Të Martet e shna Ndout në Gjakovë 2010

[Mimy]

Të Martet e shna Ndout në Gjakovë 2010

Të dashur besimtarë ju njoftojmë që të gjithë ata që kanë dëshirë të marrin pjesë në 13 të Martet e shna Ndout (shën Antonit) në Gjakovë, të cilat fillojn me 16 mars 2010, mesha e shenjte është në ora 10:00.

Ju të tjeret që nuk keni mundesi të merrni pjesë, ju njoftojmë që mesha do të transmetohet drejtëpërdrejtë përmes valëve të Radio Marisë, nga studio në Gjakovë.

FREKUENCAT E RADIO MARISË

Në Kosovë:
FM 90.00MHz;

Në Tiranë, Durrës, Kavajë, Berat:
FM 91.04 MHz;

Në Shkodër, Podgoricë, Ulqin:
FM 102.02 MHz;

Në Lezhë, Laç të Kurbinit, Mamurras:
FM 89:06MHz;

Në Pukë, Fushë-Arrës, Tropojë, Kukës:
FM 90.00MHz;


Radio Maria mund të ndegjohet edhe në diasporë por edhe anë e kënd në trojet shqiptare drejtëpërdrejtë në internet.

Web faqja e Radio Marisë: www.radiomaria.al

Lutja e shna Ndout

O i lumi e i mrekullueshmi shenjti shna Ndue, gjithë bota e dëshiron madherinë tënde. Të mëdhenj e të vegjël, pleq e të pasur e të papasur, të gjthë tregojnë hiret e shumta e të mrekullueshme, që kan nxjerrë prej Zotit nëpër lutjet tua. E kushtet, që lëhen përpara fytyrës sate si nderim ngadhënjimi, dhuratat që rrethojnë e stolisin përherë lterin tënd, a s'e bëjnë dëshmi pushtetin tënd e fuqinë e lutjeve tua para të Lartit Zot?

Edhe ne, pra po vijmë të përmbysemi ndër këmbët tua e të porosisim një punë, që ne kemi për zemër sa kurrnjë tjetër. Ne e dimë se jemi mëkatarë të mëdhënj e nuk meritojmë që t'i sjellish sytë e tu të dashur prej nesh; por denjohu të këqyrësh me sy të dhembshëm mjerimin, në të cilin gjendemi.

Po vijmë pra, të ti duke shpresuar në mbrojtjen tënde, po të lypim hirët që dëshirojmë. Deh, bën që mos të thuhet, se njerëz të shkretë , si jemi ne, kemi ardhur të ti e nuk na i ke plotësuar lutjet tona. Por bën që edhe ne të bashkohemi me tjerë për të lumturuar e për t'u falënderuar. Amen.

[Mimy]

E marta e 9 e shna Ndout
(Gjakovë, më 11. 05. 2010)


Sot ishte e marta e nëntë e Shna Ndout .
Meshën e kremtoi don Jeton Thaqi, meshtarë në Prizeren, bashkë më të koncelebroi edhe patër Anton Nua, famullitar dhe guardian i Gjakovës.
„NJERIU BESIMTARE „ishte tema e predikimit të sotit.



Gjatë procesionit





Leximin dhe Psalmin i lexoi Drita Komani, antare e Rregullit Françeskan Shekullar





Në meshë morën pjesë një numer i madh I besimtarve , te cilin më vëmendje e percjellen Don Jetonin dhe fjalet e tija te bukura me te cilat ju drejtua popollit gjat pretkut .

PREDIKIMI :

Vëllezër e motra, besimtarë të dashur, të gjithë ju shtegtarë dhe të devotshmit e Shna Ndout. Ju përshëndes të gjithëve nga zemra dhe urojë që secili këtu i pranishëm të mund të pasurohet me shembullin, mësimin dhe dëshminë që rrjedh prej ungjillit e që Shna Ndou e ka jetësuar në mënyrë heroike gjatë jetës se vet këtu në tokë. Tema të cilën ma kanë caktuar vëllezërit françeskan shpresojmë të jetë një temë mjaftë interesante dhe që na tërheqë pak a shumë të gjithëve. Kjo temë ka këtë titull: Njeriu besimtarë.

