Shkencave të Natyrës, dhe i Katedrës se Botanikes. Punoi për vite me radhë pranë Akademisë së Shkencave, duke lënë shumë studime dhe artikuj shkencorë.

Me 27 gusht 1990- Ndërroi jetë albanologu i njohur austriak, profesori i Universitetit të Gracit, Gustav Majer. Ai mbrojti tezën e prejardhjes së shqipes nga ilirishtja dhe përcaktoi shkencërisht pozitën e saj si gjuhë që zë një vend më vete në rrethin e gjuhëve indo evropiane.

Me 27 gusht 1993 - U organizuan në Shkodër dhe në Tiranë takimet përkujtimore "Nopça dhe Shqipëria". Në Shkodër u organizua ceremonia e emërtimit të një rrugë me emrin e albanologut të madh dhe vendosjen e tabelës përkujtimore Dr. Baron Franc Nopça në ndërmarrjen gjeologjike të Shkodrës. Në muzeun e qytetit u organizua takimi ku albanologut iu dha edhe titulli i lartë "Qytetar Nderi i Shkodrës". Në takimin përkujtimor në Tiranë, doktor Franc Nopçës pas vdekjes iu dha urdhri "Naim Frashëri" i klasit të parë.

Me 27 gusht 1997 - U nda nga jeta në Tiranë Mjeshtrja e Merituar e Sportit, volejbollistja Fahrie Hoti. U lind më 1947. Në moshë të re u aktivizua në skuadrën e volejbollit të ish- klubit "17 Nëntori" të Tiranës, ku luajti për 18 vjet, duke i dhenë ekipit 30 trofe. U nda nga jeta ne moshen 50-vjeçare dhe emrin e saj e mban salla sportive e Klubit Sportiv "Tirana".

Me 27 gusht 1999 - Vdiq në moshën 90 vjeçare Dom Helder Camara, arkipeshkv reformator katolik.

Nosh

28-08-2011, 10:30

Me 28 gusht 1393. - Senati i Venedikut vendosi që Kruja të vihet nën zotërimin e venedikasit Mark Barbarigo dhe bashkëshortes së tij, bijë e Karl Topisë, për të mbetur në emër të shtetit venedikas.

Me 28 gusht 1848. - Jeronim De Rada botoi gazetën dy gjuhëshe politike, letrare, L'Albanese d'Italia (Shqiptari i Italisë). Ai ishte i pari periodik në gjuhën shqipe, i botuar ndokund.

Me 28 gusht 1888. - Lindi në Orosh të Mirditës, Gjoni Marka Gjoni, i njohur si Kapidan i Mirditës. Në moshën 37 vjeçare bëri Zabitnamën e parë (Pajtimin e Gjaqeve) që u pasua nga 720 të tjera, duke e bërë Mirditën krahinën më të qetë në Veri dhe Kapedan Gjon Marka Gjonin reformator të Kanunit. Në 27 nëntor 1944 mërgoi në Romë për të nisur rezistencën ndaj regjimit komunist, ku bashkë me profesor Ernest Koliqin formuan organizatën politike Blloku Kombëtar Independent. U nda nga jeta në Itali, në 28 Prill 1966.

Me 28 gusht 1933. - Veprimtari i shquar i shkollës shqipe, Qamil Balla u nda nga jeta. Pas diplomimit në Stamboll dha mësim në gjimnazin e Manastirit, Selanik dhe Janinës ku zhvilloi dhe një veprimtari të dendur patriotike midis studentëve shqiptarë. Qamil Balla përkrahu Revolucionin e Qershorit dhe pas shtypjes së tij deri në vitin 1930 jetoi në mërgim. Pas kthimit në atdhe u emërua drejtor i shkollës "Naim Frashëri" në Tiranë dhe u bë nismëtar i ngritjes së shkollave pa shkëputje nga puna.

Me 28 gusht 1942. - Lindi në Gjakovë poeti Ali Podrimja. U diplomua për Gjuhë dhe Letërsi Shqipe, në Universitetin e Prishtinës. Është autor i më shumë se dhjetë vëllimeve me poezi si përfaqësuesi më tipik i poezisë së sotme shqiptare. Ali Podrimja, fitues i shumë çmimeve letrare jeton në Prishtinë si krijues i lirë.

Me 28 gusht 1943. - U vra në Lepenicë të Vlorës, Heroi i Popullit, Shyqyri Alimerko. U lind në Tragjas të Vlorës në 1923. Mori pjesë aktive në demonstratat e para antifashiste dhe u arrestua disa herë.

Me 28 gusht 1947. -Lindi gazetari nga Kosova Bashkim Ramadani. Mësimet e para i mori në vendlindjen e tij në Ferizaj. Pas diplomimit për filozofi në Universitetin e Prishtinës punoi redaktor në Radio Televizionin e Prishtinës.

Me 28 gusht 1948. - Lindi në Tiranë piktori dhe skenografi Ilia Xhokaxhi. Diplomoi në Akademinë e Arteve të Bukura në Tiranë. Punoi në Radio Televizionin Shqiptar si skenograf dhe në "Alba Film Studio", ku realizoi 34 filma artistikë. Xhokaxhi është nderuar me shumë çmime të para si skenograf dhe kostumograf. U nda nga jeta 7 maj 2007 në Tiranë.

Me 28 gusht 1963. - Dr.Martin Luther King u drejtoi ligjëratën e tij "Unë kam një ëndërr" 200 000 demonstrueseve të të drejtave civile që kishin marshuar në Washington.

Me 28 gusht 2000. - Një delfin shpëtoi një djalë 14 vjeçar nga mbytja në detin Adriatik, duke e nxjerrë në sipërfaqe dhe duke e ndihmuar që të hipte në një anije të afërt. Djali, i cili nuk mund të notonte, ra nga varka ndërsa po lundronte me babain e tij në gjirin e Manfredonias, pranë bregdetit jugor italian.

Nosh

29-08-2011, 18:38

Shënohet Dita Ndërkombëtare e të Pagjeturve

Prishtinë, 29 gusht 2011 (Kosovapress) Koha: 15:28
http://www.kosovapress.com/ks/repository/images/dita-te-pagjeturve-290811_thmb1.jpg

Me një marshim përgjatë rrugëve kryesore të Prishtinës të hënën janë rikujtuar edhe mbi 1.800 persona të cilët edhe më tej kanë mbetur si persona të pagjetur që nga përfundimi i luftës. Derisa familjarët kërkuan ndriçimin e fatit të më të dashurve të tyre, drejtuesit e institucioneve edhe një herë janë zotuar për angazhim maksimal për zbardhjen e kësaj çështjeje.

Me 29 gusht 1902. - Lindi në Korçë njëri prej pionierëve të artit tonë vokal dhe operistik, Mihal Ciko. Më vonë emigroi në Rumani dhe u regjistrua në konservatorin e Bukureshtit. U kthye në atdhe në vitin 1920 dhe ndihmoi në gjallërimin e jetës artistike në vendit. Me 1945 Mihal Ciko është shefi i parë i sektorit të muzikës në Radio Tirana. Emri i Mihal Cikos është i lidhur me Filarmoninë e parë Shqiptare dhe Teatrin e Operës dhe Baletit.

Me 29 gusht 1911. - Doli në shtyp numri i parë i gazetës së drejtuar nga Jashar Erebara "Shkupi", e përjavshme politike shoqërore në gjuhën shqipe dhe pjesërisht në turqisht. Prej saj u botuan 34 numra deri në 1912. Në shkrimet e saj zunë vend interesat kombëtare.

Me 29 gusht 1942. - Doli numri i parë i revistës klandestine "Kushtrimi i lirisë", e ideuar nga Qemal Stafa. Pas çlirimit, në vend të revistës u botua gazeta "Rinia", që më pas u quajt 'Zëri i Rinisë", e cila nuk botohet më.

Me 29 gusht 1989. - U nda nga jeta në moshën 88 vjeçare në Tiranë pedagogu dhe veprimtari i shquar i shkollës dhe arsimit shqiptar Koli Koci. Nga pena e tij kanë dalë nëntë libra pedagogjike dhe dhjetëra artikuj studimorë për arsimin dhe gjuhën shqipe. Në vitin 1955 punoi në Institutin e Shkencave si "Doktor i shkencave". Mban titujt e lartë "Mësues i Merituar" dhe "Mësues i Popullit".

Me 29 gusht 2005. - Në uraganin "Katrin", i cili e goditi jugun e SHBA-së, e humbën jetën 1.800 persona, ndërsa dëmi material arrin 118 miliardë dollarë.

Nosh

30-08-2011, 10:57

Me 30 gusht 30. p.e.r - Mbretëresha egjiptiane Kleopatra VII bëri vetëvrasje pasi forcat e Oktavian August i fituan trupat e bashkëshortit të saj, udhëheqësit luftarat të Romës, Mark Antoni. Në fron erdhi në moshën 17-vjeçare, në vitin 51 para erës sonë dhe qeverisi me vëllaun e mitur Ptolomej XIII, për të cilin ishte e martuar.

Me 30 gusht 1489. - Lindi Antonio Alegri Korexho, piktori italian, një nga krijuesit e artit barok. Pikturonte tema religjioze dhe mitologjike. Vdiq më 6 mars të vitit 1543.

Me 30 gusht 1533. - Atahualpa, udhëheqësi i fundit i mbretërisë së madhe të inkëve në zonën e sotme Peru, ishte varur pasi ra në duart e konkvistadorëve spanjollë. Pas vrasjes së tij, dispozitat spanjolle pa pengesa kryqëzuan dhe e fituan mbretërinë.

Me 30 gusht 1748. - Në Paris ka lindur Zhan Luj David, piktori francez, themelues dhe përfaqësues kryesor i klasicismit. Ishte anëtar i Konventës dhe piktor i oborrit të Napoleonit. Pikturonte kompozime historike dhe portrete. Vdiç në Bruksel, më 29 dhjetor të vitit 1825.

Me 30 gusht 1797. - Lindi shkrimtarja angleze Meri Volstonkraft Sheli, bashkëshortja e poetit Persi Bis Sheli. Është më e njohura sipas romanit "Frankeshtajn ose Prometeu modern", i shkruar në frymën e përrallave "gotike" për frikën dhe tmerrin.

Me 30 gusht 1871. - Lindi fizikanti i Zelandës së Re me origjinë angleze Ernes Rateford. Fitues i Çmimit Nobël për kimi në vitin 1908.

Nosh

31-08-2011, 10:41

Me 31 gusht 1920. - Transmetohet nga stacioni 8 MC në Detroit, të shtetit Miçigan, programi i parë i lajmeve në radio.

Me 31 gusht 1990. - Gjermania Perëndimore dhe ajo Lindore nënshkruajnë një traktat për të harmonizuar sistemet e tyre ligjore dhe politike. Ky traktat do të hynte në fuqi mbas shkrirjes së këtyre shteteve më 3 tetor.

Me 31 gusht 1997. - Princesha e Britanisë Diana dhe i dashuri i saj, Dodi Al Fajed, vdesin në një aksident rrugor në Paris të Francës.

Me 31 gusht 2000. - Një ikonë "e mrekullueshme" e shekullit të XVI, e quajtur "Ndërmjetësimi i Virgjëreshës" dhe e sekuestruar nga gjermanët në fund të Luftës së Dytë Botërore, iu kthye kishës ortodokse ruse nga ambasadori i Gjermanisë në Moskë. Ikona e shkollës Pskov ka qenë për 40 vjet, pronë e një familjeje katolike në Bavari.

Me 31 gusht 2002. - Vdiq në moshën 94 vjeçare, pas një ataku në zemër, Lionel Hampton, një nga figurat më të njohura të xhazit amerikan. Ai ishte nismëtar i përdorimit të vibrafonit, si instrument në këtë lloj rryme muzikore. Karriera e tij nisi në fillim të 1920-tës dhe vazhdoi deri në fund të viteve 1990.

Nosh

01-09-2011, 14:21

Me 1 shtator 1928 - Shqipëria shpallet Mbretëri, ndërsa Zogu I sundimtar i saj.

Me 1 shtator 1939 - Gjermania sulmon Poloninë, duke shënuar kështu fillimin e Luftës së Dytë Botërore.

Me 1 shtator 1946 - Grekët votojnë për rikthimin e Georgos II në fronin e mbretit. Ai kishte jetuar në mërgim në Angli.

Me 1 shtator 2000 - Njeriu më i gjatë në botë, një kinez 2,45 takohet me gruan më të gjatë të Azisë (2,35 metra e gjatë) gjithashtu kineze, në një spital në jug të Kinës, ku që të dy ishin operuar këtë verë nga një tumor në hipofizë.

Me 1 shtator 2001 - Shkencëtarët tajlandezë krijuan një ushtar robot, i cili mund të qëllonte me plumba kundër atyre që hyjnë me forcë në një ndërtesë. "Roboguard"-i përbëhej kryesisht nga një pistoletë dhe një kamera e vogël videoje dhe ishte i palëvizshëm. Por zbuluesi i tij, Pitikate Soraksa nga King Mongkut's Institute of Technology në Bangkok, tha atëherë se "mund të bëhej edhe i lëvizshëm".

Me 1 shtator 2003 - Vdes në Los Anxheles në moshën 81-vjeçare si pasojë e një pneumonie aktori amerikan, Charles Bronson, i specializuar në rolet e të "fortëve". Ai ka qenë një nga yjet më të mëdhenj të filmave-aksion në vitet 60-70 dhe njihet për rolet e tij në filmat si "Shtatë mercenarët" (1960), versioni i ri i "Shtatë Samuraj" i Akira Kurosawa, "Evazioni i madh" (1963)" "12 horrat" (1967), "Na ishte një herë perëndimi".

Nosh

02-09-2011, 09:52

Me 2 shtator 1500 - U themelua në Venedik një ndër institucionet arsimore më të vjetra shqiptare jashtë vendit nga mërgimtarët shqiptarë. Marin Biçkemi ishte një ndër mësuesit e parë të shkollës. Shkolla ishte e karakterit tekniko- profesional.

Me 2 shtator 1878 - Një delegacion i Lidhjes Shqiptare të Prizrenit i kërkoi marshallit turk Mehmet Ali Pasha të largohej nga Gjakova. Kur ai refuzoi kryengritësit shqiptarë rrethuan kullën, prenë lidhjet telefonike dhe i dhanë 24 orë afat oficerit madhor turk të largohej. Mehmet Ali Pasha preferoi luftën dhe fundin e vet.

1 Me 2 shtator 890 - U lind në Shkodër kleriku dhe shkrimtari Dom Lazër Shantoja. Studimet për teologji i filloi në Shkodër dhe i përfundoi në Insbruk të Austrisë. Një pjesë të jetës punoi dhe predikoi në Zvicër. Në atdhe u kthye në vitin 1940. Pas çlirimit u arrestua dhe u dënua me vdekje.

1 Me 2 shtator 1909 - U mbajt Kongresi Arsimor i Elbasanit, i cili vendosi të ngrihej në Elbasan një Shkollë Pedagogjike Normale shqipe. Kongresi vendosi dhe krijoi në Korçë një shoqëri që do të kujdesej për këtë shkollë dhe për përhapjen e shkollave të tjera shqipe dhe botimin e librave shkollorë shqip.

1 Me 2 shtator 1910 - Lindi në Fajun të Egjiptit këngëtarja e shquar, Artistja e Popullit, Tefta Tashko Koço. U diplomua në Paris për kanto. Dha koncerte në skenë dhe mikrofon dhe regjistroi në pllakë gramafoni këngë shqiptare që kur ishte studente. Pas kthimit në atdhe punoi për gjallërimin e jetës muzikore dhe artistike të vendit. Me hapjen e Radio Tiranës ishte ndër bashkëpunëtoret e para të saj dhe nismëtare e ngritjes së Shkollës muzikore pranë institucionit. Vdekja e parakohshme e ndërpreu krijimtarinë e saj të çmuar artistike.

1 Me 2 shtator 1948 - U themelua në Prishtinë Teatri popullor krahinor, i pari teatër shqiptar në Kosovë.

1 Me 2 shtator 1957 - U themelua Universiteti shtetëror i Tiranës.

1 Me 2 shtator 1957 - U themelua Instituti Pedagogjik 2 vjeçar i Shkodrës.

1 Me 2 shtator 1961 - H hap në Vlorë shkolla e lartë e oficerëve të flotës luftarake detare.

1 Me 2 shtator 1966 - U hap në Tiranë, Instituti i Lartë i Arteve "Aleksandër Moisiu", që më pas u quajt thjesht Akademia e Arteve të Bukura.

1 Me 2 shtator 1993 - Vatikani pranoi një ftesë të Kinës për një vizitë të nivelit të lartë në Pekin, e para e këtij lloji nga viti 1949 të ardhjes në fuqi të komunistëve.

Ilir_Gjokaj

02-09-2011, 19:23

Ditelindjen e Don GABRIELIT :D

tropojanja

02-09-2011, 22:12

1 vit e 2 muaj :d

Nosh

03-09-2011, 10:36

Me 3 shtator 1676 - Vdiq Fazil Ahmet Qyperliu shqiptar nga familje e njohur vlonjate. Në moshën 17 vjeçare ai u bë Vezir i madh, kryeministër i Perandorisë osmane. Njihet si kryeqeveritari më i ri dhe më i aftë në historinë osmane. Gjatë sundimit të tij u zhvillua arsimi dhe shkenca, u ndërtua kompleksi i madh tregtar në Izmir dhe dy xhami që njihen si monumente kulture.

Me 3 shtator 1756 - Në Briksen të Gjermanisë u shfaq me sukses tragjedia kushtuar heroit tonë kombëtar Skënderbeu ose "lavdia që ikën" nga një autor anonim. Figura e Gjergj Kastriotit zë një vend të veçantë jo vetëm në histori por edhe në letërsi, dramaturgji si dhe artet e bukura botërore.

Me 3 shtator 1811 - Ali Pashë Tepelena sikurse shkruan konsulli francez në Janinë Pukvili, rrethoi dhe pushtoi Gjirokastrën që konsiderohej e pamposhtur. Më parë ai kishte marrë Filatin dhe Konispolin dhe pas rënies së Gjirokastrës sulmoi dhe mori dhe Kardhiqin.

Me 3 shtator 1903 - Lindi në Shkodër At Donat Kurti. Në vitin 1937 nga universiteti "San Antonio" i Romës i jepet titulli "Doktor i shkencave". Është i njohur ndër françeskanët dhe radhitet ndër shkencëtarët që kanë dalë prej asaj vatre të kulturës shqiptare.1914 - U mbyll, per t'u rihapur pas 13 vitesh, Ministria e Bujqesise, ne qeverine e Ismail Qemalit. Ministri i pare i saj ishte z. Pandeli Cale.

Me 3 shtator 1914 - Pas gjashtë muaj qëndrimi, Princ Vidi u detyrua të largohej nga Shqipëria pas kryengritjeve kundër qeverisë së tij. Me Vidin u larguan edhe anëtarët e qeverisë së bashku me shumë udhëhqeës të lëvizjes patriotike shqiptare të cilët u vendosën pjesërisht në Shkodër dhe në vende të ndryshme të Europës.

Me 3 shtator 1920 - Luftëtarët shqiptare hynë në Vlorë, duke e quajtur kete dite si triumfin ndaj Italise.

Me 3 shtator 1924 - Lindi në Dukagjin aktori Ndrek Luca. Aktivitetin e tij skenik e filloi në vitin 1949 në Teatrin e Ushtrisë dhe pas një viti kalon në Teatrin Kombëtar si aktor profesionist. Roli i tij i parë është ai i Shpend Gjetoplakut në dramën "Halili dhe Hajrija". Për mëse 30 vjet në skenë Ndrek Luca ka realizuar mbi 130 role në teatër e kinematografi. Janë të paharruara kryeveprat si "Trimi i mirë me shokë shumë", "Shtatë shalianët", "Familja e peshkatarit", "Toka jonë", "Otello" dhe "Arturo Ui". Ndrek Luca është nderuar me titullin e lartë "Artisti i popullit".

Me 3 shtator 1955 - Lindi aktorja e mirënjohur shqiptare Marjeta Ljarja. Ndër filmat që ka interpretuar shikuesi shqiptar mban mend "Vajzat me kordele të kuqe", "Kur xhirohej një film", "Rruga e lirisë" dhe "Një vonesë e vogël". Marjeta Ljarja ka interpretuar edhe në Teatrin Kombëtar.

Nosh

04-09-2011, 12:21

Me 4 shtator 1768 - Lindi Fransua-Rene (Vikonti) Shatobrian. Ai ishte politikan, një nga shkrimtarët e parë romantikë francezë dhe ambasador në oborrin britanik. Eshtë autor i veprës "Rene", që ishte dhe guri themeltar në lëvizjen romantike franceze, si dhe veprës së famshme autobiografike "Memoires d'Outre Tombe".

Me 4 shtator 1781 - Themelohet nga spanjollët qyteti i Los Anxhelosit. Emri i tij i parë është "El Pueblo de Nuestra Senora La Reina de Los Angeles" (Qyteti i zonjës sonë, mbretëreshë e engjëjve).

Me 4 shtator 1885 - U lind Vicens Prenushi, klerik, publicist, folklorist dhe përkthyes. U lind në Shkodër, ku edhe mori mësimet e para. Me pas u shkollua në Austri. 23 vjeç u shugurua meshtar, pastaj ipeshkv i Saper, Durrësit dhe Tiranës. Vincens Prenushi ishte primati i i fundit i Kishës katolike të Shqipërisë, pas Luftës së Dytë Botërore. Veç misionit kishtar u mor gjërësisht me krijimtari. Vdiq në burgun e Shkodrës më 19 mars 1949.

Me 4 shtator 1965 - Vdiq Albert Shraicer, teolog, filozof dhe organist. Ai vdiq në Gaben, në një spital të ngritur nga ai vetë në vitin 1913. I spikatur për interpretimet e tij në veprat e Bahut, ai fiton çmimin 'Nobel' për paqen për përpjekjet e tij për "Vëllazërimin e Kombeve" në vitin 1952.

Me 4 shtator 1992 - U nda nga jeta në Tiranë Abdi Mati, ushtarak, kundëradmiral. Ai u lind më 13 tetor 1918 në Mat. Pas shkollimit në Tiranë, kreu Akademinë Mbretërore të Marinës në Itali. Pasi u caktua navigator në kryqëzorin "Cadorne", ku shërbeu për dy vjet dezerton dhe më 1943 kthehet në Atdhe. Njihet kontributi i tij në çeten e Pezës dhe pas luftës pranë marinës sonë detare, duke qenë për vite me radhë komndant i Flotës Detare.

Nosh

05-09-2011, 10:51

Sot me 5 shtator 1997 - Ndërroi jetë në moshën 87 vjeçare Nënë Tereza. Ajo vdiq nga një atak në zemër në Kalkuta të Indisë, vend ku pati themeluar urdhrin "Misionaret e bamirësisë". Ajo hapi shkollën e parë për të vobektit ne Kalkuta në vitin 1949.

http://www.traditioninaction.org/HotTopics/htimages/A013_JPIIMotherTeresa_30G_7-1990.jpg
Biografia

