Lajme nga sporti

[Big_Evil]

E hapa kete tem qe te mund te postoni lajmet me te reja nga sporti.

[Nosh]

Mjeshtrit e Taekwondo-së festuan 20 vjetorin e themelimit të këtij sporti në Malësi

20/02/2012 14:46:00
Madhesia e shkronjave:

Tuz, Malësi - 17 Shkurt - Anëtarët e hershëm të këtij sporti, mjeshtrit e Taekwondo-së (Master DAN), me një darkë solemne kremtuan 20 vjetorin themelimit të këtij sporti olimpik në Malësi.
Qëllimi i bashkimit në këtë darkë modeste ishte që mjeshtrit në fjalë të kujtojnë ditët e tyre të kaluara në përpjekje për ta avancuar këtë lloj sporti.
Vlen të përmendet që mjeshtrit e këtij sporti gjatë këtij bashkimi erdhën me idenë që në të ardhmen të formojnë shoqatën e mjeshtërve të Taekwondo-së me qellim që ti mbajnë mjeshtrit bashkë dhe të punojnë në projekte të ndryshme për të mirën e sportit.
Kjo shoqatë sipas tyre do të u mundësojë mjeshtërve të këtij sporti, të cilët shumica nuk janë më aktiv në sport, të kontribuojnë në zhvillimin e Taekwondo-së në Malësi.
Këta sportist ishin fëmijë të cilët u rritën dhe zhvilluan duke ushtruar këtë sport, që edhe pse tashti shumica janë të përkushtuar në sfera të ndryshme, ata sportin e kanë në gjak dhe janë të vendosur që në një mënyre të mbesin të lidhur me Taekwondo-në dhe ta ndihmojnë atë.
Darka solemne u zhvillua në ambientin e restorantit Troja në Tuz.

Duhet përmendur se iniciatorët që para 20 viteve sollën këtë sport në Malësi ishin i ndjeri Tomë Bojaj dhe Nikollë Gegaj i cili edhe sot vazhdon me klubin Besa. Edhe pse në kushte jashtëzakonisht të pafavorshme ata arritën në zhvillimin e këtij sporti në tek ne. /Malesia.Org/

[Nosh]

Në një ndeshje basketbolli në Tivar ofendohen shqiptarët

19/02/2012 13:15:00
Madhesia e shkronjave:

Në Tivar u mbajten ndeshjet e basketbollit për të përcaktuar fituesin e kupës së Malit të Zi. Në këtë turne merr pjesë edhe ekipi i basketbollit nga Ulqini.

Në ndeshjen në mes të ekipit të Ulqinit dhe Sutjeskës nga Nikshiq një grupi tifozëve nga Nikshiqi gjatë gjithë ndeshjes ofendonin me fjalë nga më të ndyrat shqiptaret.

'Shiptari', 'shiptare' të ndjekur nga fjalë tjera ofenduese ishin disa nga repertoari i tifozëve nga Nikshiqi. Përveç ofendimeve me fjalë atë ofendoinin edhe me gestikulacione të ndryshme. Gjatë tërë kohës pranë këtij grupi 'tifozësh'ishin edhe pjestaret e policisë por që nuk reaguan. Sipas disa individëvë që ishin pjesmarrës në këtë ndeshje mësohet edhe rezultati i ndeshjes por i cili nuk pati kurrfarë rëndësie pas ngjarjeve të ndodhura.

Ekipi i Ulqinit merr pjesë në kategorinë e parë të kampionatit malazez kurse në përbërjen e vet ka lojtarë shumica e të cilëve nuk janë nga Ulqini por që kohëve të fundit janë inkuadruar edhe disa basketbollistë vendas të ri dhe me perspektivë. /Ulqini Online/

[Nosh]

Karateistët e Kosovës pjesë të turneut ndërkombëtar “Swis Open”

Prishtinë, (Kosovapress) 21 Shkurt 2012 15:30

Aktiviteti i dytë i Federatës së Karatesë së Kosovës (FKK), për vitin 2012, do të jetë turneu ndërkombëtar “Swis Open”, që mbahet në Zvicër.

