Kronikat e zeza

[Berisha-boy]

Nënë e bijë dyshohet se kanë mbytur foshnjën e porsalindur

Gjilan, 2 prill - Një 17-vjeçare dhe nëna e saj 42-vjeçare janë arrestuar nga policia nën dyshimin se kanë mbytur një foshnje të porsalindur.Ismet Hashani, zëdhënës i SHPKsë,tha të hënën se një e mitur shqiptare e moshës 17-vjeçare kishte kërkuar ndihmën e mjekut pasi, sipas mjekut, ka pasur komplikime si pasojë e lindjes së foshnjës.
Pasi është lejuar nga mjeku,e dyshimta është intervistuar nga ana e policisë dhe ajo ka pranuar se kishte lindur një foshnje. E mitura,e cila ndodhet ende nën përkujdesjen mjekësore, ka deklaruar se pas lindjes foshnja i kishte vdekur,dhe se e ka varrosur atë.
"Nën dyshimin se foshnja e porsalindur mund të jetë mbytur, është bërë zhvarrimi në prezencën e prokurorit publik të qarkut, si dhe Njësiteve rajonale të krimit. Trupi i pajetë i foshnjës është dërguar për obduksion në Prishtinë. Me urdhër të prokurorit është arrestuar edhe nëna e të dyshimtës e moshës 42-vjeçare nën dyshimin se ka ndihmuar në fshehjen e rastit", tha Hashani. (m. s.)

[Nosh]

Në disa reparte të QKUK-së, niveli i higjienës i ulët



Niveli i ulët i higjienës në lokalet e QKUK-së, po ndikon që pacientët të ankohen duke thënë se për shkak të papastërtisë, po u infektohen plagët. Drejtues të qendrës terciare, thonë se nuk janë të kënaqur me mirëmbajtjen e higjienës.
Inspektorati shëndetësor thotë, ndërkaq, se rekomandimet e bëra për klinikat po merren parasysh.
Pacientët ankohen për papastërtinë në disa reparte të QKUK-së. E intervistuara jonë thotë se në dhomat e pacientëve të repartit të vaskulares, vërehet papastërti:
“Këtu po shihet se si pasojë e papastërtisë, por ka edhe infeksione të ndryshme, sepse vëllai im e ka pas një operacion shumë të rëndë, megjithëse, doktorët e kanë bërë një punë të mrekullueshme, por për shkak të papastërtisë vëllai ka marr një bakterie”.
Drejtori ekzekutiv i QKUK-së, Njazi Gashi, pranon se nuk është i kënaqur me kompaninë kontraktuese për mirëmbajtjen e higjienës. Sipas tij, nuk mund të ndërhyhet në këtë aspekt, meqë kontrata me kompaninë pastruese është valide deri në qershor të këtij viti. Por, i pyetur për infeksionet spitalore, Gashi thotë se kjo mbetet të vërtetohet.
“Sa i përket infeksioneve brenda spitalore ka fjalë, por asgjë të vërtetuar. I kam dhënë urdhër komisionit për infeksione infra-hospitalore që të merr masa lidhur me këto të dhëna dhe unë besoj që shumë shpejt do të dalim me të dhëna konkrete”, thotë Gashi.
Gjatë këtij viti, inspektorati shëndetësor kreu tetë inspektime, kryesisht tematike, në QKUK. Drejtori për informim në Ministrinë e Shëndetësisë, Faik Hoti, thotë se rekomandimet e inspektoratit janë marr parasysh në shumë klinika.
“Në shumicën e rasteve aty ku ka pas ri-inspektime ka përmirësim të kushteve të punës, por edhe zbatohen shumica e rekomandimeve, normalisht që ka edhe të gjetura që flasin për të meta, të cilat duhet korrektuar”, theksoi Hoti.
Inspektorati shëndetësor, po ashtu, ka rekomanduar drejtuesit e klinikave që të jenë më transparent me pacientët me listën e pritjes së operimeve.