E dimë se feja dhe besimi i asnjë njeriu nuk mund të matët dhe të peshohet – sepse besimi është një çështje e brendshme dhe ka të bëjë para se gjithash me një raport shpirtëror ndërmjet individit apo bashkësisë dhe Zotit. Prandaj shpesh herë ky raport dinë të jetë krejtësisht i fshehur dhe nuk ka nevojë shumë për propagandë. Por prapë se prapë edhe mbi këtë gjë mundet gjithmonë të thuhen gjëra që ja vlen të theksohen. Sa që, jo rrallë herë, dëgjohen fjalë nëpër familjet tona, nëpër mjedise tona ku thuhet që filani është njeri shumë besimtarë, familja e filanit gjithmonë kanë qenë besimtarë, ky filan populli ka qenë gjithmonë i prirë në fe; apo e kundërta thuhet për filanin, familjen apo popullin që nuk është praktikues dhe nuk dihet se kur është kanë herën e fundit në Kishë. Kështu askurrë gjykimit apo vlerësimet për fenë apo besimin nuk kanë munguar as nuk do të mungojnë.

Përveç gjykimeve të tjerëve nuk mungojnë as gjykimet apo dyshimet tona për vetveten. Edhe neve na ndodhë nga njëherë me pyet vetveten a thua jam në rrugë të drejtë? A thua unë besojë mjaftë në Zotin tim? A thua vallë besimi im i pëlqen dhe është i pranueshëm para të madhit Zot? A thua besimi im është i drejtë dhe i pastër? Kjo pyetje shpesh herë bëhet edhe në forma të ndryshme sidomos kur e pyesim meshtarin: “Zotni s’po di a jam tu lut mirë, nuk e di ndoshta me u lut si duhet?” Këtu ndihet dëshira për të pasur një siguri të madhe në besim.

Sot, në kohën e post-modernizmit, në të gjitha lëmit apo në të gjitha fushat, është një tendencë e individualizmit. Ky individualizëm në mënyrë trashanike është i shprehur tek rinia. Çka do të thotë individualizmi? Unë e jetojë jetën, fenë dhe çdo që ka të bëjë më mua ashtu sikur mendoj unë, pra në këndvështrimin tim duke i përjashtuar të tjerët. Edhe tek jetësimi i fesë ne e bëjmë shpesh herë po të njëjtën gjë. Për shembull Zoti, feja, Kisha na mëson që e diela është festë e urdhëruar dhe asaj duhet dhënë prioritet. Ndërsa ne shpesh bëjmë të kundërtën, në shkojmë apo vijmë të martën këtu edhe e lamë të dielën. Edhe kjo është gabim! Këtë nuk e do shna Ndou. Ai tërë jetën e vet i ka mësuar njerëzit që të shenjtërojnë ditën diel e ditën festë të urdhëruar. Prandaj besimtari i mirë e dëgjon Zotin, pra mësimin e Kishës dhe jo qefin e vet.