Një ditë pas lindjes u pagëzua (http://sq.wikipedia.org/wiki/Pag%C3%ABzimi) në kishën e Zemrës së Krishtit nga famulltari i atëhershëm Dom Zef Ramaj (http://sq.wikipedia.org/w/index.php?title=Zef_Ramaj&action=edit&redlink=1), ditë të cilën ajo e llogariste si datëlindjen e saj. Gonxhja ishte fëmija i tretë i Kolë Bojaxhiu (http://sq.wikipedia.org/wiki/Kol%C3%AB_Bojaxhiu) (Nikollë Bojaxhiu) me origjinë nga Mirdita (http://sq.wikipedia.org/wiki/Rrethi_i_Mirdit%C3%ABs) dhe e Drane Bojaxhiu (http://sq.wikipedia.org/wiki/Drane_Bojaxhiu) (mbiemri i vajzërisë Barnaj (http://sq.wikipedia.org/w/index.php?title=Barnaj&action=edit&redlink=1)) nga Novo Sella e Gjakovës (http://sq.wikipedia.org/wiki/Gjakova). Kola dhe Drania kishin 5 fëmijë, dy u vdiqën në fëmijërinë e hershme. Frikë të madhe kishte nënë Drania mos Gonxhja i vdiste menjëherë pas lindjes, sepse me trup dhe shëndet dukej e dobët. Gonxhja kishte një vëlla dhe një motër. Vëllai quhej Lazër Bojaxhiu (http://sq.wikipedia.org/w/index.php?title=Laz%C3%ABr_Bojaxhiu&action=edit&redlink=1) dhe studioi në Grac (http://sq.wikipedia.org/w/index.php?title=Grac&action=edit&redlink=1) të Austrisë (http://sq.wikipedia.org/wiki/Austria) në Akademinë Ushtarake, por për shkaqe politike emigroi qysh herët në Itali (http://sq.wikipedia.org/wiki/Italia). Kurse motra quhej Age Bojaxhiu (http://sq.wikipedia.org/wiki/Age_Bojaxhiu). Babai i saj merrej me tregti dhe mblidhte në shtëpinë e tij artistë dhe patriotë shqiptarë. Lindi në Shkup (http://sq.wikipedia.org/wiki/Shkupi), të Shqipërisë (http://sq.wikipedia.org/wiki/Shqip%C3%ABris%C3%AB) te pushtuar prej Perandorisë osmane, sot Ish Republika Jugosllave e Maqedonisë (http://sq.wikipedia.org/wiki/Ish_Republika_Jugosllave_e_Maqedonis%C3%AB), më datë 26 gusht (http://sq.wikipedia.org/wiki/26_gusht)1910 (http://sq.wikipedia.org/wiki/1910). Shkupi i merret Shqipërisë prej Maqedonisë me 1 Janar (http://sq.wikipedia.org/wiki/1_Janar)1918 (http://sq.wikipedia.org/wiki/1918) në bazë të traktatit të Versajës. I ati, që ishte i përfshirë në lëvizjet politike e asaj kohe, vdes në 1919 kur ajo ishte 8 vjeçe. Gonxhja mësimet e para i mori në një shkollë shqipe në Shkup, ku po ashtu e kreu dhe gjimnazin, por në gjuhën serbo-kroate. Pasionet e rinisë së Gonxhes ishin tre: të bëhej mësuese, të shkruante dhe recitonte poezi dhe të kompozonte e të luante muzikë. Emrin "Tereza" e mori kur ishte 18 vjeçe dhe u dorëzua murgeshë. Nënë Tereza u largua më 26 shtator (http://sq.wikipedia.org/wiki/26_shtator)1928 (http://sq.wikipedia.org/wiki/1928) nga Shkupi (http://sq.wikipedia.org/wiki/Shkupi) në drejtim të Dublinit (http://sq.wikipedia.org/wiki/Dublini), Irlandë (http://sq.wikipedia.org/wiki/Irland%C3%AB). Prej kësaj dite, nënë, bijë e motër nuk do të shiheshin më kurrë. Më 12 shtator (http://sq.wikipedia.org/wiki/12_shtator)1928 (http://sq.wikipedia.org/wiki/1928), Gonxhja kishte shkruar këtë letër drejtuar tezes së saj: “Shkup 12. 09. 28 E dashura Teze Lis! Më 26 të këtij muaji po nisem prej Shkupit. S’po mund mos me ju shkrue dy tri rreshta për juve. Lamtumirë, e deshiroj që Zoti t'ju nap gjithshka që ju deshron zemna. Dua t'ju fal gjanat ma të përzemërta, Gonxhja”.
Ky ishte momenti kur ajo u nda përfundimisht me familjen dhe vetëm pas 30 vitesh, do të takohej me të vëllanë, Lazrin. Kurse nëna Drania dhe motra Age, shkuan në atdhe, në Shqipëri,qysh para Luftës së Dytë Botërore (http://sq.wikipedia.org/w/index.php?title=Luftes_se_Dyt%C3%AB_Bot%C3%ABrore&action=edit&redlink=1). Nënë Tereza u vendos në Kalkuta (http://sq.wikipedia.org/w/index.php?title=Kalkuta&action=edit&redlink=1) (Indi (http://sq.wikipedia.org/wiki/India)) ku fillimisht u bë mësuese dhe shumë shpejt drejtore e shkollës së vajzave. "Nënë Tereza e Kalkutës" u quajt kur themeloi urdhrin "Misionaret e Dashurisë" (1951) për t'u shërbyer më të varfërve dhe më të pashpresëve të Kalkutës, Indisë dhe gjithë botës. Në vitin 1979 (http://sq.wikipedia.org/wiki/1979), kur mori çmimin Nobel për Paqe (http://sq.wikipedia.org/wiki/%C3%87mimi_Nobel_p%C3%ABr_Paqe), e gjithë bota mësoi se Nënë Tereza ishte shqiptare. Haste vështirësi për të folur rrjedhshëm Shqip pas një largimi prej 70 vjetësh dhe qëndrimi në ambiente joshqiptare, por ajo kurrë nuk e ka mohuar origjinën e saj shqiptare. Shkrimet e saj ne Shqip janë letrat e rinisë dhe më pas me familjen në shqip, përshëndetje në Shqip popullit shqiptar pas fitimit të çmimit Nobel me 1979 dhe lutja në Shqip transmetuar nga Zëri i Amerikës me 17 Qershor 1978. Në çastin e marrjes së Çmimit Nobel më 1979, një nga klerikët që merrte pjesë në sallë e pyeti Nënë Terezën se nga ishte. Ajo deklaroi: “Kam lindur në Shkup, jam shkolluar në Londër, jetoj në Kalkutë dhe punoj për të gjithë njerëzit e varfër në Botë. Atdheu im është një vend i vogël me emrin Shqipëri”. Por Shqipëria (http://sq.wikipedia.org/wiki/Shqip%C3%ABria) heshtte. Republika Popullore Socialiste e Shqipërisë nuk i kishte dhënë vizë nobelistes së ardhshme as sa për të parë nënën e saj që jetonte në Tiranë, as për te marrë pjesë në varrimin e saj më 1974, as për të parë varrin. Madje këtë vizë nuk ia dhanë as kur fama e saj kishte marrë dhenë në të katër anët e botës deri ne fillim të viteve '90. Shqiptarja trupvogël ishte kthyer në një legjendë të gjallë. Ajo ishte nënë kujdestare e 7,500 fëmijëve në 60 shkolla, ishte nënë që mjekonte 960,000 të sëmurë në 213 dispanseri, ishte e vetmja në botë qe trajtonte 47,000 viktima të lebrozes në 54 klinika, kujdesej për 3,400 pleq të braktisur e të lënë rrugëve, në 20 shtëpi pleqsh, kishte birësuar 160 fëmijë ilegjitim e bonjakë. Këto janë shifrat e mesit të viteve '80. Deri sa Nënë Tereza ishte gjallë dhe sot e kësaj dite shifrat kanë ndryshuar shumë.

Ish Presidenti i Shteteve të Bashkuara Ronald Reagan (http://sq.wikipedia.org/wiki/Ronald_Reagan) duke e shpërblyer Nënë Terezën me çmimin Medal of Freedom (http://sq.wikipedia.org/w/index.php?title=Medal_of_Freedom&action=edit&redlink=1)1985 (http://sq.wikipedia.org/wiki/1985)
Nënë Tereza nuk qe ndonjë perëndeshë dhe me të mund të fliste çdonjëri. Madje ajo kishte edhe adresë të saktë: një godinë ngjyrë hiri në Bose Road, të ndërtuar në një lagje të zhurmshme dhe çjerrëse, të stërmbushur me njerëz, e cila vlonte nga çajbërësit, shitësit dhe tregtarë të tjerë të pjesëve më të ndryshme këmbyese si dhe lëngështrydhësit. Këtu, mu në qendër të Kalkutës shtrihej shtabi i përgjithshëm i Rregullit, "Shtëpia e Nënës", pranë portës të së cilës qe vendosur një tabelë druri ku shkruante: "Mother Teresa. IN/OUT". Shtëpinë e Nënë Terezës e kanë vizituar personalitete si mbretëresha e Britanisë, ish presidentët e Shteteve të Bashkuara George Bush e Jimmy Carter, Yasser Arafati, princesha Diana e shumë të tjerë. Nënë Tereza ka qenë mjaft bujare, humane e zemërgjerë dhe këto janë karakteristikat që do ta bëjnë të jetojë përgjithmonë në zemrat e gjithë njerëzve, sidomos në zemrat e shqiptarëve.
ne Kur ishte e re jo vetëm ka folur, por ka shkruar edhe poezi ne gjuhen Shqipe. Për shembull poezinë e mëposhtme e ka shkruar kur ishte 22 vjeçe gjate udhës për ne Indi.
Nënë Terezës, për të ardhur në Shqipëri iu desh të dërgonte tre letra. Ajo i kishte dërguar më parë letër Komitetit Shqiptar për Marrëdhëniet me Jashtë, por nuk mori kurrë përgjigje. Ja se si e shpjegon Lolja letrën e te madhes Nena Terezë dërguar Presidentit te Republikës ne vitin 1989, te cilit i theksonte se: “për 60 vjet kam vizituar shume e shume vende jashtë atdheut tim”, qe është edhe një fakt se ajo e konsideronte Shqipërinë atdheun e saj. Me ne fund, e para pasaporte (për ketë rast ishte diplomatike) e dhëne për nënshtetas te huaj me origjine shqiptare iu dha pikërisht Nene Terezës, e cila vizitoi Shqipërinë me 1989. Nene Tereza kishte gjithashtu pasaporte nga India, Vatikani, Britania e Madhe dhe Italia. Kur i thane për pasaportën Shqiptare ajo u përgjigj: “E pranoj me kënaqësi, sepse është pasaporta e vendit tim; atje kam nenën dhe motrën, atje kam miq e te njohur, atje shume shpejt do te hapim misionin tone e unë do te jem vete aty”. Kur mori çmimin Nobel ne vitin 1979, amerikanet i ofruan nenshtetesine amerikane dhe pasaportën, por ajo nuk pranoi.
Nene Tereza u be kultura me e larte ndërlidhëse e njohjes se shqiptareve ne bote. Bill Clinton ka thëne botërisht ne qershor 2002: “Nene Tereza, ishte e para Ajo qe me beri ta dua kombin shqiptar. Dhe tani ndihem shume krenar qe plotësova një detyre morale ndaj saj dhe ndaj vlerave te lirisë”. Por origjina shqiptare nuk duhet absolutizuar. Duke qene shqiptare Nene Tereza nuk i përket vetëm Shqipërisë, guacka etnike do ta kufizonte. Gonxhja u be qytetarja e botes, e popujve, feve dhe e qytetërimeve. Ne vitin 1950, ajo themeloi urdhrin e saj te murgeshave te quajtur Misionaret e Bamirësisë qe i shërbejnë tërësisht te varfërve. Shqiptarja trupvogël ishte kthyer ne një legjende te gjalle. Vetëm sipas te dhënave te vitit 1980, ajo ishte kujdestare e 7 500 fëmijëve ne 60 shkolla, mjekonte 960 000 te sëmure ne 213 spitale, ishte e vetmja ne bote qe trajtonte 47 000 viktima te lebrozes ne 54 klinika, kujdesej për 3 400 pleq te braktisur e te lëne rrugëve ne 20 shtëpi pleqsh dhe kishte birësuar 160 fëmije jetime.
Nder titujt qe i janë dhëne Nene Terezës përmenden: Pamada Shir; Gjoni XXIII për Paqe, te cilën ja dorëzoi personalisht Papa Pali VI; Samaritani i Mire, ne Boston; Shpërblimi Ndërkombëtar John Kennedy, ne Uashington; Nena e te Gjitha Nenave, Balzan; Çmimi Nobel per Paqen; Medalja e Lirisë, shpërblimi me i larte amerikan; Medalja e Paqes, shpërblimi me i larte i Rusisë; etj.
Me 5 shtator 1997 : bota mësoi se Nene Tereza ( Angel of Mersy) vdiq ne moshën 87 vjeçare duke lëne pas dashuri.
Ndërkohë ne Maqedoni është botuar një monografi se Nene Tereza është maqedonase!!! Një gjë te tille dëgjova një dite edhe Alsat për origjinën/dyshimet dhe spekulimet qe i bëjnë te tjerët lidhur me origjinën e saj. Sipas gazetës Washington Post, 16 Tetor 2003, deklarohet qarte se Nene Tereza ka lindur ne Shkup ne kohen kur nuk kishte FYROM dhe Shkupi është qytet i perandorisë Otomane. Me tej rithuhet fjala e Nene Terezës qe sipas gjakut ajo është Shqiptare. Gjithashtu, gazeta shkruan se vëren qe kaloi një skulptor sllavo-maqedonas krijoi një shtatore te Nene Terezës, me mbishkrimin thjeshte si një bije e Maqedonisë, për ta dërguar ne Rome me rastin e saj te shenjtërimit. Por, zëri i bashkuar i Shqiptareve ne lidhje me origjinën kombëtare te Nene Terezës beri qe ai skulptor ta harronte ëndrrën qe pati.
Para meje kam librin e Kathryn Spink i përkthyer ne gjermanisht dhe biografia është e autorizuar nga Nene Tereza. Origjinali është ne anglisht. Aty thuhet se babai i Nene Terezës ishte një nacionalist shqiptar i cili angazhohej për bashkimin e Kosovës me Shqipërinë dhe krijimin e Shqipërisë se Madhe (Etnike), për ketë ai kishte shkuar ne Beograd tok me konsullin italian. Kishte shkuar atje me një shëndet shumë te mirë dhe u kthye prapa i shtrire për vdekje. Ai i kishte 45 vjet kur vdiq. Mjeku dhe anëtaret e familjes ishin te bindur se Nikola ishte helmuar ne Beograd.
Janë shkruar e shkruhen edhe sot e kësaj dite me qindra vepra për te madhen Nena Terezë, por te gjitha flasin ne te vërtetën se ajo ishte shqiptare, siç e ka deklaruar edhe vete. Nena Terezë vdiq me 5 shtator te vitit 1997, tani ne vitin e 101 te lindjes se saj krenohemi për jetën dhe veprën e saj.
Referenca

^ (http://sq.wikipedia.org/wiki/N%C3%ABn%C3%AB_Tereza#cite_ref-humansite_0-0) PBS Online Newshour (5 Shtator 1997). Mother Teresa Dies (http://www.pbs.org/newshour/bb/remember/1997/teresa.html), E rimarrë Gusht 2007
^ (http://sq.wikipedia.org/wiki/N%C3%ABn%C3%AB_Tereza#cite_ref-1)"Blessed Mother Teresa" (2007) (http://www.britannica.com/EBchecked/topic/587877/Blessed-Mother-Teresa) Encyclopædia Britannica. 4 Korrik 2010.
^ (http://sq.wikipedia.org/wiki/N%C3%ABn%C3%AB_Tereza#cite_ref-2) Spink, Kathryn (1997). Mother Teresa: A Complete Authorized Biography. New York. HarperCollins, pp.16.
^ (http://sq.wikipedia.org/wiki/N%C3%ABn%C3%AB_Tereza#cite_ref-3)"Mother Teresa of Calcutta (1910–1997) (http://www.vatican.va/news_services/liturgy/saints/ns_lit_doc_20031019_madre-teresa_en.html) Vatican News Service. 30 Maj 2007.
^ (http://sq.wikipedia.org/wiki/N%C3%ABn%C3%AB_Tereza#cite_ref-4)Saints' Blessing (http://books.google.com/books?id=HSg6f3JaN1IC&pg=PA139&lpg=PA139&dq=Nikolle+bojaxhiu&hl=it#v=onepage&q=Nikolle%20bojaxhiu&f=false) Lester, Meera (2004). Fair Winds. p. 138. 2008-12-14.
^ (http://sq.wikipedia.org/wiki/N%C3%ABn%C3%AB_Tereza#cite_ref-5) Edhe pse disa burimë thonë se ajo ishte 10 kur i ati vdiq, në një intervistë me të vëllanë, dokumentet e Vatikanit e paraqesin si "rreth tetë".

Sot me 5 shtator 1638 - Lindi Luigji XVI (Mbreti Diell). Ai ishte mbret i Francës nga viti 1643-1715, periudhë kur arti, muzika dhe letërsia franceze patën një zhvillim të madh. Ai ndërtoi pallatin e Versajës gjatë periudhës që mbretëroi, periudha më e gjatë në historinë e Europës.

Sot me 5 shtator 1735 - Lindi Johan Kristian Bah (i ashtuquajturi Bahu anglez). Djali i Johan Sebastian Bahut, ishte një ndër mjeshtrit e muzikës në mbretërinë Sharlot të Britanisë. Kompozoi mbi 40 simfoni dhe disa opera.

Sot me 5 shtator 1791 - Lindi Xhakomo Mejerber, i njohur me emrin Jakob Libman, kompozitor gjerman operash, i njohur për operat e famshme të tij si "Afrikania", "Hygenotët".

Sot me 5 shtator 1857 - Vdiq August Komte, filozof francez dhe themelues i sociologjisë. Me veprat e tij "Sistemi i politikës pozitive", shkruar në vitet 1851-'54, ai themeloi "Pozitivizmin".

Sot me 5 shtator 1980 - Hapet në Zvicër tuneli i St.Gotardit, i gjatë 16 km. Ky tunel, më i gjati në botë, kushtoi 690 milion franga zvicerane. Punimet filluan në vitin 1963.

Nosh

06-09-2011, 10:57

Me 6 shtator 394 - Ra në fushën e Betejës Eugjen Flavi, perandor i Perandorisë Romake me origjinë ilire.

Me 6 shtator 1522 - Huan Sebastian Del Kano kreu lundrimin e parë përreth botës. Ai u nis nga Sevilja e Spanjës në vitin 1519 me pesë anije dhe 270 persona nën komandën e Ferdinand Magelanit. Del Kano u kthye në Spanjë me një anije dhe një ekuipazh prej njëzet vetësh. Pas vdekjes së Magelanit ekuipazhi u vu nën komandën e tij.

Me 6 shtator 1611- Në relacionin e qeveritarit venedikas të Korfuzit, që mban datën 6 shtator 1611, flitet për fortifikimin e Pargës dhe të Butrintit si dhe për pasuritë pyjore të këtyre viseve arbërore. Lënda drusore, siç thuhet në relacion, tregtohet në Korfuz e deri në Kretë.

Me 6 shtator 1625 - Në kishën e Shën Kollit në Lunxhëri përfundoi shenjtërorja e ngritur me ndihmën e familjarëve të priftërinjve të fshatit.

Me 6 shtator 1878 - Përfundoi me fitore sulmi i forcave vullnetare të Lidhjes Shqiptare për Gjakovën kundër Mehmet Ali Pashës. Lufta filloi më 3 shtator, ku mbetën të vrarë dhe vetë Mehmet Ali Pasha me Abdulla Pashë Drenin.

Me 6 shtator 1913 - Krerët e fiseve të Malësisë, të mbledhur në Krujë, protestuan kundër vendimit të Konferencës së Ambasadorëve në Londër për copëtimin e trojeve shqiptare. Kuvendi u shpreh në përkrahje të qeverisë së Vlorës dhe për ndalimin e gjakmarrjes.

Me 6 shtator 1913 - Ministri i parë shqiptar i arsimit, Luigj Gurakuqi, u bëri thirrje të gjithë shqiptarëve që janë të aftë për të kryer detyrën e mësonjësit të japin ndihmesën e vet për zhvillimin e arsimit dhe të shkollës shqipe.

Me 6 shtator 1957 - Hapi dyert Universiteti i parë shqiptar. Ai u themelua mbi bazën e bashkimit të disa instituteve të larta. Në vitin e parë akademik Universiteti i Tiranës kishte gjashtë fakultete, 45 katedra dhe 15 specialistët në sistemin e ditës, të mbrëmjes dhe me korrespondencë.

Me 6 shtator 1969 - U shfaq për herë të parë në skenën e TKOB-it komedia muzikore "Brigada e grave", e kompozitorit Llazar Morcka. Spektakli u përgatit nga dirigjenti Fiqiri Kraja, regjisori Luigj Gurakuqi, mjeshtër kori Rozmari Jorganxhi. Në rolet kryesore interpretuan Ramiz Kovaçi, Irena Gjerga, Gjenovefa Heba e Hysen Pelingu.

Me 6 shtator 1970 - Vdiq në një aksident automobilistik në Romë juristi, pedagogu, gazetari dhe diplomati Dhimitër Berati. U diplomua në fakultetin e Shkencave Politike administrative në Bukuresht dhe diplomën e dytë e mori në Fakultetin e Drejtësisë. Më 28 nëntor 1912 firmosi aktin e Shpalljes së Pavarësisë në Vlorë. Drejtoi gazetën e parë zyrtare "Përlindja e Shqipërisë" si dhe administroi spitalet që ndodheshin në vartësi të qeverisë së Vlorës. Duke filluar nga viti 1922 hyri në shërbimin e jashtëm të Shqipërisë dhe kreu detyra të larta qeveritare.

Me 6 shtator 1997 - Vdiq nga nje semundje e rende Refik Resmja, futbollist, Mjeshtër i Merituar i Sportit. U lind në Tiranë më 18 maj 1930. Ai e ktheu në art lojën e futbollit të skuadrës së Partizanit, duke shënuar në një kampionat 54 gola. Shumë trofe të fituara kombëtare dhe ndërkombëtare, medalje të argjendta të Laipcigut më 1958 dhe të Hanoit në 1963.

Me 6 shtator 1999 - Misioni i OSBE-së në Kosovë hapi shkollën e policisë dhe filloi trajnimin e kandidatëve për pjesëtarë të shërbimit policor të Kosovës. Gjenerata e parë e këtij shërbimi numëroi 176 pjesëtarë.

Me 6 shtator 2007 - Në Modena vdiq tenori i njohur italian Luçiano Pavaroti. Pavaroti kishte kancerin në pankreas me ç'rast u operua. Fama e tij botërore filloi më 17 shkurt të vitit 1971 me shfaqjen në Metropolitenin e Nju-Jorkut. Pavaroti fitoi disa çmime "Gremi". Për shkak të problemeve shëndetësore ai hoqi dorë nga shfaqjet e tij në vitin 2004. Lindi në Modena më 12 tetor 1935.

Nosh

07-09-2011, 11:11

Me 7 shtator 1371- Në brigjet e lumit Marica u zhvillua një betejë e përgjakshme mes hordhive osmane dhe forcave të koalicionit ballkanik përfshi dhe princat shqiptarë. Ne disfaten e aleateve ballkanike midis të rënëve ishte dhe Aleksandër Komnen Arseni, zot i Vlorës dhe i Kaninës.

Me 7 shtator 1457 - U zhvillua Beteja e Albulenës ose e Ujit të Bardhë në afërsi të Laçit ndërmjet Skënderbeut me luftëtarët e tij dhe trupave të ushtrisë turke, të komanduara nga Isa Bej Evrenozi dhe Hamza Kastrioti. Skënderbeu, duke zbatuar taktikën e shpinëmarrjes, e coptoi në pjesë dhe pastaj e shpartalloi ushtrinë turke.

Me 7 shtator 1814 - Lindi Françesk Anton Santori, poet, shkrimtar, dramaturg, arbëresh. U lind në Shën Katerinë të Kozencës. Mësimet i kreu në kolegjin fetar. Shkroi vjersha lirike, laike, poema, drama, romane. Në moshë të re botoi përmbledhjen e parë me vjersha "Këngëtarja shqipe".
Shtëpia Botuese Radhonjtë e rivista “SHPRESA” – Prishtinë, pati fatin që e botoi për herën e parë Tragjedia e parë shqipe NEOMENIA, Prishtinë 2001, drejtues Don Nosh Gjolaj, redaktor Anton Nikë Berisha, transkriptimin Daniela Meringolo...
Me 7 shtator 1910 - Lindi Aleks Buda, historian, profesor, anëtar i Akademisë së Shkencave dhe kryetar i saj që nga krijimi e deri në fund të jetës. U lind në Elbasan ku kreu dhe arsimin fillor ndërsa arsimin e mesëm dhe të lartë në Austri. Punoi si mësues në shkollat e mesme të Tiranës dhe të Korçës. Aleks Buda ishte bashkautor dhe redaktor përgjegjës i tekstit të Historisë së Shqipërisë dhe autor i disa studimeve për periudha të ndryshme të historisë së Shqipërisë. Ka qenë deputet i disa legjislaturave në Kuvendin popullor. Vdiq në Tiranë më 3 korrik 1993.

Me 7 shtator 1918 - Pashko Gjeçi lindi në Shkodër ku mbaroi shkollën e jezuitëve si dhe gjimnazin jezuit në qytetin e lindjes. Në vitin 1938 me gjysmë burse të siguruar nga qeveria e asaj kohe regjistrohet në Fakultetin e Letërsisë dhe Filozofisë në Romë. Ishte nxënës i profesor Ernest Koliqit dhe shoqërimi me të do t'i kushtonte në atdhe 5 vjet burg. Më 15 korrik 1942 diplomohet doktor në letërsi.

Me 7 shtator 1950 - Këngëtarja Shpresa Gashi u lind në Pejë, ku mbaroi akademinë e muzikës dhe më pas u bë pjesëtare e Ansamblit profesionist. Shpresa Gashi ka kënduar në shumë festivale dhe skena muzikore në hapësirën shqiptare dhe jashtë saj. Ka më shumë se gjashtëdhjetë inçizime.
Me 7 shtator 1957 -Lindi gazetari nga Kosova Tahir Desku. Rrugën e gazetarisë e ka nisur në gazetën studentore "Bota e re" e Universitetit të Prishtinës. Ai vazhdoi misionin në Televizionin e Prishtinës dhe pas mbylljes së tij si kryeredaktor i gazetës më jetëgjatë shqiptare "Dielli" që botohet në New York. Tahir Desku shquhet edhe për vargjet e tij. Katër vëllime me poezi mbajnë emrin e tij. U nda nga jeta aksidentalisht ne vitin 2005.

Me 7 shtator 1977 - Vdiq gjenerali Prek Pervizi. Ai u lind në Skuraj të Kurbinit në vitin 1897. Ndoqi Akademinë ushtarake në Vjenë. Më pas kreu shkollën e "Shtatmadhorisë" në Torino. Përfaqësoi Shqipërinë në të gjitha takimet ushtarake të Evropës së asaj kohe. Më 1946 u arratis në Greqi dhe më pas u vendos në Belgjikë deri sa vdiq.

Anton Marku

07-09-2011, 18:01

Normal qe me kujtohet dhe nuk harrohet kjo dat kurr sepse eshte Nata e Zojes Vogel apo nata e Zojes Merturit ku ter fisi i Merturit e feston ket nat dhe diten e nesermit me ter farafisin e vet qe ka
Pra Gjith atyre qe e festojin ket fest ne rend te par Fisit Merturit urime Festa e Zojes Vogel paqa dhe Bekimi i Zotit qendroft ne familjet e tyre
Antoni

Nosh

08-09-2011, 10:58

Sot është Zoja e Mërturit, Zoja e Vogël apo Lindja e Shën Marisë Virgjër.

Sot është dita ndërkometare e Solidaritetit të Gazetarëve për të drejta dhe demokraci.

Me 8 shtator 1478 - Sulltan Mehmeti II me pjesën më të madhe të ushtrisë, mori rrugën e kthimit në Stamboll. Trupat që mbetën në Shqipëri kishin për detyrë të vazhdonin rrethimin e Shkodrës derisa uria të mposhtte qëndresën heroike të shqiptarëve.

Me 8 shtator 1614 - U mblodh Kuvendi i Dytë Ballkanik i Kuçit qe synonte bashkërendimin e luftës së popujve të shtypur të gadishullit me veprimet luftarake të koalicionit të shteteve evropiane

Me 8 shtator 1909 - Kongresi arsimor i Elbasanit, tubim me karakter mbarëshqiptar i dha fund punimeve. Ai mori vendime të rëndësishme për zhvillimin e arsimit dhe shkollës kombëtare. Vendosi hapjen e Shkollës Normale të Elbasanit..

Me 8 shtator 1939 - U lind mesuesi Ahmet Hajdari, një nga vullnetarët e përhapjes së arsimit shqip në Maqedoni. Shkollën fillore dhe normale e kreu në Shkup. Më pas ndoqi Akademinë Pedagogjike dhe u diplomua për gjuhë dhe letërsi frënge. Është shquar si poet dhe gazetar.

Me 8 shtator 1938 - Filluan punimet për ngritjen e një fabrike vaji në Elbasan dhe fabrikës së akullit dhe frigoriferit në Gjirokastër.

Me 8 shtator 1991 - Pas referendumit mbarëpopullor, parlamenti i Shkupit shpalli pavarësinë dhe sovranitetin e Republikës së Maqedonisë. Në Referendum morrën pjesë 1,2 milion qytetarë, ndërkaq sipas rezultateve të cilat u shpallën, pothuajse qind për qind u përkrah pavarësia e Maqedonisë. Sipas rezultateve përfundimtare, zyrtare nga 1.495.626 votues, në Referendum dolën 1.021.880 apo 71,85 për qind e qytetarëve me të drejtë vote. Prej tyre 95,09 për qind votuan PËR shtet të pavarur të Maqedonisë. Rrjedhën e Referendumit e ndoqën 167 gazetarë të vendit dhe 100 gazetarë të huaj të akredituar. referendumi në Maqedoni u mbajt një natë para shpërbërjes së RSFJ-së, pas deklarimit definitiv të Sllovenisë dhe Kroacisë se përcaktohen për pavarësim. Në atë periudhë, më saktë më 15 janar 1992, Republika e Bullgarisë ishte shteti i parë që e njohi pavarësinë e Maqedonisë. pasuan njohjet nga Shqipëria, Turqia, Kroacia, Rusia dhe Bosnja e Hercegovina...