Sipas FKK-së, në këtë turne do të marrin 27 shtete më rreth 1285 garues.
“Përfaqësuesja e Kosovës në karate nesër do të udhëtojë për në Cyrih, ku do të marr pjesë në turneun e hapur ndërkombëtar të karatesë. Ky aktivitet shquhet për konkurrencën e fortë dhe pjesëmarrjen masive të shteteve evropiane. Përveç të gjitha klubeve të Zvicrës, në këtë turne do të marrin pjesë edhe 27 shtet më rreth 1285 garues. Kosova në këtë turne do të përfaqësohet më garuesit më të mirë”, është thënë në njoftimin e FKK-së.
Sipas këtij njoftimi, Hekuran Sojeva (kadet), Orges Arifi dhe Gresa Hyseni (juniorë), Afrim Latifi, Herolind Nishevci, Alvin Karaqi, Agon Agani, Shkumbin Maksutaj, Liridon Fejzullahu, Rreze Shatri, Gentiana Karpuzi, Luljeta Shala, Jetmir Rexhepi dhe Velerda Agani (seniorë), do ta përfaqësojnë vendin tonë në turneun e Zvicrës.
Ndërsa me karateistët do të udhëtojnë edhe përzgjedhësi Ylber Syla, Safet Ramadani në cilësinë e gjyqtarit si dhe kryetari i FKK-së, Fadil Arifi.

[Nosh]

Turnir në futboll në Kirchdorf të Austrisë së Epërme

K-F.Kosova Altenmarkt, fitues I garës së sivjetme



Nga Ramiz Selimi
Ky manifestim u organizua në vigjilen e shënimit të 4-vjetorit të Shpalljes së Pavarësisë së Republikës së Kosovës. Qëllimi i turnirit ishte humanitar, të ardhurat ju dhuruan shoqatës “Aleancës për Fëmijë“ .Fitues ishte skuadra „Kosova“ nga Altenmarkt


Këshilli organizativ nën udhëheqjen:Z.Imer Aliu, Z.Mustafë Shabani dhe Z. Halil Halili për nder të ditës së pavarësisë së Republikës së Kosovës organizuan turnir në futboll të vogël. Turniri u mbajt në Kirchdorf të Austrisë së Epërme me 18.shkurt 2012, qëllimi i tij ishte humanitar, pasi që mjetet e tubuara nga kjo ngjarje do ti dhurohen Shoqatës Humanitare Aleanca për Fëmijë, e cila është e njohur me shërimin e shumë fëmijëve shqiptarë.
Këtë eveniment e zbukuroi edhe më shumë grupi artistik i vallëzimit,,ALBA FOLK“ nga Kirchdorf an der Krems.Austria e Epërme, e cila shfaqi një program të larmishëm artistik.


_{Grupi i vallëzimit ,,ALBA FOLK“ nga Kirchdorfi.}
Me nga një fjalë rasti, turnirin e hapen Mustafë Shabani dhe Imer Aliu. Në hapje të këtij manifestimi ishte prezentë edhe humanistja Fatime Blakaj nga Shoqata "Aleanca për Fëmijë" pastaj Miftar Zagragja dhe shumë aktivist tjerë. Për të qenë pjesëmarrës në këtë turnir (manifestim), kishte interesim të madh nga të rinjtë e Kirchdorfit dhe qyteteve të rrethinës. Pjesëmarrës ishin në turnirin e futbollit gjithsej 12 ekipe, të cilat i përfaqësonin shoqatat shqiptare nga të gjitha anët e Austrisë. Por në këtë turnir kishte edhe ekipe të përbëra nga përfaqësuesit e etniteteve të tjera që jetojnë dhe veprojnë në Kirchdorf e rrethinë.
Në turnir garuan këto ekipe: “K-F.Kosova” nga Altenmarkt, “K- F- Iliria” Vöcklermarkt, “K-F- Gmundener Kickers” nga Gmunden, “K- F- Xhamija Bujaria “, “K- F- Besa” nga Linz,”K- F- Bashkimi” nga Gmunden, “K- F Kosova” nga Linz, “K-F- Caktirma”,”K- F- Anadrini” nga Eferdingu,”K- F- Kosova” nga Kirchdorf, “K- F- Bosnien-Herzegowina”,“K- F- EL Clasico” .
Në finale u takuan “K- F-Kosova -Atenmarkt” dhe “K-F-Iliria- Vöcklermarkt”, ndeshje kjo që përfundoi me rezultat 5:2 në të mirë të “K-F-Kosoves”, i cili u nderua me vendin e parë të turnirit. Vendin e dytë e zuri ekipi “Iliria”, kurse të tretin e zunë fudbollistët e ekipit “K- F- Gmundener Kickers” nga Gmundeni.
Tri ekipet më të mira u shpërblyen me kupa, kurse të gjitha ekipet pjesëmarrëse u nderuan me mirënjohje për pjesëmarrje në ketë eveniment. Organizatori i turnirit ishte përkujdesur edhe për shpërblime tjera. Lojtari më i mirë i turnirit u shpall Arsim Deliu, ndërsa portieri më i mire Herolind Hajdari, epitetin e golashënuesit më të mirë e fitoi Naser Sahiti. Për mbarëvajtjen e takimeve u përkujdesën referat e palodhur: Ditnav Schumergruber, Bilall Miftari, Hysen Haxhiu, Jeton Çubreli.
Falënderojmë sponsorët si Zhitia Reisen, Xhafer Aliu, Fehmi Hasani,Homdi Rama,Fehmi Spahiu.të cilët me përkrahjen e tyre financiare e ndihmuan këtë tej mase, duke ndihmuar turnirin ata ndihmuan edhe shoqatën Aleanca për fëmijë. Një falënderim i veçantë nga këshilli organizativ shkon për grupin e vallëzimit,,ALBA FOLK“ nga Kirchdorfi, ku me programin e tyre krijuan një atmosferë festive ku njëkohësisht turnirin e shndërruan në manifestim.