Një pikë tjetër që ishte dashtë me u mbështet besimi, feja e jonë janë shembujt apo figurat e mëdha biblike. Për shembull ai që dëshiron të jetë besimtarë apo besimtare e mirë ishte dashtë me shikua shpesh herë figurën e Abrahamit, i cili ka qenë shembull në fe, At i fesë. Zoti ka kërkuar shumë prej tij: ka kërkuar që ta lë vendin e tij dhe të shkoj në një dhe të huaj dhe shkon; ka kërkuar që të sakrifikojë djalin e vet Izakun dhe e pranon! Për Zotin është në gjendje të bëjë gjithçka deri të dhuroj atë që e ka më se shumti për zemër. Dhe nëse dikush nuk e di i tregoj unë se fjala Izak do të thotë gëzim. Do më thanë Abrahamit Zoti i ka kërkuar të sakrifikoj gëzimin e jetës se vet. A jemi në gjendje ne më i lanë gëzimet tona të kësaj toke për Zotin? Besimtari për me qenë në gjendje me jetua fenë e vet si duhet të ketë për shembull Jobin i cili prej i pasur që ishte Zoti e sprovon dhe ja merr krejt pasurinë dhe i pranon sëmundjet dhe vuajtje (përbuzjet e tjerëve) më të renda pa e humbur fenë dhe shpresën në Zotin. E me në fund Zoti prapë Jobin e shpërblen më të gjitha të mirat e veta. Besimtari duhet të ketë shembull Jozefin i cili përbuzet nga vëllezërit e tij dhe Zoti ja mundëson që ai të zë vendin e parë në mbretërinë e Faraonit. Por ai edhe pse bëhet i fuqishëm nuk e keqpërdor fuqinë dhe pushtetin e tij për tu hakmarrë me vëllezërit, por përkundrazi ai i shpërblen dhe ju ndihmon. Kemi edhe shumë figura tjera në Besëlidhjen e Vjetër të cilat do të ishin një frymëzim i mirë për besimtarët për të jetuar fenë si duhet. Figurë tjetër dhe shembull është edhe Zoja e Bekuar, Nëna e Krishtit e Nëna jonë. Ajo ka ditë me jetua jetën e saj më një besnikëri të pashoqe ndaj Zotit dhe ndaj të afërmit. E ai që dëshiron më qenë besimtar i mirë duhet më i përngjarë Zojës se Bekuar. Të gjitha këto figura biblike Zoti i ka vërë përpara nesh që ne sa më lehtë të frymëzohemi dhe të kemi të qartë se kështu duhet jetuar feja, se kështu duhet lidhur raport të sinqertë me Zotin dhe më të afërmin.

Por figura më e mirë, me e qartë dhe shembull më i dashur është ai i vet Jezu Krishtit. Nuk mundet askush të pretendon të jeton si duhet fenë e vet nëse nuk e ka shembull dhe model Jezu Krishtin. Jezu Krishti është modeli se si duhet të jetojë në këtë tokë fenë e vet – do të thotë raportin apo lidhjen e vet me Zotin dhe më të afërmin. Shembull në virtyte, shembull në përvujtëri, shembull në sakrificë, shembull në flijim, shembull në dashuri, shembull në dhurimin e vetvetes për Atin dhe për të vëllezërit. Shembull në urat, në lutje, në afërsi më njerëzit, shembull në nderimin dhe respektimin e jetës, të natyrës dhe të të gjitha vlerave pozitive. Pra ai i cili e jeton jetën e vet, fenë e vet larg këtyre ekzemplarëve apo figurave të fesë dhe këta shembuj nuk i merr para sysh le ta dije mirë është larg fesë se vërtet. Dhe mund ti themi çdo besimtari të tillë që ai është duke e krijuar një fe të “re” apo një sekt brenda fesë se vërtet. Po ju sigurojë që shna Ndou këto figura të mëdha biblike i ka pasur gjithmonë para vetvetes, prej tyre vazhdimisht është frymëzuar dhe me ta shpirtërisht ka jetuar. Prandaj figurat biblike, tradita kishtare duhet të jenë shembull dhe brenda këtyre binarëve besimtari e gjen sigurinë besimit të vet. Këtu mund të shtojë vetëm një gjë. Mësim për të jetuar fenë është patjetër i gjithë Shkrimi i Shenjt. Besimtari e lexon shkrimin shenjt, e mediton atë, e zbaton në jetë, sepse ai është fjala e Zotit, është premtimi dhe frymëzimi i jetës se besimtarëve.