Nosh

09-09-2011, 13:29

Me 9 shtator 337 - Kostanci i dytë me prejardhje ilire u zgjodh perandor romak. Ai ishte djali i parë i Kostandinit të madh. E sundoi perandorinë e parë romake për 31 vjet rresht. 23 vjet të jetës së tij i kaloi në beteja fitimtare. Biografët e kanë cilësuar edhe si një studiues të zellshëm.

Me 9 shtator 1882 - Lind në fshatin Avdela të Çamërisë, fotografi dhe kineasti i parë shqiptar Milto Manaqi. Bashkë me të vëllanë Janaqin janë pionerët e parë të kinematografisë shqiptare dhe asaj ballkanike dhe mjeshtra të rrallë të artit fotografik. Me fotografinë "Gruaja nga Klisura me foshnjen" Manaqi fitoi Medaljen e artë në konkursin ndërkombëtar të fotografisë artistike më 1906. Ndërkaq me filmin dokumentar "Tierrset" xhiruar më 1905 ai shënoi fillimin e artit të kinemasë në Ballkan.

Me 9 shtator 1906 - U vra Papa Kristo Negovani. Vrasja e tij u shoqërua me revoltën e Çetës atdhetare të Bajo Topullit.

Me 9 shtator 1943 - Pas kapitullimit të Italisë fashiste, populli i Korçës organizoi një protestë të madhe. Po atë ditë një demostratë masive u zhvillua edhe në Durrës ku në përleshje me fashistët u vra Dalip Tabaku dhe Aleksandër Goga.

Me 9 shtator 1945 - Shpërtheu kryengritja e Postribës e organizuar dhe drejtuar nga opozita dhe forcat antikomuniste që vepronin në Shqipërinë e veriut. Ato luftuan kundër pushtetit komunist dhe përpjekja e tyre e armatosur u shtyp me dhunë.

Me 9 shtator 1969 - Kompozitori i famshëm Prenk Jakova i dha fund jetës së tij në mënyrë tragjike duke u hedhur nga kati i dytë i Shtëpisë së Kulturës. Prenk Jakova u lind më 27 qershor 1917 në qytetin e Shkodrës. Origjina e familjes së tij është nga Gjakova prej së cilës ata patën marrë dhe mbiemrin.

Me 9 shtator 1991 - Sot është përvjetori i vdekjes së kompozitorit të shquar Nikolla Zoraqi, Artist i Popullit, një nga bashkëpunëtorët më të vjetër të Radio Tiranës si pjesë e orkestrës dhe si drejtues redaksisë së muzikës dhe aktiviteteve muzikore. Kompozimi i tij i parë është skena koreografike "Ushtari dhe vdekja" që u pasua nga 29 vepra të tjera muzikore të gjinive të ndryshme nga baladat deri tek operat.

Me 9 shtator 2002 - Vatikani njoftoi për vdekjen në Romë të kardinalit brazilian Lucas Moreira Neves, 76 vjeç, emri i të cilit ishte përmendur si pasardhës i mundshëm i Papës. Ipeshkv i merituar i San Salvador de Bahia, prefekt i kongregacionit për peshkopët dhe kryetar i komisionit pontifikal për Amerikën Latine, Hirësia e tij Moreira Neves ishte një "papabile" i shquar, domethënë kandidati më i mundshëm për të zëvendësuar Papën.

Nosh

10-09-2011, 10:45

Me 10 shtator 1487 - Lindi në Romë Julius III (Gjovania Maria Coki Del Monte), Papë nga viti 1550-1555.(Kur shtypet edhe Meshari i dom Gjon Buzukut).

Me 10 shtator 1798 - Duke shfrytëzuar fillimin e luftës franko-turke, Ali Pashë Tepelena ndërmori sulme të rrufeshme kundër ushtrive franceze. Ai shtiu në dorë Butrintin dhe Igumenicën, duke i përfshirë këto qendra të rëndësishme në përbërje të pashallëkut të tij.

Me 10 shtator 1835 - Veliu i Rumelisë, i dërguar për të shtypur kryengritjen e drejtuar nga Hamza Kazazi, i theu forcat kryengritëse në të hyrë të Lezhës dhe e pushtoi qytetin.

Me 10 shtator 1855 - Lindi Robert Koldevej, arkeolog gjerman, që zbuloi se Babilonia e Biblës ishte një realitet historik.

Me 10 shtator 1880. -Për të penguar vullnetarët shkodranë që t'i vinin në ndihmë degës së Lidhjes së Ulqinit për mbrojtjen e qytetit nga malazezët, pushtuesit turq shpallën gjendjen e shtetrrethimit. 17 batalione osmane rrethuan qytetin, zunë gjithë bregun e majtë të Bunës deri në det dhe shpërndanë disa çeta vullnetarësh shqiptarë të dëbuar në grykën e Mozharës që zotëronte rrugën për në Ulqin.

Me 10 shtator 1934. - U përurua godina e laboratorit bakteriologjik në Tiranë. Krijimin e tij në fakt e shënon viti 1924. Një vit më vonë laboratori u transferua në Durrës për t'u rikthyer sërish në Tiranë më 1928. Vaksinimi i parë në të u bë në 17 shkurt 1926.

Me 10 shtator 1946. - Nënë Tereza, ndërsa udhëtonte me tren nga Kalkuta në Darjeling, duke ndjerë frymën e shenjtë lëshon thirrjen "Eja të jesh drita ime". Që nga ky moment misionarja shqiptare Gonxhe Bojaxhiu, atëherë motra Terezë, ndjeu frymëzimin e ri dhe vendosi të themelojë rendin e ri, të cilin e pagëzoi me emrin "Misionaret e bamirësisë".

Nosh

11-09-2011, 10:56

11 Shtatori është dita e novatorëve dhe racionalizatorëve.

1457- Papa Kalisti i tretë i përgjigjet pozitivisht kërkesës së Skënderbeut për ndihma financiare për të përballuar fushatën shkatërrimtare të osmanëve në Shqipëri. Kështu një të tretën e taksave kishtare të mbledhura në Dalmaci i kalonin nevojave të luftës së Gjergj Kastriotit.

1498- Në Lezhë dhe rrethinat e saj shpërtheu një kryengritje antiosmane që çoi në çlirimin e qytetit të lashtë. Rrugët e Shkodrës dhe të Dukagjinit u prenë për pushtuesit turq. Me kërkesë të kryengritësve, pas tre vjetësh erdhi nipi i Skënderbeut, Gjergj Kastrioti, i mbiquajtur Skënderbeu i ri. Numri i ushtarëve dhe sasia e armatimeve që pruri ai ishte e kufizuar dhe kryengritja u shtyp.

1796 - Karamahmut Pashë Bushatlliu sulmoi forcat e Malit të Zi për t'ia bashkuar tokat shqiptare të Kuçit, Piprit e Balabardhit pashallëkut që praktikisht ishte i pavarur nga Stambolli. Ai përsëriti sulmin në shtator të atij viti duke rënë dhe vetë në fushën e betejës.
1839- Shpërtheu kryengritja e madhe popullore kunder pallatit qeveritar të sanxhakut. Kryengritësit kërkonin administrim autonom të krahinës së tyre.
1943- Nënkryeministri dhe Ministri Punëve Botore, Iliaz Agushi shpalli "Pamvarsinë e Shqiperisë me kufinjtë që i cakton gjuha dhe gjaku", duke i dhënë fund marrëveshjeve që sanksiononin bashkimin me Italinë.

1943 - Prefekti i Prizrenit Asllan Boletini filloi përgatitjet për të mbajtur Lidhjen e Dytë te Prizrenit, qe u mblodh pese dite me vone.

1981- U nda nga jeta ne Ballsh, duke vuajtur denimin, Dom Mark Hasi famulltar në famullinë e Shkodrës. Ai u perndoq nga diktatura komuniste dhe u denua disa here. Dom Mark Hasi dënohet fillimisht me pushkatim me motivacionet ,"Agjitacion e Propagande" dhe "Tradheti ndaj Atdheut". Dënimi i kthehet në 25 vjet burgim, nga të cilat ben vetem 14 vjet e gjysmë.

1997- Në Festivalin Ndërkombëtar të Teatrove që u zhvillua në Kajro nga 1-11 shtator 1997 aktori ynë Mirush Kabashi meritoi çmimin "Sfinksi i artë". Ai u vlerësua si aktori më i mirë i festivalit për interpretimin e rolit të Sokratit tek "Apologjia e Sokratit". Në festival morën pjesë 53 trupa teatrore nga shumë vende të botës. Në 56 shfaqje konkuruan 1000 aktorë dhe artisti shqiptar u cilësua si më i miri mes tyre.

2000- Shqipëria bëhet anëtare e Organizatës Botërore të Tregtisë

2005- Rifat Kukaj vdiq në Ulqin. Ai u lind më 25 tetor 1938 në Tërstenik të Drenicës. U shkollua në vendlindje dhe Prishtinë. Ka botuar mbi 50 vepra letrare, vëllime me poezi për fëmijë, vëllime me tregime e me poezi për të rritur. Ai ka shkruar mbi 30 vepra të dramatizuara. Eshtë fitues i shumë çmimeve letrare. Ishte anëtar i Lidhjes së Shkrimtarëve të Kosovës.

2001 - Aeroplanë amerikanë, të rrëmbyer nga terroristë të Al Kaidës, godasin dy kullat binjake të Qendrës Botërore të Tregtisë dhe Pentagonin, duke shkaktuar mijëra të vdekur dhe shkatërrim të plotë të kullave.

http://www.kosovapress.com/ks/repository/images/shba110911_thmb1.jpg
Me një sërë aktivitetesh të ndryshme Shtetet e Bashkuara të Amerikës (SHBA) sot përkujtojnë dhjetëvjetorin e sulmeve terroriste, në të cilat humbën jetën rreth 3.000 persona, në mesin e tyre kemi edhe tre shqiptar,ndërkohë që aktivitete të ngjashme do të mbahen edhe në Paris dhe Berlin.

2003 - Disa shkencëtarë izraelitë arritën të zbulonin dhe të konfirmonin, në qytetin e Jeruzalemit, një tunel të përmendur në Bibël.Sipas kërkuesve të Universitetit Hebraik të Jeruzalemit, të drejtuar nga Amos Frumkin, ky objekt prej 516 metrash, njihet me emrin "Tuneli i Siloes", që është ndërtuar rreth viteve 700 përpara Krishtit dhe që është objekti më i hershëm biblik i epokës së Hekurit (që shtrihet nga 1150-586 para Krishtit).

Nosh

12-09-2011, 10:51

Me 12 shtator 1450 - Duke ditur përpjekjet e Sulltanit për vendosjen e paqes me shqiptarët, senati i Venedikut vendosi të bëhet ndërmjetësues në bisedime. Për këtë qëllim caktoi një nga rektorët venedikas, që sundonin në tokat e Arbërisë të mbante kontakte me Stambollin.

Me 12 shtator 1775 - Ushtritë e Bushatllinjve dhe aleatët e tyre sulmuan në afërsi të Peqinit trupat osmane të komanduara nga Ahmet Kurt Pasha i Beratit. Ato ranë në kurthin e përgatitur nga ky i fundit dhe rreth 4 mijë vetë mbetën të vrarë midis tyre dhe Kapedanit mirditor Gjon Marku.

Me 12 shtator 1923 - U përfundua në Gjenevë konventa ndërkombëtare për ndalimin e qarkullimit dhe trafikut të publikimeve të turpshme. Shqipëria e ratifikoi atë në tetor të vitit 1924.
Me 12 shtator 1930 - Duke miratuar statutin e gjykatës së përhershme të Hagës, Shqipëria bëhet anëtare e këtij forumi juridik botëror.

Me 12 shtator 1944 - Trupat komando të marinës mbretërore britanike u nisën nga Italia me detyrën për të çliruar qytetin jugor shqiptar të Sarandës. Ata zbarkuan në plazhin me emrin e koduar "Plazhi i sheqerit", në veri të qytetit dhe luftuan bashkë me partizanët shqiptarë për afro 30 ditë, luftime që përfunduan me mposhtjen e forcave pushtuese dhe me kapjen e 200 robërve të luftës. Më 12 shtator 2003 katër nga marinsat britanikë që zbarkuan në 1944 erdhën për vizitë në Tiranë.

Me 12 shtator 1971 - Zhvilloi punimet në kryeqytetin rumun, Bukuresht, Kongresi ndërkombëtar i Bizantinologjisë, ku morën pjesë me kumtesa dhe diskutime dhe studiues shqiptarë.

Me 12 shtator 2000 - Në qytetin antik të Finiqit, 12 km larg Sarandës, në bazë të protokollit të nënshkruar një vit më parë. nisi punën ekspedita e përbashkët me arkeologë italianë dhe shqiptarë. Ekspedita e shtriu misionin në të gjithë territorin e qytetit antik, duke kryer sondazhe dhe gërmime për evidentimin sa më të plotë të objekteve të qytetërimit antik.

tropojanja

12-09-2011, 11:06

Fillimin e vitit te ri shkollor...!

Nosh

13-09-2011, 10:47

Me 13 shtator 1304 - Filipi, nipi i Karlit të parë të Anzhuinëve lëshoi një diplomë për 13 bashkësitë krahinore shqiptare që ndodheshin nën sovranitetin e anzhuinëve. Duke u premtuar zotëve shqiptarë që do t'i ruaj të gjitha privilegjet që iu ishin dhënë atyre nga të parët e tij.

Me 13 shtator 1659 - Lindi në Tomoricë të Skraparit Mehmet Pashë Qyperliu qe u emërua Vezir i madh apo kryeministër i Perandorisë osmane. E filloi karrierën si ushtarak dhe më pas si Veli i Sirisë dhe Tripolit. Mbante poste të larta në pallatin sulltanor. Mehmet Pashë Qyperliu qeverisi dhe me nismën e tij u ndërtuan kompleksi dhe Medreseja e xhamisë qyperlinj në Stamboll, dhe Biblioteka që është kthyer në qendër kërkimore dhe shkencore.

Me 13 shtator 1907 - U lind në Pogradec Dhimitër Pasko, Mitrush Kuteli, shkrimtar, publicist dhe përkthyes, doktor i shkencave ekonomike. U diplomua në Bukuresht ku nisi dhe veprimtarinë letrare. Në vitin 1934 u kthye në atdhe dhe filloi të shkruajë me pseudonimin Mitrush Kuteli. Botoi vjersha, tregime, novela për të rritur dhe fëmijë e artikuj artistik. Krijimtaria e tij letrare është botuar në 5 vëllime. I cilësuar nga kritika shqiptare si rrëfimtari i rrallë, Kuteli, në të gjithë veprën e tij letrare dëshmoi thellim në jetën shpirtërore të njeriut, duke e parë atë gjithnjë të ballafaquar me jetën, vdekjen dhe dashurinë.

Me 13 shtator 1913 - U botua njoftimi i qeverisë së Vlorës mbi vendosjen e gjuhës shqipe si gjuhë zyrtare në të gjithë Shqipërinë.

Me 13 shtator 1922 - Temperatura më e lartë rekord në hije 58 grade celcius arrihet në Al Azizijah të Libisë.

Me 13 shtator 1937 - U bë përurimi i pavionit shqiptar në panairin e Barit. Me këtë rast ministri ynë i ekonomisë kombëtare foli në Radio Bari për marrëdhëniet midis dy vendeve. Sipas një marrëveshje ndërqeveritare radiostacioni i Barit jepte çdo ditë një emision lajmesh në gjuhën shqipe që përgatitej nga drejtoria e shtypit pranë Ministrisë së Punëve të Jashtme në Tiranë. Ky emision duhet të konsiderohet si zanafilla e redaksisë së informacionit në Radio Tirana.

Me 13 shtator 2006 - Luigj Gurakuqi, regjisori i parë i Teatrit të Operës Shqiptare është ndarë nga jeta në moshën 76 vjeçare. Ai u lind në Tiranë më 13 janar 1928. Jetën artistike e fillon si korist në korin e përgjithshëm të shtetit në vitin 1944. Më pas në vitet 1950-1955 punon në korin e Ansamblit artistik të ushtrisë dhe në vitin 1956 filloi punë në Teatrin e Operës dhe Baletit, ku vuri në skenë dhjetar opera, opereta shqiptare e botërore

Nosh

14-09-2011, 17:10

Me 14 shtator 1895 - U lind në Bejrut pedagogia dhe atdhetarja Shadie Asllani. Atje mbaroi kolegjin amerikan për vajza. Në 1920 hapi në Libohovë shkollën e parë të vashave. Në Tiranë punoi nëndrejtoreshë përkrah Mati Logorecit dhe drejtoi shoqërinë e grave "Shqiptarka". U aktivizua në Kongresin e arsimit shqiptar në 1924 në veprimtaritë e shoqërisë "Bashkimi". U largua nga Shqipëria bashkë me Nolin dhe pas kthimit në atdhe u burgos dhe u internua.

Me 14 shtator 1927 - U lind në Prizren (Kosovë) prof. Mehdi Bardhi. Ai ishte njëri ndër tre punonjësit e parë shkencorë të Institutit Albanologjik të Prishtinës, mbylljen e së cilit e përjetoi rëndë si një akt barbar dhe të shëmtuar të pushtuesve serbë. Mehdi Bardhi është autor dhe bashkautor i shumë botimeve studimore e shkencore dhe i disa fjalorëve. Vdiq më 3 prill 1994 në Prishtinë.

Me 14 shtator 1927- U nda nga jeta mikja amerikane e Shqipërisë, balerina me famë botërore Izador Dankën (Isadora Duncan). Në vitet e vështira të luftës së parë botërore ka jetuar në Sarandë, duke ndihmuar viktimat shqiptare të kasaphanës botërore. Në kujtimet e saj Izador Dankën ka shkruar për ditët dhe veprimtarinë e zhvilluar në Shqiperi.

Me 14 shtator 1932 - Me dekret në Shqipëri u ndaluan të gjitha shkollat e huaja që ishin hapur dhe vepronin në vend.

Me 14 shtator 1942- U lind në Shkodër pedagogia dhe gazetarja Sadie Agolli. Pas disa vitesh mësimdhënie në shkollat e Tiranës, për mëse dy dekada ka punuar si redaktore në gazetën "Mësuesi".

Me 14 shtator 1936 - U lind në SHBA nobelisti për mjekësi Ferid Murati nga baba shqiptar dhe nënë amerikane. Ai është diplomuar në universitetin e Virxhinias, ku gjithashtu u emërua profesor në vitin 1970. Studimet e tij janë përqendruar në efektet e nitroglicerinës në trupin e njeriut. Fitoi çmimin "Nobel" në 1998. Një nga sukseset më profesionale të Ferid Muratit është shpikja e viagrës tashmë me famë në të gjithë botën. Murati aktualisht kryen kërkime shkencore në Universitetin e Teksasit.

Nosh

16-09-2011, 10:00

Me 15 shtator 1621 letra që i dërgonte PJETËR BUDI(1566-1622) kardianlit Gocadinit

Kjo letër është një dokument me rëndësi të veçantë jo vetëm për jetën dhe personalitetin e autorit, por edhe për gjendjen e vendit në atë kohë, dhe mbi të gjitha ajo është një program i plotë për organizimin dhe zhvillimin e luftës së armatosur kundër pushtuesit.
Sikurse shkruhej në letrën që i dërgoi Gocadinit, misioni kryesor për të cilin ai shkoi më 1621 në Romë, ishte që të bëhej zëdhënës i kërkesave të shqiptarëve dhe të kërkonte ndihma.
Letra e tij është një projekt i një kryengritjeje të armatosur që një klerik ia drejton një kardianli dhe organeve të administratës kishtare për të kërkuar ndihmë për popullin e tij, që të çlirohej nga zgjedha e huaj.
Ndër të tjera shkruan:
"Kur u nisa prej këtyre vendeve, fort m'u lutën ata kryetarë fisesh, si dhe disa kryetarë myslymanë, që t'ia shfaqja Papës ose ndonjë princi tjetër këtë dëshirë të tyre e t'u lutesha që të na sigurojnë mbrojtje e ndihmë … për t'u çliruar.
Dhe jo vetëm të krishterët, por edhe të parët e myslimanëve…
Të gjithë duan të dalin një herë e mirë prej kësaj gjendjeje të mjeruar ose të vdesin me armë në dorë.

Deri më sot letra është konsideruar si proza e parë origjinale në letërsinë shqiptare, që buron drejtpërdrejtë nga zemra e një atdhetari. Kjo e bën Budin shkrimtarin e parë të letërsisë shqiptare që lëvroi prozën origjinale. Në këtë letër pasqyrohen elemente të jetës shqiptare të kohës dhe ndihet shqetësimi i klerikut patriot për fatet e popullit e të gjuhës së tij amtare. Budi përshkruan traditat e zakone shqiptare, por, mbi të gjitha, ndalet në gjendjen e mjeruar ku e ka hedhur pushtimi i huaj dhe padija e popullit të vet. Për këtë gjendje ai akuzon edhe bashkëatdhetarët e vet "djesitë„ e "leterotetë„ (dijetarët e letrarët), që u vjen dore ta ndihmojnë popullin për të dalë nga kjo gjendje, por që nuk po bëjnë asgjë…
Proza e Budit dëshmon jo vetëm për idetë përparimtare, por edhe për aftësitë e tij letrare. Edhe pse në të ndihet ndikimi i leteraturës kishtare latine, ai është munduar t'i japë gjuhës shqipe një shprehje e formë të bukur, duke shfrytëzuar pasurinë e gjuhës popullore dhe frazeologjinë e saj të pasur

Nosh

16-09-2011, 10:02

Me 16 shtator 1927 - Fshatarët e Sopikut, në zonën e Sarandës, të revoltuar nga barra e rëndë e taksave, sulmuan postkomandën e xhandarmërisë dhe shtëpitë e çifligarëve. Pas trazirave, drejtuesit e revoltës spontane u larguan në Delvinë dhe Sarandë.

Me 16 shtator 1928 - Puntorët e portit të Durrësit, që punonin për llogari të firmës italiane të ndërtimit "Mazorana", u hodhën në grevë. Greva zgjati tre ditë. Shoqëria u detyrua të ngrinte mëditjen e punëtorëve të kualifikuar.

Me 16 shtator 1937 - Këngëtaret tona të mirënjohura Jorgjie Truja, Marie Kraja dhe Tefta Tashko dhanë një koncert në një nga panairet e Barit (Itali). Përshtypje të veçantë tek dëgjuesit bënë këngët tona popullore dhe kostumet kombëtare që kishin veshur artistet.

Me 16 shtator 1942 - U mbajt në fshatin e Pezës, disa kilometra larg Tiranës, Konferenca e Pezës, e njohur në historinë e popullit shqiptar, si kuvendi i parë pluralist. Protagonistë të këtij kuvendi ishin përfaqësues të krahinave dhe besimeve të ndryshme fetare, klasa dhe shtresa me bindje politike nga më të ndryshmet.

Me 16 shtator 1956 - U krijua Universiteti i Tiranës. Ai ishte dhe mbetet vatra ku u përgatitën specialistë të lartë që nxinin zhvillimin e ekonomisë dhe kulturës së vendit.

Me 16 shtator 1959 - Pranë Teatrit Popullor u hap shkolla e lartë për aktorë "Aleksandër Moisiu".

Me 16 shtator 1966 - U përurua Pallati i madh i Kulturës, qëndra më e madhe kulturore e kohës. Në të u vendosën Teatri i Operës dhe Baletit, Biblioteka Kombëtare dhe mjedise të tjera për veprimtari artistike dhe kulturore.

Me 16 shtator 1969 - U nda nga jeta kompozitori Prenk Jakova. Në vitin 1945 ai shkruan muzikën për dramën "Juda Makabe" të At Gjergj Fishtës. Ndalimi i saj përkoi dhe me burgimin dhe internimin e Jakovës dhe familjarëve të tij. Veprimtaritë e tij muzikore arrijnë kulmin me vënien në skenë në vitin 1958 të operës së parë shqiptare "Mrika".

Me 16 shtator 1979 - Bamirësja dhe humanistja e madhe shqiptare Nënë Teraza" u nderua me çmimin "Nobel" për paqen.

Me 16 shtator 1991 - Republika e Shqipërisë nënshkroi aktin final të Helsinkit, gjë që shënon dhe anëtarësimin e saj në Këshillin e Sigurimit të Bashkimit Europian.

Nosh

17-09-2011, 10:23

Me 17 shtator 1489. - Lindi Arkitekti i njohur shqiptar Sinani, mjeshtër i madh i arkitekturës otomane. Evropianët Sinanin e thërrisni Mikelanxheloja i orientit. Projektet e kryera nën mbikëqyrjen e tij ndahen në tre drejtime: ndërtimet teologjike, urbane dhe ushtarake. Si veprat më të njohura të Arkitekt Sinanit veçohen xhamitë, medresetë, spitalet, mauzoleumet, ujësjellësit, urat, hanet dhe hamamet.
Sinani lindi rreth viteve 1489-1490 ne fshatin Gjergaj (sot Sinanaj), krahina e Lopesit, rrethi i Tepelenes. Deri ne moshën 18 vjeç, ju nënshtrua ligjeve te "Devshirmese". Paskesaj, rekrutohet jeniçer ne formacionet xheniere te ushtrisë osmane. Fale trashëgimisë familjare ne fushe ndërtimore, kulturës dhe eksperiencës qe fitoi deri ne moshën 48 vjeçare, ai u be i famshëm ne fushën e ndërtimeve ushtarake. Për 30 vjet, ai merr pjese aktive ne ekspeditat osmane. Lufton dhe ndërton objekte ushtarake ne betejat e zhvilluara ne Egjipt, Irak, Rodos, Krime, Beograd, pranë Vjenës, Moldavi etj. Shquhet jo vetëm si ndërtues i thjeshte por edhe projektues, organizues e zbatues punimesh ne ndërtimin e rrugëve, urave, kalave e shume objekteve fortifikuese, qe ndikonin ne fitoret e betejave, qe zhvillonte ushtria osmane. Ai projektoi dhe organizoi punimet dhe ndërtoi për 13 dite, urën mbi lumin Prut ne Rumani. Për shpejtësinë e ndërtimit, rezistencën e urës mbi te cilën kaluan reparte te shumta dhe mjete te renda luftarake, qe ndikuan ne fitoret e ushtrisë, qe drejtoheshin nga Sulltan Sulejmani, Sinani thirret nga Sulltani dhe emërohet ne shtabin qendror, te cilat drejtonte formacionet xheniere dhe ndërtimet fortifikuese ushtarake. Nen drejtimin e Sulltan Sulejmanit, osmanet ishin nga viti 1520 deri me 1566. Nen drejtimin e arkitekt Sinanit u ndërtuan rreth 400 vepra mbrojtese te rëndësishme. Për talentin dhe punën kolosale, Sinani, emërohet kryearkitekt i Perandorisë Osmane dhe punon ne Oborrin e Sulltanit. Ishte për here te pare, qe krijohej ky funksion prandaj dhe është quajtur kryearkitekt i pare i Perandorisë Osmane. Me punën e tij, ai i dha tonin edhe vuri themelet e arkitekturës osmane. I ndryshoi faqen Stambollit dhe gjithë perandorisë me ndërtimet e famshme zeologjike te kultit Islam: rrugëve, urave, ujësjellësve e shume ndërtimeve infrastrukturore ne tere perandorinë.