_{K- F-Kosova -Altenmarkt” dhe “K-F-Iliria- Vöcklermarkt”.}
Këshilli organizativ nën udhëheqjen e zotërinjëve.Imer Aliu, Mustafë Shabani dhe Halil Halili i falënderojnë dhe i përshëndetin të gjithë pjesëmarrësit duke filluar nga referat, Ditmar Schumergruber, Bilall Miftari, Hysen Haxhiu,Jeton Çubreli, ashtu edhe klubet futbollistike,që ishin pjesë e këtij turniri. Gjithashtu falënderojnë të gjithë ata që i përkrahën dhe ndihmuan në realizimin e suksesshëm të kësaj ngjarje, duke ju dëshiruar të gjithëve shëndet lumturi dhe suksese .

Bota Sot

[Nosh]

Shaqiri: Bayerni, Manchesteri i radhës



Ndeshja e sotme e Ligës së Kampionëve ndërmjet Baselit dhe Bayern Munchenit do të jetë nën hijen e yllit evropian, kosovarit Xherdan Shaqiri. Ylli i Baselit do të luaj kundër skuadrës së tij të re, Bayern Munchen në një ndeshje tejet të rëndësishme.
Mediat sportive nga gjithë Evropa hapin shkrimet e tyre me yllin kosovar dhe komentet për ndeshjen e sotme. ”Dita e Shaqirit” shkruan prestigjiozja spanjolle ‘Marca’, ”Shaqiri kundër nesh” shkruan një gazetë gjermane.
Këtë ndeshje se la pa e komentuar edhe vetë ylli kosovar Xherdan Shaqiri i cili nuk i kursen edhe “kërcënimet” ndaj skuadrës së tij të re.
”Do luajmë sikur ndaj Manchester United, kemi edhe të njejtat synime si nga ai takim, të kalojmë tutje. Luajmë kundër Bayernit që është favorit por se edhe Bayerni mund të jetë Manchesteri i radhës” deklaroi Shaqiri para ndeshjes.

Bota Sot

[Nosh]

Baseli bën mrekullinë, shkëlqejnë Xhaka e Shaqiri

Prishtinë, (Kosovapress) 22 Shkurt 2012 23:47

Baseli ka bërë mrekullinë e radhës duke e mposhtur gjigantin gjerman, Bayer Munich prej 1:0, të mërkurën mbrëma në Basel në ndeshjen e parë të 1/8 se finales së Ligës së Kampionëve të mërkurën mbrëma në Basel.