Bota Sot

[Nosh]

Elbasan: Nipi vjedh në banesën e xhaxhait



Përfundon në prangat e Policisë së Elbasanit, Panajot T, 18 vjeç, banues në Belsh, si autori i grabitjes së një banese. Nga ana e shërbimeve të Komisariatit Policisë së Elbasanit, u bë i mundur finalizimi me sukses i operacionit të koduar “MONEDHA E HUAJ” ku arrestua 18 vjeçari nën akuzën e vjedhjes.
Më 16 të këtij muaji, ky shtetas ka vjedhur në banesën e xhaxhait të tij shtetasit D.T, 56 vjeç banues në Belsh, 50.000 euro. Nga kontrolli i banesës së autorit të ngjarjes, iu gjetën dhe iu seksuetruan në cilësinë e provës materiale 20.000 euro si dhe 3 mln lekë.

Bota Sot

[Nosh]

Shpërthen gjeneratori në Tiranë, dy të lënduar



Një aksident i rëndë ka ndodhur pak çaste më parë, ku nga shpërthimi i një gjeneratori në Lundër të Tiranës dy persona kanë mbetur të lënduar. Dy të lënduarit janë në gjendje të rëndë shëndetësore.
Ndërkohë që janë dërguar me urgjencë në spital. Por mesa duket fatkeqësia nuk ndalet këtu, pasi pranë këtij shpërthimi ndodhet një cisternë karburanti duke e bërë të rrezikshëm zjarrin që ka përfshirë godinën e këtij karburanti.
Në vendngjarje përveç policisë së Tiranës ndodhen dhe forcat e zjarrfikësve.

Bota Sot

[Nosh]

Sarandë: Në pranga 7 trafikantë të drogës



Policia e Sarandës në Shqipëri ka mundur të finalizojë me sukses operacionin e koduar “Sopoti” ku u arrit të shkatërrohej një grup trafikantësh droge. Sipas policisë së Sarandës, u prangosëm në flagrancë 7 persona dhe u shpall në kërkim një i tetë. Gjatë operacionit janë sekuestruar edhe 250 kilogramë kanabis, raporton BW.
Nga hetimet e kryera ka rezultuar se këta persona transportonin cannabis sativa me kafshë (kuaj) nga fshati Lazarat nëpërmjet malit të Sopotit deri në fshatin Kopacëz, me qëllim për ta trafikuar më pas në drejtim të shtetit grek.
Nga hetimet ka rezultuar gjithashtu se ky grup ka kryer aktivitet kriminal edhe në raste të tjera të mëparshme dhe se organizatori i këtij trafikimi është shtetasi Aleks Nanaj i cili, nëpërmjet vëllait të tij shtetasi Andrea Nanaj rekrutonte shtetas të ndryshëm kundrejt pagesës (50 mijë lekë) për të realizuar transportin e lëndë narkotike.
Në këtë operacion janë prangosur: Aleks Çune Nanaj (29), i lindur në Delvinë dhe banues në Sarandë, Andrea Çune Nanaj (27), banues në Sarandë; Gjergji Shaban Nanaj (45), lindur dhe banues në fshatin Kopacëz të Delvinës, Maridon Merakli Dhuli,( 22), lindur dhe banues në fshatin Fterrë të Sarandës, Besnik Ikmet Kasaj (25), lindur dhe banues ne Lukovë, Afrim Ikmet Kasaj (32), lindur dhe banues në Lukovë dhe Petrit Xhevat Halimi (21), lindur e banues në Mallakaster. Është shpallur në kërkim shtetasi Sobiel Merakli Dhuli (19), lindur dhe banues ne Fterre të Sarandës.

Bota Sot

[Nosh]

Bie një makinë në Shkumbin



Një drejtues automjeti ka shpëtuar kur guxoi të hidhej nga makina në momentin që ajo po rrëzohej në lumin Shkumbin të Shqipërisë.
Ilir Hysa po udhëtonte drejt Librazhdit kur mjeti i tij devijoi nga rruga dhe përfundoj 100 metra poshtë në ujërat e lumit Shkumbin. Hysa është dëmtuar gjatë përplasjes, por mjekët e spitalit të Librazhdit thonë se ai është jashtë rrezikut për jetën.
Policia dhe mjetet zjarrfikëse po punojnë për nxjerrjen e automjetit nga Shkumbini me të cilin Ilir Hysa po udhëtonte i vetëm.