Ëndrrën e perandorit Justinian për furnizimin me ujë te Kostandinopojës (Stambollit te sotëm) e beri realitet Arkitekt Sinani pas 900 vjetësh. Ai projektoi dhe ndërtoi ujësjellësin e pare për furnizimin me ujë te Stambollit me 40 çezma (Kerceshme). Nder veprat qe i kane rezistuar kohës dhe qe njihen te projektuara e te ndërtuara prej tij, janë 400 vepra mbrojtëse, ushtarake, 84 xhami te mëdha, 58 xhami te vogla (Mexhite), 7 spitale, 22 mauzoleume, 17 strehe vorfënore, 5 rrjete ujesjellsash, 8 ura, 20 hane, 48 hamame etj. Nder veprat madhore ndërtimore te papërsëritshme janë: Xhamia "SULEIMANIE" ndërtuar ne Stamboll brenda 7 viteve, kushtuar Sulltan Sulejmanit, xhamia "Shezade Mehmetit", po ne Stamboll dhe xhamia "SELIMIJE" ndërtuar ne Edrene, kushtuar Sulltan Selimit. Këto shquhen si te papërsëritshme për arkitekturën ndërtimore dhe akustiken e mahnitshme.

Arkitekt Sinani vdiq ne moshën 97 vjeçare dhe e zëvendësuan ne ketë detyre te larte dy nga nxënësit e tij me origjine shqiptare: Arkitekt Mehmet Sedefqari nga Elbasani dhe me pastaj arkitekt Kasemi nga Tomorrica e Gramshit.

Për Arkitekt Sinanin dhe kontributin e tij ne fushën e ndërtimeve dhe te arkitektes janë shkruar mbi 100 libra. Ne to përshkruhen veprat madhore, qe ai projektoi e ndërtoi. Ne këto libra, ai cilësohet themeluesi i arkitekturës moderne Osmane, Mikelanxheloja i Orientit. Ai cilësohet si i paarritshëm dhe i paperseritshem ne zgjidhjen voluminoze ndërtimore te xhamive me një akustike te mahnitshme.

Qe ne te gjalle te tij, qendra tregtare, prone e trashëguar prej tij ne krahinën e Lopesit u emërtua "Hani i Sinanit". Për nder te tij dhe fshati mori emrin "Sinanaj". Me emrin dhe veprën e arkitekt Sinanit krenohen banoret Lopesiote dhe gjithë kombi shqiptar.

Me 17 shtator 1827. -U lind në Shkodër rilindësi, poeti, politikani dhe publicisti Pashko Vasa. Mësimet e para i mori në vendlindje, aty ku shkroi dhe botoi artikujt e parë me pseudonime. Botoi disa vepra studimore dhe letrare, por poema "O moj Shqypni" u kthye si manifest i Rilindjes Kombëtare

Me 17 shtator 1914. - U nënshkrua në Nish marrëveshja e parë midis Esat Pashë Toptanit dhe qeverisë serbe. Ajo kishte 15 nene. Neni i shtatë i saj fliste për doganën e përbashkët, mbrojtjen e përbashkët, përfaqësinë e përbashkët me vendet e tjera si dhe për mjetet e përbashkëta të komunikacionit.

Me 17 shtator 1937. -Lindi në Dukaj të Tepelenës Maliq Lila, laureat i të gjitha Festivaleve Folklorike Kombëtare të Gjirokastrës, si dhe autor i teksteve të këngëve të grupeve më të spikatura të Shqipërisë. Ka botuar edhe përmbledhje poetike. Për shumë kohë ka qenë nënkryetar i Shoqatës Atdhetare-Kulturore "Labëria". Maliq Lila u nda nga jeta më 25 dhjetor 2004.

Me 17 shtator 1942. -Para burgut të Tiranës shpërtheu demostrata e grave dhe nënave që protestonin kundër interrnimit në Itali të të burgosurve antifashistë.

Me 17 shtator 1986. -U nda nga jeta aktori Xhemal Broja. Ai u lind në 24 mars 1918 në Shkodër. Studioi në Francë për drejtësi. Pas lufte u thirr për organizimin e teatrit popullor. Punoi si drejtor i Teatrit Popullor, ndërsa ishte dhe dramaturg dhe regjisor. Vitet e fundit punoi se pedagog në Institutin e Lartë të Arteve. Xhemal Broja vdiq nga kanceri në moshën 68 vjeçare.

Nosh

18-09-2011, 10:37

Me 18 shtator 1385. - U zhvillua beteja e Savrës në Myzeqe, midis forcave shqiptare dhe ushtrisë turke të ardhur nga Maqedonia. Shqiptarët u thyen keqas, ndërsa Balsha II, së bashku me shumë fisnikë të tjerë shqiptarë, mbetën të vrarë.

Me 18 shtator 1502. - Kristofor Kolombi zbarkoi në Kosta Rika, në udhëtimin e tij të katërt dhe të fundit drejt Botës së Re.

Me 18 shtator 1835. - Ushtria osmane, e nisur nga Lezha dhe Ulqini, hyri në Shkodër për të shtypur kryengritjen qe synonte vendosjen e qeverisjes autonome të vendit. Për të mos e acaruar më tej gjendjen, Porta e Lartë zëvendësoi shërbimin e rregullt ushtarak me një taksë në të holla dhe përjashtoi Sanxhakun e Shkodrës nga zbatimi i reformave centralizuese për 15 vjet.

Me 18 shtator 1851. - Botohet për herë të parë gazeta e njohur "The Nju Jork Times", e themeluar nga Henri Xharvis Rejmond.

Me 18 shtator 1909. - Shoqëria e mësonjëtoreve shqiptarë "Përparimi", e themeluar në Korçë, zgjodhi kryesinë dhe miratoi rregulloren. Ajo u ngrit për të siguruar fonde për mbajtjen e shkollës normale të Elbasanit dhe për hapjen e shkollave të tjera shqipe.

Me 18 shtator 1926. - U lind në Bukuresht Dionis Bubani, emër i shquar i humorit dhe letrave shqipe. Kreu studimet e mesme në liceun 'Gjeorgj Lazër' në Bukuresht dhe së bashku me familjen erdhi në Shqipëri në 1940. Nga i ati, gazetari Gjergj Bubani, botues i gazetës "Kosova" në Kostancë, Dionisi trashëgoi dhuntinë e të shkruarit. Më 1946 shkroi për herë të parë ne revistën "Hosteni". Krahas gazetarisë dhe librave satirikë, Dionis Bubani iu kushtua letërsisë për fëmijë. Është fitues i "Pendës së argjendtë" për librin më të mirë për fëmijë. Firmën e Bubanit mbajnë gjithashtu edhe këngë të njohura si "Fëmija i parë", "Sot unë mbush 20 vjeç", "Kur jam pranë teje", etj. Dionis Bubani vdiq në moshën 80 vjeçare.

Me 18 shtator 1943. - Paria nacionaliste e Kosovës u mblodh në Kongresin e Prizrenit. Në të merrnin pjesë delegatë nga të gjitha viset shqiptare. Kongresi shpalli bashkimin e Kosovës me Shqipërinë. Kjo ngjarje u quajt ndryshe dhe "Lidhja e dytë e Prizrenit".

Me 18 shtator 1984. - U nda nga jeta në Tiranë, Ollga Plumbi, nismëtare për krijimin e Bashkimit te Grave te Shqipërisë. U lind më 11 shtator 1898. Në Kongresin I të Gruas, që u mbajt më 4 nëntor 1944 në Berat, u zgjodh Presidente e BGSH. Luftoi e punoi aktivisht për emancipimin e gruas dhe përhapjen e së resë.

Nosh

19-09-2011, 16:25

Me 19 shtator 1625. -Në Gurin e Hasit pranë Kukësit, u lind kleriku dhe shkrimtari i lashtë shqiptar Pjetër Bogdani. Ishte ndër pjesëmarrësit dhe organizatoret e kryengritjeve shqiptare kundër pushtuesve osmanë. Në vitin 1685 botoi ne shqip, në Padova të Italisë librin "Çeta e profetëve".

Me 19 shtator 1878. - U lind në Hoçisht të Devollit pedagogia, gazetarja dhe veprimtarja e shquar për emancipimin e gruas, Marigo Pozio. Ajo dha mësim, duke përhapur kulturën e dijes. Ishte Marigo Pozio që qëndisi flamurin që Ismail Qemali ngriti në Vlorë.

Me 19 shtator 1893. - Zelanda e Re bëhet vendi i parë në botë që i jep grave të drejtën e votës.

Me 19 shtator 1908. - U themelua klubi patriotik "Bashkimi" i cili luajti një rol të rëndësishëm për zgjimin e ndërgjegjes kombëtare dhe organizimin e luftës për pavarësi. Me nismën dhe ndihmën e tij duke filluar nga viti 1910 në Dibër dhe në Malësinë e veriut u hapën 250 shkolla shqipe.

Me 19 shtator 1921. - Dhimitër Harizi botoi në Korçë në gjuhën shqipe dhe pjesërisht ne frengjisht, numrin e parë te së përjavshmes "Përparimi", gazetë e paanshme, politike e letrare.

Me 19 shtator 1922. - U mbyll Kongresi i Beratit, ngjarja më e madhe për Kishën Ortodokse të Shqipërisë. Kongresi aprovoi si qendër të kishës autoqefale të Shqipërisë qytetin e Korçës. Gjithashtu vendosi që gjuha e liturgjisë në kishën ortodokse autoqefale shqiptare të ishte gjuha shqipe.

Me 19 shtator 1940. - Përfundoi punimet në Tiranë Kongresi i parë Bujqësor. Materialet e këtij forumi që bëjnë fjalë për rëndësinë që ka fshati jo vetëm për ekonominë por edhe për ekzistencën e kombit shqiptar janë botuar në një vëllim të veçantë.

Me 19 shtator 1979. - Vdiq "Artisti i Popullit" Mihal Popi. U Lind në Shkodër në 7 nëntor 1909. Ka filluar aktivitetin e tij teatror në vitin 1924 në Tiranë, me grupet amatore. Krijoi grupin e vet teatror më 1932,pranë kinema "Gloria". Gjatë pushtimit punoi si fotograf, por edhe si aktor në Radio Tirana. Më 1945 është ndër aktorët e parë në Teatrin Popullor,ku interpretoi mbi 40 role, nder te cilet per publikun shqiptar ka mbetur i paharruar roli i Qazim Mulletit te "Prefekti".
Përkujtohet përvjetori i vdekjes së personalitetit të shquar të kulturës shkencës dhe arsimit shqiptar, akademikut Mahir Domi, Mësues i Popullit. Ai njihet si ndër filologet dhe studiuesit e shquar te gjuhës shqipe.

Me 19 shtator 1999. - UÇK u shpërbë "de juro" dhe "de facto". Ajo u krijua në vitin 1990 dhe u konsiderua si lëvizja guerrile më e suksesshme e kohëve moderne. Emrin UÇK filloi ta përdorë që prej vitit 1992.

Me 19 shtator 1999. - RTK fillon transmetimin e një shërbimi dy orësh televiziv analog satelitor. UNMIK ftoi Unionin Europian të Transmetimeve të vendosë dhe të menaxhojë një transmetues të pavarur publik në Kosovë sipas memorandumit të mirëkuptimit.

Nosh

20-09-2011, 11:16

Me 20 shtator 1880 - Flota e fuqive të mëdha prej 17 luftanijesh, arriti ne Ulqin dhe kërkoi në formë ultimatumi të dorëzohej qyteti. Por forcat e Lidhjes nuk pranuan dhe e mbrojtën Ulqinin.

Me 20 shtator 1909 - Mbështetur në vendimet e Kongresit të Elbasanit për arsimin kombëtar, atdhetarët shqiptarë ngritën në Korçë shoqërinë qendrore shkollore "Përparimi", në kryesinë e së cilës u zgjodhën atdhetarët e njohur Orhan Pojani (kryetar), Stavri Karoli, Idhomenë Kosturi e Mihal Grameno.

Me 20 shtator 1910 - U lind në Selanik të Greqisë, në një familje të pasur tregtare Aleko Turtulli. U diplomua inxhinier komercial në Francë. Studioi dhe shkroi për problemet e tregtisë së jashtme kombëtare. Pas çlirimit iu nënshtrua përndjekjeve dhe persekutimeve.
Me 20 shtator 1912 - Filloi Konferenca e Ambasadorëve të Londrës. U ra dakord që Shqipërisë t'i pranohet pavarësia, duke iu mohuar territore të tjera, të ndodhura nën "kujdesin" e Serbisë dhe Greqisë.

Me 20 shtator 1913 - Filloi kryengritja e Dibrës. Në krye të saj ishin Elez Isufi dhe Mersin Dema. U çlirua Gostivari, Tetova, Struga e Ohri, ndërsa forcat serbe u tërhoqën.

Me 20 shtator 1920 - Midis përfaqësuesve të qeverisë shqiptare dhe delegacionit jugosllav u nënshkrua në Shkodër marrëveshja e armëpushimit. Ndërkohë ushtria jugosllave mbante të pushtuar Kastratin, Shkrelin, Taraboshin dhe bregun e djathtë të Bunës.

Me 20 shtator 1960 - U krijua Instituti i Folklorit, qendër për studimin e krijimtarisë popullore në fushën e letërsisë gojore dhe muzikës. Në vitin 1979 ai u përfshi në Institutin e Kulturës Popullore.

Me 20 shtator 1967 - Trupa e Teatrit të Operës dhe Baletit në Tiranë shfaqi për publikun operën e kompozitorit italian Leoncavallo "Paliaço". Kryevepra e artit operistik u vu në skenë nga dirigjenti Simon Gjoni.

Nosh

21-09-2011, 14:04

Sot është Dita botërore e paqes

Me 21 shtator 1415 - Lindi Perandori i Shenjtë Romak Frederiku III.

Me 21 shtator 1452 - Lindi reformatori italian dhe anëtar i urdhrit Domenikan Girolamo Savonarola. U bë udhëheqës i Florencës në vitet 1494-1497.

Me 21 shtator 1645 - Lindi Louis Juliet, franko-kanadezi që zbuloi pjesët veriore të lumit Misisipi, gjirin Hudson dhe bregun e Labradorit.

Me 21 shtator 1866 - Lindi H.G.- Herbert George Wells, autor anglez, pionier i letërsisë fantastiko-shkencore. I njohur për "War of Worlds", vizioni i tij për një pushtim të Tokës nga marsianët.

Me 21 shtator 1867 - Lindi Henry Lewis Stimson, sekretar lufte i Shteteve të Bashkuara të Amerikës. Ai i sugjeroi presidentit Truman hedhjen e bombave atomike në Japoni.

Me 21 shtator 1879- Përfaqësuesit e popullit iu drejtuan Kongresit të Berlinit dhe Fuqive të Mëdha me një dokument të nënshkruar ne 21 shtator. Vala e protestave u përhap në të gjitha trojet shqiptare. Të gjitha këto protesta, memorandume, vendime u nënshkruan nga Dedë Gjo Luli, në mbrojtje të trojeve nga ushtria malazeze.

Me 21 shtator 1949- Doli ligji që i detyronte të gjithë qytetarët, nga 12 deri në 40 vjeç të mësonin shkrim e këndim. Kush i shmangej këtij detyrimi dënohej me punë korrektonjëse deri në një muaj ose me 200 lekë gjobë.

Me 21 shtator 1958 - Filloi aktivitetin një nga njësitë më speciale e më të rëndësishme të Forcave Detare Shqiptare-Njësia e Nëndetëseve. Në përbërje të saj ishin 4 nëndetëse të prodhimit rus.

Me 21 shtator 1992 - Vatikani dhe Meksika vendosën marrëdhënie diplomatike të plota

Me 21 shtator 1998 - U vra në mënyrë enigmatike Ministri i Mbrojtjes së Kosovës, Ahmet Krasniqi. Ai sapo kishte zbritur nga makina dhe po hynte në banesë, kur u qëllua tri herë, duke gjetur vdekjen e menjëhershme.

Me 21 shtator 2001 - Vdiq në moshën 92-vjeçare e mbijetuara e fundit e anijes "Lusitania", mbytja e së cilës solli hyrjen e Amerikës në Luftën e Parë Botërore.

Nosh

22-09-2011, 10:18

Sot është Dita ndërkombëtare pa automobila

Me 22 shtator 1499 - Përfunduan luftërat mes Ligës Zvicerane dhe Maksmilianit I-rë me nënshkrimin e marrëveshjes së paqes mes tyre, që i dha pavarësinë Zvicrës.

Me 22 shtator 1792 - Kuvendi francez e deklaroi vendin Republikë. Të gjithë vendimet e marra datonin "Viti i parë i Republikës Franceze".

Me 22 shtator 1862 - Presidenti i Shteteve të Bashkuara, Abraham Linkoln, deklaroi se të gjithë skllevërit e shteteve të rebeluar do të liroheshin më 1 janar 1863.

Me 22 shtator 1874 - U lind në Gjirokastër Fejzi Alizoti, ministër, deputet. Mësimet e para i mori në vendlindje, ndërsa shkollën e mesme dhe të lartë i kreu në Stamboll. Zotëronte gjuhët persisht, turqisht, frëngjisht dhe greqisht. Në vitin 1913 u emërua ministër i punëve të brendshme në qeverinë e Ismail Qemalit, ndërsa një vit më vonë qeveria e Princ Vidit e emëroi guvernator të Shkodrës. Gjithashtu ka qenë ministër i financave në Kabinetin e Zogut dhe që prej vitit 1925 e në vazhdim ishte deputet i prefekturës së Gjirokastrës në Parlamentin Shqiptar. Ishte ndër personalitetet kryesorë të rrymës zogiste. Në vitin 1945 u dënua me vdekje nga regjimi në fuqi si bashkëpunëtor i pushtuesve.

Me 22 shtator 1895 - Lindi në Libohovë, në një familje atdhetare, Heroi i Popullit, Avni Rustemi. Pedagog, mësues, deputet, atdhetar e demokrat, udhëheqës i shoqërisë demokratike "Bashkimi", pjesëtar i opozitës demokratike në Asamblenë Kombëtare në prag të Revolucionit të Qershorit 1924. Studimet e larta për pedagogji i filloi në Universitetin e Romës. Në pranverë të vitit 1919 në Shën Mitër Korone, krijoi "Lidhjen e Rinisë Shqiptare" për mbrojtjen e të drejtave kombëtare, kurse më 13 qershor 1920 vrau me atentat në Paris Esat Pashë Toptanin, politikan me botëkuptime feudale. Avni Rustemi vdiq më 22 prill 1924.

Me 22 shtator 1922 - Lind në Korçë shkrimtari Fatmir Gjata, autor i dhjetar romaneve, vëllimeve me tregime, drama dhe poezi, ku spikat tema e luftës nacionalçlirimtare dhe ajo e rindërtimit te vendit mbas çlirimit. Fatmir Gjata ka qene kryetar i Komitetit te Kulturës dhe Arteve dhe për 20 vjet kryeredaktor i revistës letrare Nëntori. Ndër veprat e tij që janë vlerësuar me çmime janë romanet Këneta, Këshilltarët, Armiqtë, Përmbysja, Brezat, vëllimet me tregime dhe novela si 'Ne pragun e jetës', 'Tana', që u bë edhe filmi i parë artistik shqiptar, vëllimet me poezi 'Kënga e partizanit Benko', 'Me nje torbë me fishekë' etj. Fatmir Gjata u nda nga jeta në nëntor 1989.

Me 22 shtator 1952 - U hap Instituti i Lartë Mjekësor. Ky institut e filloi punën me 67 studente, prej te cilëve 13 ishin femra.

Me 22 shtator 1955 - Televizioni i parë komercial filloi në Britani, në kundërshtim me Korporatën e Transmetimit Britanik BBC. Reklama e parë e lançuar ishte për pastën e dhëmbëve.

Me 22 shtator 1997 - Vdiq ushtari japonez Shoiki Yokoi, i cili refuzoi të dorëzohej në fund të Luftës se Parë Botërore. Ai qëndroi në xhunglat e Guamit për 26 vjet. U bë hero kombëtar kur u kthye në Japoni në 1972.

Me 22 shtator 2003 - U nda nga jeta në Shkodër njëri prej albanologëve më të mëdhenj të shekullit XX, profesor Jup Kastrati. Gjatë 79 vjetëve të jetës së tij ai la një trashëgimi shkencore të jashtëzakonshme, ndaj radhitet në panteonin e personaliteteve me emblematike të kërkimeve albanologjike. U lind në Shkodër me 15 prill 1924. Gjatë pushtimit italian, si antifashist, ka qenë i persekutuar, i burgosur dhe i internuar. Ka kryer Fakultetin e Filologjisë të Universitetit Shtetëror të Tiranës. Ishte një nga themeluesit e Institutit të Lartë Pedagogjik të Shkodrës.

Me 22 shtator 2003 - Anija kozmike e NASA-s "Galileo" me uljen e saj në planetin Jupiter shënon fundin e misionit 14 vjeçar, që pati zbulime të jashtëzakonshme rreth planetit më të madh të sistemit diellor dhe hënave të tij.

Nosh

23-09-2011, 10:16

Me 23 shtator 1860 - Milioneri shqiptar në Rumani, Vangjel Zhapa përmes një letre ndërmjetëson pranë qeverisë greke për zbatimin e nismës së princit të Moldavisë per krijimin e një aleance ballkanike antiosmane. Zhapa besonte se aleanca do të ndihmonte edhe luftën e popullit tonë për çlirimin e vendit.

Me 23 shtator 1869 - U nda nga jeta albanologu Johan George Fon Han, konsulli austriak pranë Ali Pashë Tepelenës, bashkëpunëtor i Kostandin Kristoforidhit për studimin e gjuhës shqipe. Albanologu i shquar ka lënë një sërë veprash studimore për gjuhën, historinë dhe thesarin e kulturës popullore shqiptare.

Me 23 shtator 1903 - U nda nga jeta mësuesi atdhetar Said Najdeni, ose siç njihet ndryshe Hoxhë Voka. Ai e ktheu shtëpinë e tij në Dibër të madhe në mësonjëtore shqipe. Ishte ndër organizatorët e Kuvendit të Dibrës dhe autor i njërës prej abetareve të para të shqipes.

Me 23 shtator 1908 - Klubi "Bashkimi" i Manastirit shpërndau në të gjithë Shqipërinë dhe kolonitë shqiptare ftesë për kongresin e alfabetit të gjuhës shqipe që u quajt Kongresi i Manastirit. Klubi e konsideronte alfabetin si çelësin për plotësimin e të gjitha nevojave të qytetërimit dhe përparimit industrial.

Me 23 shtator 1909 - Klubi "Drita" i Gjirokastrës që kishte edhe një trupe teatror përgatiti dhe shfaqi dramën e Sami Frashërit "Besa". Shfaqja u përgatit nga mësuesi atdhetar Andrea Konomi.

Me 23 shtator 1913 - Kryengritësit dibranë pas çlirimit të qytetit nga pushtuesit serbë krijuan qeverinë provizore të Dibrës, e cila në letrën e datës 23 shtator, njofton qeverinë e Vlorës për mbështetjen dhe përballimin e sulmeve të mundshme të shovinistëve serbë.

Me 23 shtator 1920 - Lindi në Shkodër Artistja e Popullit Marie Logoreci. Jeta artistike e Marie Logorecit nisi si këngëtare në Radio Tirana në vitin 1945 ku këndoi si soliste drejtpërdrejt në mikrofon. Aftësia interpretuese e Marie Logorecit bëri që prej vitit 1947 ta gjejmë në skenë, tashmë si aktore e Teatrit Popullor. Marie Logoreci na ka dhënë një galeri të pasur figurash ku spikat interpretimi i Lokes te "Toka jonë". Është dekoruar disa herë me medalje dhe çmime në festivalet e teatrove. U nda nga jeta më 19 qershor 1988.

Me 23 shtator 1936 -Mbretëria shqiptare aderoi në Konventën Ndërkombëtare për Përdorimin e Radiodifuzionit në interes të paqes.

Me 23 shtator 1937- Me Dekret mbretëror vendoset kontakti i parë diplomatik midis Shqipërisë dhe Japonise.

Me 23 shtator 1939 - Vdiq Sigmund Freud, psikiatër austriak dhe themelues i psikanalizës.

Nosh

24-09-2011, 11:14

Me 24 shtator 1143 - Vdiq Innocent II, Papë nga viti 1130 deri në 1143.

Me 24 shtator 1821 - U ekzekutua Gjergj Kërxhaliu, luftëtar dhe kapedan shqiptar arvanitas, që mori pjesë në luftën çlirimtare të popullit grek si dhe atij të Moldavisë.

Me 24 shtator 1911 - U lind në Shkodër Artistja e Popullit, Marie Kraja. Studimet e larta për kanto i kreu në konservatorin e Gracit në Austri në vitet 1930-1934. Pas përfundimit të studimeve kthehet në Shqipëri. Punon si mësuese muzike në institutin "Nëna mbretëreshë". Edhe pse me një jetë artistike të pasur në skenat e Italisë, Austrisë, Gjermanisë, karriera e saj lidhet ngushtë me muzikën shqiptare. Me themelimin e Teatrit të Operës dhe Baletit, Marie Kraja bëhet ndër solistet e para. Karriera e shkëlqyer i dhuroi urdhrin "Naim Frashëri" të klasit të parë, medaljen "Mjeshtre e Madhe e Punës" dhe laureate e çmimit të Republikës së klasit të parë. Vdiq në Tiranë më 21 nëntor 1999.

Me 24 shtator 1915 - U vra pabesisht në Sheshëz, afër Oroshit (Mirditë), nga forcat pushtuese serbe malazeze, atdhetari, Heroi i Popullit, Dedë Gjo Luli. Ai u lind në vitin 1840. Mori pjesë në qëndresën e organizuar nga Lidhja shqiptare e Prizrenit për mbrojtjen e Hotit dhe të Grudës.

Me 24 shtator 1919 - Kryepleqtë e lagjeve të Vlorës dhe të dyzetë fshatrave përreth i dërguan një memorandum kryetarit të delegacionit anglez në Konferencën e Paqes në Paris, Xhorxh Lloid. Ata shprehën kundërshtimin e politikës antishqiptare të Italisë si dhe vendosmërinë e popullit që përfaqësonin për të mos pranuar përsëritjen e padrejtësive ndaj Shqipërisë.