Një gjë tjetër ku të gjithë ne kemi vështirësi të kuptojmë është largësia apo s’përputhja ndërmjet fesë dhe veprave. Këtë problem e ka zgjidhë qysh në fillim Shën Jakobi apostull. Ai i ka pohuar qysh në fillim: Feja pa vepra është e vdekur në vetvete. Si kur me i thanë dikujt shko nxehu dhe apo shkoj ngiju por pa i dhënë gjënë e nevojshme. Do të thotë është një mashtrim ndaj Zotit dhe ndaj tjerëve. Prandaj është e kotë nëse vijmë në Kishë, është kotë nëse themi uratë, është e kotë nëse shtegtojmë në shenjtëroret më të mëdha të botës, nëse e gjithë kjo nuk e prekë, nuk e zbut, nuk e njomë, nuk e kthen shpirtin dhe jetën tonë kah Zoti dhe nuk hyjnë thellë në brendësinë e zemrës sonë. Nëse e gjithë kjo nuk sjellë virtyte të mira e kotë është feja dhe praktikimi i fesë sonë.
Prandaj krejt në fund besimtarë të dashur feja duhet me sjellë vepra dhe virtyte të larta njerëzore, fetare dhe kombëtare që nuk do të thotë vetëm me qenë patriot, por me dashtë atë vend cilin ty e mua na ka fal Zoti. Është shumë e qartë dhe pa kurrfarë mëdyshje që feja e jonë ka nevojë të kristalizohet, të pastrohet, të drejtohet dhe të hyjnë brenda binarëve të cilët i ka përcaktua vet Zoti dhe që Kisha vazhdon, nën drejtimin e Shpirtit Shenjt, të rrugon e pa lëkundshme. Sidomos ju lus që të pastroni besimin tuaj nga besëtytnitë! Në shkrimin Shenjt dëgjojmë se Zoti ka qenë shumë xheloz me popullin e Izraelit kur ata kanë adhuruar zotat e rrejshëm. Prandaj nëse jeni besimtarë të Krishtit lëreni filxhanin, bordushat, hoxhët e shehat dhe të gjitha ato vende të cilat ju mashtrojnë dhe ju nxisin që ti largoheni fesë se shenjt në Jezu Krishtin. Amen.

Burimi i Lajmit
Kisha Katolike Gjakovë

[Ilir_Gjokaj]

E marta e 10 e shna Ndout
(Gjakovë, më 18.05.2010)

Sot ishte e marta e 10 e Shna Ndout, të cilen e priu famullitari i Zymit Don Ndue Ballabani, që për disa vite kishte sherbyer edhe në Misionin Katolik Shqipëtar në Zagreb - Kroaci.





Don Ndou me fjalët e tija të mrekullueshme ju drejtua popullit rreth temës e cila ishte e zgjedhur për sot “Thirrjet e Shenjëta”.




Shiu që filloi të pikonte para disa ditëve vazhdoj edhe sot në mëngjesin e hershëm, andaj ishte e pamundur që mesha të ishte në oborrin e Kishës së shna Ndout, kështu që ishim të detyruar që edhe këtë të marte mesha ta kemi në Kishën famullitare të shën Pjetrit e shën Pjterit.






Dhe në fund si ç’do të marte u nda bekimi i fëmijëve dhe i të sëmuerëve e të rriturvë.

Kisha - Katolike - Gjakovë

[Ilir_Gjokaj]

E marta e 11 e shna Ndout
(Gjakovë, më 25.05.2010)

Sot ne famullin e Gjakoves u kremtua e marta e 11 ,e cila u udhehoq nga Don Kelmend Spaqi,famullitari i Becit

Tema e cila ishte caktuar per kete te marte ishte vyrtytet Hyjnore “Feja,shpresa dhe Dashuria”,te cilen me fjale shum te bukura e spjegoi Don Kelmendi

Edhe pse sot dita ishte me dielli,kete te Marte mesha ishte ne Kishen e Shen Palit e Shen Pjetrit,pasi qe shiu nuk pushoi gjat gjith javes,e toka ishte shume e bute.