Ka qenë rezervisti Stocker, i cili në minutën e 86-të solli gëzimin e madhe skuadrës zvicerane duke shënuar golin e fitores.
Dy yjet kosovar që militojnë në skuadrën zvicerane, Granit Xhaka dhe Xherdan Shaqiri kanë shfaqur lojë mjaft të mirë, sidomos Xhaka, ishte padyshim njëri ndër lojtarët më të mirë të kësaj mbrëmje. Ndërkaq për Shaqirin, ky takim ishte i veçantë për faktin se ai pak ditë më parë firmos kontratë katërvjeçare pikërisht më Bayern Munich, dhe gjithsesi se përballja më skuadrën e tij të ardhshme ishte emocionuese. Xhaka e Shaqiri dëshmuan në këtë sfide të madh se kanë të ardhme të ndritshme, sepse statistikat gjatë kësaj ndeshje dëshmojnë se dy yjet kosovar janë në rrugë të mirë të prekin majat e futbollit evropian.
Ballafaqimi në mes Baselit dhe Bayernit ka dhënë lojë të bukur dhe më shumë raste për gola. Në pjesën e parë të lojës, ishin mysafirët që më shumë kishin posedimin e topit, por rastet më të mira për gola i kishin vendësit, të cilët nëpërmjet Freit, Shaqirit dhe Dragoviq kanë mundur të kalojnë në epërsi, por në dy raste shtylla shpëtoi portën e skuadrës gjermane, kurse goditja e Shaqirit përfundoi në duart e portierit Neuer. Ndërkohë, në fraksionin e dytë të lojës, mysafirët patën raste të mira për gol, por ishte portieri i Baselit, Sommer, i cili më intervenimet e tij ishte njeriu i kësaj mbrëmje duke shpëtuar disa portën e vet. Dhe kur nuk shënon, atëherë e pëson. Kështu nga një aksion i nikoqirëve Stocker i aktivizuar pak minuta më parë në lojë mposhte portierin Nuer dhe i siguron fitoren ekipit të Baselit, që është edhe fitore historike për ekipin zviceran. Skuadra zvicerane më këtë fitore do ta pres më qete sfidën e kthimit që luhet më “Alianz Arena”.
Ndërkaq sfida tjetër e së mërkurës mbrëma në mes Marseille dhe Interit, i ka takuar skuadrës franceze duke fituar minimalisht prej 1:0. Ayeë (90), ka shënuar golin e fitores për Marseille.

[Nosh]

Flamujt shqiptarë ‘pushtojnë’ stërvitjet e kombëtares zvicerane


28 Shkurt, 2012 | Postuar në: Sport | Shkruar nga: TemA Online
Share

Nesër, fansat e kombëtares zvicerane do të kenë rastin të shohin në Bernë edhe yllin më të madh të futbollit botëror të të sotmes, Messin.
Flamujt shqiptarë dhe ata të klubit italian, Napoli, mund të shiheshin në tribunat e stadiumit Neufeldstadion të Bernës dje pasdite. Sigurisht, adhuruesit e Shaqirit, Behramit, Xhakës, Xhemailit e Mehmedit po bënin punën e tyre, transmeton Albinfo
Lojtarët e kombëtares zvicerane, nën drejtimin e trajnerit Hitzfeld po bënin stërvitjet e tyre në prag të ndeshjes së nesërme kundër kombëtares së Argjentinës, shkruan blick.ch. Në stërvitje kanë qenë edhe lojtarët e përmendur shqiptarë.
Ndeshja testuese kundër Argjentinës luhet të mërkurën duke filluar nga ora 20.30 në Stade de Suisse Wankdorf. Atëherë, fansat e kombëtares zvicerane do të kenë rastin të shohin edhe yllin më të madh të futbollit botëror të të sotmes, Messin. Ndërsa me të dhe me argjentinasit e tjerë do t`i matin forcat lojtarët e përfaqësueses së Zvicrës.