Me 24 shtator 1933 - Krijohet në qytetin e Korçës shoqëria "Puna", një nga organizatat e para sindikaliste në Shqipëri.

Me 24 shtator 1937 - U nda nga jeta gjyqtari sportiv Anton Gjeçi. Ai ishte një ndër sportdashësit më të shquar dhe ndër gjyqtarët më të mirë të sportit shqiptar.

Me 24 shtator 1990 - Gjermania Lindore, një nga aleatet kryesorë të Moskës, hoqi dorë nga Pakti i Varshavës për t'u bashkuar me Gjermaninë Perëndimore, anëtare e NATO-s. Gjermania Lindore kishte nënshkruar Paktin e Varshavës së bashku me 7 vende të tjera komuniste, në kohën kur u themelua Grupi Sovjetik në 1955.

Me 24 shtator 1997- Në Klinë (Kosovë), me rastin e takimit tradicional të krijuesve "Klina 97", u hap ekspozita personale e piktorit Idriz Berisha me vepra kushtuar Nënë Terezës.

Me 24 shtator 1998 - U bë publik ultimatumi i NATO-s drejtuar presidentit të ish-Jugosllavisë, ku i kërkohej të ndërpresë dhunën në Kosovë, ndryshe do të përballej me sulmet ajrore të Aleancës së Atlantikut Verior.

Me 24 shtator 2002 - Vatikani deklaroi zyrtarisht se Nënë Tereza ka hyrë në rrugën e shenjtërimit. Nënë Tereza e Kalkutës, e cila ua kushtoi gjithë jetën njerëzve më të varfër, kaloi provën e parë drejt shenjtërimit, kur Vatikani deklaroi zyrtarisht se ajo zotëronte "vlera heroike".

Me 24 shtator 2003 - U nda nga jeta shkrimtari i njohur Odise Grillo. Ai lindi në vitin 1932 në Vuno të Himarës. Studjoi gjuhën dhe letërsinë shqipe në Universitetin e Tiranës më 1962. Shkrimtari Grillo ka shkruar mbi 80 libra për fëmijë në prozë, poezi, studime kritike, etj.

Me 24 shtator 2006 - U nda nga jeta Muharrem Qena, këngëtar, aktor dhe regjisor shqiptar nga Kosova. Lindi në Mitrovicë në 1930 në një familje që kontribuoi për artin kosovar. Muharren Qena është njëri prej themeluesve të skenës teatrore shqiptare. Ai punoi si regjisor, producent, këngëtar dhe skenarist. Regjisori i shumë dramave dhe shumë filmave dokumentarë dhe televizivë. Muharrem Qena ishte nismëtar i punës së teatrove në Prizren, Gjakovë dhe Gjilan.

Nosh

25-09-2011, 10:47

-Sot është Dita botërore e zemrës

Me 25 shtator 1555 - U shpall Paqja e Augsburgut, e cila sheshoi kontradiktat mes Protestantëve dhe Katolikëve në shtetet gjermane.

Me 25 shtator 1943 - Në Tiranë vdiq Niko Nestori, një nga drejtuesit dhe luftëtarët më të mëdhenj të lëvizjes nacionalçlirimtare në Strugë dhe në rajonin e Strugës.

Me 25 shtator 1956 - U vendos në shërbim i pari kabëll telefonik transatlantik nga Obani, Skoci në Newfoundland, Kanada.

Me 25 shtator 1970 - Vdiq në moshën 72 vjeçare, autori gjerman i veprës "Asgjë e re nga Fronti i Perëndimit", Erich Maria Remark. Librat e tij u ndaluan nga Nazizmi në 1933.

Me 25 shtator 1991 - Këshilli i Sigurimit i Kombeve të Bashkuara vendosi embargo armësh për Jugosllavinë dhe bëri thirrje për t'i dhënë fund luftës në shtetin e fragmentizuar të Ballkanit.

Larisa

25-09-2011, 13:49

Skadimin e nr te teLit tim...:D

Nosh

26-09-2011, 09:20

- Dita evropiane e gjuhëve
- Dita botërore e maleve të pastra

Me 26 shtator 1687 - Akropoli i Athinës u sulmua nga ushtria venedikase. Holli i hyrjes, Propylaea dhe Partenoni u dëmtuan shumë keq.

Me 26 shtator 1849 - Lindi Ivan Pavlov, psikolog rus. Ai fitoi çmimin Nobel për studimin psikologjik mbi sjelljen e qenve në 1890.

Me 26 shtator 1886 - U lind në Shkodër historiani, gjuhëtari, publicisti, folkloristi dhe shkrimtari Kolë Kamsi. Pasi ndoqi kolegjin e Shën Adrianit në Shën Mitër Koronë, u kthye në atdhe dhe u emërua mësues i gjuhës dhe letërsisë shqipe. Botoi studimet shkencore dhe hartoi një numër fjalorësh. Vdiq në Shkodër më 25 shkurt 1960.

Me 26 shtator 1897 - Lindi Papa Paul VI, emri i vërtetë i të cilit është Giovani Battista Montini. Ai vdiq në 1978, duke i dhënë fund kështu një periudhe 15 vjeçare udhëtimi dhe fushatash në të gjithë botën për paqen dhe për ndihmë humanitare.

Me 26 shtator 1923 - Oborrësia e Shkodrës dhe Malësia organizoi një miting të madh kundër sulmeve dhe provokacioneve të ushtrisë jugosllave. Mitingu iu drejtua me një protestë Fuqive të Mëdha dhe Lidhjes së Kombeve ku kërkonte tërheqjen e trupave jugosllavë nga tokat shqiptare.

Me 26 shtator 1924 - Fan Noli, Luigj Gurakuqi, Hasan Prishtina, Bajram Curri dhe Bedri Pejani morën pjesë në Lidhjen e pestë të Kombeve në Gjenevë. Atje përfaqësuesit e Kosovës kundërshtuan genocidin që ndiqte Beogradi ndaj popullit shqiptar në Kosovë.

Me 26 shtator 1928 - Nënë Tereza e largua nga Shkupi në drejtim të Dublinit, në Irlandë. Prej kësaj dite nënë, bijë e motër nuk do të shiheshin më kurrë.

Me 26 shtator 1925 - Në Shtetet e Bashkuara të Amerikës, mërgimtarë shqiptarë nxorën numrin e parë të gazetës "Imigranti", organ i lirë i shqiptarëve të Amerikës. Ajo ishte fletore javore shoqërore, kulturore dhe letrare në gjuhën shqipe dhe pjesërisht në anglisht.

Me 26 shtator 1991 - U mbajt referendumi për pavarësinë e Kosovës.

Me 26 shtator 1996 - Austronautja amerikane Shanon Lucid u kthye në Tokë pas 188 ditësh në stacionin hapësinor rus Mir, rekord ky për një amerikan dhe për një grua.

Me 26 shtator 2007 - U nda nga jeta në Romë, kleriku shqiptar At Zef Pllumi. U lind në vitin 1924, në Malin e Rençit (Lezhë). Në vitin 1931 hyn në kolegjin françeskan të Shkodrës, ku ndjek ciklin e arsimimit klasik. Gjatë viteve 1943-1944 është bashkëpunëtori më i ri i revistës Hylli i Dritës dhe sekretar personal i At Mati Prenushit. 22-vjeçar, në fund të vitit 1946, arrestohet dhe dënohet me tre vjet burg, në kampet famëkeqe të Bedenit dhe Orman-Pojanit. Në vitin 1956 shugurohet meshtar dhe për 12 vite shërben si meshtar i Dukagjinit me qendër në Shosh. Në vitin 1967 arrestohet dhe për 23 vite vuan dënimin në burgje dhe kampe të ndryshme. Me ardhjen e demokracisë rifillon meshtarinë në kishën e Shna Nout në Tiranë (25 dhjetor 1990). Në vitin 2006 At Zef Pllumi merr çmimin letrar Penda e Artë për trilogjinë e tij me kujtime "Rrno vetëm për me tregue", të akorduar nga Ministria e Turizmit, Kulturës, Rinisë dhe Sporteve e Shqipërisë.

Nosh

28-09-2011, 11:39

Me 28 shtator 1730 - Kryengritësi shqiptar Halil Patrona, në krye të rreth 17 jeniçerëve, filloi kryengritjen qytetare të Stambollit kundër Sulltan Ahmetit të III. Kryengritja u kurorezua me lirimin e të burgosurve, rrëzimin e sulltanit në fuqi e vendosjen e Mehmetit të I.

Me 28 shtator 1934 - Lindi aktorja e famshme franceze Bridget Bardot. Ajo ka interpretuar rreth 42 filma deri në vitin 1973.

Me 28 shtator 1938 - U vra Heroi i Popullit, Musa Fratari ose Musa Kame. Lindi në Fratar të Përmetit më 1911. Studimet e larta i përfundoi në Akademinë ushtarake të Modenës, nga e cila u përjashtua pa përfunduar. Si i papunë dhe i ndjekur nga regjimi i Zogut emigroi në Francë, ku u njoh me atdhetarë të tjerë. Në 1938 shkoi vullnetar në luftën e Spanjës. Ra në brigjet e lumit Ebro, në një nga betejat më të ashpra të kësaj lufte.

Me 28 shtator 1939 - U lind në Kllezen të Ulqinit Arqipeshkvi Metropolit Tiranë-Durrës, Monsinjor Rrok Mirdita. Studimet e larta për Filozofi i kreu në Zarë dhe Zagreb, ku edhe u diplomua. Më 25 prill 1993, kur Papa Gjon Pali II vizitoi Shqipërinë dhe shuguroi 4 ipeshkv, mes të cilëve edhe Monsinjor Rrok Mirditën, emërohet Arqipeshkëv i Durrës-Tiranë. Mban titullin e nderit "Kalorës i Maltës". Aktualisht kryen detyrën e Arqipeshkvit Metropolit Durrës-Tiranë.
http://www.lajme.gen.al/photos/10/04/nga-rrok-mirdita.jpg

Me 28 shtator 1978 - Papa Gjon Pali I vdiq vetëm pas 33 ditësh në zyrën e tij dhe vendin e tij e zuri Gjon Pali II.

Me 28 shtator 1991 - Vdiq në moshën 65 vjeçare i madhi i muzikës jazz, Miles Davis. I konsideruar si 'babai i xhazit të ftohtë' për interpretimet dhe krijimet e tij brilante, ai vdiq pas një lufte të gjatë me sëmundjen e tij.

Me 28 shtator 1999 - Gjykata Europiane për të Drejtat e Njeriut në Strasburg dënoi Turqinë për shkelje të së drejtës së lirisë së shprehjes ndaj një botuesi në Ankara. Turqia u dënua me gjobë prej 10 000 dollarësh, që duhet t'ia paguante kërkuesit për dëme materiale dhe 20 000 franga franceze për shpenzime gjyqi.

Me 28 shtator 2003 - Nis misioni i parë evropian në Hënë në bordin e raketës evropiane "Ariane". Raketa "Ariane-5" që transporton sondën eksploruese dhe dy satelitë komercialë, u lëshua nga qendra e lëshimit të Agjencisë evropiane të Hapësirës (ESA) në Kourou (Guajana Franceze), që ndodhet në bregun verilindor të Amerikës së Jugut.

Nosh

29-09-2011, 09:29

Me 29 shator 106 p.e.s - Lindi Gnaeus Pompey Magnus, Pompei i madh, gjeneral dhe burrë shteti romak. Ai pushtoi Jerusalemin dhe hyri triumfues ne Romë në vitin 61 p.e.s.

Me 29 shator 1555 - Në Stamboll ndërroi jetë Karamahmut Pasha, vezir i madh i perandorisë osmane me prejardhje shqiptare. Ai mbaroi shkollën e oborrit perandorak. Ishte jeniçer, dhe nga beteja në betejë u ngjit në postin më të lartë ekzekutiv të perandorisë.

Me 29 shator 1879 - Në shtëpinë e Vangjel Gjeços në Bukuresht u themelua shoqëria kombëtare e kolonisë së mërgimtarëve shqiptarë në Rumani. Sekretar i përgjithshëm i saj u zgjodh Lasgush Poradeci kurse kryetar Vangjel Gjeço.

Me 29 shator 1879 - Numri i parë i gazetës së përjavshme "Zëri i Shqipërisë" doli në Athinë e drejtuar nga iluministi arvanitas Anastas Kullurioti. Fletorja ishte ndër organet e para të shtypit shqiptar të rilindjes dhe trajtonte probleme politike, shoqërore dhe kulturore.

Me 29 shator 1902 - U lind në Shkodër kardinali i parë shqiptar, Mikel Koliqi. Studjoi teologji, ne Milano. Në prill të 1936-s u caktua famulltar i Shkodrës. Kjo është edhe periudha e artë e krijimtarisë së tij muzikore. Ai vuri bazat e melodramës shqiptare me tre melodrama.. "Rozafa", "Rrethimi i Shkodrës", "Ruba e kuqe". Më 2 shkurt 1945 u burgos nga regjimi komunist, për të kaluar 38 vjet në burgjet komuniste,deri 84 vjeç. U lirua ne vitet e demokracise dhe nisi te ushtronte detyrën e familltarit të Shkodrës. Në janar 1992 Ati i Shenjtë e emëroi ipeshkv. Vdiq në Shkodër më 28 janar 1996 në moshën 94- vjeçare.

Me 29 shator 1921 - Ka lindur ne Korçe nacionalisti, Tomorr Tefik Lamçe. Studimet e larta i kreu ne Itali. Militoi ne radhet te Rinise Nacionaliste te Ballit Kombetar. Kjo ndikoi qe te vuante prej regjimit komunit 30 vite burg, e me pas te internohet. Vitet e fundit te jetes, i kaloi prane djemve te tij, deri sa vdiq me 15 prill,1994.

Me 29 shator 1924 - Delegacioni shqiptar, kryesuar nga Fan Noli në sesionin e Këshillit të Lidhjes së Kombeve mbrojti te drejtat e popullsise came, duke e kthyer ate ne një nga objektivat kryesore te takimit.

Me 29 shator 1930 - Në Bilisht të Devollit u lind instrumentisti popullor virtuoz Jashar Kovaçi. Shkolla e tij muzikore ishte familja ku mësoi të luajë në shumë vegla popullore dhe para së gjithash në fyej të ndryshëm. Por kulmin e arriti në interpretimin në klarinetë. Jashar Kovaçi ka përhapur këngët dhe meloditë popullore në tërë jugun e Shqipërisë por qëndra kryesore e veprimtarisë mbetet Pogradeci.

Me 29 shator 1942 - Nacionaliste te drejtuar nga Mit'hat Frasheri, krijuan Ballin Kombetar. Ne Tirane do te qarkullonte trakti i pare jokomunist, dekalogu i mirenjohur i "Ballit Kombetar" me thirrjen per bashkim gjithekombetar kunder pushtuesit italian. Ne perberje te qarkorit te Ballit per Tiranen, ishin Halim Begeja, Hamit Shehu, Sulejman Lleshi e Abdulla Shehri.

Me 29 shator 1985 - Për herë të parë në Francë nisi si veprimtari ndërkombëtare, Ditët e hapura për monumentet historike.

Nosh

30-09-2011, 10:04

- Dita botërore e përkthyesve letrarë.

- Dita botërore e të shurdhërve.

Me 30 shtator 1846 - Dr.William Morton, dentist nga Masaçusets, ishte i pari që përdori anestezinë (eterin) për heqjen e dhëmbit.

Me 30 shtator 1876 - Lindi në Korçë muzikanti patriot Spiridon Ilo. Mërgoi që herët në Shtetet e Bashkuara të Amerikës, ku ndoqi dhe studimet e larta për muzikë. Ai është shqiptari i parë që ngriti një firmë për prodhimin e pllakave të gramafonit dhe regjistroi shumë këngë patriotike popullore shqiptare.

Me 30 shtator 1882 - Lindi Hans Vilhelm Gajger, fizikant gjerman, i njohur për shpikjen e një pajisjeje për zbulimin e thërmijave subatomike; e njohur me emrin Numeratori Gajger.

Me 30 shtator 1916 - Doli në Sent Luis të Shteteve të Bashkuara të Amerikës numri i parë i së përjavshmes "Mbrojtja shqiptare" në gjuhën shqipe dhe pjesërisht anglisht. E botonte atë mërgimtari patriot Theodhor Harito.

Me 30 shtator 1921 - U përfundua në Gjenevë Konventa Ndërkombëtare për ndalimin e shitjes së grave dhe fëmijëve. Shqipëria aderoi në këtë akt të rëndësishëm të së drejtës ndërkombëtare në tetor të vitit 1924.

Me 30 shtator 1938 - Filloi prodhimin në Shkodër fabrika e parë e makaronave, e para e këtij lloji në të gjithë vendin.

Me 30 shtator 1938 - Lindi në Tiranë skenografi i Teatrit Kombetar, Shaban Hysa. Studimet e mesme i kreu në liceun artistik "Jordan Misja". Studioi në Varshavë, në Akademinë e Arteve të Bukura, ku diplomohet për piktor skenograf. Në 1961, Shaban Hysa, Artist i Merituar emërohet skenograf në Teatrin Kombëtar dhe me pas në TOB. Që nga viti 1967 punoi si pedagog në Akademinë e Arteve. Pas vitit 1978 punoi si skenograf në TK, deri sa u nda nga jeta, më 27 gusht 2005.

Me 30 shtator 1945 - U zhvillua në Tiranë Kongresi i parë i sindikatave shqiptare. Ky ishte tubimi i parë i madh i punëtorëve dhe zejtarëve shqiptarë.
1949 - Përfundoi "ura" ajrore e Berlinit, gjatë së cilës SHBA dhe Anglia ndihmuan me pajisje kryeqytetin gjerman.

Me 30 shtator 1958 - Trupa e Teatrit Popullor dha për publikun e kryeqytetit premierën e dramës shqiptare "Shtate shalianët" të Ndrek Lucës. Shfaqja e përgatitur nga regjisori Pandi Stillu u luajt 67 herë dhe u ndoq nga 36 mijë e 334 shikues.

Me 30 shtator 1991 - Kuvendi i Shqipërisë, me vendim unanim, duke u ngritur në këmbë, njoftoi pafajësinë e të burgosurve politike dhe, mbi këtë bazë, rridhte dëmshpërblimi për burgun dhe punën e papaguar, e drejtë kjo që rrjedh nga Kodi Penal dhe Kushteta.

Me 30 shtator 1998 - U miratua Ligji nr.8410 për Radion dhe Televizionin Publik dhe Privat në Republikën e Shqipërisë.

Me 30 shtator 2003 - Shkrimtari ynë, Fatos Kongoli, me romanin "Ëndrra e Damokleut", fitoi çmimin e madh në konkursin "Ballkanika 2002" i quajtur ndryshe dhe "Nobeli i Ballkanit", në Sofje.

Nosh

01-10-2011, 11:38

- Tetori është Dita Ndërkombëtare e të Moshuarve.

- Tetori njihet edhe si Dita Ndërkombëtare e Muzikës.

Me 1 tetor 1739 - Grigori II, Matei Gjika, me origjinë nga Përmeti emërohet sundimtar i Moldavisë. Ai disa herë radhazi ka mbajtur fronin princëror në Moldavi dhe Vllahi.

Me 1 tetor 1785 - Karamahmut Pashë Bushatlliu në krye të një ushtrie të madhe ishte dislokuar në afërsi të Korçës në pritje të betejës me Kurt Pashën e Beratit, besnik i Portës së Madhe.

Me 1 tetor 1895- Në fshatin Koriljano Kalabro (Itali) me nismën e rilindasit Jeronim de Rada u mbajt Kongresi i parë i gjuhës shqipe. Morën pjesë përfaqësues të kolonive arbëreshe të Kalabrisë e Siçilisë. Kuvendi zgjodhi dhe pleqësinë që kryesohej nga De Rada.

Me 1 tetor 1908- Në qytetin e Korçës u themelua shoqëria e muzikës dhe banda frymore "Liria" që luajtën një rol të rëndësishëm patriotik dhe kulturor në realizimin e programit të rilindjes kombëtare për çlirimin dhe emancipimin e vendit.

Me 1 tetor 1908 - Vetura e modelit "T-Ford" e prodhuar nga Henri Fordi nxirret për herë të parë në treg për shitje.

Me 1 tetor 1913 -Doli ne Shkoder, numri i parë i revistës "Hylli i dritës" e cila me disa ndërprerje vijoi deri në vitin 1944.

Me 1 tetor 1916- Në Vlorë Shtetet e Bashkuara të Amerikës ngritën konsullatën e tyre të

Me 1 tetor 1920 -Në Leskovik lindi projketuesi i madh i hidrocentraleve shqiptare, prof. Petrit Radovicka. Ai vdiq në Tiranë më 25 dhjetor 1991.

Me 1 tetor 1921- Shkolla e parë bujqësore në vendin tonë u hap në qytetin e Lushnjes.

Me 1 tetor 1945- Jusuf Gërvalla poet shqiptar dhe atdhetar i shquar lindi në Dubovik, rrethi i Deçanit. Vritet mizorisht më 17 janar 1982 në Gjermani. Ai shkroi dy përmbledhjet e tij të para dhe më të njohura "Fluturojnë e bien" (1975) dhe "Kanjushë e verdhë" (1978).

Me 1 tetor 1947- Në shumë krahina të vendit u hapën kurset e para ku nënat dhe motrat tona analfabete filluan të mësojnë ABC-në.

Me 1 tetor 2000 - U dha premiera e dokumentarit "Në kërkim të Hafize Leskovikut" këngëtare popullore e Shqipërisë së jugut.

Nosh

02-10-2011, 21:19

Me 2 tetor 1608 - Hans Lipershei nga Mikdelburgu demonstron teleskopin e parë.

Me 2 tetor 1754 - Përfundoi mbishkrimi mbi portën e Manastirit të Shën Marenës, në fshatin Llëngë, në Mokër të Pogradecit. Kjo kryevepër e artit tonë mesjetar u realizua me ndihmën e të gjithë të krishterëve, esnafëve dhe mjeshtreve të qytetit.

Me 2 tetor 1847 - Lindi Paul fon Hendenburg, ushtarak dhe politikan gjerman. Si Feldmarshall, ai udhëhoqi forcat tokësore gjermane gjatë Luftës së Parë Botërore dhe ishte president i Gjermanisë në vitet 1925-'34.

Me 2 tetor 1869 - Lindi Mahatma Gandi, i konsideruar si "Babai" i Indisë. Ai udhëhoqi lëvizjen nacionaliste kundër sundimit britanik.

Me 2 tetor 1870 - Me anë të një plebishiti, shteti i Papës voton për bashkimin me Italinë. Kryeqyteti i vendit kalon nga Firence për në Romë.

Me 2 tetor 1887 - Françesko Krispi, kryeminister italian me origjinë arbëreshe, në bisede me kancelarin gjerman Oto Bismark, diskuton për pavarësinë e Shqipërisë sikurse ishte bërë me Rumaninë dhe Bullgarinë.

Me 2 tetor 1894 - U lind në Dukagjin shkrimtari Patër Bernardin Palaj. Studimet e larta i kreu në Austri. Për një periudhë ishte prift në Shqipërinë Veriore. Njihet si poet dhe folklorist, por edhe si autor i disa studimeve për kulturën dhe letërsinë tonë. Pas çlirimit burgoset nga regjimi monist dhe vdes në burgun e Shkodrës në dhjetor 1947.

Me 2 tetor 1900- Komiteti Shqiptar i Stambollit i drejtoi Sulltanit dhe qeverive të fuqive të mëdha kërkesën që shqiptarët kudo që janë të pranohen në gjirin e vendeve të qytetëruara të Europës si për lashtësinë dhe prej pozitës gjeografike e historike.

Me 2 tetor 1906 - Konsulli i parë amerikan në vendin tonë hapi selinë e tij në Shkodër, ku kishte dhe disa konsullata të tjera.

Me 2 tetor 1914 -Esat Pashë Toptani u shpall kryetar i qeverisë së përkohshme të Durrësit dhe komandant i përgjithshëm i ushtrisë.

Me 2 tetor 1917 - Vdiq heroina e Malësisë, Tringe Smajla. Lindi në vitin 1870 në Podgoricë. Ishte organizatore e luftëtare në kryengritjen e Malësisë më 1911 dhe në luftën e Deçiqit. Për të ndihmuar hapjen e shkollave shqipe në Malësi vuri në dispozicion pasurinë e saj. Ajo gëzonte autoritet dhe respekt në të gjithë Malësinë e Veriut. Sëmundja e pashërueshme ia ndërpreu jetën në moshën 47 vjeçare.

Me 2 tetor 1922- Familjet patriotike Dako dhe Qirjazi themeluan në Tiranë Institutin Qiriazi, një shkollë e mesme për vajza e tipit të Kolegjit Amerikan.

Me 2 tetor 1925 - Një grup të rinjsh kosovarë nxorën numrin e parë të revistës së përmuajshme kulturore dhe arsimore "Afrimi". Në të u botuan shkrime për historinë e pedagogjisë, shkollën dhe didaktikën.

Me 2 tetor 1927 - U nda nga jeta Foqion Postoli, shkrimtar dhe atdhetar. U lind në Korçë, ku mori mësimet e para e më pas mërgoi në SHBA. Më

Me 2 tetor 1921 u kthye në atdhe. Ka mbetur në kujtesë të lexuesit me romanin "Lulja e kujtimit", i cili më pas u dramatizua dhe u vu në skenë si opera prej Kristo Konos.

Me 2 tetor 1939 - Nënshkruhet marrëveshja ndërmjet Entit Kombëtar të Industrisë Kinematografike (ENIC), me qendër në Romë, përfaqësuar prej drejtorit të përgjithshëm Armando Boncaglia dhe qeverisë së Mbretërisë Shqiptare, e përfaqësuar nga Shefqet Vërlaci, kryetar i Këshillit Ministror.

Me 2 tetor 1979 - Nënë Tereza u nderua me çmimin NOBEL për paqe. Atje deklaroi se nga gjaku është shqiptare, ndërsa si njeri i përket gjithë botës.

Me 2 tetor 1999 - Ndërroi jetë në kryeqytetin e Jordanisë, Aman, studiuesi i historisë profetike Sheh Albani. Ai u lind në Shkodër në vitin 1914. Prej famës dhe dijeve shkencore, Sheh Albani në Arabinë Saudite u bë për tre vjet lektor në Universitetin Islamik të Medines. Sheh Albani jetoi në Jordani, Liban, Emiratet e Bashkuara Arabe.

Nosh

03-10-2011, 12:02

Me 3 tetor 1215 - Midis arkondit të madh Dhimitri, sundimtar i Arbërisë dhe Republikës së Raguzës përfundoi marrëveshja e paqes. Ai i siguronte raguzjanëve qarkullimin e lirë dhe të sigurt nëpër tokat arbërore dhe përjashtimin nga taksa doganore.