Edhe kete te marte shume Besimtar u mblodhen rreth Tryezes së Jezu Krishtit,për të dëgjuar predikimin

Dhe në fund bekimi i fëmijëve,i të sëmurëve e i të rriturve

Kisha-Katolike-Gjakovë

[Barut-G]

E marta e 11 e shna Ndout
(Gjakovë, më 25.05.2010)

Sot ne famullin e Gjakoves u kremtua e marta e 11 ,e cila u udhehoq nga Don Kelmend Spaqi,famullitari i Becit

Tema e cila ishte caktuar per kete te marte ishte vyrtytet Hyjnore “Feja,shpresa dhe Dashuria”,te cilen me fjale shum te bukura e spjegoi Don Kelmendi

Edhe pse sot dita ishte me dielli,kete te Marte mesha ishte ne Kishen e Shen Palit e Shen Pjetrit,pasi qe shiu nuk pushoi gjat gjith javes,e toka ishte shume e bute.

Edhe kete te marte shume Besimtar u mblodhen rreth Tryezes së Jezu Krishtit,për të dëgjuar predikimin

Dhe në fund bekimi i fëmijëve,i të sëmurëve e i të rriturve

Kisha-Katolike-Gjakovë

sod nuk a e marte mor veq n koft n gjakov se te na jo

p.s sa granimi koka n kish po dufka me shku naj dit

[Monika]

E marta e 12 e Shën Ndout
(Gjakovë,më 01.06.2010)

Sot ishte e marta e 12 e shna Ndout, dhe si tashmë është traditë në Kishën tonë në Gjakovë celebrohet mesha e shenjte në orën 10.
Gjithashtu këtu celebrohet edhe një meshë në orët e mbrëmjes.
Mysafir dhe predikatar sot ishte don Marjan Marku, famullitar në Velezhë.

Don Marjani për një kohë të gjatë ka qenë misionar në Austri dhe në Zvicërr.
Tema ishte “Të jetosh në përgjegjësi para Zotit”
Don Marjani ishte përgatitur mirë për këtë temë dhe foli për rëndësinë e ndërgjegjës. Njeriu duhet të jetoj në përkim me ndërgjegjën e vet. Ajo gjithmonë na paditë kur nuk jetojmë në përkim me të.
Njeriu duhet të jetë përgjegjësi para vetvetës, para të tjerëve dhe në veqanti para Zotit. Njeriu është krijesë e përgjegjëshme.

Në meshë ishin shumë besimtarë nga të gjitha famullitë përreth, por në mënyrë të organizuar kishin ardhur nga famullia e Stubllës.

Në fund u bë bekimi i fëmijëve, i të sëmurëve dhe i të rriturve.

Kisha - Katolike - Gjakovë

[Ilir_Gjokaj]

E marta e 13 e shna Ndout
(Gjakovë,më 08.06.2010)

Sot në famullinë tonë ishte e marta e 13, njëkohësisht edhe e marta e fundit e shna Ndout për këtë vit,si gjdo të Marte edhe sot u kermtua mesha e shenjte në orën 10:00, të cilen e priu famullitari i Pjetershanit don Don Tom Karrica

Don Toma me fjalët e tija ju drejtua popullit rreth temës e cila ishte e zgjedhur për sot “Suksesi apo mos suksesi i lutjes “,lutja ëshë një ushqim shpirtërorë,ashtu siq ëshë buka një ushqim truporë !!!

Don Jeton Thaqi gjate rrefimit !!

Ndërsa para meshe dhe gjatë meshe si gjdo 13 të marte të Shën Ndout,meshtarët ishin në dispozicion të besimtarëve,që të pajtoheshin me Jezu Krishtin me anë të sakramentit të rrëfimit.

Dhe në fund të meshes bekimi i fëmijëve i të sëmurëve e të rriturëve, të cilen e ndau don Toma.

Në meshë ishin shumë besimtarë nga të gjitha famullitë përreth, por në mënyrë të organizuar kishin ardhur famullia e Bistrazhinit.

Disa nga anëtarët e Forumit Katolik,pjesëmarrës në meshen Shenjëte.

Kisha-Katolike-Gjakovë