Bota Sot

[Nosh]

Vriten 2 komando shqiptarë në Afganistan

Tiranë, (Kosovapress) 20 Shkurt 2012 18:29

Dy komando shqiptarë janë vrarë pas një sulmi që ka ndodhur gjatë ditës së hënë në Afganistan. Ministria e Mbrojtjes së Shqipërisë njofton se ngjarja ka ndodhur në Kandahar, në orën 15.05, pas një zjarri të hapur në drejtim të komandove të Kontingjentit “EAGLE-4”, prej efektivëve të policisë afgane. Bëhet e ditur se komandët e vrarë janë, kapiten Feti Vogli dhe specialisti i armatimit Aleksandër Peci, të cilët fillimisht morën plagë të rënda, ndërsa më pas humbën jetën në spital.

Kjo është hera e parë që dy komando shqiptarë humbin jetën në misionet paqeruajtëse në Afganistan.
Sipas njoftimit paraprak të ardhur në Shtabin e Përgjithshëm të Forcave të Armatosura të Republikës së Shqipërisë, bazuar në raportin e dhënë nga Komandanti i Kontingjentit “EAGLE-4” N/Kolonel Behar MARA, të trupave shqiptare me mision në Afganistan, thuhet se ngjarja ndodhi në një fshat të Kandaharit.
“Sot sipas orës lokale në 15:05 në fshatin Robot 2, Kandahar Grupi i 1-rë Special, i drejtuar nga Kapiten Feti Bedri Vogli, si dhe një grup nga Bat.2-38 CAV, gjatë kryerjes së detyrës, “Patrullim dhe sigurim i personelit të shërbimit të inteligjencës dhe USAID-it”, me mision, kryerja e një takimi, për të bërë të mundur hapjen e dy shkollave dhe një qendre shëndetësore në këtë fshat, papritur në drejtim të tyre është hapur zjarr nga efektiva të policisë lokale (sipas të dhënave paraprake është hapur zjarr nga 5 armë automatike (Aut.Mod.56) dhe një mitraloz i lehtë. Gjatë shkëmbimit të zjarrit janë plagosur 3 ushtarakë, një ushtarak i një vendi aleat dhe dy ushtarakë të Kontingjentit “Eagle-4”, thuhet në njoftimin e lëshuar nga ministria shqiptare.
Më tutje bëhet e ditur se komandanti i Grupit të 1-rë Special Kapiten Feti Bedri VOGLI dhe N/Tetar Aleksandër Jak PEÇI (specialist armatimi në këtë grup), kanë marrë plagë të rënda dhe kanë ndërruar jetë në spitalin Rol 3 në Kandahar.
Ndërkaq, grupi në detyrë, ka bërë arrestimin e 11-të policeve afganë, të cilët kanë hapur zjarr në drejtim të efektivave shqiptare.

[Nosh]

Ekuador, Autobusi bie në greminë, 29 të vdekur

Kuito, (Kosovapress) 20 Shkurt 2012 11:31

29 persona kanë vdekur dhe 27 të tjerë janë plagosur nga rënia e një autobusi në një greminë në veri të Ekuadorit.

Ngjarja ka ndodhur në një provincë të Imbaburas. Fillimisht autobusi është përplasur me një shkëmb e më pas ka rënë në greminë duke shkaktuar tragjedinë.
Sipas autoriteteve lokale, shpejtësia ka qenë shkak i aksidentit të rëndë rrugor.
Drejtori i Agjensisë Kombëtare të Trafikut në Ekuador, Mauricio Pena, ka bërë të ditur se mes viktimave janë edhe dy fëmijë.