Me 3 tetor 1226 - Vdiq St. Francis i Assisit, themeluesi i urdhrit Franciscan, nag del At Gjergj Fishta, ata Shtjefen Gjecovi, Atë Bernardin Palaj, Atë Prenushi, Atë Zef Pllumi etj , kontributi i pa mohueshëm për “Atdhe fe” si dhe për kulturën shqiptare.....

Me 3 tetor 1863 - Presidenti Abraham Linkoln firmosi një vendim që caktonte të Enjten e fundit të Nëntorit si ditën e Falenderimit.

Me 3 tetor 1895 - Kryeministri i Italisë Françesko Krispi me prejardhje nga arbëreshët e Kalabrisë u zgjodh kryetar nderi i Kongresit të parë arbëresh për gjuhën. Shqiptar prej gjaku e prej zemre, deklaroi ai, unë gëzohem tepër për këtë fillim me shpresën se do të jetë i nevojshëm për historinë e vetëqeverimit shqiptar.

Me 3 tetor 1912 - Atdhetari Kristo Luarasi i shkruante nga Sofja Asdrenit në Bukuresht, per angazhimin e tij ne furnizimin me libra shqip të mërgimtarëve tanë në Argjentinë dhe Rusi.

Me 3 tetor 1912 - Vllazëria e shqiptarëve të Egjiptit "Bashkimi" botoi dhe shpërndau në formë trakti thirrjen drejtuar atdhetarëve shqiptarë për të ndihmuar shkollat shqipe.

Me 3 tetor 1936 - Doli numri i parë i revistës mujore "Përpjekja Shqiptare" që e drejtonte gazetari Branko Merxhani.

Me 3 tetor 1949 - Vdiq në Nju-Jork, atdhetari Mit'hat Frashëri. Ai u lind në Janinë, më 25 mars 1880. U diplomua në Stamboll. Në fund të shekullit të XIX, Mit'hat Frashëri angazhohet në politikën shqiptare. Ai mori pjesë në Kongresin e Manastirit, i njohur si Kongresi i Alfabetit. Në Qeverinë e Ismail Qemalit zgjidhet ministër i Botores ku pas një viti jep dorëheqjen. Ai mirëpriti ardhjen e Princ Vidit dhe pas ikjes së tij edhe Mit'hat Frashëri largohet nga Shqipëria. Vendoset në Bukuresht, ku arrestohet nga policia dhe internohet në Moldavi. Pas pushtimit nga Italia, vendos t'i rikthehet aktivitetit politik. Në vitin 1941, ai është ideologu kryesor dhe një nga themeluesit e Partisë se Ballit Kombëtar. Për pikpamjet e tij politike u detyrua në nëntor 1944 të largohet nga Shqipëria dhe të vendoset në Itali. Gjatë një udhëtimi për në New York, SHBA, më 3 tetor 1949, ai vdes si pasojë e një ataku kardiak.

Me 3 tetor 1974 - Lindi në Gjilan futbollisti shqiptar i njohur edhe në stadiumet ndërkombëtare Ismet Munishi. Ka luajtur edhe për ekipin e superligës shqiptare KF Partizani. Momentalisht Ismet Munishi gjëndet në klubin futbollistik Gjakovar KF Vllaznimi".

Me 3 tetor 1991- Ndërmjet qeverisë së Republikës së Shqipërisë dhe qeverisë së Republikës së Austrisë u nënshkrua në Tiranë marrëveshja për ndihmë ushqimore dhënë Shqipërisë më 1991.

Me 3 tetor 1994 - Republika e Shqipërisë aderoi në konventën në kuadrin e Kombeve të Bashkuara për ndryshimet klimatiko-atmosferike përfunduar në New York më 9 maj 1992.

Me 3 tetor 1997 - Treni magnetik japonez theu rekordin botëror kur shënoi 451 kph (280,3 mph) në një udhëtim eksperimental në Tokio.

Me 3 tetor 1998 - Në Bullgari, Shqipëria fitoi çmimin e parë në festivalin ndërkombëtar të programeve televizive të Ballkanit me Filmin dokumentar te regjisorit Ylli Pepo "Të vegjël, të rritur". Ylli Pepo u shpall regjisori më i mirë i festivalit.

Me 3 tetor 2003 - Vdiq në Tiranë pas një sëmundjeje të rëndë në moshën 78 vjeçare, kompozitori i mirënjohur Tish Daija. Ai ka lindur më 30 janar 1926 në Shkodër. Krijimtarinë muzikore e filloi nën tingujt e fizarmonikës. Kreu studimet në konservatorin "Çajkovski" të Moskës. Ai ishte një nga themeluesit e Konservatorit të Tiranës. Tish Daija ishte anëtar i Akademisë së Shkencave dhe Arteve të Kosovës. Ai në muzikën shqiptare është i njohur në të gjitha gjinitë muzikore.

Nosh

04-10-2011, 16:45

- Dita botërore për mbrojtjen e kafshëve.
- Dita botërore e lagjeve

Me 4 tetor 1038 - Lindi në Gjakovë profesor Jakup Nushi. Ishte teknolog dhe profesor universiteti. Studimet i kreu në Zagreb. Publikoi 12 punime shkencore dhe një tekst universitar nga petrologjia. Profesor Jakup Nushi u vra nga forcat ushtarako-policore serbe më 3 prill 1999 në Gjakovë.

Me 4 tetor 1448 - U nënshkrua në Lezhë paqja midis shqiptarëve dhe venedikasve. Traktati i paqes është një dokument ndërkombëtar që dëshmon për qënien e shtetit të përqëndruar shqiptar për politikën e tij të jashtme dhe marrëdhëniet me shtetet e tjera të fuqishme të rajonit.

Me 4 tetor 1759 - Kryengritësit himariotë, përmes një përfaqësie që dërguan në Shën Petërburg, i ofruan perandoreshës së Rusisë, Elizabetë, gatishmërinë për të luftuar së bashku kundër osmanëve.

Me 4 tetor 1818 - Lindi në Ribera të Siçilisë, në një familje arbëreshe, politikani i shquar italo-shqiptar Françesko Krispi. Studioi për drejtësi në Napoli. U shqua në fushën e gazetarisë dhe shkëlqeu në politikë. Në 1878 zuri postin e ministrit dhe më pas dy herë atë të kryeministrit të Italisë. Mëse një herë e ka pohuar publikisht prejardhjen e tij shqiptare.

Me 4 tetor 1858 - Porta e Larte miratoi kërkesën këmbëngulëse të Seit Toptanit për hapjen e një shkolle në Tiranë. Shpenzimet për pagat e arsimtarëve dhe teksteve shkollore përballoheshin nga shteti.

Me 4 tetor 1913 - U krijua Banka e Shqipërisë. Ideja për ngritjen e një Banke Kombëtare Shqiptare zë fill që në periudhën e Rilindjes sonë Kombëtare. Bisedimet e para Ismail Qemali i kreu me Karol Pitner e Oskar Pollak, përfaqësues të Wienner Bank Verein, që vepronte në emër të grupit bankar austro-hungarez dhe me Pietro Fenolio e Guido Ansbaher, përfaqësues të Banca Commerciale Italiana.

Me 4 tetor 1937 - Ra në fushën e betejës në Spanjë biri i Gjakovës, Asim Vokshi, Hero i Popullit. Ai u diplomua në Akademitë ushtarake të Italisë dhe mori pjesë në kryengritjen antizogiste të Fierit. Vokshi ishte ndër vullnetarët e parë që u rreshtuan në brigadat vullnetare antifashiste në Spanjë.

Me 4 tetor 1939 - Lindi në Amerikë, në një familje mërgimtarësh patriotë, të lidhur me "Vatrën" dhe lëvizjen patriotike, regjisori dhe producenti i famshëm shqiptaro-amerikan, Sten Dragoti. Sten Dragoti ka vizituar Shqipërinë dhe ka shprehur krenarinë për prejardhjen shqiptare.

Me 4 tetor 1942 - Këngëtarja Marie Kraja mori pjesë në koncertin vokal sinfonik organizuar në Tiranë nga Kryqi i Kuq shqiptar në ndihmë për të dëmtuarit nga tërmeti që pati rënë atë vit. Këngëtarja interpretoi pjesë klasike, e shoqëruar nga Orkestra Sinfonike, nën drejtimin e mjeshtrit Umberto Rampi.

Me 4 tetor 1965 - Papa Paul VI u bë i pari Papë që vizitoi Shtetet e Bashkuara.

Me 4 tetor 1999 - Bashkia e Korçës i dha pas vdekjes akademikut Sotir Kuneshka titullin e lartë "Qytetar nderi i Korçës".

Me 4 tetor 2000- U zhvillua në Prishtinë festivali ndërkombëtar i filmit "Një botë". Kjo ishte veprimtaria e parë me përmasa europiane e artit të shtatë kosovar pas krizës së vitit 1999.

Nosh

05-10-2011, 11:19

Dita botërore e mësuesve

Me 5 tetor 1395 - Senati i Venedikut shqytroi propozimin e sundimtares së Vlorës, Komnenë Balsha, e veja e Balshës II, për t'i dhënë Republikës Vlorën, Kaninën, Himarën dhe Pirgun. Si kompensim ajo kërkonte një shpërblim vjetor prej 7000 dukatësh dhe mbrojtjen e saj dhe të birit.

Me 5 tetor 1583 -Filloi të përdoret kalendari Gregorian që cilësohet kalendari i stilit të ri kundrejt kalendarit Julian që u quajt i stilit të vjetër. Në vendin tonë kalendari Gregorian hyri fill pas shpalljes së pavarësisë në 1912. Por nga popullsia e besimit katolik është përdorur që në shekullin e 16-të.

Me 5 tetor 1882 - Lindi fizikanti i famshëm amerikan Robert Hutchings. Ai u konsiderua si babai i "raketave moderne". Është krijuesi dhe ndërtuesi i të parës raketë me lëndë djegëse në vitin 1926.

Me 5 tetor 1884 - Sulejman Delvina lindi në Delvinë. Ai ishte politikan i shquar shqiptar pjestar i qeverisë së Fan Nolit. Bashkë me patriotë të tjerë iu kundërvu politikës xhonturke dhe synimeve shoviniste të monarkive fqinje. Në korrik 1911 udhëhoqi manifestimin e studentëve shqiptarë në Stamboll për të mbështetur alfabetin dhe kërkesat shqiptare. Mori pjesë në nënshkrimin e protokollit italo-shqiptar të datës 2 gusht 1920. Në moshën 37 vjeç Sulejman Delvina kreu detyrën si Ministër i Brendshëm. Mori pjesë në revolucionin e Qershorit 1924 dhe në qeverinë e kryesuar nga Fan Noli u emërua ministër i Punëve të Jashtme. Delvina u largua nga Shqipëria dhe u end në Europë për disa vjet si emigrant politik. Më vonë i sëmurë u kthye në Shqipëri dhe vdiq në Vlorë në vitin 1933. U varros në qytetin e tij të lindjes, në varrezat publike, së bashku me të vëllain patriotin tjetër të shquar, ish kryetarin e bashkisë së Delvinës, Namik Delvinën.

- Sot është përvjetori i hapjes së gjimnazit shtetëror të Shkodrës, vatër e rëndësishme kulturore dhe patriotike në veri të Shqipërisë.

Me 5 tetor 1913 - Skuadra shkodrane "Indipendenca" zhvilloi ndeshjen e saj të parë me një skuadër futbolli austro-hungareze, ç'ka shënoi ndeshjen e parë ndërkombëtare në historinë e futbollit shqiptar.

Me 5 tetor 1914 - Esat Pasha deklarohet kryeministër i Shqipërisë. Kjo erdhi pas vendosjes së influencës së tij në Tiranë, e largimit të Princ Vidit.

Me 5 tetor 1930 - Në kryeqytetin helen me pjesëmarrjen e Shqipërisë, Bullgarisë, Rumanisë, Jugosllavisë, Greqisë dhe Turqisë u mblodh Konferenca e parë Ballkanike ku u vendos takimi i përvitshëm i ministarve të jashtëm, përgatitja e paktit ballkanik dhe krijimi i një organi të bashkëpunimit të përhershëm.

Me 5 tetor 1932- Ka lindur në Mitrovicë aktori Xhevat Qena. Ka luajtur ne mbi 150 shfaqje teatrore, si: "Besa", "Halit Gashi", "Mita", "Duart e ndyra", "Gjenerali i ushtrisë se vdekur", "Ora","Othello", "Halili e Hajria", "Ushtari i mire Shvejk", etj. Ai vdiq më 24 mars 2003.

Nosh

06-10-2011, 10:16

6 Tetori është Dita Ndërkombëtare e Qendrave të Banuara

- Ditë botërore për ujë të shëndoshë

Me 6 tetor 1552 - Lindi Mateo Riçi, misionar jezuit italian në Kinë. Ai pati shumë sukses në Kinë dhe kaloi atje 30 vitet e fundit të jetës së tij.

Me 6 tetor 1592 - Nga letra e Dogjit të Venedikut, që mban datën 6 tetor. Fjala është Marrëdhëniet e Skënderbeut me Vatikanin qe janë pasqyrë e një prej aspekteve më të rëndësishme të personalitetit të tij prej burri shteti dhe diplomati. Duke qenë se Selia e Shenjtë në Mesjetë ishte pushteti qendror i Evropës dhe ushtronte autoritetin e saj si mbi aspektet fetare të banorëve të Evropës, ashtu edhe mbi të gjitha aspektet e tjera të jetës së tyre, ishte mençuri nga ana e Skënderbeut që të përpiqej të fitonte vëmendjen e Vatikanit dhe ta përdorte këtë vëmendje për qëllimet e tij.

Me 6 tetor 1592, mësohet për ndërtimin e xhamisë së Delvinës, një nga faltoret e para myslimane në vendin tonë. Ajo u ndërtua nga Veziri i Madh, kryeministër i perandorisë turke, i cili besohet të ketë qenë me prejardhje shqiptare.

Me 6 tetor 1912 - Përpara rrezikut të copëtimit të Shqipërisë nga Aleanca Ballkanike, në mbledhjen e përfaqësuesve të kolonive shqiptare të Amerikës iu bë thirrje bashkëatdhetarëve që të përkrahnin Turqinë.
1914 - Lindi Tor Hejerdahl, antropolog dhe eksplorues norvegjez. Ai ishte udhëheqësi i shumë ekspeditave ku më e njohura është ajo e "Kon Tiki".

Me 6 tetor 1926 - Në Shqipëri u dekretua ligji mbi krijimin 40 kryekonsullatave dhe konsullatave të nderit në shërbim të vendit, në Itali, Francë, Gjermani, Belgjikë, Norvegji, Zvicër, Poloni, Çekosllovaki, Turqi madje dhe në principatën e Monakos.

Me 6 tetor 1937 - Filloi prodhimin ndërmarrja "Vëllezërit Borova" në Tiranë. Ndërmarrja gjysmë artizanale prodhonte kryesisht këpucë ushtarake. Shtypi i kohës e quajti këtë fillimin e industrisë së këpucëve.

Me 6 tetor 1943 - U lind farmacisti, shkrimtari dhe dramaturgu Ferit Alluni. Pas diplomimit në Fakultetin e Mjekësisë, krahas punës si farmacist ushtarak, ai krijoi një bibliografi të pasur krijimtarie. Dhjetra skica, tregime dhe reportazhe i ka botuar në shtypin e kohës. Më 1975 botoi përmbledhjen me tregime "Gëzuar shokë". Ai i pasua me 11 vëllime të tjera me tregime, novela, romane dhe drama që janë shfaqur në skenat e Tiranës, Korçës, Vlorës dhe Shkodrës.

Me 6 tetor 1944 - U vra Heroina e Popullit, Liri Gero. U lind në Fier më 1926. Ishte veprimtare e rinisë, për ç'ka u shqua në organizimin dhe mobilizimin e rinisë së qytetit. U plagos disa herë. Ate fillim tetori nazistët e spërkatën trupin e saj me benzinë dhe e dogjën së gjalli

Me 6 tetor 2002 - Ndërroi jetë në moshën 69 vjeçare piktori Ismail Lulani. Ai u lind më 1933 në Tuz, Mal të Zi. Mbaroi Akademinë e Arteve te Bukura për pikturë monumentale. U emërua dhe punoi si profesor në Akademinë e Arteve në Tiranë dhe më pas në Liceun Artistik në qytetit e Shkodrës. Shumë nga pikturat e tij janë pronë e koleksionistëve të ndryshëm në Francë, Austri, Itali, USA, Gjermani, etj.

Luisa

07-10-2011, 00:56

Ditelindjen e nje miku tim shume te mire....

eva

07-10-2011, 00:58

... si sot para nje viti kam qene diku e kam njohur dike :roll:

Nosh

07-10-2011, 10:42

Me 7 tetor 1400 - Senati i Venedikut në mbledhjen e tij të datës 7 tetor shqyrtoi dhe miratoi propozimin e bujarëve shqiptarë Zaharia dhe Jonima për përfundimin e marrëveshjes për luftë të përbashkët kundër turqëve të cilët ndërmarrin sulme grabitqare dhe terroriste në Ballkan.

Me 7 tetor 1763 - Lindi studjuesi humanist shqiptar Mikel Skutarista.

Me 7 tetor 1778 - U lind një personalitet tjetër me origjinë durrsake Marcielo Durraco markez dhe patriot i Gjenovës, zyrtar i lartë në pallatin mbretëror të Sardenjës.

Me 7 tetor 1943 - Sot përkujtohet 66 vjetori i luftës së Kodrës së Kuqe në Tiranë. Vojo Kushi, komandant i njësive guerrile të kryeqytetit bashkë me Sadik Stavalecin dhe Xhorxhi Martinin u gjendën të rrethuar befasisht nga forcat fashiste, ku edhe u vrane.

Me 7 tetor 1945 - u themelua në Tiranë Lidhja e Shkrimtarëve dhe Artistëve të Shqipërisë, organizatë shoqërore që bashkonte krijuesit e fushave të ndryshme. Në fillimet e saj ajo kishte vetëm 70 anëtarë më pas numri i tyre erdhi duke u shtuar.

Me 7 tetor 1950 - Nëna Terezë themeloi bashkësinë me emrin "Misionaret e dashurisë". Pas 15 vjetësh kjo bashkësi u ngrit në kongregatë papnore. Atë kohë kishte 300 misionare të dashurisë dhe të gjitha këto ndihmonin të varfërit dhe të sëmurët, të braktisurit para vdekjes.

Me 7 tetor 1997 - Në një nga mjediset e Muzeut historik kombëtar në Tiranë u promovua libri i Jaho Brahajt "Gjurmime heraldike". Autori sjell në studimin e tij vlera dhe fakte të shumta nga historia e kulturës sonë në fushën specifike të heraldikës, simbolikës historike kombëtare shqiptare, emblemat e të parëve tanë.

Me 7 tetor 1998 - Sot përkujtohet 11 vejtori i vdekjes së Ibish Abdyl Osmanajt nga Gurrakoci i Istogut. I moshuari 104 vjeçar ishte dëshmitar i ngjarjeve dhe pjesëmarrës i tyre që nga luftrat kundër pushtuesve osmanë, luftrat ballkanike, lëvizjet kaçake në Kosovë e ngjarje të tjera deri në ditët tona.

Me 7 tetor 1998 - Në Tiranë u formua shoqata "Lidhja e gazetarëve ekonomikë shqiptarë".

Me 7 tetor 2000 - përfundoi restaurimi i kishës së lashtë të Kepit të Rodonit ku është ngritur dhe një muze arkeologjik në mjediset e brendshme të saj.

Nosh

08-10-2011, 09:22

- Dita ndërkombëtare për zvogëlim të shkatërrimit të natyrës

Me 8 tetor 1354 - Kola di Rienco, tribuni i Romës, u vra nga një turmë njerëzish. Ai u përpoq të ndihmonte të varfrit në Romë, por fitoi armiqësinë e fisnikëve.

Me 8 tetor 1467 - Johani, mbreti i Aragonës, Siçilisë, Jeruzalemit dhe Valencias shpërbleu me dekret mbretëror disa princa shqiptarë me toka për ndihmesën që kishin dhënë në luftë kundër turqve dhe për shtypjen e trazirave kundër Ferdinandit.

Me 8 tetor 1871 - Shpërtheu zjarri i madh i Çikagos. Sipas një legjende, një lopë rrëzoi një fener në mullarin e zonjës Oliri. Si pasojë e shpërthimit të zjarrit gjetën vdekjen 300 vetë dhe 90 mijë të tjerë mbetën pa shtëpi.

Me 8 tetor 1887 - Lindi publicisti dhe fotografii atdhetar nga Durrësi, Stefan Kaçulini. Ishte ndër korrespondentët e parë të gazetës "Bashkimi i kombit" të Manastirit. Emri apo pseudonimi i tij ndeshet edhe në organe të tilla si "Liria", "Shkreptima", "Zgjimi", "Liria e Shqipërisë", etj. Stefan Kaçulini është edhe fotografi i parë i Durrësit.

Me 8 tetor 1895 - U lind në Burgajet të Matit, Ahmet Bej Zogu, mbreti Zog. Politikani shqiptar ka qenë Ministër i Brendshëm, Kryeministër i Shqipërisë, President dhe mbreti i parë i Shqipërisë nga 1928 deri më 1939. Më 1 shtator 1928, krijohet monarkia shqiptare me Ahmet Zogun mbret. Në dhjetor të po këtij viti miratohet Statuti Themeltar i Monarkisë, e cila e shpallte Shqipërinë: "Monarki parlamentare, demokratike dhe të trashëgueshme." Mbreti Zog vdiq më 9 Prill 1961 në Paris.

Me 8 tetor 1912 - Forcat malazeze sulmuan Shkodrën,qyteti më i madh i Shqipërisë së Veriut, me një popullsi prej rreth 36 mijë banorësh dhe një nyje me rëndësi ekonomike, ushtarake e kulturore ballkanike. Në Shkodër ishin vendosur konsullatat e disa vendeve, si ajo e Austro-Hungarisë, Rusisë, Greqisë e Italisë.

Me 8 tetor 1912 - Osman Balja, i derguari i Esat Pashë Toptanit, qëlloi për vdekje gjeneralin e ushtrisë turke Hasan Riza Pashën, veliu i Shkodrës. Kjo bëri që forcat turke të tërhiqeshin nga qyteti verior dhe komandën e mori Esat Pasha.

Me 8 tetor 1912 - Krajli i Malit të Zi lëshoi predhën e parë kundër fortesave kufitare me Shqipërinë dhe i shpalli luftë Turqisë. Stambolli nga ana e vet nëntë ditë më vonë i shpalli luftë Bullgarisë dhe Serbisë dhe dy ditë më vonë edhe Greqisë. Kështu filloi Lufta e Parë Ballkanike.

Me 8 tetor 1913 - Populli i Elbasanit i mbledhur në një miting, i drejtoi një telegram kryesisë së Konferencës së Londrës dhe konsujve të Fuqive të mëdha në Shqipëri, me anë të së cilit protestonte për aneksimin e Çamërisë nga shovinistët grekë.

Me 8 tetor 1921 - Parlamenti shqiptar ratifikoi tre dokumenta të rëndësishëm të së drejtës ndërkombëtare; Konventën dhe statutin mbi lirinë e tranzitit, konventën dhe statutin mbi regjimin e lundrimit të rrugëve ajrore me interes ndërkombëtar dhe deklaratën për njohjen e të drejtës së flamurit për shtetet që nuk kanë kufij detarë. Aktet e mësipërme janë në fuqi edhe sot.

Me 8 tetor 1921 - U nda nga jeta shkrimtari dhe studiuesi arbëresh Mikel Makjanoi.

Me 8 tetor 1937 - U zhvillua në Tiranë kampionati i atletikës së lehtë. Në të merrnin pjesë disa nga sportistët më të njohur të kohës si Sabit Çoku, Feti Dizdari, Rakip Lohja, Rexhep Zhari, Koço Dhrami, Gaqo Isaku, Sandër Kraja, Luigj Shala dhe Selman Stërmasi.

Me 8 tetor 1948 - U themelua në Kosovë Këshilli iniciator për lojrat sportive.

Me 8 tetor 1968 - U zhvillua në Gjirokastër Festivali i parë folklorik në vendin tonë.

Me 8 tetor 1970 - Romancieri rus, Aleksandër Solzhenicin, fitoi çmimin 'Nobel' për letërsi.

Me 8 tetor 1982 - Parlamenti polak shpërndau 'Solidarnostin', duke i dhënë fund kështu eksperimentit të parë në Europën Lindore të sindikatave të lira.

Nosh

09-10-2011, 10:42

Dita botërore e postave

Me 9 tetor 1562 - Vdiq Gabriele Falopius, anatomist italian që bëri kërkime mbi veshin dhe organet riprodhuese.

Me 9 tetor 1774 - Aleksandër Gjika me prejardhje nga Përmeti më 9 tetor zë fronin princëror të Moldavisë me emrin Grigori III. Ai e ka mbajtur disa herë këtë post të lartë në Moldavi dhe Vllahi të Rumanisë.

Me 9 tetor 1924 - Në Tiranë doli numri i parë i fletores politike dhe letrare të paanshme me titullin "Liria". Gazeta kishte katër faqe dhe botohej vetëm në gjuhën shqipe.

Me 9 tetor 1934 - Mbreti Aleksandër i Jugosllavisë dhe ministri i Jashtëm francez, Lui Bartu', që po negocionin për një aleancë midis tyre, vriten në Marsejë nga terroristi kroat Vlada Çernozamski.

Me 9 tetor 1935 - Artistja kosovare Melihate Ajeti lindi më 9 tetor në Prishtinë. Aktorja e mirënjohur e Teatrit të Prishtinës, realizoi në skenë 180 role kryesore. Ajo ka lënë gjurmë të pashlyera edhe në kinematografinë kosovare. Vdiq më 25 mars 2005 në Prishtinë.

Me 9 tetor 1937 Mbretëria shqiptare aderoi në Konventën për kufizimin e prodhimit e shpërndarjes së drogave nënshkruar në Gjenevë në korrik të vitit 1931.

Me 9 tetor 1940 - Lindi Xhon Lenon, autor tekstesh, muzikant dhe anëtar i grupit "Beatles". Ai u vra në dhjetor të vitit 1980 nga Mark Cepman.

Me 9 tetor 1943 - U zhvillua Lufta e Arbanës, e konsideruar e para betejë e madhe kundër gjermanëve në Qarkun e Tiranës.

Me 9 tetor 1947 - Shqipëria aderoi në Traktatin e Paqes me Italinë duke mbyllur kështu një nga periudhat më të vështira dhe më të turpshme në marrëdhëniet midis dy vendeve.

Me 9 tetor 1993 - Në Festivalin ndërkombëtar të Filmit në Salerno të Italisë filmi artistik shqiptar "Zemra e nënës" më 9 tetor u laureua me trofeun e argjendtë të festivalit.