[Nosh]

Hamdi Salihi vazhdon të mrekullojë Amerikën




Shkodrani shënoi në fitoren 3-1 në përballjen DC Junajtid-Çarlston
Hamdi Salihi konfirmon impaktin e jashtëzakonshëm në futbollin e Shteteve të Bashkuara të Amerikës. Sulmuesi i Kombëtares shqiptare ka realizuar edhe golin e dytë me DC Junajtid, në fitoren 3-1 që skuadra nga Uashingtoni ka arritur përballë Çarlston Bateri.
Me këtë fitore, DC Junajtid i mjaftuan vetëm dy ndeshje për të triumfuar në turneun “Carolina Challenge Cup”, ndërsa më parë ata kishin mposhtur Çikago Fajër, pikërisht me rrjetën e Salihit.
Kjo ishte hera e tretë radhazi që skuadra e Uashingtonit fiton aktivitetin, ndërsa trofeu ka një shije të veçantë për Salihin që e nis aventurën në mënyrën më të suksesshme të mundshme, me gola dhe kupë.
Në ndeshjen kundër Çarlston, “bomberi” kuqezi u aktivizua si zëvendësues në të 70-ën, megjithatë, atij i mjaftuan vetëm 17 minuta në fushë për ta dërguar topin në rrjetë, pas një aksioni fantastic të Volf.
Kjo ishte rrjeta e dytë në dy ndeshje me DC Junajtid për Salihin, që është shprehur mjaft I kënaqur për paraqitjen, duke nënvijëzuar se “realizimi i golave është detyra e tij, ndërsa ai po ambientohet gjithmonë e më tepër me skuadrën, ndërsa ekipi vazhdon të përmirësohet përpara startit të sezonit të ri”.

Bota Sot

[Nosh]

Karateistet e Kosovës fitojnë tetë medalje në “Swis Open 2012”

Prishtinë, (Kosovapress) 01 Mars 2012 16:15

Karateistët e Kosovës vazhdojnë të shkëlqejnë në garat ndërkombëtare.

Karateistët e vendit tonë në turneun ndërkombëtar “Swis Open 2012”, të mbajtur në Zvicrës, kanë fituar tetë medalje, katër të arta, tri të argjendta dhe një të bronzte. Krerët e Federatës së Karatesë se Kosovës (FKK), të enjten në një takim me media janë shprehur të kënaqur më rezultatet e arritura.
“Jemi të kënaqur më rezultatet që kanë arritur garuesit tonë në turneun ndërkombëtar ‘Swis Open 2012’. Tete medalje të fituar nga ky turne nuk janë pak. Këto rezultatet dëshmojnë punën që po bëhet në karatenë e Kosovës”, ka thënë kryetari i FKK-së, Fadil Arifi.
Gjithsesi se i kënaqur më rezultatet e garuesve të Kosovës në këtë turne të karakterit ndërkombëtar është shprehur edhe përzgjedhësi i përfaqësues së Kosovës, Ylber Syla.
“Natyrisht se jam i kënaqur më rezultatet që kanë arritur garuesit tonë në turneun e ‘Swis Open 2012’. Karateistët tonë treguan formë mjaft të mirë dhe jam i bindur se edhe në turnet e ardhshëm, karateistët tonë do të kthehen me medalje në Kosovë”, ka theksuar syla.
Afrim Latifi, Alvin Karaqi, Herolind Nishevci dhe Hekuran Sojeva, fituan medalje të artë, ndërsa Gresa Hyseni, Orges Arifi e Velerda Agani u stolisen më medalje të argjendte, kurse medalje të bronzte fitoj Alvin Karaqi.
Duhet cekur se në renditjen sipas shteteve pjesëmarrës të këtij turneu, Kosova zuri vendin e gjashtë. /Kosovapress/

[Gabriello]

Maradona: Nëse Pele është Bethoven, unë jam Bono Vox



Legjenda argjentinase e futbollit, Diego Maradona, ka vazhduar luftën e fjalëve me rivalin e tij të përbetuar, Pelen, duke thënë se ai duhet t’i ketë marrë barërat mëngjesit në mbrëmje, pas vetëkrahasimit të brazilianit me kompozitorin e madh Ludwig Van Bethoven.
“Nëse Pele mendon se ai është Bethoveni i futbollit, atëherë unë jam Roonnie Wood, Keith Richards dhe Bono i futbollit, sepse unë kam aq shumë pasion”.

“Pele ka thënë se ai është Bethoven i futbollit, por unë kurrë nuk kam dëgjuar ndonjë muzikë klasike gjatë një ndeshje, kështu që ju kam thënë më parë, sa herë ai e merr barnën e gabuar ai del me deklarata të çmendura. Pele ndoshta i mori barërat e mëngjesit në mbrëmje dhe kështu ai duhet t’i marrë barërat e duhura në kohë të duhur”, tha Maradona. /Telegrafi/