[Nosh]

Kapen vjedhësit serik

Ferizaj, (Kosovapress) 21 Shkurt 2012 14:59Pas një pune të suksesshme operative, policia e Ferizajt ka vënë në pranga dy persona të dyshuar se kanë qenë të përfshirë në një seri të vjedhjeve, ndërsa në momentin e arrestimit tek të dyshuarit është gjetur një armë dhe një sasi e konsiderueshme e parave.

Burime policore kanë bërë të ditur se të arrestuarit janë, G.K (22 vjeçar), E.M (19 vjeçar) dhe B.S, që të gjithë nga Komuna e Shtimes.
Zëdhënësi rajonal i policisë së Ferizajt, togeri Agim Gashi ka lavdëruar me këtë rast punën e mirë të njësiteve hetuese të dy stacioioneve, ndërsa ka shpjeguar se të arrestuarve u vihen në barrë disa raste të grabitjeve dhe vjedhjeve të rënda të ndodhura në Shtime.
“Gjatë arrestimit, te i dyshuari G.K, është gjetur edhe një pistoletë e tipit, “Fuh pistole, model 27” të kalibrit 7,65 mm me një karikator dhe gjashtë fishekë. Gjatë intervistimit, të dyshuarit kanë pranuar se në bashkëveprim kanë kryer grabitjet në Postën e qytetit, në filialin e “Uestern Union” ,vjedhjet e rënda të kryera në marketet Penny, Nazi dhe Dardani , kafiterinë Home PUB, të gjitha këto në Shtime”, ka thënë Gashi.
Bëhet e ditur se me rastin e bastisjes, te të dyshuarit janë gjetur dhe konfiskuar si prova materiale 10.402 euro. Sipas deklaratave të të dyshuarve gjësendet e vjedhura, si stoli ari, artikujt të ndryshëm nga marketet i kanë shitur kryesisht në Prizren.
Lidhur me rastin, është njoftuar Prokuroria e Qarkut në Prishtinë, e cila për të dyshuarit ka urdhëruar masën e ndalimit për 48 orë, deri në kompletimin e lëndës për Prokurorinë./Kosovapress/

[Nosh]

Arrestohen vjedhësit e busteve të dëshmorëve

Policia në Gjilan ka bërë të ditur se janë arrestuar kryerësit e vjedhjes së busteve të dy dëshmorëve, Pajazit Ahmeti dhe Alban Ajeti.
Togeri, Ismet Hashani ka bërë të ditur se të arrestuarit janë dy të mitur të cilët bustet i kishin shitur në një deponi të metaleve. Lidhur me rastin sipas Toger Hashanit, ka pas edhe arrestime në deponi për shkak të blerjes dhe mos deklarimit të vjedhjes. Lidhur me vjedhjen e bustave ka reaguar edhe kryetari i Komunës Gjilanit, Qemajl Mustafa, i cili bashkë me OVL UCK-së ka dënuar dhe cilësuar aktin e vjedhjes së busteve si akt vandal.

Bota Sot

[Nosh]

Kërcënohen me armë qytetarët dhe policia



Dy persona të armatosur kërcënuan me armë jo vetëm banorët e Rrëshenit, por edhe forcat e policisë në këtë vendbanim të Shqipërisë. Arjan dhe Angjelin Perleka përkatësisht 32 vjeç dhe 23 vjeç nga Ndërfushasi i Mirditës për arsye të paqarta kanë hapur zjarr në turme dhe ndërsa ndiqeshin nga policia rrëmbyen një automjet tip ford nga ku qëllonin forcat e policisë.
Për të shmangur ndonjë incident, policia e ka vazhduar ndjekjen e dy vëllezërve Perleka jashtë qytetit, kurse autorët braktisën mjetin e rrëmbyer për t’u fshehur në një banesë fshati.
Aty policia mundi të kapë vetëm 23 vjeçarin Angjelin Perleka, ndërsa vazhdojnë kërkimet për vëllain e tij Arjan Perleka 32 vjeç.

Bota Sot