Me 9 tetor 1995 - Kuvendi i Republikës së Shqipërisë në seancën plenare miratoi ligjin për shitjen e truallit të ndërmarrjeve që privatizohen. Akti ligjor ka të bëjë me strategjinë dhe politikën e privatizimit në vendin tonë.

Me 9 tetor 2000 - Përfundoi ekspedita arkeologjike shqiptaro-italiane në Finiqit, 8 km larg Delvinës. Ekspedita kryesohej nga Prof. Dr. Myzafer Korkuti. U angazhuan edhe 5 arkeologë të Universtitetit të Bolonjës.

Nosh

10-10-2011, 10:41

Me 10 tetor 1445 - Forcat turke, të ardhura nga Ohri, u ndeshën me forcat shqiptare në fushën e Domosdovës (Përrenjas) dhe u thyen. Po këtë fat pësoi ushtria turke dhe në vitin pasardhës. E nisur nga Shkupi ajo u thye në fushën e Otonetës në Dibrën e Sipërme.

Me 10 tetor 1448 - Senati i Venedikut, duke studiuar gjendjen pas disfatave të njëpasnjëshme që pësoi Sulltani në Shqipëri, udhëzoi njerëzit e vet që të nxisin përsëri turqit kundër Skënderbeut, që të shpejtohej rrënimi dhe fundi i tij.

Me 10 tetor 1813 - Lindi Xhuzepe Verdi, një nga kompozitorët më të mëdhenj italianë të gjinisë së operës. Ndër veprat e tij përmenden "Aida", "Otello" dhe "Rigoleto". Vepra e fundit e tij "Falstaf" u shkrua nga ai në moshën 76 vjeçare.

Me 10 tetor 1893 - U lind patrioti dhe mësuesi i merituar Jorgji Pano. Pas hapjes së shkollës shqipe në Tiranë ai ishte mësues dhe drejtor i parë i saj. Zhvilloi një veprimtari të gjerë atdhetare. Jorgji Pano ishte anëtar i shoqërisë "Bashkimi" dhe kryetar i Lidhjes së Arsimtarëve "Mësuesi". Mori pjesë edhe në Revolucionin e Qershorit dhe në Luftën Nacional Çlirimtare.

Me 10 tetor 1922 - U përurua Biblioteka Kombëtare. Ajo u krijua me 3000 vëllimet e trashëguara nga Kombësia Letrare e Shkodrës dhe Shoqëria "Vllaznia". Drejtor i parë i saj ishte patrioti Sotir Kolea.

Me 10 tetor 1926 - Hapi dyert e saj shkolla bujqësore shqiptaro-amerikane e Kavajës. Verën e vitit 1930 u diplomua 10 studentët e parë të ardhur nga të gjitha viset e Shqipërisë.

Me 10 tetor 1930 - Lindi në Manhatan gjenerali i aviacionit amerikan, me origjinë shqiptare Tomas Poçari. 36 vjet ai shërbeu në Forcat Ajrore amerikane dhe u nderua me medalje, që dëshmojnë për aftësitë e tij në profesionin e ushtarakut të talentuar.

Me 10 tetor 1937- Një komision i përbërë nga inxhinierët Tom Filipeu, Fasil Noçka dhe Tom Truja provoi cilësinë dhe fortësinë e artikujve të prodhuar nga "Portland çimento" e Shkodrës. Të gjitha provat dhanë rezultate të mira dhe shtypi i kohës e cilëson këtë si fitore të industrisë kombëtare.

Me 10 tetor 1947 - Bashkë me grupin e deputetëve u pushkatua mjeku nga Gjirokastra Enver Sazani. Studioi dhe u specializua për mjekësi në Universitetin e Montpeliesë, Lionit dhe Parisit në Francë. Punoi si mjek radiolog në Spitalin ushtarak. Gjatë luftës Nacional Çlirimtare u rendit në radhët e çetës së Ishmit dhe formacionin partizan të Pezës. Pas çlirimit ishte drejtoi i parë i Spitalit Ushtarak deri sa u arrestua dhe u pushkatua me grupin e deputetëve.

Me 10 tetor 1951 - Lindi në Plavë Prof. Dr. Isuf Dedushaj, Doktor i shkencave të mjekësisë. Ai është epidemiologu i parë shqiptar i Kosovës. Punoi në Entin për Mbrojtjen Shëndetësore të Kosovës prej vitit 1976-1990 kur për shkaqe etnike dhe politike largohet me dhunë nga puna.

Me 10 tetor 1967 - Lindi në fshatin Krushë e Madhe të komunës së Rahovecit, Bajram Duraku, dëshmor i Kosovës. U vra në vendlindje më 26 mars 1999, në moshën 32 vjeçare, viktimë e gjenocidit serb.

Me 10 tetor 1967- Publiku i sotëm arriti t'i shohë për herë të parë fotot e Balit në ekspozitën "Marubi 2003".

Me 10 tetor 1975 - Mbreti Leka I u martua me mbretëreshën Suzanë, që kishte lidhje gjaku me familjen mbretërore të Anglisë.

Me 10 tetor 1998 - Kuvendi i Shqipërisë, me shumicë votash, miratoi Kushtetutën e re të vendit, që sanksionoi pluralizmin politik dhe kthimin në ekonominë e tregut.

Nosh

11-10-2011, 10:06

Me 11 tetor 1809 - Xhorxh Gordon, Lordi Bajron vizitoi Shqipërinë. Në kujtimet e 21 vjeçarit anglez janë fiksuar tri ditët me vezirin e madh Ali Pashë Tepelena.

Me 11 tetor 1871 - Zjarri që ra në Çikago, u shuajt pas tre ditësh. Si pasojë, 300 persona gjetën vdekjen dhe rreth 90.000 të tjerë mbetën pa shtëpi. Dëmi i shkaktuar nga shpërthimi i zjarrit u vlerësua mbi 200 milion dollarë amerikanë.

Me 11 tetor 1897 - Patrioti Nikolla Naço nga Bukureshti u dërgoi fuqive të mëdha një thirrje në frëngjisht dhe anglisht për ngritjen e shkollave dhe kishave në gjuhën shqipe në Shqipëri. Në të njëjtën kohë dhe komiteti i shoqërisë "Drita" dhe redaksia e gazetës "Shqiptari" ju drejtuan bashkatdhetarëve të tyre kudo që ishin që të kërkojnë shkolla dhe kisha shqiptare.

Me 11 tetor 1900 - Në kryeqytetin e Belgjikës, Bruksel, doli kalendari i maleve me 158 faqe. Ai përmbante festat fetare, ngjarjet historike dhe kulturore. Kalendari botohej nën drejtimin e Faik Konicës.
Atdhetari i shquar i krahinës së Lumës Islam Spahiu me te birin, më 11 tetor 1911 hapën shkollën e parë në gjuhën shqipe në krahinën e tyre.

Me 11 tetor 1913 - Nën drejtimin e At Gjergj Fishtës doli në Shkodër numri i parë i revistës "Hylli i Dritës". Ajo ishte fletore politike, fetare, kulturore dhe shkencore. Trajtonte probleme historike dhe gjuhësore.

Me 11 tetor 1922 - Pas përcaktimit të kufinjëve të Shqipërisë ministria e punëve të jashtme u dërgoi të gjithë shtetasve kërkesën për njohjen e shtetit shqiptar. Brenda vitit 1922 Shqipërinë e njohën "de juro" dhe "de facto" Shtetet e Bashkuara të Amerikës, Zvicra, Bullgaria, Finlanda, Austria, Luksemburgu dhe Jugosllavia.

Me 11 tetor 1933 - Përfaqësuesi i shqiptarëve në Gjenevë nënshkroi më konventën ndërkombëtare për lehtësimin e qarkullimit të filmave me karakter edukues.

Me 11 tetor 1937 - U riorganizua klubi patriotik "Adriatiku" i mërgimtarëve shqiptarë në Shtetet e Bashkuara të Amerikës. Ai synonte të mbante gjallë gjuhën amtare dhe traditat shqiptare.
Për herë të parë në kryeqytetin tonë nga data 11-15 tetor 1995 u zhvillua Festivali Ballkanik i teatrove të kukullave. Ku morën pjesë mbi 90 personalitete të artit dhe përfaqësues të shtypit.
11 vjet më parë në Prishtinë u organizua simpoziumi shkencor i mjekëve të Kosovës ku morën pjesë 150 mjekë të profileve të ndryshme.

Me 11 tetor 1962 - Papa Gjoni XXIII hapi Koncilin e dytë ekumenik të Vatikanit në rrugën "Peter's Basilica" në Romë. Kurse Koncili i parë i Vatikanit ishte në vitin 1869-1870.

Me 11 tetor 1999 - Mbërrin për herë të parë në Shqipëri me detyrën e mesazherit të paqes, aktori i famshëm Hollivudian, Majkëll Dagllas.

Me 11 tetor 2004 - Në SHBA, shuhet nga një aksident tragjik këngëtarja Anita Bitri. Një rrjedhje gazi brenda shtëpisë i mori jetën vajzës dhe nënës së këngëtares dhe Anita Bitrit. Ajo u lind në Sarandë, me 8 janar 1968 dhe filloi të këndonte kur ishte 6 vjeç. Në mars 1996 Anita largohet për në Shtetet e Bashkuara të Amerikës ku dhe vdiq në moshën 36 vjeçare.

Nosh

12-10-2011, 11:06

Me 12 tetor 1415 - Një dokument që mban datën 12 tetor 1415 flet për doganën e portit të Ishmit. Ai dëshmon për qenien e një rrjeti doganor në principatën feudale të Kastriotëve, ku hynte edhe Ishmi. Principata kryente shkëmbime tregtare me botën, kryesisht me Raguzën.

Me 12 tetor 1492 - Kristofor Kolombi bën zbarkimin e tij të parë në Botën e Re. Mbas një lundrimi prej 33 ditësh, nga ishujt Kanarie, ekuipazhi i tij zbarkon në Bahamas, duke menduar se kishte zbuluar Azinë.

Me 12 tetor 1518 - Kur filluan proceset ndaj Martin Luterit, të akuzuar për herezi, ai u detyrua të shkonte në Asamblenë e Augsburgut. Atje, Luteri refuzoi të hiqte dorë nga pikëpamjet e tij, refuzim i cili u bë gjatë një debati me kardinalin Cajetan.

Me 12 tetor 1879 - Emigrantët shqiptarë në Stamboll themeluan "Shoqërinë e të shtypurit të shkronjave shqip", e cila luajti një rol të madh në emancipimin kulturor të popullit tonë. Këshilli qendror i shoqatës kryesohej nga Sami Frashëri.

Me 12 tetor 1851 - Vlora goditet nga një tërmet me intensitet qendror 9 ballë. Terrenet e qytetit bregdetar dhe rrethinat e tij bëjnë pjesë në zonën sizmiologjike Joniko - Adriatike, që gjenerojnë tërmete me potencial të konsiderueshëm sizmik.

Me 12 tetor 1913 - Esat Pashë Toptani shpalli në Durrës formimin e pleqësisë së Shqipërisë së Mesme, në krye të së cilës u vu vetë ai. Pushteti i Toptani shtrihej në Durrës, Shijak, Peqin, Kavajë dhe Tiranë.

Me 12 tetor 1920 - Qeveria shqiptare e dalë nga Kongresi i Lushnjes bëri kërkesën për t'u pranuar në Lidhjen e Kombeve. Ky hap diplomatik synonte që përmes pranimit të ripohohej njohja ndërkombëtare e shtetit shqiptar.

Me 12 tetor 1925 - U aprovua me vota unanime marrëveshja midis qeverisë sonë dhe asaj jugosllave për ratifikimin e kufirit në një pjesë të Velipojës e të jugut drejt Shën Naumit. Ndonëse me këtë shkëmbim Shqipëria përfitoi 22 kilometra katrorë tokë, asnjëherë nuk e zotëroi manastirin e Shën Naumit.

Me 12 tetor 1928 - E para "Mushkëri e hekurt" aplikohet në spitalin e fëmijëve në Boston. Ajo u përdor në një pacient që vuante nga poliomeliti.

Me 12 tetor 1935 - Lindi Luçano Pavaroti, tenori popullor italian i njohur në mbarë botën.

Me 12 tetor 1937 - Doli numri i parë i revistës pedagogjike "Shkolla kombëtare". Ajo trajtoi çështje praktike të arsimit fillor. Pas pushtimit fashist revista qarkulloi me titullin "Shkolla shqiptare".

Me 12 tetor 1937- Me urdhër të Ministrit të Brendshëm, Musa Juka, nuk lejohej hyrja në Shqipëri e gazetës "Sazani", që botohej në Francë.

Me 12 tetor 1943 - Plagoset në mes të Tiranës Mustafa Merlika Kruja. Ai ka qenë sekretar i parë i Kryeministrit në Qeverinë e Ismail Qemalit, Ministër i Postë-Telegrafëve në qeverinë e Turhan Pashë Përmetit, deputet në Parlamentin e parë shqiptar në 1921, Kryeministër në vitet 1941-1943. Arsyeja për të cilën Mustafa Kruja, Dom Lazër Shantoja, Lef Nosi, P. Anton Harapi morën pjesë në politikën shqiptare të periudhës 1940-1944, ishte vetëm vetëdija e thellë e vetëflijimit për interesat e kombit. Në vjeshtë të vitit 1944 Mustafa Kruja u largua nga Shqipëria për në Itali e më pas në Egjipt, Francë e së fundi në SHBA, ku vdiq në qytetin e Niagara Falls më 27 dhjetor 1958.

Me 12 tetor 1947 - Përfundoi faza e parë për tharjen e kënetës së Maliqit. Për nevojën e bonifikimit të saj ishte folur që në kohën e Monarkisë.

Me 12 tetor 1962 - Llindi Bashkim Fino deputet i Kuvendit të Shqipërisë. Ka punuar në Gjirokastër deri në 1992, vit kur u zgjodh Kyetar i Bashkisë së qytetit. Në mars '97 u emërua kryeministër i Qeverisë së Pajtimit Kombëtar.

Me 12 tetor 1968 - U përurua hekurudha Rogozhinë-Fier, 54 km. e gjatë.

Me 12 tetor 1978- U përurua Hidrocentrali i Fierzës, një nga më të mëdhenjtë në vendin tonë.

Me 12 tetor 1994 - Kuvendi i Shqipërisë miratoi në seancë plenare ligjin për mbrojtjen e pasurisë kulturore të luajtshme dhe të paluajtshme.

Nosh

13-10-2011, 16:26

Me 13 tetor 1396 - Senati i Venedikut, pasi shqyrtoi lutjen e kuvendeve të fretërve në trojet shqiptare, i përjashtoi ato nga taksat për sendet e pasuritë si dhe për frytet e pronave që kishin në viset e Durrësit.

Me 13 tetor 1792 - Xhorxh Uashingtoni vendos gurin e parë në rezidencën zyrtare të presidentit të Shteteve të Bashkuara të Amerikës, e quajtur 'Shtëpia e Bardhë'.

Me 13 tetor 1860 - Realizohet fotografia e parë ajrore në Shtetet e Bashkuara të Amerikës. Nga një ballon i ngritur 360 metra mbi qytetin e Bostonit, realizohet fotografia e titulluar "Bostoni siç e shikon shqiponja dhe pata e egër".

Me 13 tetor 1884 - Grinuiçi në Angli vendoset si meridiani universal i kohës, sipas së cilit llogaritet koha në mbarë botën (koha sipas Grinuiçit GMT).

Me 13 tetor 1911- Lindi në Shkodër Millosh Gjergj Nikolla, i njohur me emrin Migjeni. Ai solli elemente të reja në letërsinë shqipe, sidomos në pasqyrimin e jetës së njerëzve të varfër. Në dhjetor 1937 ai niset për në Itali për t'u kuruar në sanatoriumin San-Luigji të Torinos, pastaj në Spitalin Torre Pellice, ku dhe ndërroi jetë më 26 gusht 1938.

Me 13 tetor 1912 - U mbajt mesha e parë në gjuhën shqipe në kishën shqiptare në Southbridge të Shteteve të Bashkuara. Kisha me emrin e Shën Kollit u ndërtua nga bashkatdhetarët tanë në mërgim dhe u celebrua nga At Fan Noli dhe At Naum Çere.

Me 13 tetor 1922 - U krijua në Tiranë shoqëria demokratike "Bashkimi".

Me 13 tetor 1924 - Shqipëria aderoi në dy akte të rëndësishme të së drejtës ndërkombëtare. Bëhet fjale për përfshirjen në konventën për ndalimin e shitjes së grave dhe fëmijëve dhe në konventën për ndalimin e qarkullimit dhe trafikut të publikimeve të turpshme.

Me 13 tetor 1926 - Pas bisedimeve që u zhvilluan në Athinë u nënshkrua konventa për vendosjen e shërbimit konsullor midis Shqipërisë dhe Greqisë.

Me 13 tetor 1931 - Lindi në Devoll, shkrimtari Dritëro Agolli. Studioi letërsi në Institutin "Gorki" të Moskës. Krijimtarinë letrare e nisi që në gjimnaz. Shumë nga krijimet e tij janë përkthyer dhe botuar në vende të ndryshme të botës.

Me 13 tetor 1937 - U përurua shkolla e parë për përgatitjen e infermierëve. Shkolla u hap me fondet e Kryqit të Kuq dhe fondacionit "Rockefeller" të Shteteve të Bashkuara të Amerikës. Koha e mësimit ishte tre vjet. Shkolla e filloi veprimtarinë e saj me 17 nxënës.

Me 13 tetor 1945 - Lindi në Vushtrri të Kosovës Dr. Adem Zejnullahu. Ka studiuar Gjuhën dhe Letërsinë shqipe në Fakultetin Filozofik të Prishtinës. Që nga viti 1982 punon në Institutin Albanologjik në Prishtinë. Ka botuar më tepër së 100 punime profesionale e shkencore.

Me 13 tetor 1953 - Erifili Bezhani, e para avokate femër, i drejton Këshillit Mbikëqyrës të Avokatisë një promemorie, ku me argumente logjikë, kundërshton vendimin për përjashtimin nga puna, duke kërkuar që të dëgjohet mbrojtja e saj. Njihet si shembull i rrallë emancipimi për brezin femëror shqiptar të viteve 30-të. Lindi në Vlorë në 16 nentor 1910 kryen studimet në Fakultetin e Drejtësisë, në Francë. Kthehet ne atdhe më 1943, për të mos u larguar më. Në Maj 1947, Erifili Bezhani arrestohet dhe nga fundi i vitit, dënohet me 20 vjet burg dhe dërgohet në burgun famëkeq të Burrelit. Me 15 Shkurt 1959 mbylli sytë në spitalin e Tiranës.

Me 13 tetor 1968 - Në fshatin Selcë u bë përurimi i ndërtimit të rrugës automobilistike të Malësisë së Madhe dhe përfundimi i elektrifikimit të Kelmendit dhe Dukagjinit.

Me 13 tetor 1969 - Zhvilloi punimet konferenca kombëtare e studimeve pedagogjike.

Me 13 tetor 1995 - U nënshkrua në Romë traktati i miqësisë dhe bashkëpunimit midis Republikës së Shqipërisë dhe Republikës italiane. Ai përbën bazën kryesore juridike për zhvillimin e marrëdhënieve dypalëshe në të gjitha fushat e veprimtarisë dhe të shkëmbimeve të ndërsjellta.

Nosh

14-10-2011, 14:41

Me 14 tetor 1450 - Në kushte të vështira Gjergj Kastrioti i propozoi Venedikut t'i dorëzonte Krujën, në mënyrë që ajo të mos binte në dorë të osmanëve. Senati i Republikës nuk e pranoi ofertën që mund ta shpinte Venedikun në luftë me perandorinë osmane. Kruja u shpëtua nga vetë shqiptarët dhe shumë studiues e konsideruan këtë lëvizje të Skënderbeut si një manovër të hollë diplomatike.

Me 14 tetor 1759 - Tre kapedanë të Himarës dërgojnë në Shën Petërburg dy ambasadorë të tyre, të shoqëruar me letrat përkatëse kredenciale. Ata ishin të autorizuar për një marrëveshje me perandorinë ruse për të vënë në dispozicion të saj dy regjimente, të cilët do të përdoreshin sidomos në luftë me Portën e Lartë.

Me 14 tetor 1890 - Lindi Dwight David Eisenhawer, politikan dhe gjeneral i ushtrisë amerikane. Ai ishte komandant suprem i Forcave Aleate gjatë Luftës së Dytë Botërore dhe president i 34-të i Shteteve të Bashkuara të Amerikës gjatë viteve 1953-'61.

Me 14 tetor 1912 - Atdhetarët shqiptarë organizuan një mbledhje në Shkup. Ata njoftuan fuqitë e mëdha se populli shqiptar do të përdorë të gjitha masat për të dalë zot tërësisë tokësore. Mbledhja caktoi një delegacion që të merrej vesh me përfaqësuesit e krahinave të tjera për organizimin e një kuvendi kombëtar që të vendoste për fatin e atdheut.

Me 14 tetor 1912 - U vra atdhetari Spiro Bellkameni. Lindi në një fshat pranë Follorinës më 1885. Mori pjesë në çetat e armatosura, madje ishte dhe udhëheqës i njërës prej tyre. U kap tradhëtisht nga autoritetet osmane dhe u vra në moshën 27 vjeçare në vendlindje.

Me 14 tetor 1912 - U formua në Shkup "Shoqëria e zezë për shpëtim", ku bënin pjesë Sali Gjuka, Bedri Pejani dhe Rexhep Mitrovica. Ata shpallën nevojën e mbledhjes së një kuvendi për shpëtimin e Shqipërisë nga copëtimi dhe pushtimi i fuqive ballkanike. Mbledhja e Shkupit vendosi të mbrojë me armë tërrësinë territoriale dhe bashkimin e katër vilajeteve shqiptare.

Me 14 tetor 1915 - Gjatë Luftës së Parë Botërore, megjithëse Shqipëria ishte vend neutral, Austria pushtoi Shqipërinë e veriut dhe atë të mesme.

Me 14 tetor 1917 - Në kryeqytetin çekosllovak u vra në një atentat nga studenti shqiptar, 23-vjeçari Alqiviadh Bebi, kryediplomati shqiptar në Pragë Ceno bej Kryeziu. Ceno beu ishte gjakovar e kishte marrëdhënie mjaft të mira me qarqe të politikës jugosllave të kohës. Ngjarja i acaroi marrëdhëniet midis Jugosllavisë nga njëra anë dhe Shqipërisë e Italisë nga ana tjetër.

Me 14 tetor 1921 - Doli revista e parë bujqësore "Bagëti e bujqësi". Në vitin 1928 vazhdoi botimin me titullin "Bujqësia".

Me 14 tetor 1929 - Regjimi i kral Aleksandër Karagjorgjeviçit vrau at Shtjefën Gjeçovin, veprimtar i shquar i lëvizjes atdhetare shqiptare, etnograf, arkeolog dhe shkrimtar, që ka dhënë një ndihmesë të madhe në kulturën tonë kombëtare.

Me 14 tetor 1933 - U nda nga jeta albanologu dhe etnografi hungarez Franc Nopça. Lindi në vitin 1877. Studioi ndërtimin gjeologjik të Shqipërisë veriore, por njëherësh mblodhi dhe një material të pasur etnografik. Ishte me origjinë fisniku dhe në vitin 1913 ishte ndër rivalët kandidatë të Princ Vidit për mbret të Shqipërisë.

Me 14 tetor 1964 - Udhëheqesi amerikan për të drejtat e zezakëve, Martin Luter King, fiton çmimin Nobel për Paqe.

Me 14 tetor 1990 - Leonard Bernshtain, kompozitor dhe dirigjent amerikan i veprave klasike popullore si "West Side Ston", vdiq një javë pasi u tërhoq nga skena për arsye shëndetësore.

Me 14 tetor 1994 - Kryeministri i Izraelit, Jitzhak Rabin dhe ministri i Jashtëm, Shimon Peres, së bashku me kryetarin e Organizatës për Çlirimin e Palestinës, Jaser Arafat, ndajnë midis tyre çmimin Nobel për paqen.

Nosh

15-10-2011, 11:11

- Dita botërore e të verbërve
- Dita ndërkombëtare e ecjes në këmbë

Me 15 tetor 1492 - Kronika e Stefano Manjos flet për ekspeditën e Sulltan Bajazitit të dytë për nënshtrimin e Himarës.

Me 15 tetor 1608 - Lindi fizikania dhe matematikania e famshme italiane, Evangelista Torricelli, e cila zbuloi principet në barometër.

Me 15 tetor 1886 - Lind në Korçë Dhimitër Berati, politikan, publicist. U diplomua në Shkencat Politike Administrative në Rumani. Firmosi aktin e Shpalljes së Pavarësisë në emër të kolonisë shqiptare të Bukureshtit. Më 1934 ishte Ministër i Ekonomisë, më 1936, për tri vite, ministër Fuqiplotë në Romë, më 1941 Ministër i Kulturës Popullore dhe zv/ministër i arsimit në qeverinë e Mustafa Krujës. Pas çlirimit, Dhimitër Berati emigroi në Evropë. Vdiq më 8 shtator 1970 në Romë.

Me 15 tetor 1903 - Në Iballë të Pukës u hap shkolla e parë shqipe. Mësues i saj i parë ishte Kolë Zazaj, të cilin malësorët e thërrisnin "Shkollari".

Me 15 tetor 1908 - U çel shkolla e parë shqipe për rrethin e Tepelenës.

Me 15 tetor 1913 - Populli i Dibrës i bënë thirrje fuqive të mëdha dhe popujve të qytetëruar të Evropës që të bashkojnë krahinën e tyre me Shqipërinë për të shpëtuar nga robëria e pushtuesve serbë. Mijëra të pafajshëm thuhet në thirrje, të ikur nëpër male dhe shkëmbinj, ishin në rrezik vdekje prej të ftohtit dhe urisë.

Me 15 tetor 1917 - U ekzekutua spiunia më e famshme e luftës së parë botërore, Mata Hari, në rrethinat e Parisit.

Me 15 tetor 1929 - Lindi në Lushnjë aktori Luan Qerimi. Nisi karrierën artistike në Teatrin e Ushtrisë. Në moshën 25 vjeçare u angazhua në Teatrin Popullor. Mbi 70 role në skenën e Teatrit Kombëtar, me mijëra shfaqje për më se 35 vjet në skenë. Nga viti 1989 mban titullin "Artist i merituar".

Me 15 tetor 1942 - Këshilli administrativ i Ministrisë së Arsimit vendosi të dërgojë në Kosovë mësues për shkollat shqipe nga Shqipëria.

Me 15 tetor 1944 - Lindi në Tropojë profesor doktor Sali Berisha. U diplomua shkëlqyeshëm për mjekësi në Universitetin e Tiranës. Pas përfundimit të studimeve të avancuara në Paris, më 1968, u zgjodh anëtar i Komitetit Evropian për Kërkime në Shkencat Mjekësore. Ka publikuar libra studimorë, tekste universitare dhe shumë artikuj shkencorë në fushën e kardiologjisë brenda dhe jashtë vendit. Karriera politike e tij filloi me lëvizjen studentore në dhjetor 1990. Më 1991 themeloi dhe u zgjodh kryetar i Partisë Demokratike, të cilën e drejton edhe sot. Berisha u zgjodh President i Shqipërisë më 9 prill 1992, detyrë në të cilën u rizgjodh edhe më 3 shkurt 1997. Është Kryeministër i Shqipërisë që prej 8 shtatorit 2005.

Me 15 tetor 1953 - Lindi në Tiranë aktorja Yllka Mujo. Mbaroi studimet në Institutin e Lartë të Arteve në degën e dramës në 1974 dhe nga ajo kohë punon si aktore në Teatrin Kombëtar. Për 30 vjet ka realizuar një numër të madh rolesh si në teatër ashtu edhe në film.

Me 15 tetor 1993 - Nelson Mandela dhe F.W de Klerk u nderuan me çmimin 'Nobel' për punën e tyre në ndërtimin e Afrikës demokratike.

Me 15 tetor 1997 - Në Galerinë e Arteve "Dodona" të Prishtinës u hap ekspozita e piktorit Rexhep Ferri. Veprimtaria zhvillohej me rastin e 60 vjetorit të lindjes dhe pranimit të tij si anëtar korrespondent i Akademisë së Shkencave dhe të Arteve të Kosovës.

Nosh

16-10-2011, 10:55

Me 16 tetor 1455 - Një kontratë që mban datën 16 tetor 1455 prezanton Andrea Aleksin, me origjinë nga Durrësi, si një ndër piktorët, skulptorët dhe arkitektët më të shquar të kohës. Mjeshtri i madh durrsak në këtë dokument angazhohet t'i mësojë artet që zotëronte brezave të artistëve të rinj.

Me 16 tetor 1798- Paria e Pragës kundërshtonte Ali Pashë Tepelenën për luftë kundër francezëve, për një marrëveshje dypalëshe dhe për nënshtrimin para vullnetit të Pashait.

Me 16 tetor 1844 - Lindi në Vlorë Ismail Qemali. Fillimet e karrierës politike Ismail Qemali i pati në zyrat turke dhe në bashkëpunime me osmanllinjtë. Por ai kaloi shtatë vjet i internuar për shkak të ideve të veta liberale. Më 28 nëntor 1912 kryesoi në Vlorë mbledhjen e Kuvendit kombëtar, që shpalli Pavarësinë e Shqipërisë. Ismail Qemali i kaloi vitet e fundit të jetës së tij në azil në Itali, duke mbrojtur çështjen shqiptare, deri në fund. Vdiq më 24 janar 1919.

Me 16 tetor 1846 - Për herë të parë kryhet një operacion i rëndësishëm, duke përdorur eterin si anestezi. Në Boston të shtetit Masusets, Dr. Xhon Uomen gjatë ndërhyrjes hoqi një tumor.

Me 16 tetor 1906 - Lindi në Elbasan Shyqyri Demiri, Mësues i Popullit, doktor në histori dhe arkeologji. Studioi në Universitetin austriak të Gracit, në degën histori-arkeologji.

Me 16 tetor 1907- Pas disa tubimeve në Prizren, Prishtinë e Lumë u themelua shoqëria atdhetare "Besa". Ajo u bënte thirrje gjithë shqiptarëve të mbronin Shqipërinë nga copëtimi i të huajve.

Me 16 tetor 1908 - Lindi në Gjirokastër Enver Hoxha. Në historinë shqiptare ai mbetet krijuesi i shtetit diktatorial sipas modelit stalinian. Me emrin e tij lidhet ndër të tjera izolimi i Shqipërisë, lufta e ashpër e klasave, dënimi dhe përndjekja e intelektualëve të shquar si dhe mohimi i besimeve fetare.

Me 16 tetor 1912- Mbledhja e Shkupit miratoi deklaratën, e cila iu dorëzua Fuqive të Mëdha. Sipas saj, shqiptarët morën armët jo për të forcuar dhe përkrahur sundimin e Turqisë në Ballkan, por për t'i dalë zot tërësisë tokësore dhe lirisë së Shqipërisë.

Me 16 tetor 1913 - Komisioni ndërkombëtar i kontrollit, i krijuar nga Konferenca e Ambasadorëve në Londër, mbajti në Vlorë mbledhjen e tij të parë. Ai jo vetëm që nuk e njohu qeverinë e Vlorës, por ndërhyri brutalisht në punët e saj. E minoi atë nga themelet dhe e detyroi Ismail Qemalin të japë dorëheqjen.

Me 16 tetor 1921 - U formua kabineti i Pandeli Evangjelit, ku ai mbante portofolin e kryeministrit dhe të ministrit të Jashtëm. Ministër i Drejtësisë ishte Koço Tase, ministër i Brendshëm, Bajram Fevziu dhe i Financave, Ahmet Dakli. Kabineti qëndroi në fuqi më pak se dy muaj.

Me 16 tetor 1937 - Si rezultat i zgjedhjeve që u bënë për parinë e parlamentit kryetar u zgjodh Pandeli Evangjeli dhe nënkryetar Hiqmet Delvina.

Me 16 tetor 1945 - Themelohet Organizata e Kombeve të Bashkuara për Bujqësinë dhe Ushqimin (FAO). Qëllimi kryesor i saj ishte rritja e nivelit të ushqimit dhe përmirësimi i standardit të jetës.

Me 16 tetor 1959 - Vdiq Xhorxh S.Marshall, shefi i shtabit të ushtrisë amerikane gjatë Luftës së Dytë Botërore. Programi i Rimëkëmbjes Europiane, i propozuar nga ai në vitin 1947, njihet si plani Marshall. Ai fitoi çmimin 'Nobel' për Paqen në vitin 1953.

Me 16 tetor 1978 - Kardinali Karol Vojtila nga Polonia zgjidhet Papë dhe merr emrin Gjon Pali II. Ai ishte Papa i parë jo-italian pas 456 vjetësh.

Me 16 tetor 2000 - Kishës ortodokse të Rusisë iu dhurua nga hekurudha e vendit një vagon i shndërruar në kapelë (kishë të vogël). Kisha, e para që eci mbi shina, do të udhëtonte bashkë me altarin dhe këmbanat në krahinat e largëta të perandorisë së madhe.

Nosh

17-10-2011, 12:22

Me 17 tetor 1849 - Vdes nga tuberkulozi në Paris, Frederik Shopen, kompozitor i famshëm dhe pianist romantik polak.

Me 17 tetor 1902 - Prodhohet kadillaku i parë në Detroit të Shteteve të Bashkuara të Amerikës.

Me 17 tetor 1915 - Lindi Artur Miller, dramaturg i madh amerikan. Në veprat e tij përfshihen "Vdekja e një komisioneri" dhe "Dhoma me pamje". Artur Miller ishte edhe një nga bashkëshortët e aktores së famshme amerikane, Merylin Monroe.

Me 17 tetor 1956 - Mbretëresha Elisabet përuron centralin e parë bërthamor në Calder Hall.

Me 17 tetor 1989 - Tërmeti më i fortë që nga viti 1906 godet zonën e gjirit të San Franciskos. Me epiqendër në Santa Kruz, 80 kilometra në jug të San Franciskos dhe me një fuqi prej 6.9 sipas shkalles Rihter, ai shkaktoi vdekjen e 67 personave dhe 600 të plagosur.

Me 17 tetor 1994 - Në konferencën e Organizatës Financiare Botërore të komisioneve për letra me vlerë (IOSKO), që u mbaj në Tokio nga 16 e deri më 22 tetor, Republika e Maqedonisë është pranuar për anëtare fuqiplotë.

Me 17 tetor 1994 - Jordania dhe Izraeli fillojnë një traktat historik paqeje, duke i dhënë fund gjendjes së luftës 46 vjeçare midis tyre.

Me 17 tetor 2001 - Një nxënës i shkollës së mesme në Florida, 17 vjeç, pranoi se kishte hedhur një pluhur të bardhë në tryezën e mësuesit të tij në përpjekje për të ndaluar zhvillimin e mësimit në kohën e një shqetësimi të madh për infektimin me antraks. Ndërsa shteti dënon rëndë mashtrime të tilla, nxënësi mund të dënohej për vite të tëra me burgim.

Nosh

17-10-2011, 15:13

Sot në histori

Dhjetë ngjarje që kanë shënuar 17 tetorin në vite...
http://www.botasot.info/img/nene-tereza.jpg
1979 – Nënë Tereza nderohet me Çmimin Noel për Paqe, në Kalkuta.
1610 – Mbreti francez, Louis XIII, 9 vjeç, kurorëzohet në Reims, pesë muaj pas vrasjes së babait të tij Henri IV.
1777 – Forcat britanike, të udhëhequra nga gjenerali Xhon Burgojn, u nënshtrohen trupave amerikane në Saratoga, Nju Jork, në një pikë kthese të Luftës Revolucionare.
1915 – Dramaturgu amerikan, Artur Miller, lind në Nju Jork.
1931 – Mafiozi Al Kapone dënohet për evazion taksash me 11 vjet burg.
1933 – Fizikani Albert Ajnshtajn arrin në Shtetet e Bashkuara si refugjat nga Gjermania Naziste.
1945 – Koloneli Peron organizon grusht-shtetin, duke u bërë sundimtar absolut i Argjentinës.
1957 – Shkrimtari francez, Albert Kamy, nderohet me Çmimin Nobel për Letërsi.
1973 – Vendet arabe, prodhuese të naftës, kumtojnë shkurtimin e eksporteve të naftës për vendet perëndimore dhe Japoninë; rezultati ishte një embargo totale që zgjati deri në mars të vitit 1974.
1989 – Tërmeti me fuqi 7.1 shkallë të Rihterit godet Kaliforninë, duke vrarë 67 njerëz dhe duke shkaktuar dëme në vlerë prej 7 miliardë dollarësh.

Nosh

18-10-2011, 11:37

Me 18 tetor 1697 - Lindi Canaletto (emri i vërtetë Xhovani Antonio Kanel), artist i njohur italian, i famshëm për peizazhet e tij të Venecias, Londrës dhe shtëpive angleze të fshatit.

Me 18 tetor 1873 - Rregullat e para të futbollit amerikan formulohen gjatë një mbledhjeje në Nju Jork, ku ishin të ftuar përfaqësuesit e universiteteve të Jel, Kolumbisë, Prinston dhe Rutger.

Me 18 tetor 1893 - Vdiq Sharl Guno', kompozitor francez. Ai arriti një sukses si kompozitor opere, me shfaqjen e operas "Faust" në Paris në vitin 1859.

Me 18 tetor 1893 - Vdiq Lusi Stou, udhëheqëse amerikane e lëvizjes për të drejtat e grave.

Me 18 tetor 1913 - Ushtria serbe detyrohet të tërhiqet nga trojet shqiptare, pas ultimatumit të Austrisë.

Me 18 tetor 1922 - Themelohet shoqëria britanike e radiopërhapjes (BBC).

Me 18 tetor 1925 - Lindi në Shkodër Ramiz Alia, udhëheqësi i fundit komunist në Shqipëri. Pas zgjedhjeve të para shumëpartiake të 31 marsit 1991, kuvendi i ri pluralist i dominuar nga deputetët e Partisë së Punës e zgjodhi President të Republikës. Pas 22 marsit 1992, kur fitoi koalicioni i opozitës, Alia dha dorëheqje nga posti i Presidentit.

Me 18 tetor 1997 - Shtatorja e Nënë Terezës, sponsorizim i vëllezërve shqiptaro-amerikane, Gjocaj, me banim në New York, zbriti në Tuz,(Mali i Zi) në meshën e dhënë në Kishën e Shën Ndout. Kjo dhuratë e çmueshme u vendos më 2 korrik 2002, në përvjetorin e Kushtetutës në Prishtinë, në krah të shtatores së heroit kombëtar, Skëndërbeu.

Me 18 tetor 2000 - Një nëpunës i postave të Nju Xhersit ishte personi i gjashtë në SHBA, i cili doli pozitiv me antraks. Dy prej letrave me përmbajtje antraksi janë postuar nga Trenton i Nju Xhersit.

Nosh

19-10-2011, 11:14

Me 19 tetor 1736 - Nënkonsulli venedikas në Shkodër njofton eprorët e tij në Venedik se në Shqipërinë e pushtuar nga osmanët dhe sidomos në Shkodër e Ulqin, sundon anarkia feudale.

Me 19 tetor 1864 - Lindi Ogyst Lumier, pionier francez i fotografisë, i cili së bashku me vëllain e tij Lui, shpikën një kamera dhe projektor me film që lëvizte të cilën e quajtën 'kinematograf'.

Me 19 tetor 1897 - Vdiq Xhorxh Mortimer Pulman, industrialist dhe shpikës amerikan. Ai shpiku "Pulmanin" një makinë që përdorej në hekurudhë.

Me 19 tetor 1899 - Lindi në Itali Padre Giovanni Fausti. Më 1929 shkoi në Shkodër dhe dha teologji dogmatike, shkrimin e shenjtë dhe filozofinë në Seminarin Papnor. At Giovanni Fausti u pushkatua pas burgosjes me 4 mars 1946.

Me 19 tetor 1912 - Nisi lufta për mbrojtjen e Shkodrës nga sulmet e ushtrisë malazeze, që përfundoi në prill 1913.

Me 19 tetor 1920 -Në fshatin Gllaviçicë afër Pejës u lind akademiku Mark Krasniqi. U diplomua për letërsi në Institutin e Padovës në Itali dhe për gjeografi e etnografi në Universitetin e Beogradit. Autorësinë e Mark Krasniqit e mbajnë shumë tekste mësimore e universitare, monografi shkencore dhe libra letrarë të gjinive të ndryshme.

Me 19 tetor 1928 - Punëtorët e shoqërisë koncesionare italiane "Mazzorana", që merrej me ndërtimin e rrugëve dhe urave në Shqipëri, u hodhën në grevë. Ata protestuan kundër pushimit nga puna dhe për mospagimin e mbikohës së punës.

Me 19 tetor 1937- Pranë Institutit të Higjienës në Tiranë u përurua shërbimi i përkujdesjes preventive kundër turbekulozit. Me ndihmën e Fondit Rrokfeler u vu në funksionim aparati i parë në vendin tonë.

Me 19 tetor 1940 - Në Gjirokastër, Vasil Alarupi botoi numrin e parë të gazetës "Vullneti".

Me 19 tetor 1983 - Senati i Shteteve të Bashkuara të Amerikës miraton një projektligj me anë të të cilit ditëlindja e Martin Luter Kingut, bëhet ditë pushimi.

Me 19 tetor 2003 - Nënë Tereza u lumturua nga Papa Gjon Pali II, si simbol i ndihmës për "më të varfëritë nder të varfrit", të cilëve ajo iu kushtoi jetën. Nënë Tereza është Nobeliste e Paqes shpërblyer me 122 mirënjohje.

Nosh

20-10-2011, 10:26

- Dita botërore e aviokontrollorëve

Me 20 tetor 1880 - U mbajt në Dibër një kuvend i jashtëzakonshëm i Lidhjes, që u quajt Kuvendi i dytë i Dibrës, ku morën pjesë rreth 300 delegatë nga krahina të ndryshme dhe që përfaqësonin të dy rrymat e lëvizjes për autonomi. Delegatët e rrymës patriotike radikale të kryesuar nga Abdyl Frashëri parashtruan programin që ishte i njëjtë me atë të Kuvendit të Gjirokastrës. Aty përveç mbrojtjes së Ulqinit, parashikohej krijimi i vilajetit të Shqipërisë dhe i qeverisë së përkohshme shqiptare.

Me 20 tetor 1900 - Ndërroi jetë poeti ynë kombëtar Naim Frashëri. Naimi lindi më 25 maj 1846 në Frashër. Studimet e mesme i kreu në Janinë, në gjimnazin e njohur "Zosimea". Më 1881 Naimi u vendos përfundimisht në Stamboll, ku u bë shpirti i Shoqërisë së Shkronjave dhe i lëvizjes së atdhetarëve shqiptarë. Vdiq në moshën 54-vjeçare.

Me 20 tetor 1906 - U botua në Magaga të Egjiptit numri i parë i gazetës "Shqipëria" që mbrojti interesat e kombit shqiptar. Ajo u botua për gati një vit.

Me 20 tetor 1927 - U nda nga jeta pedagogu dhe gazetari i shquar Naum Dhimitër Naçi ose siç njihet ndryshe dhe Nuçi Naçi, drejtor i mësonjtores së parë shqipe në Korçë. Mban titullin e lartë "Mësues i popullit".

Me 20 tetor 1935 - Lindi në Gjirokastër, Feim Ibrahimi. Ibrahimi është një nga personalitetet më të spikatura të muzikës shqiptare. Vdiq në Torino më 2 gusht 1997.

Me 20 tetor 1936 - Gjeologu mikropaleontolog profesor dhe doktor i shkencave Eftimi Dodona u lind në Drenovë të Korçës më 20 tetor Studioi në Universitetin e Moskës dhe të Tiranës në Fakultetin e Gjeologjisë dhe të minierave. Është autor dhe bashkautor i disa teksteve universitare por edhe i shumë artikujve dhe librave studimorë.

Me 20 tetor 1938 - Vdiq Sali Butka, veprimtar i lëvizjes për çlirim kombëtar. Lindi në Kolonjë më 1852. Pas Shpalljes së Pavarësisë u vu në shërbim të Qeverisë së Ismail Qemalit. Mbështeti Revolucionin e Qershorit dhe Qeverinë e Nolit.

Marisa

20-10-2011, 11:50

Po, sot marr rrogen time te pare :smilewinkgrin:

Nosh

21-10-2011, 09:54

Me 21 tetor 1824 - Çimentoja "Portland", një material modern ndërtimi bëhet patentë e Xhozef Espdin nga Wejkfilld në Jorkshir.

Me 21 tetor 1833 - Lindi Alfred Nobel, industrialist suedez dhe shpikës i dinamitit dhe gëlinjitit. Ai u pasurua shumë dhe pasurinë e tij e përdori për të mbështetur çmimet në mjekësi, fizikë, kimi, paqe dhe letërsi.

Me 21 tetor 1879 - Tomas Alva Edison kryen me sukses një provë me një llampë elektrike inkadeshente me filament karboni. Eksperimenti u krye në laboratorin e tij në Nju Xhersi dhe llampa qëndroi e ndezur për 13 orë rresht.

Me 21 tetor 1898 - Në Bukuresht doli numri i parë i gazetës "Ylli i Shqipërisë" që botohej nga avokati Dhimitër Ilo dhe Gjergj Meksi. Ajo përcillte ngjarjet aktuale në Shqipëri dhe Ballkan. Botohej në gjuhën shqipe dhe pjesërisht në greqisht dhe frengjisht.

Me 21 tetor 1899 - Lindi Neço Muko këngëtari me zë të rallë, poeti dhe kompozitori himarjot i viteve '30. Këndoi kenget qe krijonte vete dhe i inçizoi në pllaka gramafoni. I është dhënë titulli "Artist i Merituar". Vdiq më 1934 në Himarë.

Me 21 tetor 1913 - Në Vlorë u mbajt një miting i madh, ku Ismail Qemali foli mbi vështirësitë që po jetonte vendi, si dhe masat që duheshin marrë për të ruajtur pavarësinë e fituar.

Me 21 tetor 1919 - Forcat ushtarake serbe pushtuan Thethin, Shalën, Mërturin dhe Shoshin. Ata synonin pushtimin e Shkodrës.

Me 21 tetor 1919 -Vdiq atdhetari Xhelal Koprencka. Ai lindi në Koprenckë të Përmetit. Përkrahu vendimet e Kongresit të Dytë të Manastirit dhe u ngarkua nga qeveria e Vlorës me detyrën e Organizimit të Frontit të Luftës kundër shovinistëve grekë. Xhelal Koprencka e vra pabesisht ne Pyllin e Sherës, në Qafën e Martës.

Me 21 tetor 1931- Në kinema "Maxhestik" të Korçës u shfaq filmi i parë me zë.

Me 21 tetor 1937 - Me nismën e veteranëve të Korçës u vendos të ngrihej monumenti i gjashtë dëshmorëve të Orman Çifligut. Për realizimin e kësaj vepre, mbreti Zogu i parë dhuroi 500 franga ari.

Me 21 tetor 1937 - Doktor Zoi Xoxa gazetar dhe deputet u emërua dhe sekretar i përgjithshëm i shoqërisë "Gruaja shqiptare".

Me 21 tetor 1981 - U bë transmetimi i parë televiziv me ngjyra në RTSH. Në orën 20:00 në Revistën Televizive u transmetua kronika e parë me ngjyra: "Sheshi Skënderbej para festës", 5 minuta, përgatitur nga Alfons Gurashi, operator Gazmir Shtino.

Me 21 tetor 1998 - Kuvendi i Shqipërisë miratoi Kushtetutën e fundit dhe vendosi atë në referendum mbarëpopullor. Votuesit zgjodhën këtë kushtetutë, e cila është cilësuar nga ekspertë ndërkombëtare si në përputhje me rregullat e standardet evropiane.

Me 21 tetor 2002 - Këshilli i Çështjeve të Përgjithshme të BE-së vendosi hapjen e negociatave me Shqipërinë.

Nosh

22-10-2011, 08:54

Me 22 tetor 1367- Një kontratë 642 vjeçare, nënshkruar më 22 tetor 1367, dëshmon se fëmijët e njerëzve të kamur të vendit tonë në ato kohë të largëta merrnin mësime private.

Me 22 tetor 1451- Sipas kontratës së 22 tetorit 1451, Andrea Aleksi, skulptori, piktori dhe arkitekti i famshëm nga Durrësi, bashkë me mjeshtrin e madh, Jur Amateun, angazhoheshin të ndërtonin llozhën e famshme tregtare në pallatin e madh Beninkana në Ankonë. Kjo vepër mbetet një ndër monumentet më të njohura të Mesjetës.

Me 22 tetor 1797 - Francezi Andre-Zhak Garnere kryen hedhjen e parë me parashutë. Ai u hodh nga një ballon 680 metra lart mbi parkun Monceau në Paris.

Me 22 tetor 1811 - Lindi Franc List, kompozitor i famshëm hungarez dhe virtuoz legjendar i pianos. Ai kompozoi disa pjesë të njohura dhe të vështira për piano dhe ishte krijuesi i recitalit modern për piano.

Me 22 tetor 1883 - Hapet teatri i operas së Nju Jorkut "Metropolitan". Ajo u hap me operan "Faust" të Guno-it.

Me 22 tetor 1835 - Kryeministri i perandorisë osmane, Mahmut Pashë Tërhalla, në vazhdë të reprezaljeve për shtypjen e kryengritjes në Shkodër, internon tre pashallarë si dhe kadiun dhe myftiun e qytetit.

Me 22 tetor 1880 - Mbi 1 mijë vullnetarë shqiptarë u përleshën pranë Ulqinit me forcat malazeze. Pas shumë orë luftimesh për shkak të epërsisë së kundërshtarit ato u detyruan të tërhiqen dhe Ulqini ra në dorë të malazezëve.

Me 22 tetor 1916 - Forcat franceze pushtuan Korçën dhe rrethinat e saj. Repartet greke të mbretit Kostandin, që dyshohej si bashkëpunëtor i austro-hungarezëve, u detyruan të largoheshin, por vendin e tyre e zunë menjëherë përkrahësit e qeverisë së përkohëshme të Venizelosit, me qendër në Selanik.

Me 22 tetor 1919 - Në emër të popullit shqiptar Fuqive të Mëdha iu dërgua një protestë që kundërshtonte kërkesat e Italisë për protektoratin dhe kontrollin e Shqipërisë. Po ashtu, dokumenti kundërshtonte pretendimet dhe kërkesat e serbëve e të grekëve për copëtimin e vendit dhe kërkonte nga Evropa garanci për pavarësinë kombëtare.

Me 22 tetor 1942 - U ekzekutua me varje Shyqyri Ishmi, Hero i Popullit. Ai u lind në Tivar në vitin 1922 në një familje me origjinë nga Ishmi i Durrësit. Ishte anëtar i njësiteve të para guerile të Tiranës.

Me 22 tetor 1944 - Formohet në Berat qeveria e përkohshme.

Me 22 tetor 1950 - Lindi në Prizren shkrimtarja kosovare Edi Shukriu. Shkollën fillore dhe gjimnazin e kreu në vendlindje, ndërsa studimet për arkeologji në Universitetin e Beogradit. Është arkeologia e parë dhe shkrimtarja e parë shqiptare në Kosovë që botoi përmbledhjen me poezi "Sonte zemra ime feston". Ka qenë deputete e Kuvendit të Kosovës si dhe themeluese e Forumit të Gruas të Lidhjes Demokratike të Kosovës.

Me 22 tetor 1956 - U nda nga jeta këngëtari popullor i Shqipërisë së mesme, Isuf Myzyri. Lindi në Elbasan më 8 mars 1881. Shpejt u shqua për zërin e ëmbël dhe veshin muzikor. Isuf Myzyri njihet si autodidakt në fushën e muzikës dhe instrumenteve popullore. Mëson në mënyrë të pavarur violinën dhe më pas nis të krijojë tekstet e tij dhe t'i kompozojë ato. Mban titullin më të lartë "Artist i Popullit". Isuf Myzyri është shpallur qytetar nderi i Elbasanit. Bashkia e qytetit ka ngritur një monument në sheshin që mban emrin e njeriut që vetë elbasanasit e quajnë Stradivar.

Me 22 tetor 1962 - Presidenti amerikan Xhon Kenedi njoftoi se në Kubë ishte ndërtuar një bazë sovjetike raketash. Presidenti amerikan urdhëroi një bllokadë detare për anijet që çonin pajisje atje. Bllokada hyri në fuqi dy ditë më vonë.

Me 22 tetor 1997 - U nda nga jeta arqipeshkvi i Shkodrës, Frano Ilia, i cili kaloi 20 vjet burgjet komuniste me akuzën "agjent i Vatikanit".

Me 22 tetor 2002 - U nda nga jeta Nëna Mbretëreshë Geraldina. Ajo u lind në Budapest më 6 gusht 1915. U prezantua me mbretin Zog në vitin 1937 dhe u martua me të më 27 prill 1938. Familja mbretërore dhe gruaja e monarkut shqiptar u rikthyen në atdhe në qershor 2002. Mbretëresha Geraldinë u nda nga jeta në moshën 87 vjeçare dhe u përcoll me nderime në banesën e fundit.

Me 22 tetor 2007 - U shpall kushtetuta e re e Malit të Zi.